茶咖 (上水中心) (已搬遷) 新店位置

見到有新店，即刻想買杯試吓有乜特別😬通常會試熱飲👇🏽芋泥啵啵奶茶 加珍珠 少甜 $34飲到幾有茶味；芋泥個量都幾多，間中會食到有細粒芋頭；啵啵是透明的，口感似蒟蒻，而珍珠是細size，口感煙韌，幾好👍🏻成杯嘢飲到茶味之餘，還有多重口感（芋泥、啵啵和珍珠）少甜甜度剛好😋

下午茶唔知食乜，係條街行行下突然比“爆C水果茶”張海報吸引眼球👀仲有大桶裝 咁多水果🤤一於買返屋企試試佢！ 店員介紹完先知係新產品，大桶裝($0.5)水果茶($48) 承惠$48.5😋當見到個大桶個刻 我呆左😲因為真係好大桶水果😋而且設計方便携帶拎走！拎走個陣店員好nice nice咁講解個大桶點開蓋，因為有防漏設計怕客人返到屋企唔知點開黎飲 so sweet🥰返到屋企 我就急不及待對個大桶水果茶磨拳擦掌啦😋即刻放底手頭上既非物質文化遺產承傳剪紙練習✂️，開蓋嘆下杯水果茶🤤水果好新鮮而且又大又多汁，真係茶如其名咁爆C😆Juicy既水果配上春茶 酸酸甜甜咁😋 味道唔甜唔膩又醒神岩岩好☺而且水果品種有好多，有芒果、西柚、橙、提子、西瓜、西檸、熱情果等等🍊🍉🍇🥭🍋🫒真係講得出既生果都有咁滯🤣 飲到底食到底都仲有好多水果 真係不得不講多句：「真係好爆C啊啊啊🤣！！！」 總結黎講，哩個水果茶有咁多生果 如果係街食既話，就真係有d唔方便，但係即刻返屋企嘆既話就物超所值啦👍😋 而且個桶咁細心又高質有防漏設計便携設，50蚊仲有找哩個價錢真係冇得輸！推薦！👍👍👍👍👍

今日試咗芒果plus都算唔錯芒果底飲得出係有果肉打出來仲食到芒果絲除咗芒果味之外，茶底都飲得出有綠茶嘅味有幾陣層次嘅味道而且芝士奶蓋味好出鹹鹹香香不過價錢$39 平啲就好店員態度都麻麻

試左黑糖髒髒鮮奶，天氣凍飲左熱既，問可否少糖，店員話本身不會額外加糖果然飲落對我尼講啱啱好，黑糖少少甜味，加埋鮮奶度啱啱好，完全唔會過甜，奶味好香，珍珠好柔軟又煙韌，整體覺得好飲，第二日又回購左杯

成日都見到好多人排對，係上水有兩間分店添。我就幾鍾意奶蓋芒果，士多啤梨同提子味，飲落去唔會係有人工假甜，都幾足料，所以成日都飲另外都有試過髒髒黑糖奶茶，我覺得下次要叫少甜

由岩岩開職就幫襯到呢加男店主十分有禮會介紹飲品會介紹甜度，當然重打左好評比呢間店。但開分店請新人勁無禮貌今日落單叫奧利奧波波奶綠店員話無，重發我晦氣話一係蛋糕奧利奧一係芝士奧利奧，然後行開扮做野，唔理我。我一直都甘叫開，之前男女店主又做到比我。點解會無？ Ok,我錯，我應該叫 波波奶綠+奧利奧。一樣既產品，唔同叫法，店員就可以黑哂面話無？呢加間店紅左，多人買，真係唔缺我呢個客。男女店主都是十分有禮之人，但其店員....自己去感受

食完飯口淡淡，想買杯野飲。想有d甜野，就叫左芒果益力多。個飲品甜度適中，唔會over左。芒果味夠，但有d唔夠出，可能我個人仲意重果味d。售價25元，比較適中，推薦。

去朋友屋企玩，佢樓下有一間新野就試一試啦，唔知點解好多人排隊，仲多過天仁茗茶同埋歇腳亭，可能大家都鍾意新屎坑啦哈哈。見佢好似主打水果沙冰同埋嘢飲，於是就叫咗個玫籠波波？就係圖中果一杯，有蜜瓜嘅果肉同埋有啲珠珠咁樣，等咗大概10至15分鐘左右，都可以接受嘅，一飲落去果然唔錯喎，果味係幾清新，唔似落咗調味料嗰隻，佢有少少果肉，加埋比較有咬口嘅珠，感覺幾夾，都推薦大家去試吓。

估唔到佢咁快喺上水又開分店真係好好味㗎佢自從呢冇得再飲 老虎x之後竟然比我嘗試到呢一間脏脏奶茶真係不得了奶香奶滑珍珠彈牙煙銀黑糖嘅比例仲啱啱好以黑糖珍珠奶茶來講價錢啱啱好都好似係$28仲有得儲印花買幾杯就可以換到一杯每次你呢都係掂緊同一杯嘢飲希望有一次有機會我會轉下試吓其他新口味啦不過呢個都係強烈推介之一大家可以去試試

茶咖開左業咁耐都未試過, 因為通常都係買天仁茗茶, 覺得有保證D,哈哈!但幾次經過都見有人排隊等緊野飲, 就諗住比次機會試下新野啦!飲品種類選擇唔算好多, 本身想飲水果茶之類(e.g 桃茶/百香果茶...)但係冇呢D款, 最後簡左杯比較貴小小既新產品: 芝芝桃桃等緊野飲既時候, 睇到佢地既用料都係真材實料, 而且睇到我杯芝芝桃桃真係一杯桃肉拎出黎 仲要係新鮮桃肉, 唔係罐頭野 等左一陣,拎野飲時有加分位, 個杯蓋插飲管個位係合實架飲既時候先打開, 唔係平面左右扭個款 (雖然個款可以大面積咁飲到奶蓋, 但呢款感覺衛生D)一飲好特別啊!!!有好似一粒粒蘆薈, 但又 好好味啊~ 個奶蓋都好企身好好味~ $38 值得一試飲完冇搞肚!哈哈~

🤎假日經過商場 見到好多人等緊好奇心驅使我去八卦一下原來係一間台式飲品小店以我咁鍾意飲野 當然要買返杯試下Menu上有好多唔同既選擇而d名都好搞笑😂最後我揀左 芝心芒芒🥭因為小店既關係 而又太多人等緊所以製作過程會有少少耐 要耐心等候不過正正因為等候既時間冇野做我先留意到佢地係用新鮮生果放落去渣成果汁👏🏼第一啖飲落口 好有芒果味唔似平時個D咁甜 係有種鮮味😂再飲啖奶蓋 我杯茶😍😍兩樣一齊飲 簡直係perfect🤤下次我要去試下超級牛油果🥑🤤

話說上水新開飲品店- 茶咖平時飲黎飲去都係天仁style 既飲品店.而茶咖屬於喜茶style.而的最鍾意係🥑超級牛油果其實係一杯牛油果沙冰. 睇住佢整.放左一隻熟的牛油果去打好滑好濃既牛油果香味牛油果fans必試