茶色生香 (新安大廈) (已結業)

裏面有個店員服務態度好差，唔係幾滿意不過奶茶就幾好飲，但係兩次去買，都係嗰個店員，仲要次次態度差，原本好好地買一杯奶茶，又找錯錢，奶茶幾好飲都冇用…😅希望你哋可以作出改善

出咗香港大學地鐵站地面出口之後，就會見到一間又有台式飲品，又有一啲小食賣嘅舖頭。有次經過嗰陣見到有人排隊，咁啱自己又口痕想飲珍珠奶茶，於是一出地鐵站就走過去舖頭落單。叫咗一杯最普通嘅珍珠奶茶飲，珍珠奶茶拎上手，奶茶嘅茶底唔錯，飲得出本身屬於茶嘅味道，整體感覺奶茶味道中上，飲落口幾舒服；至於珍珠方面，小弟略嫌珍珠口感爭咗少少，唔知係咪烹調嗰陣有所不足，啲珍珠感覺上比較硬，同埋有陣時會有幾粒黐埋一齊嘅情況。

係我屋企樓下呢間台式飲品係山道大概開左2年，今日第一次試芝士珍珠奶茶$30味道鹹鹹甜甜，茶味香。珍珠煙煙韌韌，店內有很多特別既小食。今次呢杯芝士珍珠奶茶好好飲，秒速飲完，下次會試埋其他飲品或小食。。。

平時都好鍾意飲台式飲品見到呢間店啱啱新開就諗住試下嗌咗杯芝士芒果 （係芝士奶蓋配芒果冰沙）都幾大杯 嗌咗微糖 整體甜度啱啱好但係有少少失望 芒果味唔係太濃郁同埋都要38蚊有D貴

茶底、奶都無問題。.不過飲到珍珠個下好驚訝—— 硬嘅？好似我之前錯手雪左，變硬個口感 😮 有啲失望，飲過N杯珍珠奶茶，第一次飲到硬嘅珍珠 😥.不過仍然要感謝鋪頭開到咁夜。個時9:30pm，周圍奶茶店關哂門，好在佢仲開，先有得飲 😂 而且$24定價便宜，可以原諒一次。希望鋪頭能夠改善。

芝士芒果 $36 (like IG -$5)地鐵站附近開咗間新嘅茶飲店，話說真係好想飲奶蓋所以就試吓。飲品幾大杯，奶蓋份量厚，覺得減咗$5價錢真係抵飲。奶蓋係鹹芝士奶蓋，有芝士個種鹹香，不過淨係咁樣食有啲鹹咗少少，同埋芒果沙冰一齊飲就啱啱好❤️奶蓋整體係比較輕盈個種，唔會好滯。芒果冰沙既部分就有少少失望🥲味道上唔係個啲假芒果味，酸酸甜甜都ok，食到好微量芒果肉，係細細碎碎嗰種，如果係有多啲芒果粒就好，沙冰亦都打得唔夠細，冰粒感幾重。整體來講芝士奶蓋比起芒果沙冰出色，$31來講可以飲到大杯芝士芒果覺得幾抵。