茶井奶蓋專門

營業中

休息中

經過就見到這間奶蓋外賣專門店，裝修很時尚呢~服務員的態度很好，十分有禮貌這次點了季節限定的「芝士皇芒」$36，大概等了5分鐘就有了~超快的~芒果沙冰十分甜，很有鮮芒果味，不像是外面加味精的那種呢!配合咸甜合適中的芝士真的好正呢~

平時經常會幫襯各不同的飲品店，很經常多會見到火龍果奶蓋、士多啤梨奶蓋、芒果奶蓋…但很少會見到西柚奶蓋~黎到呢度發現有西柚奶蓋的我，真的十分興奮，因為我一直都西柚的忠實粉絲~ 開頭睇到時驚這個西柚奶蓋會太甜唔好飲or太膩，但真心想試，索性叫咗西柚奶蓋少甜，真的太好味了，好清爽的感覺，而且有一陣陣淡淡的清茶香味，如果俾分，我俾101分😂😂如果每日都可以飲到一杯西柚奶蓋，我可以開心成年。推薦俾唔抗拒西柚的苦澀味同鐘意西柚的人💕

這間是上次去長沙灣時已經bookmark 了的飲品店，但上次時間有點趕沒有去到，這次因為要到附近工作，所以便走去嘗一嘗。喜歡喝茶的我主攻嘗試茶類，上網看大家對黃金桂花和黑烏龍都大部分都一致好評，而我比較偏好清香的桂花味，所以這次先試桂花😁 這杯我點了去冰微糖，中杯是$30，大杯是$34，因為天氣熱的關係加上走回地鐵站有一段路程，所以果斷要了大杯🤣沒有等多久我的飲料來了。芝士奶蓋的份量也挺多，不會太鹹的芝士我挺喜歡😋 茶味不算濃，但還是喝到有淡淡的桂花味。為了芝士奶蓋，我會再去這一間喝😆不過下次會試試應該比較濃味的黑烏龍再比較比較🤣

30幾度高溫，喺街等錶位等咗半個鐘，又熱又口渴之際見到有人揸住呢間野嘅杯行過，於是去試下。很濃厚的芝士奶味，烏龍茶味亦很香濃，服務態度很好，下次經過這裏還會再幫襯。

今日帶大家來到長沙灣的一家飲品及茶舖——茶井試了多款奶蓋，熱賣既兩款係1. 茶井芝士黑烏龍 同2. 芝士黃金桂。呢兩隻都係中國茶，配厚厚的奶蓋，味道恰到好處，而且主要是奶蓋真的很厚很厚，超級美味👍🏻👍🏻👍🏻👍🏻👍🏻3. 高山初露水果茶，裡面有厚切水果，清涼可口，飲得食得，怕肥的女生最佳選擇👍🏻👍🏻👍🏻👍🏻4. 芝士皇芒——足料沙冰，完全用新鮮芒果打制，每一杯用一個芒果，真係足料👍🏻👍🏻👍🏻👍🏻👍🏻5. 珍珠黑糖鮮奶——暖飲，珍珠彈牙，味道適當👍🏻👍🏻👍🏻6. 正宗宇治抹茶———日本抹茶，暖飲，適合喜歡抹茶的朋友👍🏻👍🏻👍🏻👍🏻P.s 買6杯送一杯指定飲品,街坊有外賣服務👍🏻

店員服務態度很好！熱情地照待，真令人感到溫暖。奶蓋茶甜而不膩，芝士香而不會掩蓋茶味，清新香甜💕一定要試！！！期待茶井繼續推廣其他新口味💕，到時候一定不可以錯過！！！！！

起附近等食飯之際就發現呢間新茶飲店 一去到店員一一介紹d野飲 最正係有得試飲👍👍 雖然只係限得既隻有得試飲但飲品真唔錯 我好鍾意喜茶既奶蓋 呢間店奶蓋都好正 好夠鹹香 好厚 因為我叫左中杯 所以d奶蓋真係佔左好多 飲左好幾啖都未飲到茶🥴 個人覺得奶蓋同茶質素好 不過個比例可能要捉緊d 另外 叫左芒果奶蓋 去到店時聞到勁香芒果味 亦見店員正切緊一大堆芒果 所以就點左呢杯野 不過飲落芒果味好淡 我覺得如果芒果比例多d真係會好飲好多 🙂 但驚喜位係杯芒果沙冰我飲到有茶味 唔知係咪有加茶一起打杯野飲 但好有surprise ✨餐牌上無寫可以少甜 所以我以為d野飲係無額外添加糖 直至我見到店員倒d糖漿落去 問店員發現原來可以叫少甜💦 如果menu上面有寫可以有幾種甜度既選擇就好 最後真係想讚店員d服務態度 而家真係好難搵到店員會好有耐性介紹最適合你既飲品 feel到佢地對自己野飲既passion 希望你地繼續加油 💪

天氣勁熱，lunch time 經過見到間新開嘅台式飲品店，膽粗粗試下，因為平時其實都係飲開喜_。店員見我未決定好飲咩，都問下我平時喜好而介紹我飲邊款野飲。經店員一番介紹之後，最後都決定飲呢杯招牌芝士黑烏龍。頭一啖飲到啖芝士，完全有驚喜好香，好特別！再傾斜少少飲埋d黑烏龍，真係同店員介紹一樣，有啲似咖啡味。。。真係估唔到2樣野係夾到，仲要會似咖啡。香港連鎖飲料店實在太多，有heart嘅店越來越少。。。得閒經過幫襯下有heart嘅本土小店支持一班年輕人support!!!!

喺荔枝角返工炎炎夏日食完lunch真係好需要一杯凍飲🍹呢間開左唔係好耐嘅台式飲品店見冇咩人排隊就買杯試下 呢間主打應該係類似喜茶嘅芝士奶蓋系列🧀不過剛食飽想飲d清d嘅果茶類🍎見水果茶有兩款包括【特級水果四季春】&【高山初露水果茶】職員好耐心詳細解答前者四季春茶味重d後者就果味會突出d最後揀左茶味香d嘅水果四季春(少甜)🍵飲落茶味反而冇想像中咁突出但果味好清新同香甜有d驚喜味道可妣美一芳水果茶（因為住黃大仙有間一芳成日都飲）不過如果茶味再香濃會更好！呢間絕對會再幫襯！下次再試下芝士奶蓋先！順便支持下小店💪🏻

昨日，係深水埗行完黃金，第一次係深水埗蕩失路，唔知行左去長沙灣定荔枝角，老婆即時炸型，又熱又出曬汗，經過街角，有間台式飲品店，茶井，即時買杯俾老婆下下火。本身我就唔太多飲台式野，一黎連鎖大間要排好耐隊，二黎台式野黎黎去去咪又係嗰幾款野新意不大，每次都係痴老婆幾啖就算。今次經過呢間獨立小店見佢新簇簇，應該開左唔耐，問過老闆先知開左一個月左右。我地一人嗌左一杯，老婆嗌左高山初露水果茶，而我就叫左我飲開既芝士奶蓋，但佢芝士奶蓋有好多種，老闆推薦我飲黑烏龍。老婆話水果茶同x芳有得比，我都試左一啖，好清新，水果味好出，但又唔會蓋過本身茶味，就算無叫少甜，佢都唔會太甜，水果量亦都好足，值得一試。芝士黑烏龍，芝士奶蓋做得幾厚，芝士味亦都好濃郁，而且好滑。因為本身我好怕黑烏龍茶太苦澀，但經老闆一推薦之下話唔苦好有茶味，老闆果然無講大話，茶味雖然濃厚，但一啲都唔苦澀，當茶滑落喉嚨之後，口腔仲留有茶既回甘同餘香，而且條脷一啲都唔鞋，上品也。飲品價錢比出面連鎖店稍平，希望香港會有更多呢類型既小店生存到，有機會一定會再黎幫襯

自從係公司樓下開左間台式飲料 都有幫襯呢間既奶蓋茶 飲過黃金桂花奶蓋之後返唔到轉頭 日日經過都好想買！會上癮🤤(但都禁得住自己 2日先買一次🤣)然後近日發現出了新的黑糖珍奶 決定試試佢！🤩真心高質的黑糖珍奶！我叫了少甜 出來味道剛好不會太甜(之前去飲動物堂的 甜度不可改 甜得不要不要的😭) 牛奶味沒有被蓋過 配上黑糖又香又醇 正！珍珠亦是我喜歡的口感 煙韌有咬口 黑糖味濃小店來說 質素是出乎預料的好 亦好欣賞店員們既認真同友善態度 睇得出好重視客人既意思同口味 期待推出更多不同產品😚🥳

一向都有飲開芝士奶蓋茶，對芝士奶蓋茶都幾高要求🧐暫時香港飲到好飲嘅唔多，茶井嘅芝士夠濃、夠滑。桂花味好香，不過唔鐘意飲甜嘅朋友建議飲少甜❗️❗️個人覺得冰嘅份量剛好👍🏻佔一杯大約五分一，天氣熱驚啲冰好快溶會溝淡左芝士，又唔會溝淡杯茶，本身芝士夠濃，所以唔洗怕溝淡呢個問題😉店員非常健談，並且耐心介紹。本來產品質素已經不錯👍🏻不過店員依然非常謙虛問我有咩意見可以比佢地改善🤝覺得呢間舖都幾有heart👍🏻支持小店

第一次試「奶蓋」，味道唔錯，唔會好漏，但又飲到芝士味，正！超中意佢個桂花茶，茶底好清，唔苦澀，加埋奶蓋，冇諗過會咁夾（原本都以為會好伏，好難飲）意想不到的味道，成日飲開珍珠奶茶，飲到悶悶地，呢個好值得試👍🏻👍🏻

經過長沙灣，見到呢間奶蓋茶品店似乎係新開，因為上星期到深圳也喝過奶蓋茶，覺得挺好喝，但排隊等候了二小時，見這裏似乎不用久等便試一試，這裏的店員態度很好熱心的介紹產品特色和味道，然後我點了一杯奶蓋西瓜沙冰，和芝士黃金桂花，他的奶蓋做得很出色，味道一點也不遜色於內地知名品牌的奶蓋茶，咸咸香香，也喝到芝士味，沙冰也很重西瓜味，很解渴，黃金桂花也很清香茶味不算濃！或者選擇烏龍茶會較濃一點，店員還講解了只要買六杯有外送服務！可以一試

食完晏經過發現有間飲品店，店舖新裝修，睇左memu 選擇既飲品唔算太多，店員熱情推介左芝士阿里山初露，我膽粗粗買左杯飲（因為唔係咁鍾意食芝士）估唔到芝士香濃又好易入口，茶味又香，兩者好夾，真係意想不到既好飲👍🏻😋另外手作香芋鮮奶都用料十足，唔太甜，超好飲👍🏻😋飲完可以唔使食lunch ，因為飲完都幾飽😆店員健談有禮，飲品即叫即做，我個人覺得比大間連鎖店好飲，值得一試再試既飲品店👍🏻😋