茶木‧台式休閒餐廳 (大本型)

營業中

休息中

食食吓有陣好難聞味，最初以為係爆屎渠。仲要嘢食啱啱開始食，而且越嚟越勁，好似覺得好唔對路，聽見隔離枱問，原來係臭臭鍋，嚴重影響客人食慾。 都算。 點知最正係向個男經理反映，當時真係好聲好氣，佢可以無冇任何反應同笑，當聽唔到都唔緊要，無視客人說話，只係叫我俾錢。（真係⋯無語）我再問多次，如果我想反映意見可以點做，佢答：佢話呢度處理唔到，去社交媒體網站度投訴⋯再次無語。 一直teaWood 員工嘅質素一直都唔算太差，真無諗過經理會可以噤處理⋯

之前喺其他地方食過teawood都好好食，所以決定近近地食油塘呢間，裝修新淨，坐得幾舒服，明明當時6-7點應該係晚市繁忙時間，全間餐廳只有寥寥幾枱客入去嘅時候伙記有兩三個聚埋喺門口傾計，一個就收緊錢，另外一個就奇奇怪怪望住佢哋收錢？我地行入去冇人serve，坐低冇水，冇QR code，冇menu，舉手叫伙記過嚟先肯攞，三杯水好大力dum落張枱度，全部熱水，咁樣灑出嚟，差啲淥到我地，冇道歉又黑口黑面落單想照舊order返平時喺其他分店食開嘅嘢，台式牛肉麵+檸檬愛玉，但係侍應同我地講佢哋晚市唔做檸檬，即係檸水檸茶嗰啲一概都冇，聽到隔離枱想叫檸茶，侍應話冇，佢寸返話檸茶都冇？有檸檬但係唔做晚市騎騎呢呢咁，牛肉麵quality明顯差過其他分店埋單先話唔收現金，香港地唔收現金真係古古怪怪，都算，入座前佢哋都冇提醒，比緊錢先話有個牌寫住，原來係因為入去嘅時候啲伙記圍埋傾計擋住咗overall唔會再去呢間分店

我排隊等位，輪到我時不可以進入，因為我只有一個人，那我反映如果按人數進入，使用取票會更好！就不會有排到自己又不可以入去的情況，但個服務生仍惡言相向，後面的食客也是一個、兩個，也不可以進入，由於不是3-4人，後來大家也表示不滿才可以入。最攪笑係大家入曬去後，外面無人排隊了，而當初我地竟然係因為一位、兩位而無得入。由坐下開始，不停發牢騷「d 客係咁架啦！唔識體諒人」「佢話要入咪俾佢入囉！」「d客真係好⋯⋯⋯⋯⋯付錢時依然黑面！我現在才知道守規矩排隊入餐廳原來係食客不對🤪不會再光顧！

難得大本型開新餐廳當然要試試帶位坐低時Staff已經會溫馨提示佢地唔收現金，但有八達通，信用卡同其實形式俾錢。如果你只有現金就要留意啦! 全程都scan QR code手機落單，我諗大家而家都慣唔駛多講。夜晚7點入座，新裝修同埋呢個鐘數唔算多人，walk-in唔駛排隊即刻入坐，人唔多坐得又舒服。2個人晚餐我地叫咗１飯１麵同甜品，整體感覺唔錯，會再同屋企人朋友黎，油塘又多一個晚飯選擇啦~

星期六早上，送完小朋友參加學校活動之後，有個半鐘時間，緊係去食返個早餐打發時間，行下行下見到大木型新開左茶木，舖頭光猛，坐位寬敞，於是就揀左依間舖食早餐，坐底睇左一陣餐牌，叫左個台式組合，因為早餐時間都多客人，但人手不足，所以上餐時間都需要差唔多20分鐘，食物味道及質素都可以，份量十足，最欣賞豆漿配兩塊餅乾豆漿，下次等放學都可以再去呢間餐廳食早餐。台式早餐台式肉燥米粉拼台式醬油糭台式肉糙米粉味道可口，肉燥份量適中台式醬油糭感覺比平時食開嘅糭較一般，加砂糖食會比較啱我口味

見到呢間茶木有新menu，係行清新綠色路線，所以又試下，仲有個豆乳浸菜心，不過無嗌！✨奇異果乳酪燕麥沙冰味道還好，但佢加左翻石榴入去打汁，d石榴杍打完之後細細粒勁硬！一路飲要一路吐杍，極麻煩！燕麥有d多餘，我明係要撈落去，但個口感一般！✨芫茜手作麵配煎鱸魚醬汁唔錯，淡口少少但幾清新，似青醬味，反而芫茜味唔夠突出，但手作麵浸喺汁度變得太淋，又唔夠掛汁，因為汁比較稀。鱸魚柳嚇死人！完全無味，應該要醃d底味，就算煎得幾香嫩都救唔到！始終佢鹽酥雞扒配拌手作麵同木柵鐵觀音加寒天永遠是皇道

這家分店的前身是韓燒餐廳, 主打較為便宜的任食套餐, 牛肉質素真的一般, 但從大本營開幕不久到上年都年尾結業, 也算是堅持了不短的時間. 油塘從我十多年前搬進來, 到現在成家立室也是一樣的美食荒漠, 已經不是沙漠, 而是連小店也很難生存的地方, 一間食店結業, 一是店舖長期空置, 一是另一家連鎖集團經營, 這才是住在這一區最悲涼的地方.作為香港台式連鎖食肆, 最多分店的那一家, 菜式味道沒有太多驚喜, 就是中央處理的食材, 煮出來的罐頭味道. 紅燒牛肉麵偏甜, 乾撈麵的辣醬不麻不辣, 幸好麵身沒有過淋. 鹽酥雞的死鹹和炸皮偏厚, 也是在連鎖餐廳常遇到的問題, 畢竟處理炸物的心思, 不是人人也願意付出. 唯一可取的是窩夫牛角酥, 酥脆而有層次. 除了食物質素之外, 餐廳完全不收現金, 雖說對我而言沒有什麼不便, 但拒收現金的態度, 這實在有點可圈可點.

到台式餐廳茶木餐 廳地,我地叫左一個朱古力味蜜糖磚。2人食都唔會太飽,仲可以食到其他食物，蜜糖磚可以選擇即刻上或者後上,我地選擇左 即刻上,味道我地覺得好好味,啲蜜糖甜甜地加埋 啲多士同埋朱古力&雪糕好match，呢個蜜糖磚會再吃喔