茶木‧台式休閒餐廳 (V Walk)

營業中

休息中

🥰台式麻辣牛頰肉手工拌麵午 （午餐 $88）手工麵條質感煙韌彈牙厚實，醬汁有濃郁嘅花椒味，唔辣，味道唔錯。牛頰肉質感非常嫩滑，仲有少少肥肉，食落有骨膠原嘅感覺。質感好味。午餐跟嘅鴨血同素鵝就非常麻麻。鴨血冇味，質感正常，唔算特別嫩滑煙靭。素鴨都係冇味，普通。🥰烏魚子元貝手作麵 $98烏魚子鹹香味道較重，都幾有新鮮感，唔會話同平時d 明太子意粉一樣味。手作麵條有嚼勁爽彈。帶子生熟度軟硬度合適，味道正常。👌🏼紅燒牛肉麵 $88湯底算係ok，有少少牛骨髓湯嘅味道。牛肉份量十足，大大嚿。不過就比較多牛筋，都幾難咬，但係又未算係好硬好韌嗰種。普普通通。新竹米粉份量勁多。不過覺得都係手作面應該比較好。👌🏼黑麻油雞翅 ：有麻油嘅香味， OK。👌🏼黑糖薑母茶跟餐叫嘅都大大杯，仲有一塊餅乾送埋，都幾窩心。味道較淡，唔算有辣嘅薑味，好在都唔係好甜。🤔小芋圓芋泥奶茶（加珍珠）芋泥質地都okay 濃厚，但係都似落咗香精嘅感覺。比較甜。珍珠冇味，唔煙靭，普普通通，可以唔使加錢叫。芋圓就幾煙靭，冇咩味。環境： ★★★☆☆ 食物： ★★★☆☆ 性價比：★★★☆☆ 推介度： ★★★☆☆

茶木台式下午茶都幾抵食，佢哋個set 紅燒牛肉麵都好大碗，肉算都鬆軟，湯底好夠味道，仲包括飲品，另加購酥炸雞軟骨香口又脆口。咁啱朋友是日生日，我地個甜品加入祝福語Happy Birthday ! 打埋卡，又係一個有儀式感的下午小聚。

話說我下午茶時段去食茶木，因為我男朋友肚餓，所以就想食多啲，就問左個姐下午茶餐果碗牛肉麵同主menu果碗份量係咪一樣，個呀姐就話下午茶餐果碗紅燒牛肉麵係少啲嘅。咁如事者，我地就嗌左正menu果碗$88，無嗌到下午茶餐果碗$72嘅。但咁岩個呀姐送嚟嘅時候，連埋三碗一齊送，咁我就同個呀姐講 我地係叫主menu果碗紅燒牛肉麵，個呀姐就話無曬大碗啦 洗唔切 所以就用細碗，但我想講果四碗嘅份量係一模一樣….佢點分邊碗係正menu果碗呢？ 😅 都算， 我就再同第個服務生講呢個情況，佢就重複話無曬大碗果啲，但重點係 唔關個碗事 係個份量嘅問題。咁如果份量一樣 我點解要嗌個貴$16嘅主餐先？ 之後個服務生就同我講 主餐果碗多一舊牛 但蘿蔔就相同，$16一舊牛？😅 合唔合理先大家？ 之後佢地仲都唔明😅問我係咪想加多啲都得..😅最後純粹入去換個大碗同加左湯比我就算數.. 真係😅好似有點雞同鴨講.

睇食評好多人話服務唔好 但因為地點就腳 所以揀平日6點前去食 唔繁忙應該ok既唔洗等位 唔限時 點了火鍋 賣相好靚 但可能我地坐風口位 燒完一個火種都未滾 同侍應講就即刻換一個新既火種比我 仍然唔滾 侍應見到同經理商量後 就關咗我果邊個冷氣 咁好快就滾了 終於食得😆我地食臭臭鍋同沙茶鍋 湯底個味都幾好 材料質素都唔錯 叫了冬粉 成個鍋食晒都幾飽加$16點了水果茶 不過覺得唔夠凍 同侍應講就即刻比咗杯冰我其實間舖一到6點幾都full晒 但覺得服務都不錯 環境又好 勝價比高

sorry但其實vwalk間teawood真係好垃圾！不單止上菜遲，而且skip單。我落咗一碗豬頸肉麵，但上咗一碗牛肉面。問佢地究竟發生咗咩事，反而怪落我同我d frds都，但其實我地好確定唔會拿錯。因為我地落嘅都唔同。豬同牛仲係分得清嘅。而且！我等咗至少45分鐘，等咗d完全我唔想食嘅?冇比我一個合理嘅解釋，拍拍屁股走人?而且d分量真係好少好少。等咗45分鐘，食d唔想食嘅，仲要食唔飽。究竟有冇一個合理解釋?真係大避雷！

見呢間推出左套餐價錢還可以就打算黎試下。唔試唔知，一試中伏。佢嘅食物質素都算可以，不過服務嘅問題就令人非常失望😅。佢最大問題係超長等野食時間 - 30分鐘！！我地叫咗兩碗麵，一碗麻辣牛肉拌麵同一碗鹽酥雞扒手作麵。呢兩碗麵竟然要麵等足30分鐘先上到比客人。要等咁耐真係完全接受唔到😅如果你趕時間/ 接受唔到要等30分鐘，我真係唔建議你黎呢度。絕對會浪費晒你寶貴嘅時間😅😅仲有就係服務態度好差。中途叫waiter催單，完全唔諗住幫手催，淨係一句上緊架啦。全程都冇人嚟解釋或道歉，呢種服務水準真係令人失望透頂，令人完全唔想再幫襯😅😅Fair啲講，佢個麻辣牛肉拌麵同鹽酥雞扒手作麵其實係好食，但味道點都無用，一切都被超長嘅等餐時間蓋過咗😀總之，vwalk茶木嘅食物質素尚算可以，但服務同上餐時間太嚴重。希望餐廳可以快啲改善，雖然我應該以後都唔會再幫襯😊🫶🏻

tea time 叫左個台式沙嗲牛肉拌面加福州魚丸紫菜湯，加凍珍珠奶茶。拌面幾好味，但係幾啖就食晒，份量真心比較少，好彩有幾粒魚丸頂下肚，不過我黎食tea既目的都係為左飲杯珍珠奶茶，其他都係配角黎

今日去v walk行街買嘢，行到攰又肚餓，見到有台式“茶木”餐廳，就叫咗一個下午茶餐台式沙爹牛肉拌麵，福州肉丸紫菜湯，跟餐仲可以選擇任何飲品，一杯凍嘅黑糖瀑布珍珠奶茶，都係65蚊超值又好味。

去開南昌站，搵早餐🥣食，咁啱見到茶木有開，以為自己眼花😵‍💫，原來今日係茶木第一☝️日有早餐🥣食。入去話隨便坐，但侍應安排咗我坐中間位，後來我轉卡位，點知張枱好似自己有心跳💗咁卜卜地震，可能我慣咗靈異事件，唔驚，但震住我食早餐🥣唔舒服🤢我再轉轉角個卡位，想落order時先睇到餐飲珍珠奶茶🧋要0830先可以😌order，咁我真係坐到0830先QR code落單。最後叫咗台式肉燥米粉拼台式醬油粽（$44）。米粉唔錯，粽內有蛋黃，大滿足😌。珍珠奶茶🧋都好飲，可惜珍珠唔甜。

走進茶木，香氣四溢，先點了個招牌紅燒牛肉麵。牛肉入口即化，咀嚼間感受到小許嘅彈性，湯底濃郁得嚟唔膩口，真係滿足到我呢個肉食愛好者！跟住試吓麻辣半筋半牛肉拌麵，味道正中「惹味」兩個字，鴨血同腐皮對於味蕾嚟講簡直係舞動，尤其係啲糖心蛋，流心嘅效果做得好有驚喜😍。轉個調調，來份草莓沙冰，清新果香，雖然有啲水分離，但攪一攪就「嘩啦啦」嘅口感又回來喇。最後，瀑布珍珠鮮奶就略嫌平平，珍珠係嗰啲少咗點精神嘅類型，不過整體嚟講，茶木俾到我一個放鬆食嘢嘅好地方。呢間嘅台式小食真係㨂得緊，每樣嘢食都有佢嘅特色，不過重點係，呢到嘅食物同氛圍，都係一種減壓嘅好選擇。食得係味道，食得係滿足，下次再嚟，都實要帶埋幾個朋友一齊享受啦👫💖🍜。

V walk 餐廳一到7:00 都開始好多人等位。茶木都排左一陣先有位。🐔鹽酥雞排肉燥飯 ($114)-雞扒炸到外脆內軟又多汁，正，肉燥都好味-黑糖薑母茶（熱）可以少甜，幾好-芋圓仙草豆花 對啲戶縣有啲失望，好細粒又冇味道，不過豆腐花同仙草都唔錯🦀蟹皇湯飯 ($99)-好大壼蟹湯，伴碟有脆米，紫菜，秋葵乾同三隻蟹仔。味道還好，朋友就覺得有少少腥。略嫌呢一款湯飯冇乜餸。整體黎講，食返佢原先餐單嘅主食，比較穩陣。

同閨蜜去南昌食Tea，見到茶木推出節日限定吐司 👉阿寶最愛甜蜜抹茶吐司$80，造型好有聖誕氣氛，即刻Order二人Share食😋吐司一上枱賣相好靚，好可愛，打卡一流啊🥰碟上有雪花圖案嘅糖霜，再用士多啤梨裝飾成可愛聖誕小人，好cute cute，士多啤梨入口亦好香甜主角厚吐司有三層，入口蜜甜香脆，配上抹茶味雪糕、紅豆、小丸子、忌廉等配料，非常之足料，我同閨蜜都食得好開心滿足💕😍

睇完戲🎥，在商場逛逛，順便找喜歡的餐廳吃晚餐，最終選了「茶木」💫很久x 3沒有光顧茶木了，皆因以前形點二期的茶木，紅燒牛肉麵的質素越做越差，既不嫰且嚡，加上坊間某些牛肉麵都比這分店好吃。因此，不妨試試它現在的食品質素如何🔰紅燒半筋半腩牛肚麵$86，太好味了😋，牛肚淋易咀嚼，牛肉帶筋膜，雖厚切但肉質很軟腍，掂👍🏼！牛筋淋當然都好味紅蘿蔔和白蘿蔔鮮甜入味，淋而無渣，闊條手作麵煙靭有嚼口，濃郁湯底香而不膩不得不邊吃邊讚，一碗牛肉麵吃到三款牛的部位，實在開心又滿足🥳🔰凍鳳梨水果綠茶$44，一見到鳳梨二字，即是菠蘿，就即選這款水果茶，果然沒令我失望。完整一塊經少許炙燒過的新鮮菠蘿，呈現在杯口，賣相獨特兼搶鏡，水果茶的味道調教🉐️很好🤩

叫碗牛肉麵，系個碗到唔知有無撈到二十條麵，叫餐又自助，坐低水杯都無，全程零服務，埋單時候先同我講還有杯野飲，我問員工佢即系掂，佢就照打單比我埋單，還好意思收服務費，

來左好多次，要來讚下今日個新餸，茶湯三文魚泡飯。個三文魚賣相很好，煎到外皮好脆。先加小小茶湯，試下味道，很清淡。再加入蝦米、炸米泡、木魚花，混合起來一起吃，軟脆相間，鹹甜相加。口感非常豐富。值得一試。