茜麵(西口西麵)

營業中

休息中

一向對花甲心心眼 😍今日專登黎食土瓜環名物 多茜花甲粉初初以為無堂食 點知別有洞天😗一路食仲有種lunch 出去買完野食 返左學校食外賣嘅情懷🥲🥲 十分有趣味嘅體驗當然呢一切我相信係有原因㗎啦🥲🥲所以去到自己體驗下啦🙃叫左蒜香花甲米線，裏面已經有生菜豆卜金菇，仲要唔係小嗰隻）另外我再加送叫咗蘿蔔同埋煎鯪魚肉 ，花甲份量，大概有八隻左右 ？全部都係開晒冇沙，10分鮮味🤤 個湯，雖然冇大家講到咁誇張，但都係好正！我自己本身一般食芫荽，所以只叫左少少茜 ，啲茜令個湯更香更鮮 十分match🫶🏼但係我嫌個米線碎左d, 完全夾唔到😂 另外就叫咗個花雕雞扒薯粉呢個我可能因為加咗菜圃 所以食起嚟冇乜花雕味，但係啲菜圃就非常之香，令成碗湯好飲左勁多😍 呢碗我加左蠔仔🦪 份量絕對對得住加十蚊！而且唔係細細粒無咬口又林晒果種！勁正☺️雞扒都好入味 好似食極都仲有咁 🤪 最後叫左個一口和牛同煎腐皮卷 兩樣都係即叫即做， 熱辣辣勁惹味！腐皮卷炸得好脆，而和牛都係外脆內軟 🤤我見一路食都有好多人排隊😚 希望大家都繼續支持小店

【土瓜灣必食花甲粉/懷舊中式糖水 - 茜麵&甘露糖水🔥 】🤑合計人均：$40 - 80土瓜灣舊區要重建，係香港住咁耐真係未去過。撞正落大雨，但都食到2間超想試既餐廳，真係好幸福! 下次一定會再去行埋牛棚試埋其他正野😋🏠環境 ： 環境都係小店，都好乾淨企理。🍳食物：  茜麵(西口西麵)第一次食去到問係未有堂食，原來係隔離鋪拉開門就係，裡面係小學課室格局，老闆娘勁nice，俾咗order紙我地點餐後問我地姓咩寫返落order紙，下次去可以寫小學雞，好有俾miss叫名既feel🤣 呢到上菜都係用外賣餐具同碗，食完自己拎出門口個垃圾桶，都明人手有限要方便快捷。💥花雕雞扒湯配薯粉 $40 (8/10)湯濃薯粉彈牙，最正係雞扒處理成一細舊，一啖食得哂，味道好香口又juicy，推介👍💥蒜香花甲湯米線(*已包花甲、麵底、生菜、豆卜、金茹) $43 (9/10)上網睇可以寫多茜，我又試下，老細真係俾多D芫茜。識食一定飲啖湯先。好鮮甜好飲，呢個價錢無得輸，唔會因為賣得平就俾少D料，花甲每隻都開哂，大約6-8隻(掛住食唔記得數)仲要無沙，加菜脯超夾。最後我飲哂D湯就知咩料啦😎💥堅係和牛 $15/3粒個個都話

茜麵 😆 茜人名物😋這個是每一次來到土瓜灣都會特意過去吃的一間小食店！！小食店可以選擇堂食或外賣，堂食的環境不要期望太好，但是服務員親善有禮。每次吃這個都會要這個香辣花甲$43+粉絲對比起上一次吃，我覺得這一次口味更清淡更好吃！他們的花甲非常乾淨，沒有沙，而且份量十足！如果喜歡的可以點他們的小食！和牛和腐皮卷都很好吃🥹支持小店

今次我去咗一間小店食晏，真係食到好滿足！呢間餐廳嘅花甲米粉真係好出色，好似係咁嘅啵！首先，我試咗啲花甲米粉。佢哋嘅米粉煮得好啱啱好，唔會太軟或太硬，而啲花甲都好新鮮，帶啲微微嘅甜味同埋鮮味。啲汁汁都好醇厚，有少少辣椒味，令人食完之後口感係好舒服。其次，我試咗佢哋嘅雲吞同埋雞扒做餸。雲吞皮薄餡多，雞扒幾嫩滑，真係好好食。而且佢哋嘅醬汁都好合胃口，唔會太濃或太淡。最後，我試咗佢哋嘅魚皮。呢個菜式真係好特別，魚皮煮得好脆身，帶啲微微嘅甜味，而啲汁汁都好香濃。我真係好鍾意呢個菜式，幾好味！總括而言，我覺得呢間小店嘅花甲米粉真係好出色，其他嘅菜式都好好食，而且價錢都好實惠。

隱世的花甲米粉店！！因為親人介紹這間的花甲非常鮮甜，而且花甲平日在家要自己處理很麻煩而且也很難弄得好吃。這間小店吃過後你不會再嘗試自己煮😂因為太惹味及性價比高了！一試難忘！吃完第二天再來吃多一次花甲沒有沙，湯底濃郁配合米粉吃完全是完美碗搭！非常鮮甜，雖然差啲餐廳的環境不是太好，但是絕對是讓人感覺吃過返尋味！

我好鍾意呢間麵店啊！佢嘅麵條好好味㗎，啖啖都令人垂涎三尺🤤。雖然份量唔算太多，但價錢非常合理啊💰。而且，餐廳嘅員工好友善，熱情地招呼我嚟食飯👍。我都嚟過好多次啦，而家好開心佢哋係土瓜灣開分店啦！🎉佢哋嘅招牌醬油麵好過癮，麵條彈牙，配上幾啲蔬菜同煮熟嘅雞肉，真係好好食㗎！另外，佢哋嘅湯麵都好好味，啲湯底濃郁，令人一飲而盡🍜。食晚餐嘅時候，要記得試佢哋嘅炒麵同炒飯，都超級好味㗎！😋總括而言，呢間麵店係我嘅最愛之一啦！食物好味，價錢合理，員工友善，位置又方便，真係一間值得推介嘅餐廳。下次再嚟嘅時候，我一定會再食返啲麵同埋炒飯啦！🍽️💯

係朋友推介下認識左呢間咁有愛心既小店。呢到出名既係花甲粉面，餸料方面好似車仔面咁自己選配自己喜歡既，我酷愛雲吞同蠔仔最近店家新增左香煎魚肉，魚肉煎香左好香好好食，好有小時後媽媽做飯既味道❤️❤️❤️❤️❤️仲有新既麻辣湯。加上店家自製既辣油，份外好吃！配以芫茜，加上大量花甲，味道十份鮮甜❤️❤️我喜歡加上粉絲，夠哂索湯，好入味係坊間小見既小店價錢由$40幾起計，餸菜另計但整體都係好抵食❤️❤️❤️❤️小吃：和牛粒家人蒜香花甲麻辣湯

今日同事帶我嚟土瓜灣食茜麵呢間早早就收藏係我個想食list度，終於可以試到嚟到已經好多人買緊外賣原來仲可以預先WhatsApp 落單，咁行到過嚟就拎得睇吓十大人氣配料～我揀咗蒜香花甲湯，跟介花鮮魷可惜今日冇就轉咗人氣之一嘅蠔仔難得嚟到決定等堂食～等咗大約十五分鐘就入座花甲湯鮮美細膩，蒜味好香花甲同蠔仔食落新鮮爽滑豆腐卜咬落每口都是湯汁菜脯微辣爽口加配咗炸魚皮食落酥脆，浸湯食一流～同事點的滿滿芫茜，啱哂芫茜愛好者整體味覺不錯，食得出店主用心烹調值得支持的小店～

呢個茜麵好犀利 好味到我成日瞓瞓下都想去食🥹🥹（真心的💖💖）我唔明點解可以咁crazy🥹🥹🥹🥹🥹以下係我食左3️⃣次嘅綜合食評 唔分咁多次啦🥰.第2次去：爆茜 蒜香花甲湯 碗米線👅9/10 $41粗略統計有14粒花甲🤣 （我太無聊） 啲花甲冇咩沙 呢點真係要讚👍🏻👍🏻碗野本身有豆卜 金菇 同生菜🥬💖 勁足料‼️碗湯仲要好鮮甜 就你飲幾啖湯 你之後都唔會口渴😍 我睇報導話係用新鮮花甲煲出黎嘅湯 少癲🥹🥹仲有就係好重蒜香 加左芫荽仲香必個個都中意蒜味/ 芫荽 但身為芫荽同蒜味嘅愛好者🤣 我真係想講 好好食呀大佬🥹🥹啲芫荽多到好似唔洗錢咁真心正😂😂😂（可以揀爆茜）👍🏻.第3次去:蒜蓉雞扒湯 碗薯粉 👅9.5/10 $38好痴線呀大佬 雞扒切好比你 勁貼心 一啖一舊方便到呢😂 仲要多到傻左🥹🥹 食都食唔曬（我餸都冇加） 佢本來就有豆卜生菜金菇 連埋雞扒真係冇得頂🥹🥹 份量多 又香喎🐓 極推薯粉 索曬個湯底💖💖 吸收曬日月精華？？！！😂😂👍🏻👍🏻.以下呢啲小食係我第一次去嘅時候食嘅：.炸花枝丸 👅8/10 $12@3粒呢個好好食 就正正常常 冇話好特別 但真係好食嘅🙆🏻‍♀️😍.炸八爪魚卷 👅8.5/1

對上一次幫襯係上年 12 月 （旨意我幫襯就死得啦 😅😅😅）早排多數都喺公司簡單煮或附近買晏，今日突然諗起茜麵，同事又有興趣就即刻落單 🤭🤭比起對上嗰次幫襯而家多咗 3 款湯底，其實佢個蒜香花甲堅係好食，不過食完夜晚會比人投訴 👉👈 所以試咗個花雕雞扒薯粉。一開個碗蓋見到滿滿的，試啖湯好清甜，雞扒一啲都唔孤寒，薯粉放底吸晒啲湯好入味。另加咗蘿白好清甜，但食到底可能雞扒浸耐咗同有菜脯，啲湯比較咸，但都差唔多比我飲晒 🙈🙈🙈希望下次諗起佢唔駛再隔成年啦 🤣🤣🤣

唔愛蔥，因為有陣草味🍃但卻愛極芫茜！一直都期待試呢間芫茜麵咁岩果日去土瓜灣搵朋友，即刻諗起《西口西麵》其實店名都真係幾緊要，佢既名順耳得黎仲好植入式🤯～香辣花甲湯$41～本身入面包：花甲、麵底、生菜、豆卜、金菇我再+蘿白$6，鮮蝦雲吞$9多菜脯&芫茜·麵底我選粉絲，雖然本身外賣分湯，但食果陣我都食左幾耐下（因為太大碗），粉絲吸哂味但唔會吸哂水·外賣影相個樣唔靚，但真係爆哂茜，仲要唔使加錢，讚💯·個香辣湯底不得了！我本身好驚辣會破壞左碗湯既鮮甜，但我朋友話堅正（佢平時食BBBB辣），好！我信你！果然冇信錯⋯佢果種係會食上癮既👉👈·花甲唔算超鮮甜，但勝在冇沙，同量多，我諗冇10粒都20粒，簡直以本傷人囉🤣·佢既份量令我失預算，我本身仲驚唔飽，但食到一半已經飽飽地，要慢慢吹水慢慢食先食哂·鮮蝦雲吞一般貨色，唔使專登食·反之蘿白呈半透狀，望落已經索哂味，仲要甜喎題外話❗️間舖可以WhatsApp 落單，講明幾點拎，店主夫婦仲好nice

睇完Mill MILK同餓底介紹就bookmark咗呢間土瓜灣名物，因為好少嚟呢邊所以一直未有機會嚟試下。咁啱要嚟呢邊攞啲嘢順便嚟食晏。Weekend一點嚟到，前面有幾張枱等咗十幾分鐘就有位。每碗花甲粉係即叫即煮所以等咗陣先有得食。好彩之前有上openrice做功課，見有個食評話如果想食多芫茜，要喺落單紙寫多芫茜。結果真係好多芫茜，身為芫茜控好滿意唔知下次寫爆茜，座芫茜山會唔會再高啲呢？香辣花甲粉除咗主角花甲，本身已有三款吸湯力高嘅配菜，分別係金菇、豆卜同生菜。麵底揀粉絲，吸晒鮮甜帶少辣嘅湯，好好味花甲雖然唔大隻，但洗得乾淨完全無沙而且好鮮甜小食選擇都唔少，其中以堅係和牛串最吸引我！和牛串燒得好香，一咬落去成口充滿牛油香$15一串三粒和牛真係性價比超高！下次嚟要食多幾串腐皮卷表面脆卜卜，餡料都幾多，好好味總括嚟講，除咗花甲粉好味，小食都好高質只係堂食環境一般，堂食舖位無冷氣只有風扇…… 雖然係咁，我都會再嚟幫襯，因為真係好味

就咁睇佢地個鋪名，夠晒寸寸貢，又經常人頭湧湧。難得路經土瓜灣，點都要黎慕名一試。先填好表揀食物，就可以到旁邊店坐低等待。蒜香花甲湯粉絲唔食辣必叫之選，花甲超多而且十分乾淨無沙，湯底鮮甜無比，粉絲索晒湯汁一流，仲要頗多，食到一半已開有啲飽。另外仲可以多茜多菜甫多辣椒等，茜迷不可錯過。魔鬼雞扒湯粉絲朋友係辣精，有要埋秘製辣油，但都表示唔多夠辣。試左一舊雞扒同少少湯，覺得辣度稍為溫和，如果有得揀辣度更好。

土瓜灣其實不算多車仔麵選擇，就算有，都是一般，而且感覺欠誠意。茜麵愈來愈多人推介，當然要去一試，一到星期六，真係多人，所以一係要12點到，否則就過了食晏時間，例如3點後。我喜歡芫荽，茜麵可以滿足到，要求好多都得架。另一款出名的，係花甲湯底，超鮮味，朋友對和牛串讚不絕口，想不到小店都有這水準，夠肉汁。喜歡的，不只是食物質素，而是由一班年輕人主理，滿有誠意的招呼，而且對食物有要求，希望客人食得開心，這才是香港人的專屬小店，一定要支持。

難得去開土瓜灣，梗係搵吓附近有咩推介嘅💛店。喺OpenRice發現以前喺銀漢街食開嘅開利車仔麵已經易左手💔同新老闆傾開，先至知原來開利老闆想照顧小朋友，所以先退落嚟，換咗做呢間茜口茜麵，作為芫茜控嘅我當然都要試吓啦！本身以為花甲粉一定係辣，點知原來有蒜香花甲粉。個湯有花甲嘅鮮味同蒜香，但當然都一定有多少味精，食落花甲湯同粉絲都好夾。花甲size雖然比較細，但都有13~14隻。招呼都算唔錯，老闆娘見我第一次嚟，好貼心咁叫我攞張紙用嚟墊花甲嘅殼。