茶舍 (景福街)

營業中

休息中

知道新蒲崗新開一間分店，呢日收工無乜時間返去煮野食，所以特登過嚟買外賣返屋企食。都見唔少街坊幫襯，食物選擇都唔少。三重芝士焗鮮茄豬扒飯賣相巳經好吸引，超多鮮茄同芝士，豬扒好大塊最鍾意佢哋用炒飯底，酸酸甜甜，好開胃。三層芝士焗鮮茄牛脷飯 牛脷份量都多，肉質軟腍，個汁同頭先鮮茄飯一樣，好食。咖哩雞焗飯 一打開有滿滿嘅咖喱汁，濃郁惹味，雞扒夠厚，重有大量拉絲芝士，邪惡又飽肚。點一份主食都可以免費包一杯熱飲，我就加3蚊叫左凍檸茶。

假日有日經過見到好吸引決定搵日黎試媽媽話平日好多人排隊我哋假日黎等左2張桌就有位餐廳都幾多位餐廳主要以QR code下單不過我地坐個個位網的接收好差咩台都吾係好load到好彩最後都有一部load 到差點下不了單叫服務員又無人理d服務質素嘛嘛百搭自選HI+TEA HI: 迷您花生醬西多士TEA: 吉列魚柳熱咖啡少奶魚柳同西多都係即叫即做上桌熱辣辣咖啡水準吾錯炸雞髀和風沙律凍檸檬茶雞脾太細隻又無味氹仔風味豬扒包薯條熱奶茶

1. 穀飼安格斯牛 $150嘩嘩嘩！😳 當餐廳侍應將碟牛扒端上枱嘅時候，我真係嚇咗一跳，冇諗過原來係咁大塊（連我比較大食嘅女仔都食唔晒🙈）。熱辣辣嘅鐵板牛扒，淋啲汁上去嘅時候「炸」一聲，好過癮😃 牛扒我叫咗七成熟，切開嘅時候，牛扒中間部分會有少少血水。如果你唔鍾意有血水，唔使擔心，只要將牛扒切開一件件，然後用鐵板嘅餘溫每邊煎一煎，好快就會冇晒紅色，咁就唔使擔心過熟/唔夠熟☺️除咗牛扒，仲有好大件翠玉瓜同粟米！我建議呢個餐可以同朋友share，然後再嗌幾款小食☺️ 2. 餐湯 龍蝦湯味道濃郁、質地厚身，絕對比一般茶餐廳水準高👍3. 沙律羅馬生菜新鮮、脆口，咬落去索索聲，加埋麻醬、車厘茄，係好開胃嘅前菜！食牛扒配沙律，冇咁Heavy😋4. 熱奶茶每次去茶餐廳，我都一定會試佢嘅奶茶。茶舍嘅奶茶幾香滑，唔會苦澀。P.S. 餐廳裝修好時尚，茶餐廳來講坐得幾舒服！見到menu有香煎波士頓龍蝦海鮮湯飯，好吸引咁，下次再幫襯先😝

去打波之前要搵啲野食～Mikiki 啲連鎖餐廳都食到悶所以出左Mikiki 過條馬路就黎到呢間新開嘅餐廳見佢幾光猛，都好似幾舒服咁 於是就入左去😙本身以為佢係靚啲嘅茶餐廳但估唔到都係西式為主既然呢間鋪叫茶舍無理由唔飲返杯茶嘅🫢呢杯水果紅茶點個陣可以㨂少甜/走甜又估佢唔到喎因為通常啲fruit punch底/果汁底嘅飲品嘅甜度都冇得調整呢度有得比人㨂～好細心～雖然又食薯條又食炸雞真係好邪惡但係真係冇點錯芝士肉醬薯條係用左兩款唔同嘅芝士有層次～加埋肉醬真係停唔到口炸雞上枱時熱辣辣外脆內juicy!炸雞如果係鞋烚烚就真係好扣分呢度嘅炸雞完全唔鞋～好味！白汁芝士西蘭花大大份入面除左西蘭花仲有啲洋蔥、火腿同菇味道即刻豐富左

新開第一次試，選擇偏少，連晚餐套餐都係得二人套餐可以揀，其他每頁都冇超過10樣野食揀，店內冇wifi，坐太入唔係收得太好，但又要手機落單忌廉野菌皇烤雞扁意粉，有驚喜，份量夠，味道好，但熱飲都要加錢🥲$60+3可能岩岩開店，店員態度幾好第二次豪少少食左個牛扒加沙律，份量唔太夠，牛扒薄左少少，食晒唔太夠，但收90幾第三次，放工時段，座位只有4成，但店員都唔比坐4人枱👎🏿，再試扁意粉比第一次食冇咁乾身，比較多水既汁，但都唔錯，希望之後會有改善以上問題

新蒲崗有好多嘢食，中西日，同埋茶記都有好多選擇。所以唔好成日留喺商場，食貴價連鎖嘢。一出Mikiki，以前都係見到比較草根嘅口味，今次見到一間招牌好特別嘅餐廳#茶舍 ，應該開左無耐。餐廳嘅定位係高級茶記，但定價都比Cafe低少少，夜晚主要食#意粉 🍝#蛋包飯、#焗飯，仲有各式#甜品、#小食 ，今次唔知食咩，就試下叫套餐，試最多嘅口味，甜品下次再試。二人套餐 $168餐湯 X2 原來係龍蝦湯，有應該有嘅鮮味，不過因為都好多Cream，所以易入口沙律🥗 X2生菜、粟米🌽車厘茄配上芝麻醬，開胃清新，但唔會感覺太肥。生煎豚美國斧頭扒 黑椒汁、扁意粉朋友唔食牛，好彩有得揀豬🐷好驚喜係用鐵板上菜。厚身而大塊嘅豬扒，切落好juicy。黑椒汁唔太辣，唔會搶走應有嘅肉味。配菜方面，除左扁意粉，唔係得粟米粒，而係一段粟米🌽加半條翠玉瓜🥒，份量相當足夠。一見鍾情PIZZA見到個名好吸引，即刻好想叫。上菜見到咁多料，有蘑菇🍄菠蘿🍍雞肉🐔香腸……真係未試已經一見鍾情。咬落去係薄批，每一啖都有餡，感覺好豐富。白汁芝士焗西蘭花白汁配芝士，係一個無得輸嘅組合，面頭有微焦嘅融化芝士，令人更期待。打開芝士，見到好多煙肉🥓

新蒲崗的茶舍是一家平價又美味的新餐廳，非常適合享受經濟實惠的午餐。我極力推薦他們的咖哩焗雞扒飯，這道菜讓人垂涎欲滴。咖哩的香氣濃郁，雞扒肉質嫩滑多汁，與飯一同焗製，味道更加融合。每一口都散發著咖哩的迷人風味，絕對是嗜好咖哩的人的最愛。除了咖哩焗雞扒飯，他們的熱奶茶也是一絕。這杯香滑可口的熱奶茶，散發著濃濃的茶香和順滑的奶味，喝起來令人心曠神怡。它是午餐時光的完美陪伴，為您帶來一絲放鬆和享受。一定要試試

工作黎開新蒲崗就買個外賣返屋企食行過竟然見到這一間茶舍餐廳之前食過一次九龍灣嗰間分店，都覺得款式好特別，今次有緣又見到又再叫返個返去食我揀咗南瓜野菌烤雞意大利飯朋友揀咗蒲燒鰻魚滑蛋包飯另外叫咗個白汁芝士焗西蘭花同埋上次食唔到，今次終於可以叫嘅柚子芝士蛋糕我覺得今餐真係好豐富蒲燒鰻魚滑蛋包飯鰻魚厚身而且完全冇腥味蛋包飯嘅滑蛋完全覆蓋曬成個飯底嗰啲飯都有一啲鰻魚汁，所以食落唔會太乾南瓜野菌王烤雞意大利飯最初仲怕佢太濕，但食落南瓜汁剛剛好包住啲飯， 另外裏面仲有好多蔬菜同埋雞肉我自己非常非常鍾意食呢個白汁芝士焗西蘭花好多時叫外買都淨係食到碳水化合物同埋肉好少食到菜，見到呢度有白汁芝士焗西蘭花就即刻叫一個試下之所以話覺得茶舍這間餐廳嘅口味比較特別係好多茶餐廳都淨係可能炒幾條菜，未必會有芝士焗西蘭花， 感覺好似西餐廳先有 西蘭花入面嘅白汁能包裹每一棵西蘭花 芝士仲有拉絲柚子芝士蛋糕雖然唔係好大件但係重柚子味軟硬適中重芝士香味，下次可能會再試埋朱古力味餐廳門口不斷都有人等堂食位， 下次有機會堂食再食多幾款唯一外賣要計盒錢或者下次可以帶埋個盒去買咁就更加環保

近排練完舞就在附近搵野食 見到呢間Hi tea 長期都好多人排 我都唔執輸咁要食下佢鑑於太多人等 我都係決定買外賣回家跟家人食晚餐的menu也有很多選擇！天氣咁熱 餐廳仲要好窩心咁準備左檸檬水🍋💦比排隊客人 ！值得加分😍我叫左蛋黃卡尼長意粉 老實講 呢個價錢的確好抵食^^有大量煙肉 野菌 仲有D 芫茜在面 D長意粉汁不會太濃稠 加埋D蛋黃香 整體不錯😆份量也很足夠因為跟套餐 就有杯飲品 叫左熱朱古力🍫 而家人則點了鮮硯白酒煙肉蒜香天使麵🍜有多舊硯肉 也很鮮甜 同時也有野菌 煙肉 跟蕃茄仔🍅天使麵都幾多 十分飽肚😍最後我地也share左千島海鮮pizza🍕2 個人當小食咁食岩岩好pizza多料 賣相唔錯 也焗得個pizza邊脆卜卜🥹呢間餐廳食物不錯 而且服務良好 以後也會多多支持

新蒲崗最近又開左間超高汁嘅茶記我食過好多次，不過都要再食。因為真係幾好食。價錢合理食物quality 有保證我最愛嘅焗飯，三文魚飯，同鰻魚炒飯魚籽三文魚蛋炒飯 $65仲有野飲份量十足超香嘅三文魚味，成個pantry 都聞到蒲燒鰻魚炒珍珠飯 $65鰻魚出面食唔平依間比足你又係勁香，不過小小重口味鰻魚勁juicy咖喱雞焗飯 $58價錢三個最平，不過性價比最高勁大份，勁多料又薯仔又兩塊雞扒不過勁重口味，有健康人士可以試其他新蒲崗景福街91-95號地下5-7號舖

去開Mikiki一田買嘢，又唔想係商場食飯，見到對面馬路開咗一間新嘅餐廳，裝修幾靚環境都10分舒適又乾淨，所以就過去睇吓。餐廳位於新蒲崗主打西日式菜式，附近除咗商場都冇乜靚嘅餐廳，而家香港出街食飯閒閒地都$100,但e 到只係茶餐廳價錢環境於是就試吓，由於食飯時間餐廳好多人，所以決定買外賣返屋企食。今晚我哋就叫咗吉列豬扒咖喱日式蛋包飯。蛋包飯真心唔錯，雞蛋做得非常滑溜，估唔到吉列豬扒返到屋企都仲係脆，水準做得非常好。蜆肉白酒煙肉蒜香天使麵，蜆肉份量非常多食得出係新鮮唔係急凍貨色另外份量足夠一個女仔爭啲食唔晒。蒲燒鰻魚炒珍珠飯鰻魚分量超多好足料另外炒飯亦唔係用平視呀普通泰國米係用日本珍珠米，同香港好多日本料理餐廳有得比。所有菜式都包左嘢飲，新蒲崗呢個價錢真係非常抵食，推薦大家嚟試吓。

今日同個friend响新蒲崗打波，打完波肚仔餓又係搵野食嘅時候。朋友帶我去一間新開無耐嘅茶餐廳，話食物平靚正之餘，店員服非常務好。店舖裝修得明亮整潔，座位闊落又舒適。餐牌選擇貴精不貴多，我哋用QR code 落單，10分鐘內已經上曬食物👍。穀飼安格斯牛配龍蝦湯及沙律 $150.-龍蝦湯有淡淡嘅蝦味，濃稠度適中。沙律有包心菜、粟米及蕃茄，新鮮清甜，加埋芝麻沙律醬更加好食。牛排用鐵板上，表面煎得焦香，7成熟成度剛好，易切無筋，肉色呈鮮紅色，口感軟腍帶牛香味，配埋香濃嘅黑椒汁一齊食，更加惹味好食。配菜有薯條、粟米、車厘茄及大半條翠玉瓜，翠玉瓜預先煎過，又香又多汁😋。菠蘿鮮茄三層焗豬扒飯 $58.-菠蘿清甜，蕃茄新鮮味道香甜，番茄醬汁酸酸甜甜帶芝士香味，配埋熱辣辣又軟熟嘅炒飯一齊食，醒胃又好味。豬扒啖啖肉，口感軟腍，香口又好食。凍朱古力 (跟餐加$3.-）朱古力味香濃，口感順滑，冰涼解喝。熱奶茶 (跟餐免費)奶茶茶味香濃，口感順滑無澀味，好飲。後記：店員多是年青人，服務非常勤快有禮，呢點非常讚👍。

茶舍📍新蒲崗景福街91-95號地下5-7號舖近排聽朋友講話新蒲崗新開左間港式茶餐廳，今日行開個邊就決定去食個Dinner啦～星期三夜晚6點半到，餐廳已經全Full，等左5分鐘先有位，餐廳裝修不錯，環境光猛寬敞👍餐廳係用QR CODE落單的，唔知係咪因為新開業嘅關係，顧客只要Like 茶舍嘅社交平台專頁就可以免費獲贈兩隻柚子雞中翼，不過可惜我同朋友食飽先見到，所以今次就冇食到啦，下次再有機會一定會再食☺️軟殼蟹白酒蒜香天使麵$80 上枱時好香蒜味，有原隻軟殼蟹、蜆肉同魷魚，軟殼蟹炸得好香脆，蜆食落亦冇沙，天使麵唔會好硬唔會過熟👍份量都算多☺️絕對夠飽😋燒肉汁白切肉滑蛋包飯 $58 一睇到menu就覺得呢度嘅滑蛋飯好吸引，而且有個比較特別嘅白切肉，平時係茶餐廳都好少見到，覺得呢個配搭好新穎，所以朋友就話叫一個黎試下🤣🤣白切肉有成6件，唔會太肥膩，配飯都好夾，雞蛋真係炒得好滑🥚🍳好正😆升級套餐 ( 餐湯及沙律) $12每樣食物都可以加$12升級套餐，今日嘅係龍蝦湯，沙律菜都新鮮，仲有芝麻醬增添味道👍柑橘炸雞件 $38炸雞件細細粒，一口雞粒，柑橘醬令人食落覺得好開胃😋😋凍杏霜 +$3凍朱古力+$6

最近去咗新蒲崗嘅茶舍分店，試咗佢哋嘅外賣，真係好好味！我買咗脆炸軟殼蟹芥末醬吐司配薯條同蒜蓉汁雞扒滑蛋包飯。由於係午市套餐，所以附送埋免費熱飲，但天氣真係太熱，所以我加錢換咗兩杯凍飲，分別係凍奶茶同凍檸茶。首先講講脆炸軟殼蟹芥末醬吐司，佢嘅蟹肉好新鮮，脆炸嘅外層又好鬆脆，加上芥末醬嘅微辣味道同蕃茄生菜嘅配合，真係既清新又開胃！薯條都炸得好香脆，就算外賣返屋企都唔會軟身。而蒜蓉汁雞扒滑蛋包飯亦都唔錯，雞扒煮得剛剛好，唔會太乾或太腍，食落都鮮嫩多汁，滑蛋夠滑身，蒜蓉汁又唔會太辣，配上飯都好飽肚。至於飲品方面，茶舍嘅凍奶茶同凍檸茶真係不錯。凍奶茶香濃好喝，凍檸茶清香怡人，令人在炎炎夏日都可以享受到一份涼爽。總括而言，茶舍嘅食物真係好味又實惠，而新蒲崗分店嘅環境亦都好舒適，係一個好適合返工或者放學後搵食嘅地方。如果你係新蒲崗附近，真係要嚟試下佢哋嘅食物啊！

試咗新浦崗新開既茶舍, 門口招牌清晰，地點方便容易搵, 係正Mikiki商場對面，入內裝修舒適坐位寬闊係我最愛既雲石枱面, 待應態度親切,可以掃條碼落單夠方便! 一打開餐牌已經比個濃蝦湯吸引住，食物選擇多！見好多人點了照燒汁鰻魚滑蛋飯，睇嚟好出名，下次先試，先點了濃蝦湯海鮮湯飯, 嚟到先試一啖湯底，甜甜的味道配飯一流好有鮮味, 配料十足有蝦,帶子,青口,蜆及魷魚, 再點了柑橘炸雞件, 份量十足，還有炸雞配上柑橘味道好夾, 好開胃,可解漏！重點係炸雞夠脆身, 好回味! 再點了魔鬼芝士薯條, 脆脆既薯條加上大量既芝士焗出嚟好香,好好味! 最後點了一杯紅菜頭芒果梳打，甜甜既紅菜頭加上芒果配梳打夠晒夾，整體食物質素好！值得再來幫襯!