茶房別天神

營業中

休息中

餐廳主打食日式拉面，我地兩人各自叫了一款湯底share嚟食，加錢可以升級做套餐加配煎餃子同埋小龍蝦蟹子沙律。📌蝦味噌豚骨湯麵湯底帶蝦鮮味，味道唔會過咸，面頭有大量櫻花蝦乾、蔥花和粟米等，令湯底入口更香甜。 麵條就是比較幼同淋身的那種，份量都好足。溏心蛋賣相都唔錯，口感滑溜的，如果再流心啲會更好味。叉燒煮到好淋好容易咬開，肉質比較瘦唔會話連住好多肥膏，感覺比較健康。📌小龍蝦蟹子沙律呢個沙律有驚喜，估唔到入面有原隻小龍蝦肉，彈牙入味，好適合做前菜，旁邊的幾片紫菜可以用嚟包住沙律一齊食。📌豚骨湯麵豬骨湯相比蝦味噌湯淡一啲同少左鮮味，不過勝在唔會太咸同太油膩。📌餃子餃子一份有四隻，餃子外皮煎到脆脆地好香口，入面嘅豬肉餡味道都唔錯，不過不失。

茶房別天神-濃郁豚骨湯拉麵適逢Aeon推廣月，當然要去捧場捧場，一連逛了幾層的百貨公司，又買了一袋二袋，最後決定到和Aeon相當近的茶房別天神休息一下，吃一碗拉麵。豚骨拉麵奶白色濃郁的豚骨湯底，熱騰騰的湯底，拉麵彈牙有咬勁，配上日本叉燒，經火炙後更惹味，最後當然少不了溏心蛋和大量的蔥花。蝦味噌豚骨拉麵拉麵中央佈滿大量的櫻花蝦乾，加入蝦味噌的豚骨湯底，濃郁的豬骨湯中帶出陣陣蝦乾蝦味噌的鮮味，口感豐富了味道更有層次。小龍蝦蟹子沙律由粒粒的小龍蝦肉和蟹子握成一個球體的沙律，鮮味多汁，配片裝紫菜一起吃。日式餃子拉麵店的經典小吃日式餃子。

局長倆分別選擇一碗䐁骨湯拉麵及蝦味噌套餐。豚骨湯拉麵的湯底濃郁，配料充足，有三塊叉燒及一隻糖心蛋。蝦味噌拉麵再配搭新鮮的櫻花蝦，蝦味鮮甜，與豬骨湯各有千秋。枱上有不同調味料及配菜供食客搭配自己喜歡的辣度，本局長最愛辣芽菜，夠辣又爽口。套餐除了一碗拉麵外，尚有小龍蝦蟹子沙律及日式餃子。小龍蝦蟹子沙律的龍蝦蟹子不太咸，用附上的紫菜包著龍蝦沙律，口感爽脆。日式餃子煎得剛好，點上旁邊的醋，別有一番風味。總括而言，值得一試。

豚骨拉麵套餐 $105有一排無食拉麵 例牌叫返個豚骨湯底第一印象係配料落得幾多下 香蔥落得仲多過餐牌張圖 跟麵既溏心蛋又有成隻 唔少拉麵店一係蛋要另加一係得半隻 另外有塊大紫菜叉燒幾得意 因為食落唔似豬肉 似係煙鴨胸 另一款蝦拉麵都係同樣似煙鴨胸既兩塊肉湯底黎講 鍾意重口味既我就跟左餐廳關於自己加配料既指示 蒜蓉芝麻七味粉都放 加完料既湯底就岩口味啲呢碗麵相對黎講幾經濟下 跟左set試埋份小龍蝦蟹子沙律 味道又唔錯 沙律球中見有幾件小龍蝦肉 同紫菜一齊食味道又幾夾 可以一試蝦味噌豚骨湯麵套餐 $115餐牌上面寫係期間限定 不過餐廳主要做兩款拉麵 期間限定完應該有另一款掛講番轉頭 呢碗蝦拉麵既湯底係比起淨豚骨湯果碗濃 除左有味噌 都明顯食得出蝦味 落左唔少蝦乾 湯底索左唔少味呢碗除左煙鴨胸口味既叉燒 蝦乾紫菜香蔥之外 仲有落粟米 食麵過程有加到啲唔同口感麵質黎講唔係個人喜好既超幼身果種 不過配個濃湯都ok 呢碗我只係加左少少七味粉 無咩加其他任加既如蒜蓉芽菜既配料呢款湯底比豚骨略貴 我都係升左做餐配兩款小食之中既餃子 餃子味道standard 反正日式餃子都幾難差得去邊 只係睇圖好似單叫

原本揀呢間只係想支持黃店💛畢竟太古黃店選擇不多...但味道真係有驚喜！蝦味噌拉麵湯底夠濃好正！麵係幼身個隻唔會煮得太淋或太硬啱啱好。溫泉蛋超流心，一啖食落去感覺超幸福！最驚喜係小龍蝦沙律，本來以為係夾三文治個種普通前菜無咩特別，但一食即刻知道仍心機之作！真係會食到一粒粒龍蝦肉勁足料，用埋佢俾嘅紫菜包住食味道意想不到咁夾，更加好味！講真黃店有啲真係只此一次，但呢間真心好食！連鍾意試新餐廳嘅我都好有衝動再encore！

農曆新年還有幾天就到了，年貨還未辦好，急急忙忙趁星期六、日，趕快辦年貨。來到鰂魚涌吉之島，超市人山人海，唯有吃飽再血拼。就在吉之島2樓茶房別天神坐下，要了兩客套餐。「別天神套餐」套餐除豬骨叉燒拉麵外表，還有4隻日式煎餃。煎餃不過不失，但拉麵很不錯。一般日本拉麵大多數是粗身，但這裏的卻是幼身，有點像天使麵，容易入味和掛湯汁。大大片日式叉燒肥瘦相間，油香滑溜又入味加入了大量蔥花、木耳絲和我最愛的流心蛋，超讚口味。

2020年1月12日。晴。太古。呢日去太古睇戲，睇戲前先醫肚～喺app check得多，有幾間食店已經記住咗係良心經濟圈入面嘅成員呢間冇幾耐之前先食過北角分店呢日就嚟食太古店～餐廳喺吉之島2樓，所以同其他分店有少少分別唔係用機買飛，而係同店員落單亦都係因為喺商場入面，位置比較多～拉麵就同其他分店一樣～另外仲有咖哩飯選擇之前喺北角店唔多覺有飯揀小龍蝦蟹子沙律呢次細心留意到個沙律似係用整雪糕球嗰個剷整出嚟餐廳仲要好貼心咁連裝呢個沙律球嘅碗都係凍嘅！貫徹日本人做嘢細膩嘅作風～當然味道都係好一致，creamy濃滑！餃子餃子同上次食嘅質感有啲唔同上次食嘅係皮脆內軟，今次嘅餃子皮未去到脆嘅程度，仲係軟嘅但係對比外脆內軟，我發現自己更加鍾意呢種質感～香軟得嚟帶少少煙韌嘅感覺～蝦味噌豚骨湯麵呢次再食覺得蝦味噌湯底非常濃厚～～湯汁掛麵，令每一啖拉麵都帶有香濃嘅豚骨湯非常滿足～豚骨湯麵呢個係男朋友食嘅～佢當然都係讚不絶口～埋單嘅收銀位隔籬擺放咗生理鹽水濕紙巾以防中椒，送畀客人，以備不時之需果然有良心！！！大家要多多支持～

上星期睇去左太古行街辦年貨，中午既時候好肚餓，睇左幾間決定食茶房別天神 。我地等左大約20分鐘，全場爆滿咁。我同男朋友叫左兩個set, 分別係豚骨湯拉麵和蝦味噌豚骨湯拉麵。好中意呢一間好大方，d配菜唔會話俾得好少，糖心蛋都係俾一隻，唔會只係俾一邊，服務又幾好，所以都食得幾開心。豚骨湯拉麵配餃子好好味，湯好濃，我幾乎飲晒d湯，餃子好細細的日式餃子，份量剛剛好蝦味噌豚骨湯拉麵配紫菜小龍蝦沙律呢個味道更加濃，因為有蝦同味噌。紫菜小龍蝦沙律味道甜甜清新，好開胃。兩個湯底都好好飲，我地兩個成日交換幾啖，因為好味到唔知食邊個好。下次如果再黎太古行街，我都會再返黎食！

呢度嘅拉麵湯底濃郁，自由添加辣芽菜、蒜蓉、芝麻、七味粉… 食完唔會覺得牙面好鞋。不過，今次我係食日式咖喱炸雞飯。日式咖喱：好合個人口味，本身喜歡微辣(呵呵，唔係網紅)，最怕日式咖喱太甜，呢度個甜辣度配搭合宜，咖喱裡面仲有少少牛肉粒仔。炸雞：入口唔油膩，炸漿唔厚，入面肥膏同皮都唔多，肉質又唔鞋，整體唔錯。飯：個人喜好熱軟飯，日式飯跟本唔會做呢個效果，我無意見。結論，茶房別天神選擇少，但拉麵同咖喱都好味，性價比中上。

Aeon除了有超級市場及百貨公司外，裡面還有很多日式料理餐廳。星期日晚和家人在那邊購物後，原本打算在樓下food court解決晚餐，不過要等位，那就上了樓上較少人流，見到這家拉麵店。看看餐牌，選擇不多，原來之前在另一家分店吃過了，味道不俗，就進去了。專門主打兩款拉麵及兩款小食，店員服務態度有禮貌，每人點了個套餐，一份小食加一碗拉麵，份量剛好，不夠吃可以追加拉麵底。小食可選煎餃子小龍蝦蟹子沙律，後者較健康、輕盈，那就點份沙律吧。啖啖彈牙龍蝦肉及蝦子，店員教我們紫菜是用來包著龍蝦沙律一併吃的，味道鹹鹹帶爽口感，令人驚喜。拉麵挑選了豚骨拉麵。架上有各種調味料，如芝麻、七味粉、拉麵汁、蒜蓉、芽菜等，額外添加在拉麵裡。我加了些辣芽菜及芝麻，令湯底加添辣味。拉麵湯底濃香豬骨口味，呈奶白。麵條幼細卻不易斷。叉燒用火槍微微燒過，特別是邊緣位，肉質燒得熏黑、香口。肉質肥瘦均勻，不柴口，也不會太韌，整體味道保持水準。

今天和同事在康怡商場食飯，突然想食拉麵，於是便選了這間位於Aeon二樓的茶房別天神食。餐廳環境闊落，侍應態度親切，我們都食得又舒服又開心。餃子🥟小食我們點了煎餃四件，再點醬醋食， 十分開胃。小龍蝦蟹籽沙律我們多一次推介這款沙律，因為它有配搭紫菜，供你包着沙律一起吃，小龍蝦十分彈牙新鮮。豚骨湯麵🍜團骨湯底很濃郁，豚肉亦很香口，再配上滑身的拉麵，很快便食完😌蝦味噌湯麵🍜櫻花蝦的味道特別，配着博多拉麵吃，有另一番風味。

今日難得同相識10多年嘅友人共聚，揀咗「別天神」，喜歡💕它的拉麵🍜湯底夠入味，朋友一啖入口，即刻忍唔住不停讚「湯底真係好濃郁」😋😋友人喜愛蝦，㨂左「蝦味噌」，再Encore 左客「小龍蝦蟹子沙律🥗」，簡直係食過返尋味🤩🤩用三塊紫菜，逐塊逐塊包住小龍蝦蟹子沙律，入口外脆內軟，Yummy 😍😍我就鐘意我的「別天神拉麵🍜」的黑木耳夠多，追求美味與健康平衡的我，不忘係享受美食的同時，亦要顧及健康，黑木耳係我不二之選，清血管之餘，又幫助排毒，實在係一舉二得😉😉

嚟到太古行街，去到晚飯時間，咁岩見到有別天神拉麵🍜同朋友仔行到攰就試吓，價錢都算平。我地點左份沙律同埋餃子同兩個拉麵🍜。沙律味道好好，好新鮮，都幾開胃做前菜一流！小食我哋點左一份餃子🥟 share食都夠。餃子入邊好多湯汁同埋外皮好趣！👍🏼拉麵嘅湯底都幾濃郁，麵質拍得住日本食到嘅拉麵口感。叉燒亦都好香好肥美😆其實食完整個拉麵同埋又有餃子飽肚感已經十足，奈何經過佢哋門口見到佢哋嘅甜品實在太吸引！都忍唔住買一個朱古力🍫雪糕班cake食😭🤪

康怡aeon別天神同出面別天神有啲分別呢間有埋甜品食只係我湊住bb唔可以慢慢享受😭😭😭😭不過呢間真係坐得比旺角舒服最少帶小朋友坐唔到bar 枱仲有aeon三樓有個好舒服嘅換片餵奶室小龍蝦沙律包紫菜係我最愛👍🏻👍🏻👍🏻小龍蝦食得出有芥末味好香包紫菜食一啲都唔膩今次到我試豬骨湯拉麵老公試蝦湯拉麵我始終鐘意食蝦湯👍🏻👍🏻有蝦味真係香好多另外必定加蒜重口味最愛😋豚肉量夠比其他拉麵店算多而且好爽口唔太淋唔太實讚👍🏻👍🏻👍🏻👍🏻👍🏻

之前試過博多拉麵別天神，今次黎到太古見到間茶房別天神，原來係分店，食過幾好食，今次就翻躂啦！叫咗一個別天神套餐同一個蝦味噌套餐，套餐係多個小食。兩個湯底都好濃，原味不過不失，但係蝦味噌有驚喜，有好香嘅蝦味，上面仲有一堆櫻花蝦。小食有小龍蝦蟹子沙律同餃子，我地都好鐘意個沙律，沙律醬食到好多粒小龍蝦🤤🤤。佢之所以叫茶房因為有獨立一張張枱，地方大啲，唔似其他分店只係一行bar枱，所以呢度坐得舒服好多👍。