茶舍 (景福街)

營業中

休息中

我係新蒲崗街坊，HI Tea 食物多元化，味道亦唔錯，唯一需要改善嘅地方就是員工態度，有時佢哋不知不覺地講嘢非常之大聲，無論係自己講粗口閒談，呼喊對外賣編號，原本一個舒適嘅環境享用食物變咗一啲都唔舒適！食客感到非常之煩厭！曾目睹一食客提議將風扇關掉，但員工話這是不可能的，因為風扇係用來打散啲冷氣，因冇咁集中就冇咁凍。最後食客唯有硬食，後他因流鼻水寧願外出等他的朋友用完時。不只一枱食客話現場太凍，我亦趁食物未凍之前趕快食完，有點趕客，希望hightea員工舖店環境能夠有所改善。繼續支持你哋食品！

新蒲崗茶舍是一個充滿特色的餐廳，不是一般的茶餐廳，提供多樣的美食選擇。最近我品嚐了他們的特色雜扒鐵板餐，菜品色香味俱全。主菜上有厚切的豬扒，牛扒及雞扒，外焦內嫩，搭配香腸和新鮮蔬菜，口感十分豐富。特製的蒜香醬汁更是提升了整道菜的風味，讓人回味無窮。此外，餐前跟的小菜和沙律也相當不錯，清爽的口感為主菜增添了層次感。飲品方面，檸檬水清新可口，來一杯正好解膩。整體而言，新蒲崗茶舍的用餐體驗令人滿意，環境舒適，服務友善，絕對值得再訪！而且價格只是Hkd 181.

有一日喺附近開工，放飯時間早咗，大概11:30，求其搵間茶記食，經過呢間嘢，發覺嗰個鐘數都幾多人，我心諗咁多人幫襯應該唔差得去邊，因為嗰邊其實好多選擇。咁我見個門面都唔錯，所以就入咗去食。坐低叫咗個蒲燒鰻魚蛋包飯，本來我都唔係好肚餓，直至碟嘢上枱，個賣相實在出色，胃口即刻返晒嚟，勁多木魚花鋪面，鰻魚又厚又大件，隻蛋係有蛋汁㗎，絕對係有心機做嘅蛋包飯，最後，一個鐘前先食咗份早餐既我，成碟飯食哂😛不過唯一唔好嘅地方就係，唔知係咪我坐嗰個位嘅問題，電話係上唔到網🫣

今日係新蒲崗見完客是但搵d野食，見到呢間茶舍坐得幾舒服咁，決定入去試下我地叫左一份簡約晚餐同一個意粉簡約晚餐係鐵板餐，都有好多選擇個餐有餐湯、開胃小吃、牛油餐包同埋煙鴨胸蘆薈沙律，都幾豐富同開胃我地揀左個海陸空雜排有大雞髀、安格斯牛串標同埋比目魚安格斯牛好林身有牛香味，魚煎得好脆，魚肉好滑，最勁個大雞髀，真係超大隻，皮脆肉juicy,配菜都好豐富香濃茄汁鮮蝦蜆扁意粉呢個意炒火侯控制好好，爽口彈牙，海鮮份量多，個醬汁都好match特飲都係加10蚊，夠哂滿足

入到去店員話佢哋新出咗個簡約晚餐嘅餐牌😂睇落去又好豐富好多嘢食，又有得鋸扒😗於是今晚試試佢！牛魔王雜扒 $138分別有牛柳，安格斯牛串同牛舌😍鍾意食牛嘅人一定好鍾意，因為啖啖都係牛🤭有得揀熟度，我就揀咗5成熟，里個熟度最好食🤤我揀咗蒜蓉汁，味道合宜！！個底仲有啲配菜，好得，有菠蘿，娃娃菜，粟米，炸蕃薯粒！！👍🏻👍🏻美式雜扒 $98食肉獸留意🤭一次過滿足晒你四個願望，非常抵食！！有雞扒牛扒豬扒，仲有腸仔同火腿😳絕對對得住呢個價！上菜嘅時候，成座山咁，好誇張😂同樣地都有嗰啲配菜👍🏻呢個餐仲配有餐湯，餐包，沙律，飲品，小食！超多嘢食，我哋放到成枱都係😂😂特別要讚吓個沙律，好有誠意！！有蘆薈粒，比較少見，仲要有啲鴨胸😍好食！

今日約咗朋友去新蒲崗晚膳，朋友提議去港式茶餐廳食晚餐，這間港式茶餐廳名叫茶舍，位於新蒲崗景福街91-95號地下5-7號舖，餐廳地方寬敞整潔，裝修得舒適溫馨，枱凳擺放整齊，令人坐得舒服，餐牌食物款式不少，食物質素好，價錢又唔貴，又冇加一，店員服務態度又好，值得向大家推介來食。餐牌晚餐款式很不錯，有和風之意選套餐、廚師之選套餐、滑蛋包飯套餐、焗飯套餐，而套餐均配送熱飲，加$18升級套餐，有餐湯及沙律，加$35自尊套餐，除咗有餐湯及沙律，仲有甜品蛋糕，我即刻叫咗廚師之選套餐嘅香煎斧頭扒煎蛋飯，加至尊套餐，朋友就選咗和風之意選套餐嘅蝦汁龍蝦仔露筍長通粉，加升級套餐，飲品就選咗熱奶茶及熱杏霜。🍵羅宋湯（餐湯）羅宋湯的味道豐富而獨特，結合了酸甜、濃郁和鮮香的層次感，湯體濃稠，蔬菜軟而不爛，口感豐富，令人覺得開胃。🥗沙律（前菜）新鮮生菜的脆爽，口感清新，搭配小番茄的爆漿酸甜，沙律醬汁味道濃郁的蛋香和油脂香，令口感綿密滑順。🦞蝦汁龍蝦仔露筍長通粉蝦頭熬製的濃縮鮮甜醬汁，質地濃稠帶細微蝦殼顆粒，鮮味強勁，龍蝦仔肉質彈牙嫩帶淡淡海水味，露筍的清脆與草本清香，嫩莖脆甜，尖端細嫩，中和醬汁濃稠感，長通粉吸附醬

今日去咗一間位於新蒲崗嘅餐廳，入座之後，服務員好熱情，幫我介紹咗幾樣招牌菜，最後決定叫呢幾樣濃蝦湯海鮮湯飯：🦑湯面就散發出濃郁嘅海鮮香氣，睇落去色澤金黃，湯底真係好濃，蝦味好突出，湯入面有幾隻大蝦，肉質鮮甜，仲有其他海鮮，全部都好新鮮，無腥味。飯粒吸晒湯汁，食落去每一口都係滿滿滋味。安格斯牛板腱：🥩呢個8安士嘅安格斯牛板腱做得五成熟，肉質超級軟嫩，切開時仲可以見到肉汁流出，真係好誘人。搭配黑椒汁增加咗香氣，又唔會掩蓋牛肉嘅鮮味。紅蔥醬菜芯苗：最後加埋啲清爽嘅紅蔥醬菜芯苗，真係為整個餐點增添咗一點清新感。菜芯脆口，配上淡淡嘅蔥香。🌱

早排有事又要去新蒲崗，正當諗緊去唔去Mikki食飯時，發現原來Mikki對面既茶舍都唔錯！🔶豚肉斧頭扒煎蛋飯：有別於平時係茶餐廳既豬扒煎蛋飯，茶舍既斧頭扒除左大大塊之外，又唔會好乾身，夠哂juciy，加埋熱辣辣既煎蛋，送飯一流🔶龍蝦汁海鮮意粉：龍蝦汁好濃味，海鮮又非常足料，意粉煮得唔錯，有口感！🔶紅湯：紅湯質素喜出望外。濃濃既湯底，仲要有堆牛肉，非常好味！🔶鮮奶卷：依個甜品真係不得了。非常鬆脆，一咬就已經係鮮奶。鮮奶仲要炸完都好滑🔶柑桔炸雞：即叫即炸，所以上菜時都仲熱辣辣。雞件炸得外脆內軟，為依餐畫上完美既句號。值得一提，餐廳門口有自助水機可以等大家拎凍茶飲。天氣熱既時候，都可以飲住凍茶等入座，非常窩心既安排

呢間餐廳係好多地方都有分店，而且價錢又好平民化，係平時成日嘅飯堂，今次再同大家分享多啲嘢食～龍蝦湯海鮮飯作為湯飯愛好者，好推薦呢個湯飯，首先龍蝦湯味道濃郁得來又唔會太鹹，無論係泡飯食定齋飲到好點，而且入面嘅海鮮超級多，包括有蝦仁、魷魚、青口、蜆、帶子，而且海鮮每舊都超級大，份量十足南瓜野菌烤雞意大利飯同樣份量十足，意大利飯口感啱啱好，成個飯帶有南瓜淡淡嘅鮮甜味同濃郁嘅忌廉味，令人一啖接一啖咁食落去😋野菌同烤雞份量都好多，尤其是烤雞好大嚿，口感嫩滑

成日放lunch個陣見到新蒲崗呢間茶舍有人係到排隊，加上有朋友介紹話裡面有新menu出左好好食，有日心血來潮終於去到食😆之前食過lunch menu，印象中都唔錯！我同朋友決定叫下唔同野食，一齊share!🍙 蒲燒鰻魚炒珍珠飯雖然外表睇落無話好特別，但估唔到有好多木魚絲👍🏻食落去其實好唔錯！啲珍珠米炒得粒粒分明，唔會黐埋一舊，食落口感煙韌得嚟唔乾，同埋鰻魚燒得外層微微焦香，內裡嫩滑，仲帶住少少甜甜地嘅蒲燒味，我地一羹一羹食到停唔到口🤤滿足！🥩 即烤安格斯牛叉燒呢個係新menu見到覺得個樣幾打卡able，又做緊優惠，$128可以食到安格斯牛，幾吸引🤤一上枱同食落口個陣真係好驚喜🥹安格斯牛原來都可以做到似叉燒咁既效果，脂香味濃，外層焦糖化得岩岩好，有種港日fusion感～肉質嫩滑多汁，食落去唔會韌，牛味濃郁👍🏻我特別鍾意佢下面啲配菜，有菠蘿、番薯、南瓜、菜同埋薯條，一次過滿足我想有唔同蔬菜水果同炸薯條嘅渴望🤤本身仲驚食唔飽，但係最後係超級飽😂呢個真係大推！下次想食埋新menu嘅其他嘢食🤭🍎 富士蘋果生芝士蛋糕 & 🍰 生芝士蛋糕雖然飽飽地，但係想食下甜品，本身諗住去第二度食，但原來呢度有生

「茶舍」位於新蒲崗景福街，環境乾淨企理，座位舒適，係一個適合朋友聚餐或一個人食飯嘅好地方！🐷 三文魚蟹柳芝士汁焗飯焗飯嘅芝士汁濃郁香滑，三文魚同蟹柳份量足，飯粒吸收晒芝士嘅香味，食落去好滿足！不過焗飯嘅飯底可以再濕潤少少，咁就更加完美！🐷 黑椒牛柳粒炒意粉牛柳粒嫩滑多汁，黑椒味香濃惹味，意粉炒得啱啱好，口感彈牙，整體味道唔錯！唯一係黑椒味可以再均勻啲，有啲位稍為偏淡。整體嚟講，「茶舍」食物質素唔錯，價錢合理，係新蒲崗區一個唔錯嘅選擇！茶舍📍 新蒲崗景福街91-95號地下5-7號舖#吃貨日常 #新蒲崗美食 #焗飯 #炒意粉 #hkfoodie #foodiehk #茶舍

情人節晚上，太座用心良苦，一齊食個靚仔茶記擇日再fine dine慳錢。茶舍算是新派茶記，光猛整潔，中西式一應俱全。先點了個湯意粉一試。蝦湯底味濃夠鮮，海鮮足料，青口，大蜆，蝦肉，魷魚等肉質結實，扁意粉掛湯保留嚼勁，絕對收貨。美國牛小排叫5成說到做到，表面微焦肉身暗紅無血水，肉味濃郁不韌，粗薯香脆，有誠意。跟餐鹹檸七十分甘香，非常解渴。職員好心額外附送甜品，蘋果生芝士蛋糕軟綿綿，清甜的蘋果粒配搭聰明。絕對是非一般茶記可比。

想講呢間靚靚茶餐廳選擇勁多，中西日全部有齊，就算一大班朋友黎都肯定滿足曬大家，我哋點左個濃蝦湯海鮮扁意粉，湯底十分濃郁鮮甜，海鮮足料有青口帶子海蝦同蜆肉，食完個麵都包你想清埋個碗湯，之後我哋叫左個雞扒芝士撈丁因為我實在太耐冇食過所以好掛住，濃濃既芝士cream到呢，同出前一丁係最佳拍檔，雞扒煎得香口，juicy而且雞皮香脆勁惹味，不論當輕食下午茶或晚餐都推介，我哋太肚餓所以再叫埋個鰻魚滑蛋飯埋齋，真心好高質，如圖所見大大件鰻魚絕不慳料，滑蛋啲蛋汁拌飯一流，三道茶都高質，大家去新蒲崗推薦！環境又坐得舒服！

近日同老公周圍去辦年貨，真係冇時間煑飯，又攰又餓，剛好經過景福街茶舍，一於食埋飯先返屋企。餐廳是一家高品質茶餐廳，裝修時尚，座位以卡座為主，環境乾淨燈光明亮。菠蘿鮮茄三層焗豬扒飯：即叫即焗，豬扒大塊仲係厚切，肉質鮮嫩，鮮茄醬汁份量足，粒粒分明的飯粒用蛋炒過，混合着茄汁的香甜，非常惹味。蝦汁龍蝦仔露筍長通粉：長通粉軟硬適中，沾滿蝦汁鮮味又彈牙，龍蝦仔彈牙露荀爽口。生炸珍寶雞髀：即叫即炸，店員告知因係生炸，等候時間比較耐。雞肶上枱熱辣辣，皮脆肉嫩，伴碟嘅薯條香脆可口。主食送熱飲。熱奶茶口感幼滑，帶出茶的回甘滋味。熱華田口感細緻順滑，味道甜而不膩，有濃郁奶味與麥芽。

今日26/1下晝三點鐘左右入去諗住試吓幫襯下午茶，一入去右邊見到有一張卡位我哋三個人咪諗住坐埋去囉。但係張枱應該有之前個客剛剛走咗有幾隻杯喺度，正想坐低之際有個金毛員工後生仔帶黑色口罩大約五呎10吋高同我哋用好晦氣嘅說話講（等我執埋張枱先啦）聽到已經唔舒服。咁我哋咪冇坐低囉，然後佢拎走咗啲杯我哋就坐埋去，跟住佢返轉頭攞張枱布想抹枱，跟住又同我哋用好晦氣嘅說話同我哋講（你哋可唔可以起身先呀，等我抹埋張枱先啦）跟住我就忍唔住同佢講你咪抹囉，點解要我哋起身呀？（其實當時張枱唔係好污糟）跟住佢話驚整污糟我哋，我咪話你小心啲抹咪可以囉。之後佢仲想駁嘴我就同佢講你嗱嗱聲啦！其實抹枱執杯係冇問題㗎，但係用咁嘅態度同語氣同客講就好大問題。如果你係老細睇到呢段嘢，你真係檢討吓你啲員工用咩態度對啲客？今時今日咁嘅服務態度可以咩？香港啲老細成日話冇生意。咁嘅服務態度點會有生意啊。