茶木‧台式休閒餐廳 (屯門市廣場1期)

營業中

休息中

中午時段，大排長龍。 現場所見，在餐廳內寫足夠的空位，只是無人手負責執枱，見到很多張枱面都是空桌，但餐具卻報滿一枱，食客只能在外面不斷等待，不知道的以為是全國餐廳滿座，先至導致要在外面等待。

得閒聚一聚，食番個下午茶傾下計，促進家庭和諧！這裡下午茶款式多，味道不錯！又有台式飲料！店舖新推出限定凍香橙綠茶$8，既好飲又價錢平民，仲可以叫幾杯！不過，套餐加配紅豆芋圓仙草$24，份量略少

叫個午餐排骨肉燥飯 只配一細碗肉燥 是用平時裝醬料的小碗 本覺得只是肉燥飯的少量肉燥 同經理說 能否給多少少。 答案：不能 說肉燥有份量安排 今日才發現 原來肉燥飯的肉燥汁 是需要按量計錢

由於媽媽想食「茶木」，所以去左屯門市廣場分店食假日午餐。我叫左牛面頰米粉，我既牛面頰米粉算正正常常，媽媽就叫左「鹽酥雞滷肉飯」，職員拎埋黎時，食物賣相都已經扣晒分，又亂又乾，賣相差唔係重點，食物質素才是重點，發現每件雞既雞肉竟然可以如火腿咁薄，炸漿皮厚過肉，不得不讚賞師傅既刀功又或者切割機既質素。雖然叫假日午餐，但飯連餐飲，加埋一要九十幾蚊，貴過快餐店同茶餐廳，不過食物質素完全不成正比，擺明用劣質及平價食材賺到盡。

幾日前小女子同屋企人係屯門行商場，見到茶木，又醒起之前係呢到食過呢到嘅手工拌麵幾好味，所以就決定食呢間台式麻辣半筋半腩手工拌麵 (麵底不要辣) 配飲品 $86 因為碗稈牛筋牛腩已經有dd辣，小女子都怕太辣，所以揀咗麵底唔要辣，咁樣一齊食個辣度就會比較適合唔太食得辣嘅人碗牛筋腩雖然唔太大碗，不過都有幾條牛筋同兩塊大塊牛腩，牛筋煮到好腍，牛腩都好入味，質素幾好，個手工拌麵有咬口，麵質幾彈牙，口感幾好而且仲有鴨血同素食做配菜都好好味飲品就揀咗脆脆黑糖珍珠奶茶 (少冰少甜) 跟餐加$19個珍珠奶茶甜度適中，奶蓋都幾厚，奶蓋上面仲有3粒芋圓，口感煙韌，杯邊仲有朱古力脆脆，增加一點甜味珍珠口感幾彈牙，係一杯值得額外加錢加嘅台式特飲醬燒豬軟骨微辣手工伴麵(麵底不要辣)配飲品 $68呢個餐個手工拌麵係一樣嘅，不過就無配菜，碗豬軟骨有兩大舊，每舊都連住少少肉，軟硬適中，點埋個醬汁好夠味蜂蜜柚子茶 (熱)呢個就係一般沖出嚟個種，唔太特別今次覺得個醬燒豬軟骨微辣手工伴麵配飲品有優惠就比較抵食，否則價錢上都偏高，不過個拌麵係幾好食，間中想食餐豐富嘅台灣野呢間都係一個幾好嘅選擇

一向也對茶木嘅食物質素感覺唔錯近排適逢考試週待小朋友放學後我哋就過嚟享用下午茶時段🤗✨台式下午茶料理✨🥢九層塔豬排湯生力麪拼台式烤香腸豬排入味又煎得香脆，台式腸每次也是必吃套餐嚟講份量都啱啱好，配埋飲品很飽肚👍🥢開心呠呠車珍珠飯拼巧克力可頌窩夫+橙汁很喜歡兒童餐嘅炸南瓜條，又甜又香脆，不過南瓜就未必每個人都接受到，套餐可選意粉或飯，因為我哋一向都食開珍珠飯，所以小朋友揀左飯，份量相當足夠，仲配埋甜品窩夫，性價比高又豐富嘅兒童餐😋🥢台式醬牛肉湯米粉拼310溏心蛋無可置疑新竹米粉是我必食之選而台式牛肉嘅烹調時間剛恰到好處肉質唔會太過靭，淋淋地易入口又夠味配上溏心蛋好好食！🥢追加金黃鹽酥雞（半份）食台式料理當然唔少得鹽酥雞炸得鬆脆又可口，真的令人食到停不了🥃黑糖冬瓜茶🍹紅豆薏米水🧋黑糖小芋圓奶茶（堂食限定$8）

🍜吃過形點茶木的紅燒牛肉麵，湯底偏鹹，某一兩件牛肉又不夠腍，所以光顧返屯市的茶木👇🏼紅燒牛肉麵(輕食)轉新竹米粉$78，一如以往，湯香濃，牛肉軟腍，紅白蘿蔔入味，無論是手作麵或新竹米粉都愛吃👇🏼熱佛手柑水果茉莉綠茶$19(下午茶加配)，味道調得很好，愛飲，好飲，每次都飲👇🏼台式滷味拼盤配白飯$88，牛肚好味，不過腍也不硬，牛腱就再腍一些較好，雞翼不錯，豆腐正常，腩肉遜色，肉質很嚡😋再次品嚐了令人愉快的飲品和好味的紅燒牛肉米粉

紅燒牛肉麵，半筋半肉而且軟淋適中嘅口感，加上香濃嘅湯底，入口牛肉味濃，牛肉大大塊，麵條吸收了湯底，而且入口順滑，還有蘿蔔做配菜，入口多汁清甜，真不錯。紅油抄手，眼看很吸引，入口帶一點辣，而且皮薄而潤滑，用上鮮肉餡，柔嫩鮮美，湯汁微辣濃香，有齊辣，麻，鮮，香味道，還加有蒜泥和醋香，如覺得辣，很有心在旁放有青瓜，青瓜清新清甜可中和一下辣感。鳳梨鮮果甜酸肉，選用新鮮菠蘿切粒，和新鮮豬肉，菠蘿入口甜甜酸酸味很開胃，豬肉的鮮嫩加上菠蘿甜酸的味道很夾。沫茶鮮果流心軟，有沫茶雪糕，士多啤梨，芒果，奇異果，厚多士，入口非常濃陏的沫茶味，甜甜的入口透心涼，多士剛剛出爐，非常脆口而且加上自己特製的醬，非常好味。綜合水果茶，味道清香水果味，甜香的茶味很好飲佛手柑水果茶帶有佛手柑甜，柸中放了很多鮮果，很好飲。

前嗰排見佢裝修，終於等到佢裝修完嘅一個星期日。平時逢星期日都好多人排隊，今次都唔例外我哋一家三口都等咗差唔多20分鐘先入到入到去見到佢有好多甜品嘅餐牌。我哋都忍唔住嗌咗個士多啤梨嘅甜品，另外仲有牛肉麵滷肉飯。茶木面的確好唔同。面質彈壓配上湯汁食個不停。最後嚟到士多啤梨甜品真係好大個，非常滿足。今次整體感覺都算唔錯，服務都好好，餐廳亦都會提供畫紙同畫筆比小朋友畫畫添。非常之細心，好適合一家大細食嘅餐廳

為慶祝朋友生日，我們選擇吃台灣菜，平日中午時段，人流都算多，食物非常好吃又任我們坐，可以一邊傾計，一邊慢慢品嚐美食。：推薦大家吃烏魚子元貝手作麵，味道一流！ 紅油抄手，辣味轟炸我的味雷，好味！ 餐飲ice Moka,朱古力味濃（配咖啡）yummy! ：不建議小食吃鹽酥雞，又乾又無味道！環境方面：清潔，地方寛大，坐位舒適，店員態度尚可

🌷較早前在V Walk的茶木，吃了好味的紅燒半筋半腩牛肚麵，想再吃，所以今日到「屯市」茶木，殊不知每間分店的牛肉麵款式，都可能有所不同🪜裝潢以木系為主，簡約而光亮，最喜歡它裝修後有很多卡位，有2人或4人，坐得又舒服。有某些位的私隱度很好，完全看不到鄰座枱的食客🔰叫了TeaWood紅燒牛肉麵$76，牛肉質感軟腍，其中一件帶筋膜更好吃，紅/白蘿蔔腍而入味，闊條手作麵煙韌滑口，湯底香濃，加上芫荽的獨特香味，又是一碗讓人垂涎的牛肉麵🔰三杯牛肉濃湯新力麵拼福州魚丸紫菜湯$50🔰三杯牛肉濃湯新力麵，其實即是沙爹牛肉麵，牛肉入味嫩滑，湯底香濃，只是油了一些，加埋最佳配搭之一的公仔麵，吃到舔舔脷👅🔰福州魚丸紫菜湯，紫菜湯清甜，魚丸口感偏腍

今日一行二人，去咗一間台式餐廳食晚飯，被安排坐咗一個卡位，好舒適。一睇餐牌見到有好多食物可以選擇，首先揀咗鹽酥雞作為小食頭盤，鹽酥雞整得好好，調味剛剛好，唔會太鹹，細細粒，一口一粒，脆卜卜，好好味。仲有限量供應嘅炸芋頭咸蛋肉鬆波波，外脆內軟，熱辣辣好好味。主菜揀咗黑醋豬軟骨配肉燥飯，豬軟骨係用陶瓷做嘅碗裝住，下面點咗蠟燭保暖，令餸菜唔會冷卻。豬軟骨煮得好夠林，完全吸收晒個濃濃調味汁，好入味，好正。而且份量好夠，好多肉。肉燥飯係喺白飯上面鋪上肉燥，有點偏鹹，不過好惹味。另一份主菜係鳳梨甜酸肉，其實係咕嚕肉，加上好多雜果、包括菠蘿粒、荔枝、火龍果粒、士多啤梨，配上酸甜醬，甜甜酸酸好惹味。小菜套餐包含一碗珍珠飯，飯粒軟滑香甜。揀咗兩杯飲品，一個係黑糖珍珠奶茶，上面有三粒芋圓丸子串埋一齊，珍珠好有趙口，奶茶好香奶味。另一個飲品係四色波波芝麻豆乳，好似食緊芝麻糊拼豆腐花，好香濃嘅芝麻糊味道。甜品叫咗雪糕拼芒果吉士窩夫，曲奇味雪糕好結實，好好味，窩夫即叫即整，好香雞蛋味。

今日一行二人，去咗一間台式餐廳食晚飯。呢間餐廳裝修簡約，而且清新，色調柔和，木紋同埋綠色配搭得好好。小食揀咗紅油炒手，水餃皮好軟滑，好新鮮，配上麻辣汁，真係好辣。仲有小食：鹽酥雞，鹽酥雞整得好好，調味剛剛好，唔會太鹹，一口一粒，脆卜卜，好正。主食係三文魚奶油手作面，三文魚濺到好香脆，奶油醬汁好濃味，配搭軟滑有口感嘅手作面，超正。飲品揀咗粉紅櫻花燕麥拿鐵，奶味好濃，粉紅色好靚，加上櫻花做裝飾，影相打卡一流。今次揀咗兩款甜品，黑芝麻芋泥圓仙草，估唔到係好大碗嘅，兩個人都食唔晒，黑芝麻味好香濃，加入燒仙草同埋芋泥圓，好好味，但係好飽肚。第二款甜品，揀咗台式奶茶布丁，識落口唔係咁甜，淡淡的奶茶味道，幾特別。總結食物好多元化，好豐富，有小食、主食、飲品及甜品，全部都好精緻，好值得推介。

路邊灘小吃：炸雞外脆內嫩，食落幾juicy 。台灣香腸煎得外皮香脆。圓滾滾芋泥球：就算放耐咗，外皮依然香脆。芋泥軟糯，入面有咸蛋黃同肉鬆，味道豐富。紅蔥醬燒豬軟骨米粉：豬軟骨大大嚿，炆得香鬆軟淋，如果有多啲軟骨就更加好😚新竹米粉吸收湯汁，勁入味但唔會糊掉。烏魚子元貝手作麵：兩大粒元貝嫩滑爽口，冇雪味，烏魚子忌廉醬汁香濃帶有咸鮮味，手作麵Q彈。曲奇雪糕拼草莓吉士可頌窩夫：雪糕好大球，有幾種味可以揀：朱古力，草莓，抺茶，曲奇。窩夫熱辣，都算幾鬆脆，吉士唔會太甜，加埋士多啤梨甜甜酸酸，好味。四色啵啵芝麻豆乳：有4色芋圓同埋豆花，黑芝麻味濃郁。唔止係飲品，當佢甜品都得。食物質素穩定，茶水自助，座位唔逼夾，冇限時可以慢慢食，係咁多年都食得幾舒服嘅連鎖餐廳。

茶木‧台式休閒餐廳 (屯門市廣場1期) (屯門)屯門屯順街1號屯門市廣場1期3樓3205號舖Lunch set:蒜香台式自家製香腸配糖心蛋$82呢個台灣菜係我嘅至愛，每次嚟必定會叫😚，香噴噴脆卜卜嘅香腸，配一啖煙煙韌韌嘅白米飯，再咬一啖糖心蛋，簡直係衝擊人嘅味蕾🤤黑糖脆脆朱古力珍珠鮮奶配芋圓🍡跟餐加$19煙煙韌韌嘅珍珠，再加上香濃嘅鮮奶，杯外面嘅脆脆朱古力每次我都會用匙羹潷嚟食😝再飲一啖面頭嘅奶蓋😍超級正🤤Lunch set:微辣半筋半肉手工拌麵🌶️$84半筋半肉嘅牛肉🐮口感好特別再加埋佢特別嘅醬汁少少辣咁樣，令人非常開胃手工拌麵嘅質感煙煙韌韌韌，但容易咬開，非常之好食帶埋豬紅同腐皮一齊食，真係冇得頂👍🏻黑糖珍珠奶茶🧋跟餐加$10奶茶茶底香濃，雖然加咗黑糖，但唔會覺得太甜😻珍珠依然煙煙韌韌保持水準