茶湯會 (環球大廈) (已結業)

😋水果茶 $32一入口係fresh嘅感覺呀😆，清新怡人，水果味濃，入面既生果新鮮又有果味係水果茶靈魂之所在呀～解渴又唔會太多添加，自我感覺好健康，飲完一杯又想encore😂 😋燕麥珍珠鐵觀音拿鐵 $34燕麥珍珠好好咬口，鐵觀音拿鐵濃度適中，呢3樣加埋好match！ 😋三文魚治 $31兩塊小小既麵包入面夾住左好多材料，一咬落去係爆醬的感覺，好足料，有呑拿魚仲有蛋塊，好惹味，麵包烤過，有少少脆口嘅感覺，好有誠意嘅吞拿魚治

收工口痕想食啲嘢，所以就好隨意咁樣叫咗杯嘢飲同埋一個香辣吞拿魚多士吞拿魚多士熱辣辣😋一切開就爆出好多吞拿魚餡🤤🤤吞拿魚唔算太辣，相信唔食辣嘅人都可以食得到👍🏻食完鹹嘢就梗係飲番杯甜野㗎啦！所以我另外叫左一杯新鮮水果茶解解渴其實我好少飲凍嘅水果茶🙈但係呢杯野令我己有驚喜，佢真材實料，內有超多水果肉，我覺得熱情果味最突出🧐🧐飲落酸酸甜甜😋😋感覺好refreshing 🤩早餐飲岩曬！

朝早嘅中環大部商店同食店都未開如果要食早餐只能幫襯連所快餐店或者昭龍街嘅茶餐廳食得多都有啲悶有日朝早經過茶湯會出奇地8點幾已經開左門🤔於是係門口八卦原來佢地朝早有賣早餐😯一杯野飲再加一份吐司$35飲品包括普通嘅綠茶同紅茶如果要轉拿鐵同加珍珠就需要另外加錢另外佢哋都有一個全日嘅menu set好適合係早餐或者下午茶order~半開放式廚房比幫襯嘅顧客睇到店員製作食品同飲品嘅過程估唔到早上嘅客人一個接一個朝早得1個店員工作所以等候時間長少少香辣吞拿魚吐司配紅茶攞上手熱辣辣咬開之後先知有蛋係裡面然後辣吞拿魚嘅味道亦即刻飄出黎夾埋入吐司顯得塊蛋好厚😍成個吐司嘅餡真係超多食到落底都仲有吞拿魚同蛋完全冇用錢買空氣🤭$35食一個早餐相對有啲貴但又有嘢飲個吐司又咁滿足間中食一次都唔過分！

【茶湯會】.茶湯會呢個牌子聽就聽過好多次，但一直都未有機會試，今日終於的起心肝試試佢☺️門口大大個牌寫住燕麥系列，比張靚相吸引住，叫左杯「燕麥觀音拿鐵」加珍珠！放工時間見有d肚餓，於是叫多左個「爆漿珍奶吐司」🤤.「燕麥觀音拿鐵」第一啖飲落去已經飲到好香嘅茶味，唔會太甜，濃淡度岩岩好！每啖都飲到好多燕麥同珍珠，口感好豐富！而佢地嘅珍珠偏細粒同埋淋，有咬口得黎又唔會咬到牙骹都甩❤️.而佢地個吐司係即叫即整，我影完相再食都仲係暖笠笠脆卜卜！一切開個吐司，好多珍奶漏晒出黎，真係名副其實嘅「爆漿」！估唔到吐司同珍珠放埋一齊又幾夾，食落甜甜地，有d似落左煉奶嘅感覺。一啖接一啖，食到停唔到口🤤.▪️燕麥觀音拿鐵 加珍珠💰價錢：HKD$34💯評分：7/10.▪️爆漿珍奶吐司💰價錢：HKD$31💯評分：8/10.📍中環德輔道中19號環球大廈地下C1號鋪

行過中環，其實呢間茶飲店好就腳，今日下午終於有機會試到啦！同朋友一齊開心share，冬天仲有窩心熱飲添，對女仔嚟講真係好貼心🥰🍊新鮮水果茶$32🥤燕麥觀音珍珠拿鐵＋🐟熱壓香辣吞拿魚吐司 $45⭐水果茶雖然冇甜度揀，但甜味真係啱啱好，味道好fresh，我最鍾意香甜嘅百香果味，加埋橙同火龍果，有豐富維C好健康！⭐熱嘅燕麥飲飽肚又順滑，對於女仔黎講真係好高纖，加埋煙韌珍珠擁有豐富口感。⭐香辣吞拿魚吐司嘅香辣醬是採用由香辣配料秘製，麻麻辣辣仲有濃香嘅爆醬吞拿魚，原來除咗吞拿魚沙律之外，咁整都好野味！吐司係新鮮即製，所以個皮切嘅時候超香脆！試咗三款，我同朋友就最鍾意酸酸甜甜嘅百香果茶，因為個味道真係好清新，凍冰冰，解渴又健康❤

到中環會選擇坐船，吹吹風很捨意！經過環球大廈處發現有間台式茶湯會很特別～ 原來除了手搖杯外另可添加甜品！🤩🤩🤩 地方比一搬手搖杯大，不會感到焗束。 而且設酒吧椅座位，是邊喝邊吃著等侯朋友最佳位置呢 ～～ 新鮮水果茶 HKD 32內有近年才開始吃的八香果😂、 還有橙、蘋果，味道酸酸地又不會太甜，嘅開胃又爆漿珍珠吐司 HKD 31吐司配搭十分多元化，即叫即整，外層麵包熱騰騰又十分脆口 👍🏼內有小粒珍珠奶茶，軟滑香濃。除甜點另設鹹點吞拿魚吐司🍞 下回又多個藉口過來了！ 地理位置優越，價錢也相宜還設有地方休息，完全不感到焗束，而食物也不錯

前幾日去左中環茶湯會叫左爆醬珍奶吐司🤤 凍燕麥觀音珍珠拿鐵同凍新鮮水果茶~~ 第一次見珍珠奶茶係吐司裡面!! 爆漿呀真係... 一切開就流到瀉哂!! 勁足料😻 味道好特別，珍珠有口感，彈牙，加埋珍奶既甜，好香好好食😋 ..新鮮水果茶好fresh，裡面都幾多水果可以食，有蘋果同橙，同埋其實我無叫少甜，但原味既水果茶酸甜適中，唔會好甜，解渴一流！..燕麥觀音珍珠拿鐵，好香燕麥味，我好鍾意杯拿鐵裡面真係勁多燕麥，一路食一路飲，又估唔到燕麥同奶茶又幾夾~珍珠依然都係咁彈牙，口感唔錯。我相信冬天飲熱飲會仲香濃!!!食下午茶又多個好選擇了

收工約埋朋友起中環等 聞到有陣好香甜嘅味道 起初以為佢哋得茶飲 原來另外仲外賣飲品 原來仲有野食買 見到裝修都幾文青 設計幾有特色 睇吓餐牌幾有驚喜 見佢有個珍珠奶茶吐司 好特別喎 一於叫埋嚟試吓 我哋仲叫咗杯水果茶 杯水果茶有好多水果仲好新鮮 比較鍾意飲無咁甜 可以自己決定甜度就叫少甜嘢 另外仲叫咗杯燕麥奶茶 暖暖地飲落喉嚨好舒服 味道幾溫和聞落好香甜 正最驚喜係珍珠奶茶吐司 吐司外脆內軟 d珍珠好滑溜溜 好有咬口 食落又好香甜 好正 直頭要返轉頭encore呀

今日約左人放工係中環等，見仲有時間兼有點餓，就去飲杯茶食個包。。。不過唔係茶樓，係去茶湯會丫🍵🍊熱新鮮水果茶 ($32)凍嘅水果茶就飲得多，原來水果茶都可以叫熱嘅，水果嘅甜酸味更加出，酸酸甜甜開胃之餘，冬天仲可以暖胃，加左入Favourite list❤️🥤燕麥觀音拿鐵 ($30)第一啖就feel好濃郁嘅奶味，有淡淡嘅鐵觀音同燕麥香味，底層有珍珠同燕麥，有咬口，平時唔想食咁多嘢，當一餐都夠飽肚😝記得自備粗飲筒，或者長匙羹啦！🥪 香辣吞拿魚吐司 ($31)啱啱烘好嘅吐司熱辣辣，用刀切開時已聞到吞拿魚嘅香味，加左香辣醬變得更加惹味，唔算好辣，不過食唔到辣嘅應該係食唔到嘅！要注意唷！🔥雖然係即刻整，但係等左一陣已經有得食，果然係中環嘅節奏，好有效率，忙裏偷閑有多一個駐腳點！

今日晏左要OT，唯有係附近買少少野食住先🥺我同同事都想試呢間茶湯會好耐😝所以就即刻黎試下佢新出個吐司！🥪香辣吞拿魚吐司（$45）個吐司漲卜卜咁好多料😛一切開就聞到好香吞拿魚味啦😍😍食落暖笠笠，有少少微辣😋好正 個吐司邊仲要脆卜卜架🥰加埋個軟心超match 份量都幾大 可以頂到肚架～🥤燕麥觀音拿鐵（$30）加珍珠（+$4）呢個燕麥都幾飽肚、而且好健康，唔洗怕飲完奶茶重幾kg！🤣燕麥煮得幾唸，唔會頂胃又易入口啲😌另外個觀音拿鐵茶味同奶味都好香，但latte味就唔算好出，夜晚飲醒神又唔怕瞓唔著👍🏻

原來而家茶湯會有飛碟食，係台式飲品店黎講都係幾新奇嘅體驗，順便嗌多兩杯野飲試下😂————————❦ 燕麥觀音拿鐵 + 爆漿珍奶吐司 $45 ❧ 燕麥珍珠觀音拿鐵 (熱)第一次飲有燕麥嘅台式飲品，原來幾正。燕麥同珍珠份量好多，珍珠偏細粒但煙韌帶少少甜，冬天飲落暖粒粒又飽肚。評分：🌕🌕🌕🌖🌑- ❧ 爆漿珍奶吐司呢個飛碟好特別，入面竟然係珍珠！原來食落幾好食，因為佢加左煉奶同芝士，食落好邪惡🤤評分：🌕🌕🌕🌗🌑-❦ 新鮮水果茶 $32入面有蘋果、橙、熱情果等等，酸酸地咁飲落好fresh!評分：🌕🌕🌕🌗🌑

🌟新鮮水果茶酸酸甜甜既水果茶 飲落好開胃😌唔會太甜又唔會有澀味水果份量好足料 👍🏻有🍎🍊熱情果,火龍果等水果🌟燕麥觀音珍珠拿鐵最新推出既燕麥系列❗️❗️❗️❗️茶底香濃且幼滑☕️珍珠夠煙韌有咬口加埋燕麥 健康飽肚之餘 口感層次豐富左💯🌟辣吞拿魚飛碟❗️❗️❗️❗️即叫即整👍🏻熱辣辣 香脆既麵包一切開就係爆餡既吞拿魚😋少少辣味 食落好滋味🙌🏻P.s.中環旗艦店仲設有坐位可以堂食🤩❗️❗️

之前都見到好多人介紹呢款「爆漿珍奶吐司」，就係好鬼馬，想去試試😋😋爆漿珍奶吐司（$31）新鮮水果茶（$32）觀音珍珠拿鐵（$29）珍珠吐司一切落去，啲珍珠立即流哂出嚟 😆😆 ， 飛碟多士外面烤得好脆口，入面就係好多甜蜜蜜又煙韌彈牙嘅珍珠粒，食落仲有香濃奶茶、煉奶及牛油香等。 水果茶由多種水果調配，既健康又新鮮，仲有粒粒果肉，飲落唔太甜，我都幾鐘意。吐司食落甜甜地，比較似甜品，配合清新嘅水果茶，相對會夾。

正餐食唔飽想話過嚟飲杯珍珠奶茶，發現原來呢度除咗珍珠奶茶之外仲有啲小食同埋飛碟。佢呢間舖頭好大間，仲有位俾你堂食，己有文青feel添。見到佢一杯嘢飲30幾蚊，加多少少錢又有埋小食，咁為食嘅我梗係要試吓啦。叫咗杯觀音拿鐵加珍珠，佢啲珍珠係比較細細粒，一啖都絕到成10粒入口，成個口佈滿珍珠嘅感覺好得意。而佢個觀音拿鐵都唔錯，茶味奶味並存，唔會有一邊搶晒啲味。小食揀咗個吞拿魚飛碟，切開之後中間有個蛋同埋滿滿嘅吞拿魚碎，吞拿魚碎少少辣，都幾好食。另外叫咗杯水果茶，入邊除咗熱情果同橙之外，仲有新鮮蘋果同埋火龍果，酸酸甜甜咁真係合晒我何車。佢呢度有個好體貼嘅位置係有個百香綠茶可以俾你係等緊嘅時候試飲，真係行到入嚟解下渴都好呀。

店鋪：茶湯會 (中環)地址：中環德輔道中19號環球大廈地下C1號舖喺蘭桂坊嗰頭行去中環碼頭，準備坐船返尖沙咀之際⛴，經過環球大廈地下見到茶湯會新出咗個爆漿珍奶吐司😍，肚仔餓嘅我忍唔住買黎試下呢個新款mix & match嘅野食😋好少茶飲店會有野食買，仲做埋套餐形式，俾你以更抵嘅價錢品嚐到最多嘅嘢食👍🏼；而中環呢間旗艦店仲有堂食座位，比你可以行到攰果陣坐低飲杯茶、食個多士🍞燕麥觀音拿鐵 + 爆漿珍奶吐司 $50叫咗個觀音拿鐵加燕麥(加$5)，以燕麥、珍珠、觀音茶同鮮奶整成呢杯茶飲，以觀音茶取代傳統茶葉整成嘅拿鐵別有一番風味☕️，淡滑嘅鮮奶加埋陣陣嘅觀音茶香🌱，吮大力啲仲食到份量超多嘅燕麥同珍珠🤪爆漿珍奶吐司用咗奶茶醬、珍珠同芝士做餡料🥪，切開香脆嘅吐司，濃郁嘅餡料就湧流而出😍，入口有香濃嘅奶茶醬同芝士香，而脆脆吐司同軟腍珍珠嘅配合，亦比到我一個驚喜，估唔到將珍珠放入吐司入面又幾好食🤤，好想食多件呀新鮮水果茶 $32水果茶用新鮮嘅蘋果🍎同橙🍊，加上鮮榨嘅菠蘿汁🍍同綠茶🍵，整成呢杯酸甜清新嘅解渴飲料🥤，行街行到頸渴嗰陣飲啱晒喇😎