茶理史 (已結業)

第一次飲係飲蘭貴人烏龍，超好飲，超回甘，值得一試。後尾都試左芋圓同白玉珍珠，芋圓唔似白玉珍珠煙韌，易咬，咬落都有芋香，抹茶鮮乳小芋圓都幾好飲，除左小芋圓系列，冷泡茶都可以試。

在葵芳想食嘢飲嘢一定係嚟葵廣, 今次唔係上3樓而係逛2樓既"食街"見有芋圓奶茶咁新鮮, 咁就試吓~人較多, 其實都等得耐, 我哋食完第二間嘢, 都未出到杯奶茶,我哋要咗加芋圓, 琥珀白玉奶茶 (價錢忘了) 就係港式奶茶一樣味道, 算幾好味, 但其實係似維他出嗰包港式奶茶白玉同芋圓幾彈牙, 唔會太漿口, (我好怕太粉或太黏口的芋圓~)只係食到入口其實也分不太清係白玉定芋圓了... 至於其芋圓做得並不太突出叫7分甜我覺得啱啱好~都好大杯, 足夠兩人share

買左杯芋香鮮奶地瓜小芋圓 $26，等左勁耐，係正二樓好多小食味個位，焗住油煙咁等。不過意外地都幾好飲，入面食到底先知原來不芋泥係入面，因此咬緊小芋圓既同時食到有啲芋頭係入面。同埋個賣相睇得出幾用心製作。下次試其他。

約左一大班朋友喺葵芳開party，因為唔想飲汽水，又唔想飲清水，所以就托朋友路過葵廣時幫我去茶理史買嘢飲。上網研究左好耐，終於決定要飲原朵蜜絲大皇菊甜茶。原因嘛，就係覺得開party食咁多嘢一定會好滯，而且d食物都熱氣，所以飲茶幫助下消化同清熱比較好。而且見到個包裝…個樽身夠高夠直，加埋個樽入面有一大朵大皇菊，我覺得好吸引!然後再睇埋介紹，話呢種茶有好多功效，除左幫助消化吸收，仲有助祛風、潤喉、解酒、降血壓、調整心肌功能、降低膽固醇… 雖然唔知係咪真係咁有益，但味道真係幾清甜。而且當日其他飲汽水同紙包飲品嘅朋友開完都話喉嚨有d乾想飲水，但我就無呢種感覺，所以我覺得潤喉方便係有效XD

看到茶理史的飲品顏色漂亮吸引，打卡一流，一直想試試到底是否虛有其表，剛好經過，發現比尖沙咀店的人少就立馬買一杯。不嗜甜的我要了一杯竹炭鐵觀音白玉奶茶(走甜)。700ml的量很足，先試甜度，真的是名乎其實的走甜，只有在嚼白玉時才有很淡來自白玉本身的甜。不知是否在沒有甜度下的關係，奶茶奶味很淡，茶味佔大多數，對於愛喝茶飲的我是喜歡的，可是想要喝香濃奶茶的可能就不太適合。難得的是要走甜是真的走甜，要知道很多店的配料像是珍珠、香草本身就泡過糖水，加上甜的飲品簡直覺得喝完要得糖尿。而茶里史的飲品在喝過後，我覺得即使是正常甜度我都能接受，茶味足，白玉是中上質素，適當嚼勁。下次會試其他口味的飲品。

一心想飲果杯鐵觀音白玉珍珠乜乜乜😢個樣好靚😍😍點知⋯賣哂啦💔（8點幾喳陰公）然後想轉移選擇芋香乜乜都話無，二度傷害💔💔 跟著我問個店員仲有啲咩（sad🤦🏼‍♀️)同埋我要影相都靚靚既。最後就揀左呢杯👇🏻宇治抹茶鮮乳地瓜小芋圓🥤（$30）可能佢只係我二度傷害之後既選擇，我對杯野感覺好一般，影相係幾靚既😝😝幾廿蚊買杯野飲，講完全無貪佢賣相既都呃人啦🤭Btw~~地瓜小芋圓，其實我諗過佢係咪地瓜圓同芋圓兩樣野咁解，因為佢又有紫又有黃既波波嘛！(美美的）但味道偏淡，我食唔出個分別😅 然後飲落都仲見到啲綠色粉未溶曬咁。試過一次，影左相留個回憶就算了，下次再無鐵觀音白玉乜乜既話，我會直接轉戰第間🧜🏻‍♀️

葵芳葵涌廣場多野食就係人都知,而宜家夏天都有好多台式飲品推出,基本上每個地區都有幾間,尋日放假約左2個好姊妹去葵涌廣場行下街食下野,行行下我地見到呢間叫茶理史,見個餐牌d飲品都幾特別, 所以我地決定試下佢,我地一共叫左3杯飲品,價錢都係一般$30,可以接受,芋香鮮乳地瓜小芋圓(少甜),我本人同埋好鍾意食芋頭,而呢杯飲品入面係芋頭粒,口感加分,而且坊間既台式飲品多數都係珍珠/蘆薈/椰果/仙草/布丁/胚芽, 茶理史重點有我最鐘意的芋圓可以代替珍珠,加上我好喜歡煙煙韌韌的東西, 所以比較特別,薄荷可可鮮乳地瓜小芋圓(少甜),一向薄荷可可無論係咩類型既甜品飲品都一定好飲,呢杯都唔例外,蜜瓜鮮乳地瓜小芋圓(少甜),呢杯比我想像中好飲,因為我本人就唔鍾意飲紙包裝蜜瓜奶,但呢杯又真係出奇地好飲,因為唔會好似紙包裝蜜瓜奶咁樣味道咁假,都比較味道清新,而且唔會好甜,所以我對呢杯飲品都加分, 3杯都比到我驚喜, 總括黎講呢間台式飲品店係好好, 還有其他多款選擇, 令我想再回頭的店。

本地台式飲品，茶理史小芋圓鮮乳系列， 經開葵涌廣場才知道原來這裏也有分店， 又不是太多人排隊所以叫了一杯來試下。這杯芋香鮮乳小芋圓的奶味對我來說有點過重， 芋頭味不是太過真實，但這可以令解，另外也有點過甜。飲品內含有真芋頭粒，品嚐飲品的時候帶點粉粉的感覺， 喜愛與否就見仁見智。小芋圓的嚼勁欠奉， 不知道是否和大少有關。飲品確實賣相一流，迷幻的粉紫色的確十分吸引，冬季的時候會再來光顧，期待他們的燒麻薯，店主說夏天太熱燒麻薯的人熱死。

行過葵廣呢個美食天堂搵嘢食咁岩就見到 茶理史 開咗之前行過都見佢地準備緊今次就梗係二話不說咁去買杯嘢飲下先佢地的選擇有好多除咗有奶茶之外，仲有雪耳同紅棗的養生嘢飲同朋友一人一杯今次叫咗草莓鮮奶地瓜小芋圓同木瓜鮮奶地瓜小芋圓我飲的係草莓鮮奶個杯，叫咗小甜就咁望杯嘢都已經好靚飲落好香士多啤梨味之餘，仲會食到有士多啤梨牛奶同士多啤梨味又岩岩好另外不得不讚的係佢地的小芋圓！真係食到有芋頭感覺，好真材實料！雖然飲完一杯已經好飽，但值得的！

🍵宇治抹茶鮮乳地瓜小芋圓（$30)#芋圓控 必須注意！呢間既珍珠係由芋圓代替😍😍 一粒粒細細既地瓜小芋圓口感好煙韌，同埋芋圓既蕃薯味好濃郁，好好食😋 不過個宇治抹茶鮮乳姐係matcha latte？我覺得味道就麻麻，抹茶味淡亦無奶香味，同芋圓都唔係好夾，所以有d不類不類，可能叫其他味道會更加好。如果鍾意食芋圓嘅朋友係絕對可以試吓，因為佢嘅芋圓質素真係唔錯，不過如果真係冇咩興趣，可以唔使飲😂因為附近都有好多茶飲選擇。

黎左葵廣掃街又點少得珍珠奶茶🤤店主話lee 款芋香鮮乳地瓜小芋圓，係其中一杯店主推介🤔就試下你啦！（走甜先）成為$26!等左3分鐘左右杯野出現啦😎🙆🏼‍♀️好飲🤗叫左走甜但係都有甜度，因為入面勁足料！1/3杯都係芋圓，地瓜同芋頭！ 芋圓控lee 間真係正🤤🤤🤤芋圓煮得岩岩好🤤唔硬又香又有咬口🤗飲野都重有好多芋頭係底🤣 飽肚感👍🏻👍🏻👍🏻下次有機會想試下佢d 冷泡茶😍***注意店鋪只收現金！

葵廣外賣之旅～飲品篇唔想迫葵廣，唔想企係度食，就決定外賣哂，返屋企食。心血來潮想飲芋圓類的飲品，於是就openrice 下葵廣的飲品店，見到茶理史有小芋圓就決定試試。今次叫了杯木瓜鮮乳地瓜小芋圓，一見到，層次分明。第一啖試無攪拌，就唔太飲到木瓜奶的味，加上我要微糖，雖然淡味，但亦到飲得出新鮮的木瓜肉。當攪拌後，再飲就味道濃點，加上小芋圓，有咬口，比珍珠更配。會有下一次的台式飲品！！下次再試其他，據聞草莓鮮乳都係人氣之選！

「珍珠奶茶」, 最早期追溯於1980年的台灣。台灣人把粉圓 ( 香港稱為珍珠 ) 加入奶茶中, 口味香醇、口感獨特, 深受廣大食客歡迎, 同時亦成為台灣最具代表性的食品之一。時至今日, 這種茶藝文化已流行至世界各地。「茶理史」, 座落於尖沙咀厚福街的台式飲品店。店舖主打每日人手製作小芋圓、無糖冷泡茶以及即點即燒烤麻糬。竹炭鐵觀音白玉奶茶 $26最上層為竹炭鐵觀音; 中層為凍鮮奶; 底層為小芋圓。層次分明型造出漸變顏色的效果。茶味非常香濃, 鮮奶口感細滑。小芋圓口感有別於一般的珍珠, 晶瑩剔透、香甜彈牙。