茶山

營業中

休息中

終於放假啦，機票好貴未有得去旅行住，就去過長洲嚟個短短地嘅香港一日遊🥹，呼吸下新鮮空氣同朋友玩返日💓我同朋友都係一個甜品控，咁啱見到呢一間《茶山》，餐廳環境好舒適，木系顏色嘅設計☺️我同朋友揀咗呢個💚💚綠茶嘅紅豆白玉立方形泡芙💚💚，價錢係$58，我自己覺得又唔算貴喎。綠茶同紅豆嘅配搭係最完美😍，紅豆仲甜甜地，白玉又煙靭好好食。食甜品，所以叫咗呢個阿里山金萱青茶，可以消下濟，茶味好清香，仲可以回沖4至5次😍，頭幾次都飲到好濃嘅茶香味，唔會沖完兩次就淡晒🙋🏻‍♀️見佢叫任何一款茶飲，買茶葉仲有七折，自己都買咗兩包返屋企。