茶匠 (匯景商場)

營業中

休息中

落單講明係要熱嘅芋頭芝士奶走甜，店員聽完即刻擰轉頭問另一個職員，聽到對方答佢嗰道咪有杯。落完單見到張單寫鮮奶芋頭$32，覺得唔對路即刻出聲話要芝士奶，店員叫我補多$12，即32+12=44。我問杯野唔係$40咩? 跟住先話補$8。最尾拎到手杯野完全唔熱，係室溫。17:52落嘅單，但杯野16:52已經做起左。完全冇提過，唔知咩原因啦，芝士奶竟然已經放左1粒鐘，貼張新貼紙上去，就賣俾第2個客，食安做得好差，行為非常唔老實。0166貼紙撕開，發現係上手客落嘅單0139上面新貼紙17:52落單下面本身張貼紙16:52做起體驗相當差，劣評!!!#茶匠

叫外賣水果茶，已寫明30%微糖，但最後有200%甜，從未飲過咁難飲嘅水果菜。我平時唔多寫食評，不過忍唔住，成杯飲品要送入垃圾筒，好心無心做生意就唔好做，免得消費者受害😓😓😓

你哋同X play去合作，但係你哋職員竟然一無所知一啲都幫唔到個客，淨係識一味話自己係part-time頂更打工，既然合作得嘅，唔係應該有詳細嘅員工培訓同指引嘅咩？如果係乜都唔知嘅咁你點解要同第三方合作，竟然係用唔到嘅咁倒不如唔好搞，成班職員就喺度玩手機。十問唔知十問九唔應。成個體感真係好差。

明明剩番一張單，堅持掛住傾計唔做，已經唔係第一次，麻煩餐廳老闆睇到都監察下員工紀律問題。上次又係幾張單整成20分鐘都可以、如果公司認為呢個係接受到、就繼續。此留言主要係提醒其他會使用OpenRice既用戶有關餐廳既待客行為及其員工品質問題。往後如果真係好想試此公司的飲品，可考慮提早半小時以上落單就唔洗等了。飲品各樣味道見人見智，但比起員工質素，飲品質素比其他附近店鋪較佳，只係等待時間出現非常嚴重問題。

放工太攰，需要d甜野叉叉電🔋叫左我最鍾意飲嘅黑糖珍珠岩鹽鮮奶，上面喺滿滿嘅岩鹽cream,鹹鹹甜甜，口感豐富，cream夠厚實，唔會淨系得啲空氣咁！每粒珍珠包裹住黑糖，但唔會太甜，硬度適中，口感煙靭。整體都非常好飲🩷

早前提過發現茶匠都有咖啡☕️，而且價錢幾平，想搵次試下！依次再畀小編遇到分店，機會嚟啦！😚 ☕️ 美式咖啡 (熱) 😋😋😋😋😋咖啡係由人手操作咖啡機製作而成，並唔係電子咖啡機整出嚟～ 咖啡香好充足，唔酸唔苦，味道好濃郁！👏🏻下午茶 💵 約港幣$20/人 💁🏻‍♀️ 細杯裝凍/熱Americano $20有找，小編真心覺得抵飲！好啱想飲少少咖啡提神而又想買杯價錢優惠嘅朋友仔去試試！😉🙆🏻‍♀️ 最後，喜歡嘅話，歡迎follow @foodirectory.hk！

走咗先發現無俾到芋圓 想點？ 其實杯嘢都唔叫平 諗住辛苦咗成日飲返杯嘢獎勵下自己跟住就中伏 重要杯嘢有芋圓係貴啲 建議啲員工返工唔好發夢 比啲心機 上心少少？我真係好少會寫負皮

口渴想買嘢飲，見到地鐵站出口呢間茶店好多人排隊，我心諗應該唔差啦，好！就買杯試吓。我order 咗杯熱嘅”香芋鮮奶”$30等咗10分鐘左右，店員俾咗支粗飲管我，叫我插住飲，咁我就跟着做啦⋯⋯點知，一飲🥵🥵😳熱到焫親個嘴巴同條脷😖😖杯嘢熱到根本就不能夠即時飲用😓最後，到杯嘢變返溫和可以飲用嘅時候，又有另外一個失望點，就係入邊都冇香芋蓉嘅🫣🫣成杯嘢唔知飲緊啲咩，淨係覺得好甜，但係我已經叫咗微糖…..只能講—->>失望😩

Order左飲品奶蓋白桃烏龍茶+芋圓比晒錢張單都就岩 飲品上既label都岩 但係最後杯飲品都係出錯特登order奶蓋最後都係純茶….先唔理味道 我諗最起碼要整岩飲品吧？

我今晚嚐試了一款雞翼獅子頭香腸便當，裡面包含了台灣腸、獅子頭、雞翼、榨菜和飯等食材。但是，當我打開盒子後，看到的顏色和湯汁都讓我感到失望。食用時，由於過度翻熱，整個便當變得太過軟爛了。台灣腸和雞翼的肉質都變得鬆散，甚至榨菜也變得腍軟，獅子頭也非常鹹。米飯也失去了原本的口感和質地，令人難以下嚥。這或許是我吃過最令人失望的台灣便當。此外，當中送的一杯蜂蜜綠茶，甜度不能調控，喝落似糖水，也讓我感到失望。除了食物質素，店員的服務態度也值得改進。店員的態度不夠友善。

今晚我試咗呢個花椒雞翼香腸便當，入面有台灣腸、雞翼、榨菜同飯等等，一開蓋見到個色水都已經個心涼咗一涼…🙄🙄🙄食落就…應該係因為翻熱嘅關係，全部嘢都煮到軟爛啦，台灣腸腍、雞翼肉腍到甩骨，腍榨菜我都係第一次試到，飯就當然係軟爛啦😓完全無咗原有嘅口感同質感！！應該係我食過最難食嘅台灣便當🤮見佢良心小店先去幫襯，希望可以重視下食物嘅質素，一係不如專心賣返嘢飲，唔好搞咁多嘢，如果唔係真係會令到啲客好失望😓😓

📍藍田 A出口 匯景商場3樓其他分店：藍田店 荔枝角店 黃大仙店 尖沙咀店 西灣河店 新蒲崗店 元朗店 荃灣店 東涌店.心思思好想飲杯野獎勵一下自己見到茶匠出面幾靚，個杯又靚，就決定試下.佢既叫法係1）先叫野飲 2）揀甜度同冰 3）加料只有外賣❇️白桃烏龍茶加珍珠（$20+4）個白桃味有點失望😞 飲落無咩白桃味但烏龍茶幾香 加埋珍珠小小甜甜地下次可以試下加奶蓋💪🏼.佢都整得幾快 等左5分鐘就有得拎👍🏼.星期一至五11:00-2:00仲有買2送1下次決定問埋同事飲唔飲 Share低好多！❤️

茶匠💛Oreo雪沙 $35黑糖珍珠鮮奶加抹茶(少冰) $35學生優惠: 出示學生證 -$5/杯人均消費: $20 (3人)-Oreo雪沙🍪🍧好夠Oreo味🤤真係整到沙冰嘅感覺同Oreo碎 好融合埋一齊😝好大杯 去到個蓋嗰度都有👻·黑糖珍珠鮮奶抹茶🍵好夠黑糖味😋一定要撈勻先好飲珍珠彈牙有口感😚抹茶佢有啲茶粉嘅口感都有啲重奶味🥛·整體嚟講兩杯份量都好多佢都俾到好滿🤣兩杯都好好味😋·以上評價 同🐖一齊寫所以帶返頭盔先👷🏽‍♀️-18/7/2022 drank 我哋幾個靚妹仔喺個menu前擾攘咗好耐啲店員都喺度笑我哋🤣(正確啲嚟講 應該笑我個friend🐖嘅傻)-好味程度：🌕🌕🌕🌕🌑抵食程度：🌕🌕🌕🌑🌑環境靚靚：🌕🌕🌕🌑🌑服務態度：🌕🌕🌕🌕🌑會回頭率：🌕🌕🌕🌑🌑·希望疫情快啲完結啦💛大家都要身體健康💛

是日經過見到好似幾好所以想試下，就買左杯蜂蜜白桃烏龍茶➕仙草$24，感覺會好好味，點知…首先店員態度極差，買完要個膠袋裝，因為現在疫情無辦法一路行一路飲，所以要袋走，店員木口木面話「膠袋要一蚊窩」，我即刻答無問題，立即比咗一蚊響檯面，店員無理我，轉身隔離落單，我講咗句，可以比咗個袋我先嗎？繼續無理我，然後落完單，就收咗一蚊先，都係未比袋我，我再講比咗個袋我先啦，先至響櫃桶拎出來，我真係想問句個袋好貴架？跟住講番杯飲品，無桃味，有淡淡葛茶味，飲唔出是否烏龍茶，但肯定無蜂蜜，杯嘢唔算貴，但係唔係好特別，加上店員態度奇差，真係可一不可再😮‍💨

只係經過口渴所以求其買，叫咗杯草莓芝士奶，但係完全好似剩飲鮮奶咁攪勻晒之後草莓味都係勁少，而且又冇果肉，得啲草莓糖漿，勁失望唯一讚嘅係芝士奶蓋味都還好，但都係唔會再買！