茶木‧台式休閒餐廳 (東薈城名店倉)

營業中

休息中

店舖明亮乾淨，空間寬敞，坐得舒服。主食：台式麻辣半筋半肉拌麵所謂的半筋半肉講的就是牛腩里面筋肉的比例，幾乎是一半牛筋一半腩肉，加上炆的過程取用高壓力，肉質很淋很軟Q帶來有入口即熔的口感，還能鎖住肉汁，滿滿的腩肉味道，讓人食到心情愉悅，這道菜式非常值得一試。晚嚐套餐精彩之處可以加追小食、飲品和甜品，小食追加了蒜香麻辣豬耳，爽口辣得起勁，配上拌麵也是很不錯的。另一道小食是櫻花蝦魚湯娃娃菜，味道清淡帶出健康的元素。朋友的主食是：台式滷味拼盤牛展、牛肚、滷水豆腐，雞翼，五花腩，每款有兩件呢，好抵食的呢。追加小食選的是黃金鹽酥雞，它是即炸的，仍然保持香口嫩脆的，細細粒的雞粒一粒一啖，滿口滿足感。黑麻油雞翼油嫩的口感，雞翼好入味，肉質嫩滑，單吃或者跟飯都是不錯的選擇。草莓香草蜜糖歐軟轉塊，賣相出色，由三層的香脆方包疊起來，上面是雪糕和cream帶來甜絲絲和香脆脆的交集，非常邪惡。女人對甜品有另一個胃是專屬的。你說是嗎？

今日男朋友帶咗我去遊東涌，唔係去outlets shopping，而係去行東涌觀景山和東涌海濱長廊，老實講，兩個地方我都喺第一次去，真係好靚！大家又覺得點？行完山仲帶咗我去食茶木，放心….雖然唔係呢間分店，但茶木我都有去過。木系為主，設計簡約優雅，開放式的環境，樓底高，感覺開揚寬敞，仲播住輕柔的歌曲，坐得好寫意舒服。餐牌設計得幾靚，仲有好多選擇，有單點、一人晚餐和二人餐，套餐的選擇亦有不同，我們就揀咗兩份一人餐，再追加小食，超級豐富。無計啦！行完山好肚餓….一人晚餐要咗鳳梨鮮果甜酸肉轉肉燥飯($128+$10) ，嘩！真係要講句色香味俱全，用心的擺設，色彩繽紛的賣相，見到都開心。甜酸肉好爽嫩，加咗甜美多汁的新鮮鳳梨、士多啤梨、火龍果和果醬煮成，味道酸酸甜甜，中和肉的油膩，反而越食越開胃，好好味！我哋邊食邊讚，哈！肉燥飯(+$10)好入味，無混入太多肥膏，吃落唔會太過肥膩，但亦有啲油潤，肉香拌白飯，咁正就好自然爬多幾啖飯。追加兩份小食，有黃金鹽酥雞 （$22.00 /半份）一粒粒，啖啖肉，炸得乾唔油，香脆可口，味道鹹香，不錯！仲有紅油抄手($20.00/半份）一份四隻，皮薄滑饀多，稍稍香

去Outlet睇下有冇好野買黎過年，買到一袋二袋勁攰，見有茶木，又凍凍地，就好想食佢個香辣牛肉麵😋基本上唔會令我失望，第一次係東涌店食，質素一樣咁good👍🏻湯底個陣香辣味恰到好處，試過食番原味就好似硬係爭d野咁~ 仲有半筋半肉，咬落腍又香‼️依個麵我次次都食到見碗底。 紅油抄手 $62惹咪微辣，大粒多餡👍🏻三交魚茶漬飯 $98擺盤精緻，茶壺🫖裝住既高湯帶陣陣茶香，味道好舒服唔油膩，自己倒入飯中，唔會因為時間差而令米飯腍哂👍🏻三文魚大件又煎得香🐟脆米蝦乾同木魚絲混入茶漬飯，口感同味道都立即昇華。巧克力曲奇蜜糖磚塊歐 $78茶木必食既甜品，脆卜卜蜜糖麵包加cookie雪糕，永遠都係好飽但又忍唔住一啖一啖咁食哂😋茶木既飲品出品一直都有質素，又多花款。今次飲左Matcha latte夠哂抹茶味，四季青萱粒粒紅西柚就清香解膩🫖keep到質素👍🏻

想食台灣野,但東涌唔多。同朋友來茶木叫左個帶子意粉,個汁做得好好野,帶子剛好可以一人一粒,大大隻,好鮮甜!另外叫左個茶漬三文魚飯SHARE,可以自己加配料,我地加晒木魚同埋配料後,再加茶入去,原條三文魚同木魚好夾!好岩食!拼盤有齊福建魚蛋、台灣腸、雞排,可以試到唔同口味。甜品就叫左個雜莓牛角酥配ICE CREAM,有甜品係好好既完結,賣相好靚。飲品就叫左一杯果茶,另一壺純茶,可以飲好耐。我比較中意純茶,飲到茶最純粹既味道!同埋食左咁多野,可以解到膩!

同老婆去左東涌行山，行完老婆建議去東薈城食晚飯。大家都想食d酸酸甜甜的咕嚕肉，成日見人地d食評話茶木的台式鳳梨甜酸苦肉好好食，所以我地就好快決定左去東薈城食茶木。東薈城的茶木系半開放式的裝修設計，外觀睇落好靚好乾淨，時間係大概6:30pm，已經派左隊等候入去，慶幸我地去得早，排左5mins就到我地有位。入面的臺凳都好寬闊，坐落去好舒服，檯與檯之間有一定的距離，唔會好逼。檯面好貼心有曬消毒酒精同紙巾，感覺台式的餐廳就係呢d細微的位置做得好好，給顧客一種窩心的感覺。店員遞上兩杯暖水，放低個2D code俾我地手機落單。老婆見到個牆身的slogen，就話要點水果茶。於是我地一人先點左一杯水果茶。拒揀左士多啤梨我就揀左西柚，兩杯都係酸酸地，好開胃。老婆果杯士多啤梨叫左少甜，飲落去士多啤梨味好濃，好似好多粒士多啤梨榨汁咁，如果鐘意食士多啤梨的朋友，推薦呢杯飲品，唔會令你失望。點完個飲品，緊係點我地都想食的甜酸肉啦。食物果然無令我地失望，其他食客的食評無言過於實。真系好好食。拒個豬肉咬落去好有肉汁，食得出係新鮮豬肉，唔係果d雪死果種。而且簡簡單單一道菜，配上左好多舊新鮮的菠蘿，好甜好正。而其他的火

行完東涌outlet唔知食飯? 黎茶木就係信心保證啦茶香三文魚湯漬飯三文魚煎得幾香，而且好有魚味倒少少又鮮又香濃既湯落去，同埋加上脆脆等既配料，整成茶泡飯令成個味道同口感都唔同晒，食一個ＳＥＴ好似變左食兩個咁路邊攤小食好有台灣夜市ＦＥＥＬ，全部都好香好惹味鹽酥雞排骨肉燥飯排骨既炸層唔會厚，金黃香脆肉燥唔會太肥但又食到佢既香，岩晒香港人口味糖心蛋好creamy黑朱古力杏仁可頌窩夫、白朱古力杏仁可頌窩夫味道唔錯，唔會過甜紅豆意米水、黑糖薑母茶真材實料

2023年第１個星期五，天晴，宜郊遊。在晴朗的１天，陪媽媽到寶蓮禪寺拜天壇大佛，選擇這１天，原因有２：1)適逢是農曆十二月十五日，老人家喜歡初一/十五禮佛；2)還有２天就通關，開放後預期會有很多遊客到訪，提前來大佛，可以避免人擠人。於下午３時返回東涌，活動了半天，有點累，找個地方歇歇，walk in東薈城茶木。在寺内齋堂吃過午餐，不餓，簡單的點了以下３樣：#金黃鹽酥雞：臺式小食很多，我獨愛吃鹽酥雞，茶木的鹽酥雞調味剛好，但有點乾，有改善空間。#柚子蜜茶：下午茶餐配的飲料，今天相對濕度只有51%，喝這個感覺滋潤。#臺式抹茶拿鐵：單點價42元/杯，抹茶味道挺好的！小小無花果topping，起很好的點睛作用。中規中矩的一頓下午茶。

印象中嘅茶木一定要食蜜糖磚頭方塊～今日打開Menu發現轉左唔同嘅菜式😆仲以為入錯舖頭😬😬 原來茶木轉左風格好多唔同嘅嘢食 仲有埋fusion意粉🥰🥰最鍾意試吓唔同嘅嘢～😀帶子好鮮甜 份量都好足 醬汁好特別 越食越開胃🤤🤤不過有好多豆 唔鍾意食豆嘅朋友記得叫走咗啲豆三文魚茶積飯打開Menu真係覺得好神奇 茶木多咗好多新嘢每樣嘢都好想試吓佢🥰🥰睇相已經覺得好吸引😗😗食落又真係有驚喜白飯選用珍珠米 三文魚煮得岩岩好 唔會overcook 嚟到台式餐廳 點可以唔order手搖飲品黑糖珍珠奶茶 黑糖味好出色 正啊🫰🏻抹香奶綠 加咗寒天同埋晶球 好fresh 🥰呢個甜品取代咗蜜糖方塊😋😋同樣有驚喜 入邊係奶蓋麻薯 🤤🤤🤤加埋好重綠茶味嘅雪糕 好正🤡水果都係新鮮水果 值回票價😈😈

不嬲對呢間餐廳冇好感，特別外賣質素更差。無奈阿仔們喜歡，又見裝修完，希望有d好改變……改變咗，但係更更差，熊貓叫了2盒炸豬扒飯，加小食香腸，香腸的配料蒜片同葱段已經得返岩岩蠶蠶3，4片，葱更加消失咗。最厲害係豬扒，教主色，全部得一邊熟。發現時阿仔們應該已經食咗1，2舊。垃圾級餐廳，不講味道，連基本煮熟食材的功夫都咁失敗，小朋友煮飯仔？！

去東涌行完街，肚餓搵地方醫肚，難得茶木唔使排隊就梗係入去試吓啦！地方寬敞，坐得舒適，服務員嘅態度亦都好好。都有一段時間冇理，今次我哋叫咗一個二人餐！有小食、主食同埋嘢飲！我哋叫咗茶漬三文魚飯，第一次時！感覺好清新，一啲都唔膩，打破咗台灣嘢剩係得煎炸嘅感覺！食得出佢個茶係配咗啲魚湯，加埋脆卜卜，蝦米目魚，感覺好新鮮！唔錯唔錯！另外一款主食嗌咗帶子意粉，配埋紅腰豆青豆仲有個汁都幾creamy ! 份量適中！如果再多幾粒帶子就好了最後帶咗兩款甜品，食甜品真係有第二個肚！嗌咗鮮芒吉士窩夫！呢個一定要食一定要食！即叫即做熱辣辣，芒果好甜！正！另外就叫咗一個王牌草莓香草蜜糖磚塊，雪糕好大球！配埋香甜脆卜卜嘅多士，呢個甜品真係好耐冇食過啦！我哋竟然全部食得晒，真係好飽！

➡️食盡東涌之台式 — 茶木‧台式休閒餐廳—————————————————————今日同阿媽去完東薈城血拼購物之後， 行到有啲肚餓想食埋晚餐， 就見到近polo落兩層有間茶木， 專食台灣嘢，款式都幾多🤔🔸 四季青宣鮮果茶 $21（套餐價）呢個鮮果茶入面有勁多唔同生果， 有藍莓 熱情果 士多啤梨 檸檬等等😋😋，甜甜地好味道，推薦！🔸 水蜜桃花果茶 $21（套餐價）花果茶比起鮮果茶味道較清，相對甜甜嘅果味，佢比較似花香味， 佢另外仲跟咗蜜糖，可以加埋一齊食，味道更佳😋🔸 鳳梨鮮果甜酸肉配白飯 $128鳳梨係採用新鮮鳳梨而唔係罐頭， 酸酸甜甜好開胃！ 而且分量都幾多🔸 麻辣鴨血旺配白飯 $112雖然成碗嘢睇落紅色好似好辣， 不過實際上其實並唔係咁辣🤭， 係少少辣配合返香港人口味，唔錯🔸 路邊攤小食 $68有三款小食，台灣腸好好味！😛🔸 草莓香草蜜糖磚塊歐軟 $78呢個即製需時大概20分鐘，有甜甜嘅雪糕同士多啤梨醬， 仲有脆脆嘅多士🥰💭Overall comment:環境闊落，係一個幾適合情侶拍拖約會嘅地方！😇

讀中學同大學個陣成日食茶木既「蜜糖磚塊」，今日行街經過見到佢menu多左好多新嘅咸食，決定試一試😋.我哋揀咗個二人餐($258)，都好多野食小食揀咗「櫻花蝦魚湯浸娃娃菜」同「金黃鹽酥雞」，兩碟一上枱就好香，前頂有好重既櫻花蝦味，菜都浸有魚湯既鮮甜味；後者就炸得好香脆，個炸皮好薄而且細細舊食落口無咁膩。.主食就揀咗「茶香三文魚湯漬飯」，三文魚煎得好靚，同埋夠厚身，食落口啖啖肉又好香口。佢比左啲玄米、櫻花蝦同木魚我自己加落啲飯撈埋黎食。本身啲飯素撈飯已經好正，加埋呢啲配料就更上一層樓😋另外仲有「紅燒牛肉麵」，啲牛肉同埋籮蔔炆得好淋好入味，食完一舊又一舊😋. 最後野飲就揀左「黑藝師精選紅茶」同加$21既四季青萱鮮果茶，兩杯就不過不失咁啦～

東涌東薈城嘅茶木已經裝修好啦平時行過經過都10分期待店舖裝修以日式木系風格為主整體感覺舒適光猛 除咗搵朋友知己亦都適合一個人靜靜地享受下美食我哋今次帶着戰鬥力十足嘅肚子先叫咗兩款小食櫻花蝦花枝餅$58作為餐前小食佢嘅份量10分合適花枝餅咬落彈香口 自家製台式烤香腸 $48係台灣夜市嘅風味！鳳梨鮮果甜酸肉 $98 轉肉燥飯 +$10同一般咕嚕肉唔同嘅係 呢度水果嘅份量好多感覺好味得黎又健康烏魚子元貝手作麵 $98此為極度推介 偏西式嘅醬汁creamy帶有烏魚子鹹香而且手作面咬起黎煙靭QQ 超級好食牛奶冰淇淋拼芒果吉士可頌窩夫 $58食到飽飽都必須留肚食嘅甜點第一次食可頌窩夫 表面酥香脆口胚芽鐵觀音奶茶 少甜$38鐵觀音味甘香嘅奶茶 加埋杯奶有口感

平日放工大約7點黎到，差唔多坐滿入坐後見到門口位已經有人龍排隊相當受歡迎用QR code方便落單朋友揀左杯凍飲🍹金萱鮮芒果奶蓋冰 $42可以揀唔同茶底、少冰少甜芒果粒完全熟 少量奶蓋 烏龍茶底偏淡🦐櫻花蝦花枝餅 4件 $58加入少量櫻花蝦，仲食到蝦肉tim🧆路邊灘小食 $684件鹽酥雞排、2件鹽酥福州魚丸、台式烤香腸 叫左多蒜 (如圖)🍨冰淇淋拼草莓吉士可頌窩夫 $58原本雪糕可以揀味，不過當日只剩草莓味Menu寫即時製作，上台脆卜卜如果想食完正餐先上甜品 記住落單揀後上叫左2款手作麵，類似烏東既麵2款都多配料，調味岩岩好🍝紅蔥奶油培根手作麵 $92Carbonara烏東版 煙肉分量多🍝烏魚子元貝手作麵 $98元貝有2大粒

東涌茶木店好近地鐵站，一落地鐵行上去Citygate，非常方便，店舖嘅裝修都好現代化，同埋好舒服，座位都好寬敞。餐廳嘅食物都好好食，質素又好，價錢又唔貴。全部甜品都好有台灣特色，見到都流晒口水。熱辣辣嘅冬瓜茶，係冬天飲最好。玫瑰花茶，好香嘅玫瑰花味，飲完令人心曠神怡。炸櫻花蝦餅，非常香脆，入口即溶。軟殼蟹意粉，蟹肉好鮮甜，外脆內軟，非常彈牙。意粉都好香濃，好好味。菠蘿咕嚕肉，好香嘅菠蘿香味，再加上酸酸嘅醬汁，配上好彈牙新鮮嘅豬肉，成碟都好好味。好有台灣嘅風味。小食拼盤，炸得香脆香口，好彈牙，好好食。士多啤梨蜜糖方塊，麵包炸得外脆內軟，配上好香濃嘅士多啤梨汁，同雪糕，再加棉花糖，好有口感同層次。