茶檔 (已結業)

中環的茶檔餐廳是一家平價又美味的午餐地點。我推薦他們的叉燒滑蛋飯和咖哩原條吉列魚柳飯，兩道菜都令人驚艷。叉燒滑蛋飯的叉燒肉鮮嫩多汁，滑蛋濃郁順滑，與飯粒完美結合。咖哩原條吉列魚柳飯則以新鮮的魚柳搭配香濃的咖哩醬，口感豐富，風味獨特。無論您選擇哪一道菜，都能品嚐到平民經濟午餐中的美食享受。除了主菜之外，他們的熱奶茶也是一絕。這杯香滑可口的熱奶茶，帶著濃濃的茶香和順滑的奶味，讓人回味無窮。它是午餐時光的完美陪伴，讓您在繁忙的工作日中得到一絲放鬆和享受。這家茶檔餐廳以他們提供的美食和經濟實惠的價格脫穎而出。無論您是想在中環尋找一個美味的午餐選擇，或是想要品嚐平價美食，這裡都是您的不二之選。走進這家茶檔餐廳，您將享受到美味的叉燒滑蛋飯、咖哩原條吉列魚柳飯和香滑的熱奶茶，並帶回滿滿的食物滿足和愉悅。別猶豫，趕快來一趟美食之旅吧！

☞ 中環 茶檔 ☜———————————————喺中環想食平少少，茶記係個唔錯嘅選擇🙈———————————————◊ 蔥油瑞士雞翼煎蛋撈麵 凍檸茶 ◊個麵未撈埋啲蔥油之前有啲似Indomie，但撈埋蔥油就香好多同埋特別好多，再加埋太陽蛋嘅蛋黃漿，加埋就更香啦。瑞士雞翼滷得好入味，唔會太咸，又甜甜地。睇落份量唔多，但食落原來都幾飽🤪美味程度: ㊣㊣㊣㊣/5———————————————📍:茶檔中環機利文新街20號永康樓地下#為食豬在中環 #中環美食#foodblog #雞翼 #香港美食 #香港餐廳

茶檔真係快靚正嘅存在～豬頸肉芝士汁撈麵頹得黎真係好正！次次都可以清碟，豬頸肉分量多、厚肉又煎得香，滿足！不過新記印象中芝士顏色就靚仔啲，不過無礙味道(´∀｀)同事食椒鹽豬扒飯超級香，食左一舊豬扒少少咸，配飯感覺會好正的！

同朋友去附近睇展覽，諗住食個簡簡單單嘅午餐，見到有間餐廳叫茶檔，好似幾有特色，同埋唔使等太耐，大概平日午餐時段等咗10分鐘左右就入得叫咗個瑞士汁豬扒飯，份量有一塊雞扒同埋少少菜，對於我來講唔太夠食，個碗有啲細，如果平時食開小飯嘅話，呢個份量就啱晒，但食開正常或者要加飯嘅各位，可能就唔太夠食瑞士汁同豬扒嘅味道唔錯，不過都係嗰句唔夠食，價錢一碗$55，食完之後要出去買小食先夠飽杯凍檸茶份量就夠啦朋友食常餐，佢食完之後都同我講唔夠食，結果我哋兩個都係出去買咗小食填飽個肚🤣🤣食物味道正正常常

一直想黎食好耐 當日買完相機順便黎試下☺️可能太晏去到 想食的幾款甜品都賣晒了😩試左雞尾bagel，呢個係幾特別既組合味道就正常，另外曲奇同泡芙就還好比較好食既係五香肉丁滑蛋多士大大份都好足料😆 價錢感覺比甜品抵食環境是頗好拍的，店員態度都好好雖然今次食既甜品唔太岩口味但都會想再黎食 杏霜卷蛋 三角朱古力蛋糕🥹.๑ 雞尾Bagel ๑ 蘿柚泡芙๑ 糖不甩麻糬曲奇 ๑ 五香肉丁滑蛋花生醬多士๑ 啡立克 

係中環返工搵嘢食唔係難, 但要有啲質素價錢又要親民, 係有d難度....今日lunch無意中經過中環機利文新街一條橫街，見到一間餐廳門面以綠色石牆身，長方形霓虹燈招牌中間大大個店名「茶檔」，牆壁上都是仿舊區招牌充滿了香港懷舊特色。店內座位不算多，有幾張木凳木枱，坐得較為擠逼。決定一試英式早餐:有蛋, 蕃茄, 薯餅, 腸仔, 烟肉, 多士, 蕃汁豆。另外, 太陽蛋剛剛流心, 配搭腸仔, 薯餅, 烟肉,賣相望落豐富，而且價錢經濟實惠🤑爆蒜椒鹽豬扒飯🥣 🤭🤭 超多炸蒜，好香噴噴 🤭茶檔成為我午餐其中一個不錯選擇

今日太忙冇時間訂飯，本來打算食海南雞髀飯，不過成日食所以咪打算上下其他，點知原來餸的份量咁少...搞到最尾要汁撈飯！ 我叫的是午餐豬扒司華力腸飯，估唔到司華力腸半條都冇，得3片，平時食紅腸都大片過佢，最離譜係豬扒已經薄，仲要只得半塊，太搵笨了！ 原來凍飲要加$4，非一般茶餐廳

【中環貼地價茶記💛 大件夾抵食！】推薦程度：●●●○○抵食程度：●●●●○———🍚 叉燒煎蛋飯｜送熱飲｜$55對於中上環段返工嘅朋友，午飯時段可以話分秒必爭。呢間上茶速度快而食物夠熱，樓上冷氣夠凍，心中已經加晒分。叉燒偏薄，唔夠淡淡肉嘅快感，勝在肉夠腍，油脂同肉嘅比例OK，蜜汁唔太突出，可能被豉油蓋過？但撈埋一齊食冇咩特別欠缺味道。幾驚喜係好多蔥段，好香且多一份爽口感，非常有港式風味。煎蛋原本係炒蛋，但我想用蛋黃汁撈飯所以轉咗。焦邊、熟白唔熟黃，黃仍然流心，加埋甜豉油真係冇得輸✨ 值得一讚係飯底食到最後都有足夠而唔過盛嘅甜豉油，唔會得返白飯唔想食👍🏻

白汁雞皇飯一開咁既樣 😡😡😡似食剩既隔離營飯咁款😰茶記冇咩期望，但都唔係咁款呀….一大塊雞皮 二小舊雞肉， 一舊仲要超細舊其他全部都係紅蘿白一Pat勁難食既白汁 大家樂大快活都肯肯定定好過佢份量去到咁，味道亦都難食，咁做生意冇下次 成本貴可以收貴D，凍飲識加4元 ，個餐又唔識加價俾正常份量老遠拎完外賣， 一開果下真係……😶😶😶唔怪之得呢間特別少人排隊 以前幫襯過正常，好耐冇食，一試就係咁， 今次之後絕對冇下次！

茶檔｜中環中上環嘅一間茶餐廳，坐位唔多，位置比較窄，裝修如其名一樣，有懷舊鐵皮茶檔feel☕️之前尖沙咀嘅新記芝士麵光榮結業（不過據聞喺旺角開返），但係仲未有機會一試😭黎到中環嘅呢間茶記，見到menu有新記芝士麵，即刻叫黎試下🤤據聞呢度嘅芝士麵係跟本店學師（唔知係唔係分店？），一上枱已經覺得非常吸引，成碗都係金黃色嘅芝士汁🧀芝士嘅鹹香非常濃郁，面頭仲有一隻橙黃色嘅太陽蛋，可以將蛋汁伴入芝士汁撈麵食🍳為成個麵加咗一層蛋香，非常邪惡😈值得一讚嘅係個麵唔怕煮到太淋，麵質幾彈牙，豬頸肉嘅分量都非常多🐷每一塊都切得大大條，用甜甜地嘅醬汁炒過，食落幾香口惹味，食完好滿足😍有機會要去旺角店比較一下😌

機利文新街有好多餐廳每到放Lunch 既時間都會好多人係度買外賣/堂食。今次見到茶檔有個芝士撈麵好吸引，所以打算買外賣番公司食😋😋✾ 新記豬頸肉煎蛋芝士汁撈麵 打開外賣盒，芝士汁都麵係分開，食既時候就可以自己撈。煎蛋一切開，入面橙黃橙黃既蛋汁就流出黎，好流心😍😍豬頸肉份量都唔少，好厚身，食落甜甜地，而且煎得好香口，有D似食叉燒🤣🤣芝士汁份量十足，撈完每條麵都沾上芝士汁，好掛汁👍🏻芝士味好香濃，仲帶有少少奶味添。但成個麵食完真係好邪惡又滿足🤣🤣

今日落到黎搵食試下先! 呢間好似幾好 主打茶餐廳菜式瑞士雞翼煎蛋乾撈麵 細碗叉燒蛋飯加埋韮黃嘅叉燒炒蛋 特別香 蛋又滑溜 叉燒厚切食落夠熱又甜甜地 加埋秘製豉油撈飯食一流唔會因為茶餐就HEA做,下午茶一樣咁出色瑞士雞翼煎蛋乾撈麵 煎蛋脆邊 用日本雞蛋 雞蛋係生既 食個陣撈埋瑞士汁同麵條一齊食麵撈蛋黃既香滑,入口更美味 雞翼好出色 浸透曬,雞翼大隻又嫩滑 仲加埋蔥油撈麵食 味道好豐富!凍阿華田同凍利賓納結尾 就埋單喇!中環機利文新街20號永康樓地下平均消費$100評分8/10

中環有條茶記街，係小巷之中，其中一間係荃灣新記分店。同荃灣餐牌唔同，食番茶記啲嘢，價錢唔貴，全日餐連野飲都係五十幾蚊。今日主角咖哩吉豬有啲似蒜蓉汁既咖哩汁，一般（個人口味），豬扒即炸，酥脆軟。女生可以考慮少飯。

今日同同事們出咗去午餐🥣就去試下茶檔喇話哂Lunch Hour人比較多等20分鐘左右就可以坐低不過我哋係門口等已經諗好哂食乜好快就有得食😎我就叫左甜豉油叉燒滑蛋飯🍚蛋同叉燒比例唔錯加埋甜豉油同香葱夠哂香簡單得黎又好味😋下次試埋其他又再post過😉✨茶檔 (中環)📍中環機利文新街20號永康樓地下#heacookmama

今晚咁岩要去中環做野，咁就行下睇下附近有咩食，經過機利文新街就記得lunch time係一定爆多人，想食到自己想食既野都幾難，所以難得夜晚無咩人就睇下有冇一間想試。見到依間「茶檔」既門面就俾佢吸引左，因為真係幾特出，之後就停左一停睇下有咩好食。望下menu見到有滑蛋叉燒飯同爆蒜椒鹽豬扒飯，又諗左一諗，好似幾吸引咁，所以就入左去坐低食晚飯。入到去其實地方算淺窄，但整體黎講都算乾淨。係滑蛋叉燒飯同爆蒜椒鹽豬扒飯之間掙扎左一陣，最後決定叫爆蒜椒鹽豬扒飯，因為好似未見過有餐廳會叫自己啲椒鹽豬扒飯做爆蒜椒鹽豬扒飯。Order左一陣之後，已經聞到勁香既蒜香味，碗飯黎到既時候都幾有驚喜，未見過一份椒鹽豬扒飯有咁多蔥，同埋冰室黎講碗飯都擺得幾靚。味道就同個名一樣，會食到爆蒜既味道，反而椒鹽味道唔算特出，但整體黎講都好香口，豬扒夠淋，lunch time我估依間野都會大排長龍。個人評分（滿分為5）味道：😉😉😉😉環境：😉😉😉員工友善度：😉😉😉😉CP值：😉😉😉😉