茶木‧台式休閒餐廳 (東薈城名店倉)

營業中

休息中

同小朋友嚟呢邊玩，玩到攰就搵嘢食，最後揀咗呢度。貪佢有下午茶同埋唔係好多人唔使等位。因為我太太太想飲芒果嘢，就加錢叫咗呢杯芒果奶蓋冰，飲品仲跟埋塊新鮮芒果肉，不過咬咗啖我就無食，酸酸地😂但杯嘢真係好好飲，好芒果又透心涼，好快俾我飲晒。台式肉鬆起司香蔥蛋餅因為好多下午茶餐都無晒，所以除咗叫個飯，小食就叫咗佢，無咩特別，就係台式蛋餅囉😂不過不失。自家製台式烤香腸肉燥飯因為我太餓，一定要食飯😂愈無益嘅食物確實係愈好食，香腸好香口，送飯真係一流。反而肉燥好少同冇乜肉，好似得個芡咁，呢個就麻麻哋。整體其實唔錯，會再去。

嚟到東涌突然想食台灣嘢🤓之前都試過幾間不過最好味👍🏼都係茶木我覺得台式味較其他店舖正宗😍每次去親茶木都一定食紅燒牛肉麵牛肉每一次都好腍同埋好鍾意佢哋嘅麵質地食落去煙煙韌韌🫶🏻🫶🏻今次飲咗個鐵觀音奶茶加仙草又幾好味wo⋯😍👏🏻👏🏻👏🏻👏🏻

今日一於嚟到茶木，心思思想試下佢哋啲新嘢。開餐就點咗茶香三文魚湯漬飯，三文魚係滑到不得了，湯漬飯又有一種暖笠笠感覺，真係好過癮🍲。墨魚鮮蝦茶香黎麥飯嘅點睛之筆係個茶香，鮮味從頭嗌到尾。煙肉香姑忌廉意粉呢盤，肉香與忌廉嘅結合，啖啖都靚味到彈！想轉個口味，就叫咗士多啤梨雪糕吐司，層層疊起嚟，啲士多啤梨同雪糕真係多到流晒出嚟，甜而不膩🍓。行完東涌，食咗呢餐，真係大滿足。茶木嘅菜式選擇多，而且裝修企理，食嘢環境舒服，仲有啲飲品配搭得宜，下次唔試下啲其他嘢都對不住自己！朋友，下次東涌玩完，記得過嚟溫飽一頓啊！😋👍

係東涌行左陣見肚餓就去搵野食，茶木好耐未食過，所以入左去食兩個人叫左啲小食，飯麵同甜品櫻花蝦花枝餅味道一般，蝦滑味唔太突出，但口感唔錯，都幾大件台式滷味拼盤有牛肚，牛𦟌，豬腩肉，滷豆腐，雞翼牛肚口感唔錯，唔韌，有少少羶味，不過可接受牛𦟌入味易入口，都幾厚身大塊紅燒牛肉麵一向係招牌菜嘅牛肉麵都保持到水準，牛腩入味軟身，大大件麵條口感唔錯，唔會太淋香煎沙朗肉燥飯沙朗有少少韌，但味道足夠，送飯一流肉燥叫左另上，食果時先加落飯到唔會太鹹木柵鐵觀音奶茶（走甜）+仙草凍 愛玉鐵觀音奶茶叫左去甜，飲得到茶底好香濃，口感幼滑。仙草同愛玉份量都好多，整體清新順口奶茶雪糕拼草莓窩夫似係牛角包嘅窩夫，好酥脆，食果時仲暖奶茶味雪糕唔算好濃，唔會搶左窩夫嘅味唔膩

真係好耐無食茶木 好掛住佢個紅燒牛肉麵可以算係香港食過最有水準嘅牛肉麵個湯都好好飲 麵條Q彈而且帶有韌性個紅燒牛肉有點不一 有些很嫩 有些偏硬 但還是很入味ok嘅😋·草莓香草磚塊蜜糖吐司 這個好像沒有以前好食 感覺欠了些什麼蜜糖吐司甜甜的味道 上面個無花果想點？士多啤梨可以多D嘅話 成件事會開心D

兩公婆同埋BB嚟outlet shopping，行到攰決定叉叉電。見到地方夠大放埋BB車都可以坐得好舒服就決定入去食個early dinner🤣第一樣唔使諗一定會食既就係牛肉麵！！不過就諗咗一陣間湯定路。最後揀咗撈麵，因為比較少見有得食撈麵。✅台式麻辣半筋半肉撈手工拌麵牛肉軟淋淋，入口即溶，牛筋係爽口既骨膠源，大大舊好滿足，手工拌麵係粗麵！彈牙又掛汁！麻辣比較偏麻～。小食係鴨血同素鴨卷，鴨血係實實有口感唔係一夾就散！份量一個人食都好飽！✅茶香三文魚湯漬飯見介紹係台灣有機高山茶葉加高湯製成嘅茶湯配料有三款，有蝦乾仔，木魚同埋炸米！我自己就好鍾意陪查咪因為佢不薄味道唔係好濃唔會搶過咗茶湯味！另外兩款小食落咗落去成個湯都有少少唔同咗味係另一種食法！至於三文魚啖啖肉！！有陣時好怕啲熟三文魚煮得太耐好碎好嚡！哩個恰到好處♥️另外完全冇骨食得好方便！不過我見Menu上面有講叫小心有魚骨可能真係有一啲會有～✅台式滷味拼盤小食有雞翼，豆腐，豬腩片，牛展，牛肚，糖心蛋！全部都滷到好入味特別係豆腐索晒所有汁超精華！兩個人份量啱啱好每樣試到啲！✅四色啵啵黑芝麻芋泥芋圓仙草凍一個仙草凍有勁多配料！滿足晒所有願望

午餐紅燒牛肉新竹米粉$90牛肉味道濃郁，冧滑有口感，湯底牛肉味重，湯頭清甜，配上台灣的新竹米粉吸收湯底精華，蘿蔔清甜，多汁，簡直絕配！加$24有兩隻雞翼，雞翼也不錯，入口肉質嫩滑，醬汁入味，熱辣辣很好味。 加$24 黃金鹽酥雞（半份）表面加了鹹蛋黃去炸，入口有很濃的蛋黃香，表層卜卜脆入口鬆化，內裏嫩滑，越食越香口，正！香煎沙朗肉燥飯，這個肉燥飯是選用牛肉的，並不是豬肉，入口香濃的醬汁和牛肉碎，加上白飯一齊食，地道的台灣風味。加$24 蒜香麻辣豬耳朵，入口軟熟豬耳朵卜卜脆，麻辣香口，有口感，辣得來很好味。加$24 櫻花蝦魚湯浸娃娃菜，這個娃娃菜湯底清甜，他選用鮮魚清湯，加上櫻花蝦的鹹香味道，突出了娃娃菜的鮮甜，好味道。冰淇淋拼芒果吉士可頌窩夫，我很喜歡吃即叫即做窩夫熱辣辣，配上吉士醬絕配，加上忌廉碎曲奇雪糕，非常邪惡，😋

同朋友去茶木食晚飯，水準真係keep到無得頂🤤👍🏻我哋叫咗古早杏鮑三杯雞配珍珠飯，完全估唔到佢上菜嗰陣會有埋個陶瓷蠟燭爐座住，啲餸菜興住保暖又可以保持鮮味！呢道餸有鮮甜嘅杏鮑菇、仲有入味鮮嫩嘅雞肉，配上珍珠飯撈埋一齊食真係完美嘅組合🍖🍚我哋仲嗌咗津菜水餃麵，真係超大碗，水餃同麵嘅份量都係超勁量。水餃嘅皮薄餡足，內餡鮮味可口。再配上彈牙嘅麵條、津菜同濃郁而唔漏嘅醬汁，既健康又好味🥟🍜另外，我哋仲叫咗台式滷味拼盤配珍珠飯。呢道菜以豐富嘅滷味為亮點，包括滷豆腐、雞翼、豬腩肉、牛𦟌、牛肚、同溏心蛋。每一樣滷味都非常入味，一啲都唔鹹，肉質鬆軟程度恰到好處🍗😋最後，我哋仲有叫櫻花蝦魚湯浸娃娃菜。擺盤超靚、娃娃菜入哂魚湯嘅鮮味，亦係非常出色嘅健康之選🥬飲品我哋叫咗熱黑糖珍珠奶茶，珍珠份量超多但甜度非常合適。仲有特飲草莓櫻姬，可以自選cream嘅份量同甜度，tailor made一杯合哂心水嘅沙冰🍧最最最鍾意喺茶木好relax好chill嘅環境，食晚飯會令到人有心靈滿足嘅感覺❤️😌

今日放假去咗東湧東薈城行街,喺東薈城食到一間好好味嘅台灣牛肉麵。茶木台式休閒餐廳,地址喺東湧達東路20號東薈城名店倉地下,餐廳裝修得好整潔,座位空間感好足夠,喺度食嘢感覺好舒適好放鬆。紅燒牛肉麵配黑糖冬瓜茶 76元,牛肉麵湯底非常香濃,配上蘿蔔增添鮮味,牛肉煮到好軟淋好入味,口感好嫩滑。牛肉湯吸收曬牛肉嘅精華配上芫茜香蔥味道一絕。黑糖冬瓜茶入口清甜,黑糖味好清香。紅油抄手五隻配福州魚丸紫菜湯 58元,紅油抄手皮薄多餡,加上少少紅油增添味道層次。紫菜湯魚丸爽口彈牙,清清地好好味鹽酥雞排手工拌麵 54元,跟有機台灣高山茉莉龍珠茶,鹽酥雞炸到脆卜卜,雞皮炸到金黃色入面嘅雞肉仲係嫩滑多汁,手工拌麵麵身有咬口。三杯牛肉香蔥蛋餅,蛋餅口感豐富,咬落去有雞蛋嘅香味仲有香濃嘅牛肉味,最正就係有青瓜中和返油膩感。

東薈城一向都係我經常帶媽咪去揾食既地方，因為除左有街街行之外仲有好多野食，總會有一間滿足到佢🤣上次佢話未食過茶木，既然翻新後我都未試過，咁就一於一齊try try la🤤。今日嗌左好多野食，但埋單都只係唔洗二百蚊一個人，真係估唔到咁抵食，因為有唔少野跟餐都有優惠價，所以一個價錢都食得哂好多唔同既小食🍤。🐒晚市二人餐💰$259✅小食*2櫻花蝦魚湯浸娃娃菜(半份)黑麻油雞翅(2隻）紅油抄手(半份)+$20✅主食*2烏魚子元貝手作麵TeaWood紅燒牛肉麵✅飲品*2四色啵啵芝麻豆乳(凍)+$10鳳梨水果茶(凍)+$19👉🏻四季青萱茶✅甜品草莓吉士可頌窩夫+$18 。🐒櫻花蝦花枝餅(4件)💰$58🐒310溏心蛋(2隻)💰$38總括而言試左咁多唔同野食，款款都好高質，而且係裝修左之後仲更加舒服😌雖然無試佢地既signature吐司🍞但今次個士多啤梨Croffle都好滿足呀🍓

見茶木出咗新Menu，望落好吸引呀，趁今日早收工去食😈1. 自家製墨汁花枝麻醬手工拌麵墨魚膠食落好香口，手工拌麵好彈牙，配埋香濃芝麻醬好夾👍🏼2. 烏魚子元貝手作麵烏魚子食落有微微嘅咸香味，元貝煎得啱啱好，食落鮮甜。台式手作麵但喺用西式方法去煮，好creamy👍🏼3. 粒粒紅西柚茶好足料，有幾片西柚同粒粒西柚果肉，口感豐富。平時飲西柚果汁走甜好驚好酸，好驚喜依杯味道唔酸，好清爽❤️4. 佛手柑水果茶酸酸甜甜，幾好飲，食到好多款水果，有芭樂，菠蘿，士多啤梨🍓5. 四色啵啵黑芝麻芋泥芋圓仙草好有誠意嘅甜品，勁多料，有芋泥球、黑芝麻豆乳沙冰、仙草，珍珠，紅豆同四色小芋圓。芋泥球好綿滑，黑芝麻豆乳沙冰好重黑芝麻味👍🏼6. 抹茶鮮果流心歐軟歐軟包外脆內軟，趁熱食好正👍🏼 又有幾款生果點綴 ，抹茶雪糕超正，回甘👍🏼

呢碗手工拌麵的麵條非常有嚼勁，口感好好😋麵條的質地柔韌，寬度和長度都好適中，另外微辣的調味恰到好處，個人覺得呢碗麵出色過牛肉😌鹽酥雞扒外層酥脆，炸得恰到好處，保持到酥脆口感，又沒有過分油膩 ，雞肉都比較嫩滑👍🏻不過雞扒份量有啲少😅小食-黃金鹽酥雞 (半份)、台式烤香腸、蒜香麻辣豬耳朵(每款小食另加$24）小食的鹽酥雞有點乾，無午餐的鹽酥雞咁好食😅黑糖奶茶(跟餐另加$10)-叫咗少甜🤪甜度啱啱好黑糖薑母茶(跟餐)

花膠濃雞湯拌麵不錯 雞湯有成條花膠喺入面 雞味亦都好濃 感覺好滋養🩷椒麻拌麵口感不錯 軟硬度適中 仲有少少辣味幾好食 另外幾鍾意嗰個素鴨!好脆👍🏻糖心蛋好流心~綜合水果茶好多水果👍🏻相當不錯

帶住小朋友在街外搵餐廳食飯，真是一大難題，呢間應該適合佢哋食就入咗嚟，位置開陽寬敞，不多枱，如果午市嚟需要等1段時間。茶香三文魚湯漬飯👍🏽👍🏽香濃的茶漬，配上煎香的三文魚，配料配有乾蝦米🦐、碎米通、柴魚片，非常匹配！美味！自家製台式烤香腸肉燥飯就是我們香港的臘腸，食落不肥膩，送飯好吃，但齋食就會有點咸。還有隻半熟蛋在點綴。肉燥香口，不咸，調味適中，不肥膩。跟餐配有：紅豆薏米水，健康有益，還有薑絲在內。蜂蜜柚子茶，比較淡味。

茶木TEAWOOD（東涌）🍓草莓香草蜜糖磚塊Strawberry Ice Cream Honey Toast $82行Outlet行到攰 突然之間想食啲甜品 見到幾吸引就入咗去試估唔到出嚟嘅實物仲靚過Menu上面嘅🥹以為下面全部都係麵包會好難食 但勁有驚喜！！！ 因為用蜜糖烤過 所以好香好脆 超容易入口 上面個士多啤梨味雪糕都好大球 溶溶地同麵包一齊食 絕配🫶🏻連隔離枱嘅小朋友都望到流晒口水 值得一試Recommend:🐖🐖🐖🐖🌎地址：東涌達東路20號東薈城名店倉地下G24號鋪#noideatc