影片
港鐵旺角站 C3 出口, 步行約6分鐘
繼續閱讀
營業時間
星期一至五
15:00 - 22:00
星期六至日
14:00 - 22:00
以上資料只供參考, 請與餐廳確認詳情
食家推介
主要係為咗愛麗絲 afternoon tea 而嚟～嚟到先知呢度係女僕餐廳好特別嘅一次體驗 😄afternoon tea set 只係 $288，價錢算好平就算食物一般，當食吓 gimmick 都幾抵 😂（menu 嘅插圖畫得好夢幻同好少女 😍）四周有好多愛麗絲嘅精品不過雜亂 feel 多過主題感 😅女僕會問你邊隻係 dominant hand然後就住嚟擺放個茶壺初嘗女僕 cafe 嘅我哋即刻受寵若驚 😂另外仲有個鈴鈴係呼喚女僕用嘅，好害羞食物方面，味道就一般啦（都預咗）但係每樣嘢個賣相都同愛麗絲呢個主題有關相當之有 heart 👍🏻甜品全部都太甜，外型就八九十分嘅尤其是個小茶壺，甜到糖尿 🤣 但個樣真係好 cute！跟餐有份小禮物送返，包得好精美～
繼續閱讀
因為朋友很喜歡愛麗斯, 剛好在茶館FB專頁看到又推出了新系列的愛麗斯主題下午茶, 於是就打算在這裡幫朋友補祝生日~~當然事前保持神秘為了給朋友驚喜, 朋友咁O岩也在幾天後給我訊息說想要去~我那時沒給她反應, 因為怕自己不小心露出馬腳。係時間說說這個主題下午茶, 外表看來已經令人看得興奮, 手機也不斷為這下午茶拍下很多相片, 其實吃下午茶SET我不嬲都先著重外表是否吸引, 因為要拍照啊, 而且我在味道的接受能力都很高...介紹一下下午茶既內容啦~~2人份下午茶包括 :撲克人煙三文魚青瓜三文治巨型蘑菇煙肉蛋批This way That way 芝士司康吃了變大的Eat Me及兔先生的懷錶曲奇打小刺蝟球的紅鶴及6/10帽子馬卡龍貓貓紫薯慕斯蛋糕卷黑蝴蝶結的金髮愛麗絲伯爵茶慕斯餅逃走的小鎖匙與紅心皇后的脫色玫瑰小杯子蛋糕煙薰三文魚芝士芥末毛毛蟲先生泡芙花園裡唱片的玫瑰茶縮小藥水Drink Me瘋帽子先生的是日茶會紅茶整體味道我都覺得很不錯了, 算睇得又食得~ 我個人比較喜歡貓貓紫薯慕斯蛋糕卷, 入面有紫薯的肉肉, 很美味~金髮愛麗絲伯爵茶慕斯餅都食得出有茶味既, 蘑菇煙肉蛋批酥皮很香口, 我很喜歡~, 曲奇和馬卡龍造得好精緻~~完全不捨得吃~~真佩服廚師的手藝~
繼續閱讀
一行五人想搵個地方傾計食野，其中一個fd見到朋友起茶館影既靚相就建議話去。 旺角地鐵站行過去，可能唔太熟路既關係，大約用左15分鐘。 入到去發現茶館好「的骰」，好彩我地預早book左😳否則可能冇位坐😅本來想叫tea set試試，不過見到隔離枱既tea set+價錢..起晚餐時候叫似乎要一人食兩三個先夠飽😅所以都係叫幾個意粉+甜品+每人一杯飲品但因為得一個人煮，仲要每次煮一樣野...由我地落單到黎第一碟意粉應該等左一個鐘以上..大家都餓到細聲說不如食個m記再返黎😂然後我地用秒速...係瞬間就清左一碟意粉（其實一碟分五份都係一人一啖..食完一碟..一啖之後又係無盡既等待...Zzz...如是者loop左幾次..我地都起度諗，如果分開叫，一人一個餐會唔會望住另外四人逐個食😂😂實在唔會再encore 雖然店主好nice 都有同我地講唔好意思， 同埋聽到佢同客人既互動，問番唔同野食整成點，不過等既時間真係超過左我可以接受既範圍了Ps.茶館既位置附近係一啲色情場所（或者我地應該原路走），當晚食完大約9點幾，行番出旺角既沿途總覺得果個位置啲男性目光有啲令人不安，同友人都有點提心吊膽，連忙加快步伐🙈建議女孩子們想取景都係揀tea time去吧！
繼續閱讀
同朋友book左8點！其實位置都幾難搵同僻！入到去間鋪得一個店員要負責哂所有野！所以黎壺茶都要等半粒鐘！野食？等多幾個字啦下！我地點左個期間限定櫻花下午茶set！成set野根本可以用冇味黎形容！三文治d菜唔新鮮！菠菜撻冇味！個蛋卷就係去聖安娜買一條卷裝蛋卷冇分別！粒櫻花只係雪榚！粒透明似糯米糍既野又係冇味！其實中間仲有層食鬆餅既冇影相，d鬆餅硬到㕚都吉唔入！其實真係嬲嬲地！等咁耐！竟然係食d咁既野！
繼續閱讀
今日難得同幾個女仔朋友去食飯，當然想特別點，Openrice找旺角時找到這間cafe，覺得靚又特別，最重要相都吾錯喎，午餐下午茶相同食評都好，朋友對食要求吾高，咁我就訂左8點去食下…去到原來好細間都好驚訝，一張8人桌加二張2桌和吧桌。裝修以藍色為主，好英倫感覺，女仔勁like…餐牌同裝修都好配合，玫瑰花加入面有手繪圖畫對我黎講好少女喎…朋友黎到一定勁開心啦，食品不多但每款都有，如茶都勁多款，意粉，甜品之類…但散叫都每人一定要飲一杯飲品。晚餐牌有湯，沙律，意粉，飲品$148都吾覺貴，所以我地就叫2款2個黎食。本來想叫甜品，但食品質素真係吾好，朋友食拿坡里意粉係食完2口就吾食放係度。所以一問甜品即寧願去第二度。不用加一每人$148離開，大家都覺下午茶黎最好…飲下茶食件餅好點！～西蘭花湯和薯仔沙律：正常味，偏凍，沙律好味道好香薯仔味。拿坡里意粉：黎到香菇味，但冇汁，原來睇返餐牌仲要係蕃茄汁，朋友完全食左一口變面，意粉冇味又要冇汁（睇相都見到冇顏色的意粉），吾似炒過又淡，勁想叫佢比枝蕃茄醬比我地自己加。煙三文魚忌簾意粉：正常味道，汁好水，完全黏不到意粉。煙三文魚吾多，但煙三文魚本身質地味道不錯，但得一朵小花大細偏少分量，意粉都有口感，但整體係味道偏淡。紅茶：黎到會倒茶比你，講真器皿靚係加分，紅茶都分吾同地方同莊園，飲落係比出面茶包好味道同濃。我看返圖佢話可以回沖一次，但冇得再加就有點失望。
繼續閱讀