茶禪 (已結業)

環境好，適合與三五知己共聚；食物味佳，價格亦合理；本來應該可以吸引我經常來，但此店的customer service 實在太差，當我落order 時，竟然會被店員（中年男人）催我落快d⋯當我問香薰茶與法國香茶的分別時，在廚房的兩個女人突然大大聲插嘴：＂香薰茶咪係香薰茶，法國茶咪法國茶，點答你有咩分別＂[ !!! 連自己賣的產品都唔知有咩分別，仲可以咁大聲講出黎⋯我真係唔知可以講咩⋯]當想order 一份cheese cake （而不是一個, menu 寫明一個要提前訂）時，個女店員竟然話：menu 有寫要提前訂，用對眼望下menu 啦！仲有，當你想搵人加水時，建議大家提前十五分鐘前同店員講，因為佢地會做完d 唔急既野 e.g. 個場走浄1／3人，亦冇人等位情況下收碟，執枱，再等一大輪先會幫你加一次水⋯總結：如果你只在乎食物質素，此餐廳的確不錯！但如果你想同朋友黎cafe 傾計食野，我建議你去第二間，因為佢地既不禮貌，最後令你失禮朋友！

一早BOOK左位 所以唔駛等就入去先講環境...裝修唔錯 但真係幾黑可能抽風唔夠 一入去好焗...而且有陣唔知咩味個種味係霉霉甜甜咁 但個味道聞落去唔舒服既似D衫/食物放左好耐 放到發霉 霉到有陣益甜味咁講食物質素 我同朋友叫左SET餐我係個蕃茄豬扒扁意粉我本人對食物要求一般 (近乎底)但碟野真係同我個人要求一樣低D豬扒炸(似炸非炸) 到皮跟扒分開 分開意思係有部份扒皮上枱時已經係碟既一邊 (仲係林晒既)味道係一般....衰D講句 樓下街市賣D奄好既凍扒有味過佢意粉.......得個酸字...又淡 對於無乜要求既我....都唔係幾鐘意里碟野...係咁耳食D就算其實今次發POST主要係想講個男職員服務態度真係極度 十分 非常 超級--->惡劣全個晚餐 淨係聽到佢係廚房鬧人 感覺真係好差我黎樓上CAFE 係想同朋友係一個舒適/RELAX既環境吹下水咁全程2個幾鍾入面 不斷聽到佢鬧同事 鬧食客真係感覺好BADDDDDDD問佢有無紙巾 用呼喝既語氣話: 係晒度呀! 自己拎!隔離枱話埋單 佢又用好惡劣語氣答: 唔得閒呀! 而家唔得閒埋單!!其實唔止我地一台 佢對好多枱客都係咁呼喝食客 可

終於去了茶禪，去之前去開飯睇過，食物水準算好評，不過見幾篇食評都話態度惡劣，其實都有些擔心，今晚自己試過後，都想打食評,順便係同佢平反下,因為佢地態度很好!因同朋友食生日飯唔想無位，我早一日打了去茶禪訂位!入到去全店得一個上了年幾的女士做廚房兼仕應，佢安排我同朋友坐日式位置，即係坐地下，全程佢都好有禮貌，到我地落餐，佢說不好意思，暫時得佢一個人，上菜會慢些少，請見諒，我地說沒所謂，到我地落餐，佢就話今天頭盤沙拉得返栗米，唔介意揀老火湯會好些，食野為開心，我同朋友都揀了老火湯老火湯真係無落味精同鹽，好原汁原味，不錯，如果中意食濃味野就未必岩胃口啦!朋友的餐上了，份量偏精緻，女仔應該夠食我的餐份量都係偏精緻，味道偏淡，不過還可以接受凍薄荷朱古力，夠濃得來唔太甜，健康朋友的熱薄荷朱古力其實我無計過時，食物來的速度係慢少少，大約四十分鐘內到齊，不過去得樓上cafe, 都想坐多陣，上菜時間偏慢，不過可以接受，到埋單時，女仕應重問我同朋友食唔食蕉，哈哈,佢話今日D蕉好靚，埋單無加一，$180,總括來講餐廳服務態度良好，無開飯寫得咁差，食物味道都係偏淡，所以佢都比列入為有營食市.

與茹素的朋友在旺角開餐從來都是苦差事;無意中發現旺角有此同時供應葷素食品的樓上cafe,就二話不說,食左先講!晚上7點多來到,只有一對老夫婦看店,而我們竟然是第一檯食客!名為茶禪,有很多充滿佛教色彩的裝飾,播著柔和的音樂;餐廳的佈置傾向日式風格,人多更可以選擇坐榻榻米座位呢!前菜有例湯及沙律選擇,例湯罕有地不是例牌的紅白湯,而是老火湯!既然老闆娘落力推薦,所以大家都點了是日的粟米紅蘿蔔素湯,而且是不加味精的!值得一讚!主菜方面,本人選了冬蔭功素湯米粉,茹素的友人則選了茄汁素豬扒意粉; 冬蔭功湯底夠酸夠辣,十分醒胃,份量很多,男生也應該夠飽,素食配料有素蝦及素魚蛋;少吃素食的我實在想不到現今的素食的"像真度"如此高呢!至於茄汁素豬扒意粉,都是採用一段的茄醬,素豬扒味道豆味夠重,不過不失。本想一試Menu上寫明採用樓上cafe較少見的Illy咖啡,可惜咖啡機卻壞了;聽聞此店最聞名的飲品是花茶,不過我們最後都選了台式奶茶;味道偏甜,也不太夠熱;看到鄰檯點了花茶都是連小爐端上的,一陣陣香茅的味道撲鼻而來,真是很後悔沒有點花茶呢!下次一定要試試!

先前朋友帶過來開會試過一次，野食唔錯，以cafe來講真係好有心。果晚食晚餐，佢有素/有肉，岩曬我地3個人，前菜可以轉湯，青紅蘿白，堅老火，冇味精(我一食味精會屙..)，主菜我要左個咖哩龍利，個咖哩好好味>o<!!!個薯仔超入味，我情願佢比多幾舊薯仔我唔少兩舊肉>w<!!!!之後飲野我要花茶，我都係頭一次去cafe係有得忝飲花茶(以前去果d係冇..或者有啦,但可能你唔問就=冇)，但呢度係主動加水比你。 之後我自己再約朋友來過兩次真係好正，好清悠，一個最大而且最好既賣點係佢真係禁煙！有次有條友上黎玩野，佢情願唔做佢生意！最討厭煙味，樓下果d話就話有吸/非吸煙區，但整果對爛鬼門又成日唔拉埋d煙味都係谷出黎，廢的！但呢度係0煙。老闆播既歌又幾有格調，人流唔算多，所以好岩傾計，我幫人塔羅詢解都係呢度。

那天我和一班friend好日都唔見一次，見有呢間cafe咪上去囉~點知食到我發火，一肚氣！因為服務態度+環境是史無前例的差！個男既對住d客呼呼喝喝！點左食物，足足2hrs才上到，我同個fd點左冬蔭功麵而已，點解搞咁耐！好心行埋去廚房度order食物，唔駛佢地走過黎，點知個女既話：我依家唔得閒，一陣再幫你地寫！大佬，我地足足等左2hrs啦！其他fd的食物，只要係炸的，都係炸到一舊粉咁，我唔明白有咩好食！全部食物都偏甜！難道主菜係甜品？！我曾經同果個男既理論d食物咁遲先黎，佢竟然睜大對眼狂鬧我！我留意過其他客人，每枱食物都係粒幾兩粒鐘先到，個男既仲要對住d客呼呼喝喝，好多客人都黑晒口臉，但無奈已入「黑店」—無論服務態度+環境，都好黑！環境好嘈，茶禪不是很靜的嗎？點解咁嘈？！再加服務態度極差，更嘈！我勸大家不要去呢間cafe，不要再被貼係門前面既傳媒報導欺騙，因為一切都是假的！而且好貴，每個人盛惠76蚊去受氣捱鬧，真係貼錢買難受！

今晚試下哩間同在登打士廣場的茶禪，哩到特別在大部份食物都是素食。走入店內第一個感覺就是黑麻麻，好似冇錢交電費咁，個人嚟講好怕陰暗嘅食店，因為感覺好似隨時都會有曱甴出現咁 ～＿～“不過見坐低時冇乜人就試下啦，落單時個阿姐已經不停咁講如果唔係叫精選晚餐叫其他嘢食就要等好耐先到，咁我地已經多次回答冇問題可以等。但係我地繼續講一啲散叫嘅食物時，個阿姐又再講多次，好似想我地唔好散叫嘢食咁......仲要點嘢食講到一半，個阿姐無端端走開咗，完全係當我地無到... 如果唔係等緊朋友，真係想即時走，最唔鐘意啲侍應係咁嘅地方!!!!等食物等咗一陣，見到有另一份男侍應上班。哩個男侍應嘅態度比其餘兩位阿姐更差，全晚就係見到佢不停咁對另外兩位阿姐發脾氣，對住所有食客都黑口黑面，搞到個氣氛令人好唔Enjoy.跟友人邊食邊聊天，但係其他食客實在嘈到有啲過份，仲衰過喺街市，店員又唔理。真係請我都唔會再嚟哩到......雖然店員同環境都極度差，但係唔可以否認食物係唔錯嘅

是第二次來到這間cafe, 喜歡這裡的食物, 味道很好又夠健康, 還境夠清靜, 客人不多, 有包場的感覺/可惜, 服務有待改善, 真的令人頗意外. 服務員先生提醒我們早點落單, 態度和語氣都甚為強硬, 令我們都很愕然, 很懷疑誰才是顧客? 有時候, 我還覺得像學校, 老師命令兼催速學生交功課(點菜), 感覺很不舒服.其實不是要指責誰人, 而是難得有家不錯素食cafe, 希望服務有所改善, 我們能多上去聚會, 吃飯, 談天.如果因為服務問題, 而少了個聚腳點, 是很可惜的.帶得朋友上去, 都希望大家都開開心心咁離開哩!我們也覺得這家cafe, 又就腳, 環境和食物又不錯, 價格又合理, 很有潛質成為受歡迎的cafe!期望服務態度的改善, 在未來的食評看到, 我們到時會再度幫襯!

和友人第一次到這間餐廳用膳，我點了茄汁煙鴨胸意粉，友人點了茄汁素鴨胸意粉。落單後，我們等了大半小時，佢地先同我地講冇意粉，如果轉飯就可以即上，如果要意粉則要再等15分鐘。我們選擇了意粉，所以再等多約20分鐘才有得食。(即點菜後1小時) 佢個素菜湯幾甜幾好飲，鴨胸意粉味道也不錯。但在等候期間，應該是「細佬」的人不停在罵和怨他的父母，(坐低15分鐘便可感受到這餐廳是家庭式經營，除父母外，還有「二家姐」在場)，搞到「母親」服務態度也麻麻地。想order餐飲，店主說沒有咖啡，另想點一些花茶也說沒有了，最後點了麥芽奶茶和椰香奶茶，勁難飲，飲了一口便放棄了，下次叫佢比多個湯仲好。p.s. 食到後期，有一班人像是「細佬」的朋友來光顧，「細佬」馬上奉上紅酒杯等，他們便開始玩uno，有點嘈，加上「家庭成員」的吵嚷，這間餐廳絕對配不上一個「禪」子，想到這裡有點令我失望。

茶禪.....一直都很愛這個CAFE，因為它有我最喜歡的花茶(約30-40款)每種都有不同的效用...............(微風)卻係我最愛.......愛它清新獨特既感覺。每晚老閭也會準備3款晚餐供客人選用,我每次黎親都會食佢既糙米飯...^^好健康!!!

咁我就係去呢間野同fd 搞farewell 同生日party既,,個陣一上到去,,就俾個有咁上下年紀既女人問喇: 你地book位個陣唔係話15人架咩?而家點解又18個架..明明我book位個陣話18-20個架嘛!!! 之後我book位個陣明明問左佢2次係咪有麻雀打...點知另一個留羊咩蘇既男人話: d玩得既野係哂個邊架喇,,你自己搵下啦!好啦,,最後搵到喇= =..原來係迷你麻雀....感覺俾人呃左羅!之後落單啦,,佢地整野食勁慢羅!!得左成粒鐘先有得食!之後中途個男人又係咁話我地左住佢做生意!! 去到最後走個陣, 個女人又要串多我地一次!明明開開心心上到去,,點知係咁羅!!!下次一定唔會再去呀一定!!!!!俾錢買難受!

星期五的下午，烈日當空， 慕名帶同兩位外地素友去嘗試以為有輕爵士樂的下午茶。 但事與願違， 2：50 PM 上到去，門外門內都跟網上照片一樣，應該冇錯，但現場兩位老闆在咖啡室內， 開大電視機聲音在睇「真情」電視劇，既無開大AIR CON， 又無音樂。。。。 我真係唔識做乜反應， 雖然無人催我落單，但現場好似一般茶檔／茶餐廳，同我地的期望相差太大， 但我又冇理由叫人家唔好睇電視劇， 關電視開音樂 ！ 對住同行素友都好尷尬， 真係唔知點好，可能大家未必明白我當時的奇怪心情， 最後唯有靜靜地離開， 去附近酒店飲茶算數

幾個friend同我去呢度慶祝生日~~第一次去~~本身都冇乜野~夜晚7點去到~即刻叫野食....跟住係度傾計~~有一個人叫唔同野~其他個個叫埋一樣~等左成個鐘先有野食....但叫唔同野個個friend,我地食完佢都仲未有得食....個dinner係ok ge....但係我地見等咁耐,咪打算叫野飲~點知個waiter鬧我地: 而家唔得閒幫你落wor~落左都唔得閒整...跟住係度等等等.......其他遲黎食ge人都有野食...就係我個friend等極都冇~~~最後我地等到9點幾...頂唔順就話走....叫佢cancel左佢~點知個waiter又粗聱粗氣咁話:我煮緊啦wor~!我地就話..等左個幾鐘,餓都變唔餓,唔食....要埋單~!!!但佢話樓上樓下間間cafe都等咁耐咖啦~你唔食都要收$~!!!!!! 我地就話樓上樓下間間都唔會個幾兩個鐘唔比野人食lor~佢講到好理直氣壯咁~都唔知邊個係客~d野幾好食都冇用~~~佢死話有餐飲所以要收晒所有人$~~~但我同幾個friend連嬲到話餐飲都唔飲~之後另一個waiter講下講下,先收少我地一個$~同埋係咁"咦"比返一人一罐coke就走~~~真係

難得週日約了友人出來teatime一下, 在友人介紹下到訪此家樓上cafe, 我們一行4人約2:30pm左右到步, 覺得此家小店的環境唔錯, 與友人聚腳吹水都幾合適. 雖然是週日, 但連我們只有兩臺客, 而且另一臺應該係食午餐的, 約3:30pm左右就離開了, 最後變成我們包場至5:30pm離開為止, 所以全店氣氛全由我們4人話事, 真係好爽. 店內佈置簡約整齊, 大大的窗戶令日頭間舖唔使點開燈都好光猛, 坐靠窗既塔塔米位好爽. 另外有部大LCD電視. 此店家亦有供應飯餐小食, 不過因為大家都吃了午飯, 所以今次淨飲, 看menu飲品真係幾多選擇, 一般消費都係$3x, $4x. 另外很好奇的看到有幾款叫"弗洛多"既飲品, 不過最後都係冇膽試, 還是留待大家有機會試下... 見此家用的是illy既咖啡, 所以不太喜歡飲濃啡既自己就叫了杯Latte試試看. 加兩小匙咖啡糖, 小呷一口就覺得味道很合自已心水, 很香滑, 味道有點點咖啡的苦澀但又因為有牛奶的配襯所以很容易入口, 是連鎖cafe很難達到的水準. very good! 友人們則分別叫了三種花茶 (下面的commen

同朋友們先去吃了鐵板...0,0還去拍了豬扒淨化機((喂跟...這都不關事吧= =)之後見還算早...那是10點幾啦....本來想去maid cafe的...不過人滿了....由友人提意去茶禪到飲野(傾計).....本來都不抱有任何希望......因為.....每次途經登打士廣場都有1大班男女在大叫.....沒什麼好感...感覺大概樓上的cafe也會是很吵的那些吧(偏見a.a|||)甚知一想到去0,0意外的休閒意外的靜~~而且感覺還很治癒呀~v~我看到那裡有很多不同款的茶....於是就叫了茶啦....我叫了太妃...朋友分別叫了幸福同涷的焦糖朱古力感覺上這樣的氣氛果然是要喝茶(笑)....但有人無甜不歡xD0,0至於茶....我不懂分好不好喝啦.....就是茶啦(對不起我沒有什麼修養QAQ)0,0但那個茶可以加水的...我去過某些是不能加的orz|||伯伯還會主動問我們要不要加水...嬸嬸都好NICE....至於焦糖朱古力...朋友說不夠甜.....不過沒所謂啦...那人本來就很吃甜的...還記得我之前沖1杯本身就很甜的飲品給他....他還嫌了幾次不夠甜=3=因為口痕我還叫了密糖腸..