茶山

營業中

休息中

呢間嘅牛角窩夫係我嘅世一呀！之前聽過牛角窩夫，但一直都未試過。咁啱嚟到長洲經過茶山，見到佢門口嘅櫃有show到牛角窩夫，睇落好靚仔。一於就試下佢。由於趕住走，外賣咗個香蕉朱古力牛角窩夫。仲記得員工嘅服務態度好好，離遠見到我哋嗰時迅速俾外賣我哋，仲要係雙手遞上。令到我同朋友覺得佢哋嘅服務冇得頂。好值得一讚！👍🏻👍🏻👍🏻講返個牛角窩夫先，攞到手嘅時候仲係暖笠笠。忍住係等船嘅時候，即刻試味。點知就驚為天人，佢嘅表面好脆，內裏都軟熟。嗰種脆度係真係咬落去有索索聲。佢嘅香蕉都有心思，落咗糖再燒一燒佢令到佢有焦糖嘅效果。真係睇得出佢哋好認真製作。食咗嗰個之後好有衝動返轉頭再買多個嚟食。呢間係我下次嚟長洲必食嘅嘢，期待下次再睇長洲。到時試下堂食，係度chill下先得。

去長洲影相📸️，見到有間叫《茶山》的甜品店，《茶山》以新式甜品為主，例如班戟，泡芙，牛角鍋夫，芭菲等等，每種都好靚好有色彩。我叫左一個芭芙和一壼茶🍵香蕉果仁朱古力梳乎厘班戟 $108香蕉果仁朱古力梳乎厘班戟，班戟厚厚的有三件，好香的蛋味軟軟的質感配上朱古力雪糕、朱古力碎和果仁碎，好沖擊味蕾，好食呀！香蕉🍌原條切半加上糖燒到表面焦脆，有香蕉香味又有焦糖香味😋阿里山金萱青茶 $58食甜品飲茶就最解膩，叫左阿里山金萱青茶 ，有陣陣好清香的茶香味。一壺可回沖四至五次，可以坐喺度慢慢飲。佢買任何一款茶飲，購買茶葉產品可享七折優惠的，如果大家八飲完又想再飲佢哋的茶，都可以買返屋企沖的。今次試完，下一次黎長洲都會再食有驚喜！

《茶山》門口的櫥窗，放有精美的甜品好吸引店舖門口位置放置乾花和茶葉。環境舒服枱上擺設點着蠟燭上面有茶葉，也有乾花，令人感覺好舒服。地方唔算好大，想呢食就要有D耐性等下位啦🤣🤣阿里山金萱青茶，可以消下濟，茶味好清香，仲可以回沖4至5次😍，頭幾次都飲到好濃嘅茶香味，唔會沖完兩次就淡晒🙋🏻‍♀️見佢叫任何一款茶飲，買茶葉仲有七折，自己都買咗兩包返屋企。日本草莓芭菲 $108呢個係我最鍾意食嘅芭菲，價錢雖然相對貴少少，但係絕對係值呢個價錢🙋🏻‍♀️，因為佢有好多層唔同嘅配搭，有啲脆脆、士多啤梨、忌廉、仲有蛋糕添！食落口感相當之豐富，食完呢個芭菲真係會好滿足。綠茶嘅紅豆白玉立方形泡芙$58我自己覺得又唔算貴喎。綠茶同紅豆嘅配搭係最完美😍，紅豆仲甜甜地，白玉又煙靭好好食。

呢間茶山係長洲，長洲出名多小店，呢間都係其中一間，鋪頭唔大，但感覺就好舒服，好chill，我地今日坐坐下都坐佐成個下午。中意食窩夫既我地叫佐兩個窩夫，一個係香蕉果仁朱古力牛角窩夫，$58一份，比起一般出邊嘅甜品店仲要平🤪窩夫焗得好脆，好多焦糖喺面，另外香蕉好新鮮，勁熟好甜😚再加埋朱古力雪糕，好好食，仲有啲杏仁片，口感豐富，超正🤓另一個就係日本蜜瓜牛角窩夫，$88一份，呢個窩夫貴啲都值得，因為蜜瓜係真係日本新鮮運過來🥸好清甜，好爽好好食，加上仲有蜜瓜雪糕，雙重蜜瓜嘅口感🤤味道真係超清甜，勁香勁正🤭

去到長洲發現左呢間叫做茶山嘅甜品店，餐廳環境環境係日系風格，雖然位置唔算好大，但係十分舒適同埋俾人一種好chill嘅感覺🥰見到佢哋嘅甜品選擇都好多，我就最想試吓佢哋嘅牛角窩夫😍牛角窩夫都有幾種唔同嘅味道，最可惜頭先食咗好多嘢，唔可以一次晒全部🥲最後就決定揀呢個⭐️香蕉果仁朱古力牛角窩夫🧇真係好好味嘅牛角窩夫呀，香蕉好甜，而且加咗啲果仁口感好豐富，配上朱古力醬同埋我揀咗朱古力味嘅雪糕，朱古力味好濃郁，雪糕配窩夫食係一流🤩，佢個牛角窩夫食落都好鬆脆同好香牛油味道。整體來講呢間餐廳我會俾佢五星⭐️⭐️⭐️⭐️⭐️，下次再入嚟長洲一定會再嚟試吓其他唔同嘅甜品❤️

茶山係長洲，我地黎到果日已經好多人啦，鋪頭入面座位唔多，但裝修都舒服既，好彩仲有啲戶外既位，我地就簡佐去坐啲戶外既位，夠開揚！$108日本草莓芭菲呢個真係🈵同係日本食既芭菲一樣，好多層，整得好仔細，士多啤梨勁新鮮，超甜，同其他忌廉、脆脆、蛋糕，簡直係絕配😽仲要有埋士多啤梨雪糕，口感激突，超級好食，真係隱世芭菲呀🤫$38綠茶牛乳呢個係🅰️飲品黎講好出色，完全唔馬虎，牛乳好香，夠晒滑，完全唔騷，加上香醇既綠茶泡沫，唔會飲到好飽，好唔錯😌

呢間茶山嘅甜品店，我之前已經嚟過一次❤️兼朋友仔特登入嚟長洲搵我玩，當然要帶佢去食下好嘢，呢間甜品店當然一定要帶佢嚟啦🙋🏻‍♀️Menu上面都有好多唔同嘅選擇，全部都非常之吸引，不過我地見呢排嘅蜜瓜都係當造嘅時期，所以就叫咗兩個蜜瓜甜品。1️⃣日本蜜瓜牛角窩夫 $882️⃣日本蜜瓜立方形泡芙 $88日本蜜瓜牛角窩夫💚蜜瓜已經頸成細細粒，放咗喺個牛角包窩夫上面，味道非常之清甜！另外牛角包窩夫牛油味好香，仲要係脆卜卜，即叫即整！另外佢仲會可以自選雪糕嘅味道，今次我哋就揀咗芒果味🤩，雪糕撈埋牛角包窩夫一齊食仲正添！日本蜜瓜立方形泡芙💚呢個就大大份！個包都好香脆，加咗啲忌廉，連同蜜瓜真係好清甜。最後我哋仲叫咗一杯綠茶牛乳，牛奶味好濃，綠茶味都好甘香。

約朋友去長洲行山，回程時候我們被這間《茶山》的cafe吸引住，便走進去了。 一入店內，右手邊擺了一些精緻的小飾品，有茶杯，茶包，餐具…左手面有幾張小桌子， 桌子上有個小小的香薰爐和小植物，香薰爐散發住茶葉香，令人感覺很寫意。佢地的甜品真係非常靚，非常非常吸引，所以叫左一個窩夫和一個泡芙。綠茶紅豆白玉牛角窩夫 $58有我最鍾意的抹茶雪糕，綠茶紅豆白玉窩夫🧇，配抹茶雪糕🍦，超濃的抹茶味有濃郁的抹茶香，又唔會太甜，窩夫香脆，配上雪糕超有口感！朱古力石板街立方形泡芙 $58呢件方泡芙份量超大件！濃厚的榛子朱古力配上棉花糖和吉士忌廉，又濃又香，又甜又滑，真係好邪惡😈，又香又好好味😋

一起身無野做落樓下食返我既第一餐，出去食完茶餐廳公仔麵感覺到仲有胃口，順便行個圈搵野食，行過見到一間新開既「茶山」，新興街45號地舖，見到佢既營業時間寫住12:00-23:00，一睇就見到專食甜品，呢度裝修企理，有一種Cafe既感覺，見到好多裝飾擺設，前面標晒價錢可以購買，我自己就買左一件呢度既員工都好好禮貌，服務都好好，再細心睇一睇餐牌，全部都好吸睛，經老閭推介下，我就試左日本草莓立方形泡芙，好快就送到我枱前，呢個立方形真係好高好大，而且面層都放晒士多啤梨，真係落足本錢，唔係求其，佢個泡芙啖啖鬆軟，而且好新鮮仲有一股溫熱感，估唔到可以咁有水準，下次唔洗再煩諗食咩，食完之後當然返屋企抖抖 好味指數👍🏽👍🏽👍🏽👍🏽👍🏽吸引指數🙌🏽🙌🏽🙌🏽🙌🏽🙌🏽

今日係拍拖5週年紀念日，我哋食完晚飯之後，我哋仲係依依不捨，我哋行完海旁，再去到長洲大街一個角落，有間悠閒特色甜品餐廳，想歇一歇，但其實目的係想增加我哋相處嘅時間。。。 ✨✨✨香蕉果仁朱古力牛角窩夫 $58食完正餐，叫呢個就啱啱好喇， 有生果落肚， 幫助消化。 牛角 窩夫 軟綿綿，熱辣辣，又不會太多太濟。果仁又香脆，增加口感。一條香蕉，橫切成一塊塊，灑滿整個碟。 ✨✨✨ 日本蜜瓜牛角窩夫$88自家製嘅牛角窩夫， 特別軟綿綿， 非常香脆可口。 配埋雪糕球，蜜瓜切成一粒粒，灑滿整個碟。 好正呀！ ✨✨✨ 綠茶牛乳$38上面係綠茶打成泡沫，非常軟綿細滑。下面係香濃嘅鮮奶，形成兩層顏色。

放假輕鬆下，走入長洲行一圈，發現開左一間好雅致的cafe 《茶山》～cafe行日系分格，以木質材料裝修好柔和好舒服😆地方唔算好大，但好舒服服務態度👍👍👍👍👍餐廳環境⭐️⭐️⭐️⭐️⭐️食物質素😋😋😋😋😋日本草莓立方形泡芙 $88紅色的草莓🍓和深藍色的藍莓🫐，配上雪白的忌廉，顏色超靚。草莓和藍莓酸酸甜甜又多汁，忌廉creamy香甜，配合得天衣無縫！泡芙香脆好香蛋味👍朱古力石板街立方形泡芙 $58就咁睇好似件方包咁，但其實係泡芙呢架！朱古力石板街正方形酥皮配上吉士忌廉，外表的酥皮切開時，聽到好脆的聲音，濃厚的榛子朱古力配上棉花糖，內有吉士忌廉既邪惡又好食😋

終於放假啦，機票好貴未有得去旅行住，就去過長洲嚟個短短地嘅香港一日遊🥹，呼吸下新鮮空氣同朋友玩返日💓我同朋友都係一個甜品控，咁啱見到呢一間《茶山》，餐廳環境好舒適，木系顏色嘅設計☺️我同朋友揀咗呢個💚💚綠茶嘅紅豆白玉立方形泡芙💚💚，價錢係$58，我自己覺得又唔算貴喎。綠茶同紅豆嘅配搭係最完美😍，紅豆仲甜甜地，白玉又煙靭好好食。食甜品，所以叫咗呢個阿里山金萱青茶，可以消下濟，茶味好清香，仲可以回沖4至5次😍，頭幾次都飲到好濃嘅茶香味，唔會沖完兩次就淡晒🙋🏻‍♀️見佢叫任何一款茶飲，買茶葉仲有七折，自己都買咗兩包返屋企。

日本草莓芭菲 $108好大杯，非常之高嘅杯身，材料一層層放滿整個杯，非常有心思， 裏面有士多啤梨雪糕球，士多啤梨粒，蛋糕粒，穀物脆脆等等～～🤣🤣日本草莓立方形泡芙 $88我地忍唔住口試埋呢個都係士多啤梨做主打既甜品，呢個真係做到泡芙嘅口感，外脆內軟，整到成個麵包盒子咁，好軟熟，加埋好新鮮嘅士多啤梨，好好食😍😍😛😋餐廳位於新興街45號地舖。小店走日系小清新風格，每張枱都放了一小盆別緻的乾花作擺設，還有個小小的香薰爐，聞到淡淡茶香。味道滿意度：😋😋😋😋😋舒適滿意度：😌😌😌😌😌款式滿意度：🤩🤩🤩🤩🤩衛生滿意度：👍🏻👍🏻👍🏻👍🏻👍🏻招待滿意度：🥰🥰🥰🥰🥰

媽咪話好耐冇去過長洲，想去行下。去到見到有間叫《茶山》的cafe，門口放左啲甜品🍮非常誘人呀！入去試下好唔好食。日本蜜瓜立方形泡芙 $88一上枱就比件蜜瓜驚艷到，一件連皮笑哈哈😆蜜瓜，仲有切粒蜜瓜，蜜瓜份量超多，多汁又香甜。泡芙又脆又香，真係超正，淨食蜜瓜已經好開心。加埋cream，令泡芙更加滑順香甜。阿里山金萱青茶 $58一壺茶可以回沖四至五次，茶的味道非常清香同蜜瓜泡芙好爽，一邊飲茶一邊欣賞長洲的日常風景，好有情調呀！呢間店只要惠顧任何一款茶飲，就可以以七折優惠購買茶葉產品，鍾意飲茶的可以買返去呀！

今日又黎到長洲，帶埋貓貓黎行個大運，但都唔係多鋪頭可以帶埋寵物入去，呢間茶山就好好，可以有戶外位坐，好方便呀。先叫日本草莓芭菲🍨，呢個要$108，好似好貴，但其實係好值得呢個價錢，好多層次，每層都好分明，我好中意入面海綿蛋糕果層，整得好好，好鬆軟好好食，同爽甜既士多啤梨仲有幼滑既忌廉一齊食真係好正呀(#^.^#)再叫朱古力石板街立方形泡芙🍫🍞，呢個就$58，超級抵食，成個麵包盒子都軟腍腍，好軟熟，又香，切開唔會好硬，好香朱古力味，啲朱古力忌廉好滑，加埋好多煙韌嘅棉花糖同朱古力脆脆，超好食(^◇^;)