茶木‧台式休閒餐廳 (MOSTown) (裝修中)

其實喺馬鞍山搵食唔算話超多選擇，不過近期的確多左少少食店揀下，今次就試下新港城中心新開既呢間茶木啦！唔明點解長期見佢都排隊，好幾次想食都放棄，今次醒目早d去，哈哈...算快啦，等左15分鐘可入座啦！店內環境都幾開揚，坐得算係ok，不過檯與檯之間太近，傾計隔離檯聽得好清楚(爆)。照舊叫左個香辣牛肉麵，呢間店好味d喎，個湯好濃郁，牛肉好林好入味，有d入口即溶既感覺，個麵雖然厚厚地但好有咬口，煙煙unun的，唔好以為咁細碗會唔夠飽，其實個麵條好有飽腹感架。肉燥腸仔飯，點解叫呢個? 因為貪心囉...一碟入面滿足我3個願望，有肉燥、台式腸仔、薰蛋，3樣餸見到都開心d啦！不過肉燥多返dd好就好啦！其實我好中意有汁撈飯。今次我醒啦，快d食腸仔，因為凍左d肥膏出哂黎，見到都唔想食㗎 haha..個薰蛋我中意囉，糖心得黎加埋d醬油味，好好味喎。另外仲叫左鹽酥大花枝，雖然係好熱好新鮮炸出黎，但鹽酥味唔香唔夠咸，粉感有d重之餘，個花枝似擦子膠，咬到牙都甩，哈哈！飲品有玫瑰荔枝綠茶少甜，呢個玫瑰同荔枝都幾出味，唔會荔枝搶左玫瑰，或者玫瑰搶左荔枝，好清新。另一杯係香橙百果梳打，呢杯比較刺激味蕾，百果味好勁，梳打

馬鞍山茶木開了好一段時間，終於都有機會試。當天我們9:30到，不用排隊就可以入LU由於我們都未食晚飯，我們叫了一個酥炸豬扒麵和芒果香草磚塊蜜糖吐司 酥炸豬扒麵 :第一次試甜品以外的食物，豬扒炸得超香口，但略為乾，於是浸湯試，超好食。因為豬扒炸得鬆脆，浸湯後吸收了一點湯汁，令到炸豬扒更出味。麵就一般，不夠淋。芒果香草磚塊蜜糖吐司 :蜜糖吐司系列必食，賣相吸引，口感豐富，又多生果，冰冷的雪糕加上烘烤得脆口的蜜糖吐司，好滿足

記得1-2年前茶木熱潮剛掀起，大家都爭著去試，在旺角店排隊起碼要等近一小時。以為茶木熱潮已經散去，沒想到竟然在家附近開了新分店。住附近的友人說他未吃過茶木(omg)，於是某天中午一齊來用餐。星期日人很多，二個人等了半個小時以上。正餐我叫了一個酥炸豬排肉燥飯，友人叫了紅燒牛肉麵。紅燒牛肉麵味道頗鹹，有些人可能會喜歡濃味一點，但我不太能接受。而且友人說麵和蘿蔔不夠軟，不知是否因為人流多所以煮得不夠久。酥炸豬排肉燥飯則很不錯，酥炸豬排 外皮酥脆，也不會吃到滿口油的感覺。油膩的肉燥加上白飯簡直是完美配搭，飯能中和肉燥的油膩感，卻不失肉燥的香味。 之前我們叫了一個士多啤梨磚，茶木必食的磚就不用多說了，旁邊的士多啤梨都是酸的。(我未試過在茶木吃到甜的士多啤梨)二人吃完正餐後再share一個麵包磚，很飽。

由頭到腳，無一part讚得落手等位--已經係4點去拿飛，都等個幾鐘，5點3先有位服務態度好差--等位期間諗著拿本menu睇下食乜，個淺藍色衫侍態黑口黑面不特止，仲要話無得睇入到去點餐，叫極d人都扮睇唔到，最後叫左2碗麵同雪糕，勁唔耐煩同我講雪糕要等半個鐘！唔知點解要咁唔耐煩囉！我已經係一次過點餐，唔係果d唔知想食乜要佢等果d黎架喇喎！食物質素--豬軟骨麵非常鹹！鹹到食幾啖就要飲水！雪糕亦不外如是，唔覺得特別好味環境--另外亦特別批評下個環境，梳化位好污糟，全是食物碎但可以無一個侍應跟進！我想坐低見到，同侍應講張椅好污糟，佢一副彩我都傻既樣話檯面有紙巾，就走左去！完全不知所謂！呢d咁既出品同服務，環境全部唔合格！

其實一直都想試下傳聞中的茶木，但係聽聞要排好耐，我一直都無去食。最近總算可以平日下午得閒，就走去試下。幸好不用等太耐，3個人又可以試多幾款。『醬燒豬軟骨麵』〜醬料好入味，有點似花椒八角嗰種味道，豬軟骨好夠淋，一點也不靭，麵質夠咬口，煙煙靭靭咁，幾好食。『阿嫲手作蔥油麵』〜手作麵同上面豬軟骨麵係同一種麵，都係煙煙靭靭嘅，加上炸花生，乾蔥，並配上醬油，撈好之後食，乾蔥味不夠香，食落味道普普通通。『炸雞扒肉燥飯』〜 有驚喜。雞扒炸得非常香口，处脆肉滑，調味足，而且不油膩，好好食。肉燥少少甜味，配飯剛好，不會過了頭，還有半隻溏心蛋配搭。『黑糖紅豆綠茶層層疊』〜難得嚟到，哽係試埋佢哋嘅主打，但係就有點失望。多士不夠脆但可以接受，但係黑糖紅豆就係過甜，甜到過咗龍食唔到，就算配住多士一齊食都係太甜，綠茶雪糕尚可，但係奶味比綠茶味強。『凍 Mocha』〜叫埋野飲完滿啲，呢杯凍Mocha好好飲，朱古力味好夠濃，咖啡夠香。好得！我用層層疊多士浸 Mocha 食，出乎意料非常好味，而且好夾。

趁假期就到馬鞍山探探家人, 幾個月無黎過新港城, 發覺多了很多新的連鎖餐廳進駐, 茶木便是其中一間,中午時間12.30左右去到, 已經要等20幾張枱, 我們一行3人都預計最少要等一個鐘以上先有位, 都好好彩, 等左一個鐘就有位了, 都係預算範圍之內, 都係限時90分鐘午市既SET LUNCH都有好多選揀午市自選套餐, $60前菜 - 味付小魚炸花枝丸 - 無咩特別, 似係出面食開墨魚丸咁, 只係多左炸既香味主食 - 黃金酥炸排骨 - 炸得幾香口, 排骨好"林", 唔算太油太肥, 仲食到少少酒味, 一份都幾多件麵 - 台式肉躁麵 - 份比我預期少, 幾啖就食晒, 麵既質地似刀削麵, 都幾彈牙, 但係肉躁就唔多午市自選套餐, $60前菜 - 紅油麻辣豬耳 - 麻麻辣辣, 味道唔算太辣, 好過癮, 豬耳好爽口主食 - 古早味三杯雞 - 似係廣東菜既蠔油雞翼, 甜甜地, 雞既部份主要係雞翼及雞鎚飯 - 台式肉躁飯 - 肉躁配飯好過麵好多, 肉躁既醬汁完全入晒落啲飯度, 正珍珠奶茶, 餐飲+$9不負所望, 珍珠QQ, 奶茶味十足, 係比其他台式飲品店的更好飲草莓香草蜜糖磚塊, $72點餐時, 待

同姨生仔黎新港城睇森林家族, 諗住順便食埋新開業既茶木.因為新開張, 個鋪位唔大, 所以要等左成個鐘位.肉燥炸豬扒溏心蛋飯~肉燥夠味唔咸, 撈飯一流, 炸豬扒炸粉唔厚, 可以食到豬扒肉質, 加埋溏心蛋, 超正!紅燒牛肉面~個湯好正, 想成碗飲晒, 牛肉炆到剛剛好, 唔UN入晒味, 面質夠彈牙, 唔會浸到林晒, 超正!整體又係食唔到甜品, 因為一叫野已經話甜品要等45MIN, 驚等太耐, 所以都係留返下次再試.

不經不覺《茶木‧》已經淪為連鎖式餐廳多時，一向不是台式迷的我、眼看位置方便，所以買餸前便走個百鸽轉看看究竟．．佔地不算太大，倒模式之設計、貫注一向《茶木‧》風格舖面有著一個大大之《自座等位機》，方便清晣、眼看《取票》與《叫票》相差約有《20個》號數，但切記最好都是留在原地，因為有《跳票》之可能性，我便是好例子，之前間間斷斷因《取票》人不在、到我之時起碼跳上八、九個號數，等約時間大致20分鐘，相比自己預計30分鐘少了一段時間．．還記得第一次飲綜合水果茶$34.是跟一位台灣控妺妺前來雖然分店味道依舊，但今時就只得我一人獨享．．．茶味仍舊加上少許鮮草苺、火龍果、橙肉和酸梅，整體結合酸酸甜甜、鎮店水果茶依然令人回味另個黑油雞翅麵$60.上枱時已聞得陣陣濃香撲鼻，香油濃而不感膩，雞翼雖不是煎也不為炸、但滷得很是入味，粗白麵有點像意粉內al dante，嘴嚼帶點兒柔韌、呷一啖濃濃的香湯，加上柔韌的粗白麵、每一口都在牙縫中穿插，很是味美 沒有同行食友，多了一份寂寞、《限時一個半小時》之享餐時間我用不上，35分鐘的私人下午小食還用得及、餘下的限食時光可留待下次享用嘛‧老闆?!

馬鞍山新港城的茶木裝修期間已經事先張揚, 今日終於試業了, 我朋友仲講笑話:如果試業失敗是不是執咗佢? 哈哈！冇可能啦, 我地下午6點去都要等位啊！今日我們兩日食咗蚵嗲肉碎泡飯, 醬燒豬軟骨麵, 同黑糖紅豆綠茶冰淇淋層層疊。豬軟骨麵賣相不錯, 豬軟骨幾好味而且不太肥膩, 麵的量不太多, 只是剛剛好, 可以留肚食層層疊。蚵嗲肉碎泡飯望落去好似只有湯冇乜料, 但其實只係飯未發脹, 食落原來配料幾豐富下, 而且蚵仔都幾多幾大隻下, 講真的確有點驚喜。最後就係招牌菜層層疊, 我們選擇紅豆綠茶係因為希望冇咁甜, 層層疊其實係厚多士, 把烘得脆脆的多士配雪糕和紅豆一起吃, 十分滋味! 可惜這個甜品是我們吃完麵和泡飯才吃, 飽肚的感覺多少影響了食慾。整體來說是滿意的, 已很多年沒有台式餐廳在馬鞍山營業了, 希望茶木可為這裡的居民提供一個好味的選擇吧！