茜廊餐廳 (上水匯)

營業中

休息中

平日我們去上水，大多數都係去上水廣場搵嘢食！但今日我們就試吓去上水匯嗰度睇吓有咩好食？我們行咗幾層去到5樓見到呢間叫「茜廊」嘅餐廳做緊下午茶餐買一送一優惠，就連鐵板西冷牛扒都係買一送一，所以我們就決定入去下午茶！我們叫咗鐵板美國西冷牛扒時菜「黑椒汁」，首先嚟嘅係蒜蓉包同羅宋湯，蒜蓉包都幾酥脆惹味，但就略嫌切得相當薄身，如果切厚啲，口感就會好啲！至於個羅宋湯都幾惹味香濃，而且都幾夠辣！等咗一陣，個主角鐵板西冷牛扒終於到喇，「就咁睇」塊牛扒都幾大塊，最好重要係非常厚身，感覺份量十足，所以個賣相都幾吸引，肉質相當鬆軟多汁，塊牛扒整體大至上都好好，但就略嫌個黑椒汁嘅味道比較鹹，係呢點令到有啲啲扣咗分！

上水<茜廊>买1送1下午茶餐推广已有5年多，历久不衰。在此疫情下西餐厅$65~80/人均消费，价格仍然克己。菜单多年来更新又更新，但食物份量足，味道没走样，可以接受。

外賣自取用 匯豐信用卡優惠比咗錢，1001時收到短訊信用卡付款成功之後，之後先知被商戶即時取消訂單，收咗錢取消單都唔係做生意，真心未見過咁嘅餐廳，首先你取消張單都同我講聲啦，講都唔講取消咗，過咗十分鐘我再check返先發現，跟住仲要自己打返去信用卡公司嗰度，check下有冇扣到我錢， 一係寫明不接受訂單啦 ，都唔係做生意㗎，而我發現1017時先收到電郵取消訂單通知。

間唔中都會黎下茜廊食餐，好好食未算得上，但價錢幾經濟實惠。今日中午叫左個千層面，焗得好香既，d牛肉都好夠味，不過又真係比較heavy ，我食左三分二都覺得有d飽滯感，我建議叫左呢個真係唔使叫其他小食。

叫左一個all day breakfast, 一個魚柳炒蛋早餐，一杯凍檸茶，一杯熱奶茶，結果送錯左凍咖啡都算了，果份全日早餐，兩條細腸，兩塊肉，番茄加幾粒菇同一塊麵包，連蛋都無隻，咁就收$64！講明係巨型魚柳，雖然唔係細塊，但絕對唔係巨型，加隻炒蛋同一塊麵包，又係$64！做生意真係要講下良心啦！以後都唔會再幫襯！

今日行過上水滙，見到有抗疫優惠 ，$45外賣芭提雅原隻燒雞，就打算買隻黎試下，原隻雞用牛油紙包住入袋，返到黎啦仲有啲餘溫，牛油紙吸油， 所以隻雞冇油淋淋嘅感覺，個size比我預期中大，45蚊黎講算有驚喜， 原隻雞上，香草味唔算好濃， 雖然唔算得上嫩滑但係食落去都唔算乾， 雞皮啲顏色幾靚同香口， 仲有埋餐具膠刀仔同埋膠手套畀你，呢個位幾細心。如果有埋醬汁就更加好。係一個不過不失既加餸選擇。買返黎手撕食雞都算幾有風味！

聽朋友講由飲茶轉食西餐已經覺得伏，因為唔覺上水有好西餐，不出所料，雜扒差過茶記碟頭,又貴啲。pasta 除左劣唔識點形容，mussel又細又冇咩味。唯一會食多啖係焗豬，有芝士同蛋係面，茄醬都幾醒胃，但豬扒肉質一般。______________________________🏠茜廊餐廳📍上水石湖墟龍琛路48號上水匯5樓503號舖💵 HKD 70 per head‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾

打風暴雨可以考慮下依間餐廳，因爲因應唔同級別的颱風和暴雨情況，這餐廳提供了不同的堂食優惠，都幾有噱頭！我又唔記得影底又唔太記得實際折扣，所以都唔敢亂講，總之係以全單計7/8折咁咖，有興趣知嘅，可以搵日打風/紅雨/黑雨去食，去睇下😆不過呢……依間的午市套餐真係麻麻地，今日叫左個：意式茄子吞拿魚燴煙斗粉。一黎到，只係覺得係茄汁撈大版貝殼粉😑再找找，真係無茄子和吞拿魚咖wo. 同返個員工講，佢立即拿返入廚房，出返黎係多返少少野睇嘅，個員工交代左句：d野一放落去溶晒呀！🙄🙄味道當然一般般啦😑同埋佢嗰度好似唔係好夠員工做野，趕時間嘅朋友我唔建議你地前往😅

漏單，服務員態度差本身來是食早餐，坐低2分鐘後叫餐，等了半個鐘眼見一齊入來及剛入來的客人食物/飲品都到，之後向第一個服務員查詢，我地的食物仲未到人地已經食緊，服務員話：幫我地跟跟，之後收銀服務員走來說，唔好意思，5見左你張單，我現在幫你落過，加快做比你，為有係甘啦都等左半個鐘，5分鐘已過食物都係上左一半，做過早餐真係要甘耐？。。。我們再查詢，點知收銀服務員反問，你地叫左D 咩？？真係火都來，你地漏單，你幫我再入電腦追單但你問返個客。。。仲諗住推卸責任話唔係佢落單所以佢唔知（明明就見住佢係收銀按電腦入機）

今日近近地，坐火車去上水搵食。早左少少出門 。厡來11:30 仲有早餐食，就叫左雙拼湯麵早餐 $35元。炒蛋牛油多士 夠晒厚 炒蛋夠滑多汁(推薦)。麵可以選 羅宋湯通粉，出前一丁，米粉，通粉雞扒加豬柳漢堡扒羅宋湯通粉，羅宋湯酸酸地很開胃，通粉夠大粒有咬口，雞扒大大片，豬柳煎得夠金香。雞扒加五香肉丁出前一丁，外面茶記改出前一丁要加五元，這裏不用加錢還另上麻油，十分抵食，不過不知是否罐頭貴，只有三四粒，減了一些分數。

同朋友想近近地係上水搵間西餐食過聖誕 於是嚟左呢間茜廊 就咁望個menu好吸引ga 圖片只供參考 我叫左草莓雞扒米型意粉 首先上蒜茸包同餐湯 叫左白湯 蒜茸多士係脆同好食嘅 不過個湯就.....同佢個樣一樣重點嚟啦 草莓雞扒米型意粉 佢個擺碟完全fail 望落去好大pat粉 仲有其實草莓jam同雞扒係完全唔match ga 醎雞扒點甜嘅jam食 真心好奇怪 不過佢個米型意粉味道係ok 嘅 但一路食會覺得好悶 食極都仲有意粉咁嘅 上水我真係諗唔到有邊度可以食番個正常少少西餐 所以係度食左個頹嘅茶記西餐過聖誕

聖誕節，同老公去左上水茜廊食聖誕晚餐。餐牌有2人餐、4人餐，及晚市精選套餐。我點左七成熟美國安格斯極黑冰鮮西冷扒，配蒜蓉汁，餐湯加$10轉左酥皮湯，飲菊花雪梨蜜。塊扒厚身多肉，七成熟不太老，入口有口感，酥皮湯夠熱，菊花雪梨蜜好滋潤。老公點左香煎豚肉扒拼薯蓉大啡菇，飲忌廉湯，加$38有頭盤同甜品，幾抵食！頭盤係煙火腿雞肉蜜瓜卷，甜品係檸檬芝士蛋糕，$18轉特飲韓國人蔘蜜。豚肉扒沒有脂肪，啖啖肉，薯蓉比較多，但還是食到大啡菇味道。檸檬芝士太酸，唔岩我，老公鍾意食就ok🤣鍾意哩度食野，坐得舒服，出菜快👍🏻價錢ok

70蚊一個中式下午茶，雖然話有野飲有甜品，都可以做好d下麻。乾炒牛河係炒出黎既，個樣係亂既合理，不過d牛肉好難咬。羅宋湯雞扒湯意粉，拎到黎已經係亂到，求其到一個點，雞扒都唔係好食。最見得人應該係檸檬意米水，同埋薯條，專心做西餐吧。

早餐平平地過過黎食下，一些英式早餐價錢較貴，我就覺得唔太值。。。叫左二個餐：雞扒餐肉羅宋湯通粉，雞扒剛剛煎熱好好食，餐肉夠厚，羅宋湯味濃另一個漢堡扒餐肉米粉，不過不失，勝在夠淡唔油膩

茜廊這次與媽媽和妹妹到茜廊吃下午茶。在門外看到下午茶有買一送一的優惠，連西冷牛扒也有包括在內。下午茶的款式選擇很多，除了扒類以外，還有意粉、焗飯和甜品等選項。我們這次一行四個人，可以多點幾款不同菜式試試。👩‍👩‍👧‍👧西冷牛扒（七成熟）🥩由於大家都想吃牛扒，所以點了兩塊，分別是燒汁和蒜蓉汁。牛扒來的時候，已經聞到很香的味道。牛扒表面焦香，份量也很足夠。不過，切開來兩塊牛扒的生熟程度看起來不太一樣， 一塊較生，一塊較熟。儘管平價鋸扒的肉質都不能有太高期望。但是這次的表現算是很不錯，吃起來有點肉汁，有一丁點肉味，質感算是不錯。焗豬扒飯🐖🍚賣相很不錯，炒飯底，扒也很大塊。但一切開發現是雞扒，剪得香脆，但有點過老。炒飯香口，茄汁酸甜，味道不錯👍🏻肉醬焗薯角🥔這個薯角就沒有特別，味道也普通。薯角炸得過火，有點硬，甚至有條薯角炸至黑色。肉醬的味道正正常常，芝士份量也足夠，但整體就是很普通。兒童餐B👧🏻這個是點給妹妹的，內容很豐富，包含薯條、炸蝦、肉醬意粉和煙肉腸。外型是一架車的造型，還送了一杯卡通膠杯的橙汁。她說味道很不錯，我就未有嘗她的餐，外型和內容都有心思，有興趣的都可以一試。拖肥蛋糕🍰這是媽