影片
港鐵金鐘站 F 出口, 步行約7分鐘
繼續閱讀
電話號碼
28208580
開飯介紹
主打罕有的精緻福建菜式，配上每個角落均別出心裁的佈置、森林系且雅緻的裝潢，以及採光度十足的大玻璃窗，從食物至環境都適合打卡。
繼續閱讀
營業時間
今日營業
12:00 - 15:00
18:00 - 22:00
星期一至日
12:00 - 15:00
18:00 - 22:00
*(午餐: 最後點餐時間為14:30） (晚餐: 最後點餐時間為21:30）
以上資料只供參考, 請與餐廳確認詳情
有關獎賞計劃
0 瀏覽
話說蕃薯Uncle又喺報紙雜誌度睇到幾篇專欄同時介紹新餐廳「茗悅」，金鐘香格里拉酒店主打福建菜，好似好high咁，所以就吹雞同大食會去試吓佢咩料。高級酒店華麗嘅餐室睇落好似一個大型嘅歐陸式客廳，相信冇乜人會估佢係食中菜嘅。年輕嘅服務生溫婉有禮，只係明顯經驗不足，面對住問題多多嘅XO仔每次都要問一問同事先答到。多人派對有長枱坐，兩、三口子就要坐偏矮嘅半梳化位。大部份嘅櫈係冇手柄位嘅，感覺唔係咁穩陣，個座位仲要凹咗落去，即使墊上咕𠱸都吊哂腳，好唔舒服，真係懷疑設計師自己有冇親身坐過！每位席上都擺有齊備嘅自用及公用餐具，企理衛生。埋位每人先有一杯清香淡雅嘅玫瑰茶以示歡迎光臨。據多頁茶牌所道，福建文化中茶比肉重要，因有解毒之效。故有別於一般中菜廳，茶錢並非以入座人數續位計，而係一人一壺咁叫，如應推介點嘅白牡丹就要$108/壺。有明火保熱嘅透明玻璃茶壺顏值就高，但值唔值依個價位呢？！小肥自認不懂品茶，所以絕對同意薯爺所講，百幾蚊飲壺唔識欣賞嘅茶，倒不如嘆返杯威士忌好過！網上訂座流程簡易，要注意一點嘅就係人多要俾訂金，而且部份菜式必先預訂。如果想自己帶酒，開瓶費為$800/樽標準裝紅、白、汽或清酒。多頁中英對照嘅餐牌及酒牌可於網上下載，招牌菜式均附配簡介及彩圖，非常詳盡。爺爺咁嘴刁，梗係一早諗定要食乜兼命令細佬訂埋啦！永春老醋海蜇凍（$88）：清涼柔韌嘅啫喱冷盤用咗魚膠同海蜇造出，酸酸甜甜中有個辣勁，開胃又醒神。香脆紫菜海蠣煎（$168）：迷你蠔餅好似點心咁細細件夠菂薂，加咗塊薄薄嘅紫菜包住雖則有提鮮嘅作用，無奈食落成口油，蠔仔量少兼唔夠肥嘟嘟，新穎嘅煮法似乎潮唔起！香酥脆蝦棗（$118）：炸到成粒糖形嘅蝦棗出面層腐皮看似比傳統版輕巧，敗筆在於油份過高，直令口感變得腍而不脆，個餡入面啲馬蹄同豬肉多過蝦蝦，食落係有馬蹄嘅爽脆但就欠缺咗蝦棗應有嘅爽彈，實有喧賓奪主之嫌，不如菜名索性改為「香酥脆馬蹄棗」方才貼切。閩南五香卷（$118）：同樣用腐皮包住嘅五香肉顯然冇咁油，個餡其實同之前蝦棗個差不多，都係爽脆嘅馬蹄最突出。廈門風味潤餅（$288）：傳統廈門菜式以錦盒呈上，睇頭十足！盒子中間為炒野菜，圍住嘅七彩食材包括炸米粉、海苔、豬肉鬆、花生糖、豬油渣、乾蔥、芫荽、鮮蝦；另配三色醬料為醬油、黃芥辣、辣椒醬；籠中為薄餅皮，歡迎貴客自選愛好嘅配料包出獨一無二嘅薄餅。DIY薄餅可以話完全唔合格呀，正唔正宗已經係其次，因為個薄皮餅又厚又韌，牙力勁到連碗都可以咬崩嘅S君直頭話咬到牙骹好似甩甩地咁，為牙骹健康著想根本冇需要作出無謂嘅挑戰！手工包心荔枝肉（$288）：酸酸甜甜嘅荔枝肉波波其實係用五花腩同馬蹄混出嘅豬肉丸，食落就好似「閩南五香卷」個餡搓成丸狀後炸出咁，請恕小弟直言，$288中嘅$170莫非就係手工錢？廈門薑母鴨（$588/半隻）：皮下脂肪唔多嘅薑母鴨最靚係層香潤軟滑嘅鴨皮，啲肉唔可以話嚡，只係唔夠鬆同軟熟，最奇怪就係用煲上竟然唔夠熱，大家都讚XO仔叻叻，只係叫咗半隻黎試。飄香紅鱘蟹米飯（$888）：用菲律賓膏蟹所蒸煮嘅糯米飯撈入咗蠔豉同蝦乾，油得黎味道偏咸，最弊係隻蟹好霉，唔得新鮮，完全唔掂當呀！豬油渣炒青瓜苗（$128）：青瓜苗係軟身啲嘅BB青瓜仔，食落有陣強烈嘅臭青味，唔知係咪青瓜苗嘅特徵呢？！散發著油膱味嘅豬油渣入口已經腍哂，毫不脆口，失敗透！家鄉海味炒線麵（$328）：炒線麵嘅麵條似米粉多過面線，當中嘅雜菜疑似「廈門風味潤餅」嗰錦盒入面攞出黎，物盡其用係好事，唯一玩尋寶遊戲都唔係好搵到啲海味，價格也未免標得太高了吧？！其實食咗咁多道餸已經知新店出品唔係咁啱自己口味，早就決定唔會嘥彈藥食甜品，不過長輩又講得幾有道理嘅，做事要有頭有尾，橫掂黎咗就一於試埋落去，所以點咗兩款推介甜品。嘻嘻，由於兩款金瓜手工芋泥（$68）及花生湯配油炸鬼手工黑麻糍（$68）均含果仁，小肥可以幸免，不過都影咗相相同讀者們分享。名牌五星級酒店新開嘅「茗悅」宣傳功夫做到足，無奈環境同食物都有個共通點，就係睇得唔打得！地方大同靚得黎椅櫈坐得唔舒適自在是為大忌也！以潮派手法烹調傳統福建菜餚係就係好有諗頭，不過問題在於廚師選材及基本廚功未到家，所謂全新創作均為阿茂結精，大食會各人一致裁定貴得冇道理，有人請都絕不回頭！
繼續閱讀
位於港島香格里拉酒店8樓的茗悅餐廳，以精緻閩南菜聞名。此次品嘗的套餐從閩南特色小食開始，香酥脆蝦棗外酥內彈，五香卷香料層次豐富，永春老醋海蜇凍酸甜開胃，展現了閩南小吃的精髓。主菜中，糟菜蒸海蟶子將海鮮的鮮甜與糟菜的咸香完美融合；焦糖洋蔥A4宮崎牛三角肉質柔嫩，焦糖的甜與牛肉的脂香相得益彰；蒸釀豆腐盒伴山蘇菜則體現了閩菜對豆腐料理的匠心。黑白麻醬拌面作為主食，麻醬香氣濃郁卻不膩口。最後的祝壽蟠桃造型別緻，為這場閩南風味之旅畫上甜美句點。整體而言，茗悅在傳統與創新間取得了巧妙平衡，是體驗高端閩菜的理想之選。
繼續閱讀
作為八大菜系之一的福建菜，係香港真的是被忽略的菜色，以前印象最深的，就只有土瓜灣及北角的小店，一碗套腸湯、一碗沙茶麵再加個燕肉餃或土筍凍便是一餐，直到上年三月，在深圳福田香格里拉，品嚐過廈門黑明餐廳主廚黑明師傅的手藝，親身體會到福建菜的底蘊，實在潛力無限。位於港島香格里拉的「茗悅」，相信是香港最具級數的福建菜餐廳。穿過翠綠盈然的甬道，令人彷彿置身花園中，餐廳四周以水墨畫作裝飾，繪上了花卉的牆壁，與香格里拉的風格不謀而合。餐廳外是露天泳池，在即將到來的暑假，到時想必氣氛熱鬧。餐前先由茶藝師送上一杯幽香的墨紅玫瑰花茶，在寧靜的環境中慢慢呷著，真寫意，其實茶位基本上都是$58左右，再想好一點就要茶藝師主理的手功茶了。朋友一早已打點了一切，打頭陣的是五款前菜。福州老酒醉蟶子選用紐西蘭蟶子，肉質爽彈，又帶輕盈的酒香。永春老醋海蜇凍驟眼看還以為是久違的土筍凍，其實內裡是海蜇，多了一份清爽的感覺，而且有好多未必接受得了應有的沙蟲，未嘗不是一個善意的改動。蟹粉蟹肉小金杯脆盞好有新加坡菜的氛圍，脆卜卜的金杯盞內是蟹肉、香菜及柚子，爽脆甜美，前菜中個人最喜歡的一道。閩南五香卷內裏是蘿蔔絲五花腩及馬蹄粒，當然一定有五香粉在內。百香漬金瓜很爽酸的口感，非常醒胃。廈門風味潤餅（$298）聽說這個潤餅，是福建當地的家庭菜，每家每戶過年時的應節食品，年前黑明師傅來港交流時教落，當日試過了即煮版本，今次由茗悅總廚Jack Lam師傅主理同樣精彩，九格中是豬腩片炒沙葛、蘿蔔絲及冬菇絲炒好了主要成份，再加以炸粉絲、芫茜、海苔、甜花生、乾蔥、鹹肉鬆、豬油渣及鮮蝦，再用薄餅卷好，拎上手食，過程充滿了儀式感。喜歡的，又可以塗上風味獨特的廈門辣椒醬、黃芥辣及甜黑醬油。帝王蟹肉魚肚羹（$188）很喜歡芡汁推得恰到好處，湯底以大量海鮮熬煮，與鮮甜蟹肉及魚肚絲完美結合，令人回味無窮。蒸釀豆腐盒拌山蘇菜（$238）山蘇菜是飛機貨由台灣空運，這道屬於素菜，挖空了豆腐內藏牛肝菌，多添了一份幽香，及層次感。閩式醬油水煮日本鮮魷（$428）原條上碟，沒絲毫的花巧賣弄，用醬油開水浸至七成熟，令肉質保持柔軟，蘸上了醬油的魷魚塊，用來佐酒一流。豬油渣炒山蘇菜（$128）意猶未盡，因為很少酒店中菜廳會用上豬油渣，相信大廚是力求保留原風味，即時加點一碟，炒出來色澤翠綠，油香滿溢，自己可以包攬一整碟真是毫無懸念。焦糖洋蔥汁燒A4和牛三角明明是福建菜，卻用上了A4和牛，以半熟的姿態呈現，很有與時代進步的感覺，尤其是蘸點焦糖洋蔥汁，令牛肉更惹味。此刻配上一杯Pinot Noir Barda Bodega Chacra Patagonia Argentina 2022，豐盈的果香，中度的丹寧，令肉質軟熟的口感真好。紅糟本地三黃雞（$328）起初還以為是咕嚕肉的同類，但色澤是更加艷麗，原來是加入了經常在處理海鮮時出現的紅酒糟，微酸的感覺，正好減低了油膩感。飄香紅鱘飯（$928）店方名物之一，以東北糯米作飯底，未煮之前先放入蟹糕及海味同炒，然後放上膏蟹及Homemade蟹油一齊蒸，蟹汁與飯粒完美契合，尤其是選用大大隻近一斤的菲律賓蟹，味道更加豐富，入口軟糯芳香，每口都是蟹膏的精華。甜品是芋泥冰豆花及開心果椰茸卷。芋泥有異於潮州菜的版本，因為實在太重口味了，今次加入馬蹄爽、哈密瓜及無花果，與豆冰花是又甜又芳香。至於椰茸卷，說穿了就是糯米糍的變奏，餡料換上了近年大熱的開心果，甜度啱啱好，不錯。很喜歡所有菜色都沒有多餘的擺設，基本上放在碟上所有食物都可以食落肚，毫不浪費，值得推介。地址 : 金鐘金鐘道88號太古廣場二座港島香格里拉酒店8樓電話 : 28208580味道 : 5 環境 : 5 服務 : 5 衛生 : 5 抵食 : 5 位置 : 5
繼續閱讀
中菜千變萬化，今次朋友介紹食福建菜果然別有一番風味😋🔸紅糟燒澳洲龍蝦🦞龍蝦可能食得多，以福建嘅紅糟烹調龍蝦則較少見😋🔸香酥脆蝦棗🦐外層金黃酥脆，入面剁碎嘅蝦肉濕潤彈牙😋🔸香煎鮮蝦芋頭餃🥟外形精緻嘅餃子上面有薄脆配以金箔點缀，餃子以蝦肉芋頭為餡，蝦肉結實帶芋頭香😋🔸永春老醋海蜇凍啫喱口感嘅海蜇凍，清新彈牙。🔸手工包心荔枝肉🟤豬肉包住荔枝肉，用咸甜嘅醬汁包裹住，好濃郁👍🏻🔸紅糟燒澳洲龍蝦🦞龍蝦炸得外脆內嫩，紅噹噹嘅紅糟❤️ 味道獨特但唔會搶過龍蝦嘅味道，兩者平衡得好好👍🏻🔸茶王煙燻脆皮雞🐓脆皮雞煙燻後散發淡淡茶香，雞皮好似薄脆咁脆卜卜，雞肉仲好嫩滑😋🔸福州山蘇菜🥬🔸泉州風味海鮮炆飯飯粒吸飽蝦肉、小貝柱嘅原汁原味，仲有脆脆櫻花蝦撈埋一齊食，脆脆口感又香口。🔸花生湯配油炸鬼，手工黑麻糍🔸芋泥冰豆花💜🔸蜂蜜石花凍除咗福建菜，呢度仲有唔同嘅茶可以品嘗，啱晒朋友聚會嘆美食，飲返兩杯靚茶😋🐾貓奴足跡🐾🌐茗悅 (金鐘)📍金鐘金鐘道88號太古廣場二座港島香格里拉酒店8樓
繼續閱讀
印象中好少專登去吃福建菜, 而我對福建菜的了解也不多. 多得朋友推介, 港島香格里拉的茗悅正正主打此菜系, 實在來得合時!甫坐下, 店員就送上迎賓茶 - 玫瑰花茶, 使來去匆匆的我, 喝一口好清香的花茶, 心情頓時平靜下來.茗悅的中國茶類共有18款, 例如白茶、綠茶、紅茶, 而我偏愛黑茶, 選老六堡($78/位)因為夠醇及甜. 熱熱的呼一口, 沉穩之餘又帶少少香甜, 很有層次, 更覺沒選錯~福建特色拼盤共五款小食, 店員說要按次序來吃, 令味道更佳~ 先介紹福州老酒醉蟶子, 是蟶子皇!! 酒味剛好, 蟶子半滑半爽, 配搭薄切青瓜, 酒汁誘人.永春老醋海蜇凍, 以花雕酒及紅酒醋泡製, 啫喱內的海蜇爽口帶甜, 層次豐富又開胃!蟹粉蟹肉小金杯, 賣相很可愛, 然而卻是 ‘小辣椒’! 辣中帶爽, 幾過癮的~閩南五香卷, 外脆內軟, 餡料是馬蹄粒、蘿蔔及五花腩, 油脂香口.百香漬金瓜, 以爽脆南瓜片卷成小花, 那種酸勁非常醒胃!廈門風味潤餅, 軟糯的薄餅皮包著紅蘿蔔、鮮蝦、豬油渣、花生、紫菜等食材, 本身已經好夠味, 若想吃得有風味, 以大葱作掃, 塗抹芥末醬/甜醬油/廈門辣椒醬. 非常貴氣! 帝王蟹肉魚肚羹用料十足! 以阿拉斯加蟹肉入餞綴以檸檬葉, 香氣獨特, 吃時不妨加少許醋提鮮.排列整齊、簡單地以香菜點綴, 就是這道醬油水煮大烏賊帶出的迷人之處. 墨魚煮至七成熟, 肉質嫩滑, 醬汁唔算濃味.不得了!!! 焦糖洋葱汁燒A4牛三角香氣四溢, 超級香口!!! 最特別是把桔仔汁唧在和牛上, 夾蔥及洋蔥絲同吃, 好正!!!紅糟本地三黃雞, 看似乾乾的外表, 實際是多汁嫩滑兼香甜. 紅紅的外表, 因為是用了紅酒糟, 看氣獨特~ 精釀豆腐盒拌山蘇菜, 這段美味菜式是內有乾坤! 豆腐內釀有紫菜及牛肝菌, 山蘇菜爽脆, 豆腐又夠軟滑, 全部食材配合得好好~來到重頭戲!!! 飄香红鱘飯! 大大隻菲律賓羔蟹, 多膏、香濃, 更用了甜度相比其他糯米高的圓糯米, 煙靭度與長糯米更是有所不同. 老六堡好好喝, 幾乎是由頭帶到尾~ 受朋友影響, 我也點了這杯cocktail, 主要是菠蘿、椰子味, sparkling之餘帶少少茶味, 幾特別.甜品是美美的芋泥冰豆花 , 一向都喜歡香滑綿密芋泥, 有馬蹄爽、哈密瓜、無花果. 冰豆花的軟硬度剛剛好~ 開心果椰蓉卷, 其實就是糯米糍, 開心果味不假, 皮也夠軟糯, 挺推介.也要一提, 餐廳裝潢帶微黃格調, 高尚有氣派, 無大桌亦有二人桌~
繼續閱讀