茶伴

營業中

休息中

超可愛嘅茶飲杯 仲有唔同應援活動如果健康啲可以飲特級阿薩姆紅茶+愛玉或者烏龍+仙草店舖仲有鮮奶奶茶系列同沙冰飲品除咗芝士奶蓋仲可以加Oreo奶蓋！！配料選擇都幾多 大家可以試吓☝🏻

叫左杯大杯黑糖珍珠厚鮮奶，珍珠好有咬口，黑糖好夠味，奶蓋鹹鹹地幾好飲，新杯仲好靚，聽聞係揾插畫師設計，而且少有地奶類飲品可以揀走冰，完全唔似其他人講既咁差😂😂

都唔知點解咁貴咁難飲都會覺得有人幫襯，試過一次真係bye bye ，啲珍珠好似車呔，又硬又難食，茶又無茶味，應該水多過茶，又細杯，都唔知自己飲緊咩，最尾成杯掉左無飲😖

天氣咁凍，專登入去買杯熱飲暖下個身，Order嗰陣時專登講明要熱啲點知攞嘢飲嗰陣，唔熱不特止，暖都稱唔上最唔好飲就係呢啲溫度嘅嘢飲一係好熱，一係冰凍，兩者都不是仲要$38 我要微糖，佢又話冇，只有半糖下次唔會再幫襯了。

附近公司買tea, 近近地就揀呢間試下買左3杯凍飲1杯熱飲……第一次向香港飲到咁難飲嘅奶茶，我個杯oreo奶蓋黑糖仙草奶茶，冇oreo, 亦都冇奶蓋，奶茶入面亦都冇呢兩個味……全部款式奶茶都係水汪汪，落埋半糖，出嚟就係冇咩茶味，冇咩奶味，同冇咩甜味嘅野飲，似大陸街邊雜牌4-5蚊個啲手搖奶茶。 仲要買4杯每個人都話難飲，用熊貓落單自取，冇袋俾，又冇現金，唯有用手拎……完全係做一次性生意水遊客，忍唔住上黎差評佢，真係唔洗指意有下次。

以為google map4.2分，openrice亦有不少好評, 意想不到出乎意料的差！懷疑當中有不少係寫手！我明明是叫熱香桃烏龍茶, 點餐的時候已經表明熱的程度, 但比我一杯室溫凍飲, 當向職員反映意見, 職員態度惡劣, 竟然回應你已經飲咗喎！完全冇意欲換個杯畀我！我心諗我冇飲過點會知道嗰杯嘢係凍嘅！而且味道算是難飲, 茶味苦澀,蜜桃味似香精, 仲要買$3X一杯, 咁嘅價錢, 咁嘅質素, 以後一定不幫襯！總括真的非常伏！

白桃烏龍茶，叫咗熱嘅，杯嘢幾好飲，桃味茶味都平均，店員有主動問使唔使少甜，好親切， 好彩佢有問，因為熱嘅就算少甜咗都好似比凍飲甜啲啲，整體覺得唔錯，我會再幫襯㗎！仲有……你手字好靚

回港後黎到尖沙咀比以前少咗啲遊客感覺尖沙咀無之前咁旺於是同老婆行行街行到去一間細細間既台式飲品店見門面幾靚於是乎就試下啦見到店員都好後生好靚女更加令我確定你呢一間買嘢飲嘅衝動我地叫左個經典珍珠奶茶個包裝都幾靚飲落去茶味都幾出撞出黎既味道都幾match加上啲珍珠比外面其他連鎖飲品店都更彈牙不錯不錯不過有一點有就更prefect啦就係有吧枱，加埋吧櫈比我地坐坐就好啦因為我地都有小朋友飲完先走就更prefect啦

Been to this place so many times but never been this DISAPPOINTED! but today when we went there, first there was no one at the counter had to wait and call the staff. We ordered a hot drink but the staff told us we ordered the cold one and refused to either change it or give a refund rather gave us an attitude. They were not apologetic rather shouted so we had to argue and call the police. Man such a hassle. NEVER GOING BACK AGAIN & WON'T RECOMMEND THIS PLACE TO ANYONE ANYMORE.

行街最愛係飲台式飲品，經過柯士甸見到新開台式飲品店舖，當然要試下。鋪頭以倉鼠做主題，好可愛又好打卡able。😊黑糖珍珠鮮奶-其實，每間黑糖珍奶都係一樣味，最多係甜度多寡。第一次叫，當然要試原味，所以無叫少甜。入口偏甜少奶味，雖然用明治奶但係黑糖蓋過了奶味。珍珠新鮮QQ，讚👍。下次再叫要少甜。服務方面，可以快少少就好，一杯飲品都要用5分鐘就有點不合香港節奏。如果多人幫襯，後面的客人就要等十分鐘先有，無疑就慢了點。

因為公司係附近，所以由佢開業已經斷斷續續飲過幾次記得啱啱開張時服務唔錯，有笑容，會提你叫少冰少甜，第一次叫係芝士奶蓋朱奶，朱古力奶就係平時普通屋仔奶甜少少嗰d味道，奶蓋正正常常，因為是啱啱開張仲未有大杯裝，呢個份量呢個價錢有少少貴 （之後大杯係要加5蚊）然後第二次飲都係飲奶蓋（烏龍茶），但叫咗少甜都係勁甜之後諗住試吓佢d珍珠，所以有一日就去試了復刻珍珠鮮奶茶，點知係大伏，問過店員係加焦糖，冇得走甜，於是叫咗少甜，但係一飲係甜到痴線，飲完有少少手震，然後珍珠是硬的（不過當時同事叫了熱飲，佢話珍珠正常，可能係雪得太耐我唔好彩）之後就冇再飲過，直到上個月因為想拎應援而飲，發現店員已經換了人，比較冷漠，其中一個語氣較差，今次係試應援特飲蜂蜜鮮奶（少甜），就係加了糖水嘅牛奶，因為大杯裝有手繪杯，最後飲淨了半杯其實中間有試過士多啤梨牛奶（冇影相）味道正常，應該話係我飲過茶伴入面唯一覺得好飲嘅，如果之後唔係應援，我應該唔會再飲了

到7月天氣就炎熱得過份，台飲店就變得非常受歡迎了，一杯冰飲實在解暑一流！這次來到佐敦與尖沙咀交界的一間茶飲店，點一杯來消消暑黑糖珍珠朱古力鮮奶 $30其實茶飲的款式一向都是差不多，這間也不例外，所以決定來點特別的，黑糖珍珠搭配朱古力鮮奶，真的比較少見，就來一份吧！不過不知道是否期望太高，個人來說是有點令人可惜的味道😔 無論是黑糖珍珠還是朱古力鮮奶，兩者的化學作用不是太高，不是不好喝，但有點浪費各自的原味道，還不如分開搭配好了，不過這個純粹是我個人感受，總會有人比我懂得欣賞這杯的店家的位於柯士甸道的當眼位置，少見的灰橙色外牆加一個很可愛的倉鼠模樣，讓人印象深刻，而且非常易找店內還有少量位置予人等候或品嚐飲品，這麼熱天的日子，在店內靜候飲品當然會比在街道上還要好～

琴日為食貓由尖沙咀行去油麻地，口乾乾想買杯野飲，結果就入左去茶伴桂花烏龍鮮奶茶+寒天 （2/5）$37話明係鮮奶茶，就應該係新鮮既奶溝茶，但為食貓飲落去似奶精溝茶再唔係就可能佢奶既比例太多，搞到完全無茶味😅另外個桂花烏龍既味都唔夠出，都係無應有既茶香味😵至於個寒天質感普通，重有d酸酸地，出面其他茶飲店好似唔係酸既？為食貓覺得其他連鎖既茶飲店好飲好多，如果fans 唔係為左應援，都可以唔駛黎，因為實在太唔好飲，完全唔值呢個價錢

由於係私心，所以特登坐車黎🙈去到門口已經好多人排隊。。。上網search茶伴已經覺得呢間店咁可愛，用倉鼠做icon，再望定第一次飲咩好呢。。。見有人推介花香蘋果茶好清香，而今日又對奶類無興趣，所以好快就揀定花香蘋果茶喇🤪店員好好人咁問係咪Ian特飲？即係加埋寒天，仲解釋張單上面show既名會特別d~OMG，店員真係好貼心，之後當然好禮貌地問店員仲有無應援包，可惜今日已經派哂，不過店員都好好地話仲有手幅。。。店內外都佈置得好有心機😍讚！讚！讚！講返飲後感先~由於第一次飲唔肯定佢既甜度，加上有d食評話少糖有機會會酸，所以剩係叫左少冰，睇下佢正常既甜係點。。好彩都唔算好甜，不過下次都我會叫少甜試下。。寒天幾有口感，唔會太硬太稔。。清清地，好快就飲哂lu~🙈花香蘋果茶+寒天 $35

舖頭好特別，會預留一面玻璃比預粉絲們做應援🥰今日剛好到舖頭見到粉絲們為明天做準備吱吱宇治抹茶鮮奶 （$35）店員提醒：即時飲可以先推開蓋試一下奶蓋再飲超有層次感，奶蓋香味中帶抹茶香我叫了50%甜度個人口味覺得剛剛好可好太甜蓋過抹茶香👍🏽------------茶伴  Tea Buddy尖沙咀柯士甸道95號正記大廈地舖------------------💋記住IG follow freeeeflow 一齊玩轉地球