茶狼 (已結業)

平時都很喜歡飲茶狼的飲品，喜歡它質素保持穩定而且定期有新出飲品。今次行過見新出的鮮藍莓士多啤梨白露茉莉茶奶蓋$42～每啖都充滿果肉而且不會酸，果汁沙冰甜度適中，間中滲出茉莉茶香，味道清新～不錯～～店內還有蛋糕、周邊商品出售～

今日要介紹既茶飲店唔再係過江龍，而係本土一間受歡迎茶飲店。或者已經飲過大陸最出名個間芝士奶蓋以外大大小小既茶飲店，都無一間係我地滿意，甚至再無任何衝動幫襯，而呢間真係除外，值得我地一而再再而三咁帶朋友去飲。通常幫襯得呢間店，我都係揀奶蓋甘蔗青茶（少甜少冰），透明既杯裝住甘蔗青綠色既茶，加上上面浮住一層厚厚既奶蓋，真係好吸引；正如一般既奶蓋飲品，第一啖都係唔用飲管，然後傾斜個杯身咁就可以飲到濃濃既奶蓋加埋既甘蔗茶，因為製作奶蓋時係加入左少少鹽，少少鹹既奶蓋加埋清甜既甘蔗茶其實係估唔到咁夾。除左凍飲之外，其實仲有暖同熱既選擇，岩曬唔同人唔同時候都可以飲番杯。每次都會透過以下6大方面評分(滿分:30分)味道 : 3.75 / 5環境 : 4 / 5外觀 : 4 / 5價錢 : 3.25 / 5服務 : 3.5 / 5 回頭率 : 4 / 5總分 : 22.5 / 30
性價比 : 細細聲講俾朋友仔知，呢三個月大大話話飲左6-7次，每次都好滿足同開心，當然除左飲甘蔗青茶之外，都試過唔同既產品，不過都係無甘蔗茶咁吸引，另外甜度同冰度都可以自己揀，都係另一種好貼心既安排，仲有店舖入面有唔同既蛋糕都

想試左勁耐，但苦冇機會，今次機會來了，就揀左杯凍水果白露茉莉花茶來飲$36（其實以一間俾人坐的茶飲店來說，真心冇wifi令人失望，而店內太嘈吵，再扣分）我只飲過它一杯飲品，微糖小冰，一口下去茶味是足夠的，水果大部分唔甜的，但以一杯水果茶來說合格，茶飲到後期會回甘👍🏻以這價格來說值得😍店內還有蛋糕面包，下午茶都是一個選擇，店面位置夠大，但座位不多，常常客滿😣我坐左係到有1個鐘，都見人流不斷，只係飲品出餐時間太慢

久仰大名，終於有機會光顧。價錢偏貴，但佢有得堂食，同有set 點，感覺好一點。點了紅柚白露茉莉茶，少冰半甜。一杯有四至五塊柚加一塊青檸在底，一飲好清新。佢嘅冰係沙冰狀，滿有紅柚味，幾好👍👍見一杯飲品$36，俾多三蚊就有個set. (可揀牛角酥，鬆餅，三文治），便揀藍莓鬆餅。店員幫我整熱，上面有少少脆同好香牛油味，一個幾好嘅下午茶。唔知有冇忠實fans 會買衫同袋😂😂原來呢個品牌美心集團，唔怪之得見佢最近進駐幾間大商場👍最近做緊學生第二杯半價，不過我今次得一個人飲，叫套餐好啲。

因為有d飽，所以去左茶狼買野飲，一杯兩份share，因為今日天氣有d涼，所以叫左杯暖的飲品，見佢餐廳推介士多啤梨白露茉莉奶蓋茶，但又唔想飲士多啤梨，驚會太酸，所以叫左白露茉莉奶蓋茶，慳番$10杯蓋好貼心，杯蓋有兩個窿，一個就咁飲，一個for插管奶蓋偏甜，唔夠濃稠，所以好快同個茶底混合左，如果杰身d可以浮面茶底好香茉莉花味，同天仁茗茶比香d同冇咁甜，成杯野整體叫半糖會好飲d，茉莉花味會再濃d!!!!

位於APM嘅呢間茶狼環境唔錯入邊都有幾多位可以坐下，是一間迷你Cafe咁，場邊仲有茶狼嘅自家設計品牌，衫呀杯啊帽啊都有得賣添，而且都有支裝嘅茶可以買返屋企飲放工嘅時候幫襯嘅人都幾多㗎，我哋坐低等左10分鐘到就有得拎啦呢杯奶蓋甘蔗青茶係佢哋餐牌上面推薦嘅，佢個杯蓋設計係斜斜地咁，可以俾我哋均勻咁飲到奶蓋同埋茶！佢既甘蔗味唔會太濃令人難以接受既，所以一向冇飲開甘蔗汁嘅我都覺得好味佢啲牆設計好有特色，影落去就好似隻狼好想飲咁呀🤣🤣❤️總括來講我覺得佢嘅奶蓋同茶嘅比例啱啱好，奶蓋都做得好出色。

聞名不如trytry本地薑品牌🔸珍珠鮮奶烏龍茶 $26聽朋友講話幾好飲，經過apm又未食飯就買杯當飯食算了。甘蔗奶蓋清茶都好吸引，不過又想試下啲珍珠先，好彩都冇失望，珍珠大粒而且幾煙韌，不過就唔算好入味。茶底比較清，嗌咗微糖冇乜甜味之下，飲落好淡口。整體性價比都不俗，下次可以試其他！順帶一提，鋪面有座位，仲幾闊落又光猛舒服，如果唔係趕時間都好想坐低嘆～/不專業評分（全5星）味：⭐️⭐️⭐️⭐️價：⭐️⭐️⭐️⭐️

我都係個台茶控，閒時經過台式飲品鋪都忍唔住會買來自己飲底同女女share。剛好尋日飲完茶經過APM，先發現原來開咗 茶狼， 睇來我真係太少行APM呢邊啦。之前聽朋友講話正，今次遇啱無乜人唔駛點等，又點忍到手唔試呢？見佢地出咗新嘅熱飲 - 紫薯奶烏龍茶剛好紫薯又係女女鍾意，又多個藉口買來試。雖然加咗紫薯蓉同奶，但烏龍茶嘅茶香未有被兩者而掩蓋飲落入口仲有濃濃嘅烏龍茶香，呢一點我比較欣賞。紫薯蓉中帶粗粒狀，所以較為有口，食落仲幾香，亦好順滑。*題外話，呢個紫薯熱有仲有奶蓋版，只係HKD$35，但本身好少飲奶蓋所以無揀。店內間間亦幾舒適，見到有唔少茶客都係店內嘆茶。下次或者等人時都可以去扮下偽文青。

成日都經過apm呢間茶狼， 都好似冇咩人咁我好鍾意一芳之前出嘅甘蔗茶， 今日見到 呢度都有所以就試下呢度仲會有啲位畀你坐，唔似一般嘅 台式茶飲 外賣店我叫咗一個甘蔗水果茶同埋一件三文治套餐，埋單42蚊水果茶係我想像中嘅味道係好飲嘅， 三文治都幾好食， 如果你唔係大食嘅女仔， 其實咁樣已經夠lunch，都飽肚既水果茶嘅生果都幾多， 主要係我好鍾意食西瓜所以覺得好好味仲有不得不讚佢個杯做得好靚， 頂既個粒膠仲係一個狼嘅樣。。。幾可愛

今日ㄧ直想飲茶,但一直忙到夜晚,約左人食飯就打消左呢個念頭,但我地食完個早晚飯後,見有時間就睇埋戲先番屋企😏但買完飛後仲有時間,我飲茶既念頭又再次萌生起來💭,所以我地去左最近既買,泥至之後我地就點左個沏香烏龍奶蓋茶,茶味和奶味濃厚,但好清爽,再泥呢個有小小伏,凍龍眼黑糖奶蓋四春,伏係因為太甜,龍眼既苦味特別重,飲兩啖就頂唔順,本想嘗鮮但就揀中最唔合口味既,對比其他仲要貴,下次都係飲番ㄧ般就得🙈

台式茶飲店開到成行成市，每間都有自己既忠實粉絲，大排長龍。今日就同朋友仔試下佢極力推薦而我想試好耐既茶狼。入到店面就見👀到一身時尚又有個性既裝修，以狼🐺為主既牆身同裝飾，絕對係打卡📷好去處。而且有別於一般外帶式飲品店，放左幾張枱櫈俾客人休憩一下，仲有蛋糕🍰櫃提供輕食🥐同甜點。排隊買飲品既時候，店員話已經兩種飲品同幾種輕食售罄，最後揀左黑糖珠珠鮮奶碳焙烏龍茶同奶蓋烏龍茶。前者黑糖味唔夠濃郁❌，甜味係固定所以比較甜，叫左去冰都飲到涼涼地，幾岩我心意。烏龍鮮奶好夾再加上一層類似奶泡，感覺🐮奶味出哂黎。但形珠就一般，唔係煙韌個隻，比較軟身。試左一啖朋友個杯，奶蓋唔算好濃好咸，拌勻飲好過分開享受🙆🏻‍♂️。

在觀塘創紀之城，約了女朋友。趁有時間，發揮本業精神，在附近找了一間店，品嚐一下。以狼頭為標誌的飲品店，名為-茶狼。其實，我是被它的紫薯鮮奶碳焙烏龍奶蓋茶吸引，先在門口下單，選了微糖，要熱飲。順帶一提，它的套餐會抵一點，39元，包一杯36元的飲品和一份包，或者鬆餅等小食。下完單，便走去找位子坐。對，這間飲品店是有座位的。等飲品其間，邊打量四周環境，樓底很高，裝飾簡潔，空間寬敞，牆上怖置了一些自家品牌的產品，例如杯、衣服、袋等等。十分鐘，終於可以飲。奶味過重，紫薯及茶味不出，底有很多一粒粒紫薯，以36元來説，一般般。大約嘆了一個小時，便帶女友去食晚飯，太肚餓了。茶狼 (觀塘) 抵玩指數 1+/3觀塘觀塘道418號創紀之城五期apm大堂層C-41號舖簡單的飲食隨筆，有興趣請follow～緣食魔宮。抵玩指數最高為三星，所有不用自掏錢包者， 將不給予任何指數。

裝修很開揚的茶飲店，店內有十數坐位和售賣精品的架。烏龍茶珠珠茶飲，不是很濃的烏龍茶香，珠珠彈牙；少甜的甜度剛剛好。除了茶飲還有三文治和廉潔蛋糕，可與茶飲配搭成套餐；下單的店員服務有很大改善空間。

難得去睇戲，買定杯茶入去嘆下，見到呢間新開既茶狼，隻狼真係好似我咁型。佢張單張都幾有heart, 有die cut 飲品形狀，設計值得一讚。唔想飲凍，又唔想飲熱，佢呢度居然有暖既選擇，太貼心了吧。就試下呢個鮮甘蔗青茶（$28), 本身無留意有得㨂甜度，見佢問就是但㨂左少甜，後尾先知少甜原來係有70% @@糖度。先飲一啖，茶味幾香，甘蔗味都好出，不過就真係太甜喇。。老人家咳咳～飲幾啖就唔錯既，飲多兩啖愈飲就愈甜。。。如果下次我會㨂微糖30%, 咁樣應該好飲好多。

在港遍地都是珍珠奶茶店, 除咗要有性格有噱頭 亦都要有亮點才會吸引年青一族 、 今日路過apm轉過頭看到放在門外的餐飲廣告牌很是吸引 ，吸睛程度就能令我這位大嬸都企在一旁看了兩、三秒， 最為要的亮點便是可以有一個細小空間給你斯斯然坐下、 在這珍貴的地皮上附上實是難得。。。繞過數十款選擇目的只是一個便是紫薯奶蓋烏龍茶, 索價HK$35元 其實以我對於珍珠奶茶付出HK$35元之數目其實略為偏高, 不過好好醜醜都要試一次先令得自己心安、 買飛過後就坦蕩地 大步走入茶室之中央地帶， 店內除了有台式茶飲原來還有蛋糕及輕食三文治 不過由於自己已經吃飽午飯所以沒有這個需要~等候時間大約當日需為15分鐘左右， 先由面層細小杯口裂縫飲下、 奶蓋不算過於鹹較為輕薄， 再將飲筒刺穿另一端一啜而下很濃郁的紫薯味道完全天然地再吸啜之下進入嘴巴混和上奶蓋與幽幽的茶香很是味美(*¯︶¯*)由於個人在落單之前已叫上【少甜】所以手中的紫薯奶蓋個人覺得味道絕對適合， 如果正常的甜度可能會較為偏甜, 不過飲了2/3以感到有點兒腻、 如果胃口不大之女生們，相信絕對可以當正餐享用~感謝老天爺給我每一天奢侈的時間, 在沒有忙碌之