茶茶GO (已結業)

茶茶GO-台式飲品專門店最近發現灣仔新開了一間台式飲品店，中英文名字的招牌分別掛在門面上，各有特色，暗藍色的主軸配上水泥色的地板，潮飲台式飲品！櫻羽水果甘露採用時令的新鮮水果，有香橙的橙香、百香果的口感、金奇異果的清新、菠蘿的果甜，四種水果的配合，層次多、味道豐富，天然的原味道。逮丸芋頭1號招牌特飲，以手工芋泥、黃金珍珠、鮮奶三大元素組成，手工製的芋泥，濃濃原味道的芋頭；焦糖香的煙煙韌韌的黃金珍珠；並加入幼滑口感的鮮奶，甜品般的飲品。

Only went here because of the drink that comes in a plastic can with a ring pull lid.Unfortunately, you can only choose certain drinks so I got the pineapple soy milk slush.Despite asking for it not so sweet, the drink tasted super super sweet and syrupy.It tasted better after diluting it with milk.

香港都10月日頭都仲係30度，今日食完lunch行返公司實在太熱頂唔順要買杯野飲，我同另一個同事一人一杯，經過呢間開左幾個月既茶品店，又係台灣過江龍開既店，主打再唔係珍珠奶茶，而係鮮果類飲品。店員話就算水果茶都有加d糖，如果唔要糖記得要講聲，我地兩杯都叫左微糖微冰。櫻羽水果甘露$36-裡面包括：（紅綠茶，奇異果，香橙片，菠蘿，百香果），口感有d飲水果茶，但濃味好多，因為唔係水果加茶，而係將水果打成汁再加橙片再mix紅綠茶。蘇芳紅果芭樂$36 -裡面有紅火龍果+番石榴，呢個就簡單d，就係紅火龍果加冰打成and番石榴，所以好有果汁沙冰既口感得黎又有dd水果粒粒👍🏻 飲珍奶飲到悶，真係一個清新好選擇☀️

IVE果一頭附近都有不少小餐廳,經過見到間燈火光明的台式飲品店,叫左蘇芳紅果芭樂($36),係蕃石榴同火龍果加ICE搞碎的飲品,所以無得叫少ICE,只可以叫少甜,因為本身火龍果就無咩味,飲品只係靠蕃石榴帶味,大大杯,感覺健康,味道只有清清的蕃石榴味。另外叫左個嫩鮮草拿鐵($32),只有凍飲的,入面有半杯係鮮草,所以飲完都有D飽肚,飲品奶味比較重,感覺是飲奶加鮮草,味道不濃,是偏向淡的。餐廳有兩個高座位可以坐低飲,空間都大,不會有壓迫感,不會被排隊的人影響到。

這間飲品店之前係尖沙咀開的時候已經好中意去飲，但後來知道執左有點可惜，點知前幾日同事同我講原來係灣仔開返，所以今日放工就同同事一齊黎買!之前係尖沙咀的時候是有麵包供應的，但這間暫時未有住!飲品店內有棵裝飾的櫻花樹，亦有少量座位提供!逮丸芋頭2號，這款飲品是這裡比較出名的飲品，仲記得係台灣的時候差不多晚晚都買黎飲!這款飲品有芋泥、小芋圓和鮮奶，芋泥的份量都有好多，唔會太甜!芋圓煙煙韌韌，配上鮮奶，整杯飲品好順滑而且好飽肚!春滿金旺鳳梨，這款飲品用上四季春茶同埋新鮮的菠蘿肉，飲品可以揀有糖定冇糖，店員建議揀選冇糖，因為菠蘿本身已經好甜!果然菠蘿鮮甜，整杯都有滿滿的菠蘿味!金皇芒果雪見沙，這款飲品超冰涼，用上新鮮芒果肉加上豆奶沙冰，沙冰有淡淡的豆奶味，而芒果肉好甜，整杯透心涼呢!而且這款飲品會用膠樽盛著，比較特別!希望餐廳可以快D出埋麵包，他們的麵包都不錯的!

今日同HONEY食完重慶鍋後，大家見有啲口渴，經開灣仔去188時，就去左對面新開的這間小店茶茶GO買手搖飲，點了逮丸芋頭2號，金皇芒果芝士奶蓋，同埋白桃烏龍逮丸芋頭2號逮丸芋頭2號（手工芋泥+小芋丸+鮮奶）手工芋泥加上鮮奶，口感好滑，小芋丸口感口感煙煙銀銀，真的愈飲愈正，金皇芒果芝士奶蓋金皇芒果芝士奶蓋入口好重芒果香。芒果味道好清甜唔會太膩。芝士味香濃咸香濃厚。入口有奶香夏夜白桃烏龍清清地的白桃茶，真的飲時好FRESH用心的小店，值得支持一下!

It was a bit hard to find this mini shop because you had to turn into the side street from Wan Chai Road. There were 3 of us this time and each of us ordered 1 drink. Two of us ordered 逮丸芋頭2號+黃金珍珠 while another of us ordered 金皇芒果冰沙.Luckily we were the first to arrive before other guests arrived. Still it took them quite long for our drinks to arrive because every single one was hand-made!This drink was made from 紫芋鮮奶 with小芋圓. We asked for some additional 黃金珍珠 at $5 and just very little ice cubes

今日同幾個朋友係灣仔買完PS4之後大家見有啲口渴就去左對面新開的這間小店買手搖飲。我自己因為好口渴，於是叫左比較解渴的翡翠檸檬若葉，餐廳落左5片檸檬，但又唔係好酸，略微澀回甘，配合埋寒天條有啲口感，個人認為係解渴之選。其中一個友人叫左逮丸芋頭2號，個人認為比較特別，如果喜歡芋頭的話會飲唔停口，芋圓加上芋頭鮮奶，口感極濃郁。另外兩位友人叫的就好多手搖店都有，分別係黑糖鮮奶同芝士奶蓋茶，個人認為奶蓋芝士味好出，但同個茶唔太夾，而黑糖鮮奶則有濃濃的黑糖味，又唔會太甜。PS：餐廳有打卡位，好岩女生影相

台式飲品近來比較吸引我既，是芋頭芋泥飲料，原因係台灣大熱，芋頭做材亦比奶茶感覺健康一點。放工約左朋友去灣仔，經過見到茶茶go, 專乘點了這裡的招牌：逮丸芋頭1號手工芋泥+黃金珍珠+鮮奶（$45）精選台灣芋頭，以手工做成芋泥狀，呈現芋頭豐富滋味，香滑綿密研製出完美比例。 黄金珍珠專屬焦糖香, 黏黏糯糯，襯托鮮乳甘甜。少冰微糖甜度適中非常好！另朋友點了：樱羽水果甘露（$36）有紅綠茶+奇異果+橙片 + 菠蘿+百香果，當季水果搭配, 手搖茶調配出來好清香, 全部生果都好新鮮，當中有一片菠蘿片好香甜。茶沒添加太多糖，自然平衡的極致表現，一杯好解渴的甘露！還外帶了一杯春滿鳳梨（$35）菠蘿肉+豆奶冰沙，好特別，菠蘿跟豆奶打出沙冰，滿滿鳳梨清新香味，豆奶更加健康有益，味道不甜同樣宜人解渴。各款用心製作的配搭，個人甚欣賞由台灣帶有誠意的獨家台式風味。

今日去到灣仔，發現到一間茶飲店，之前都無留意，可能新開張。鋪面乾淨好整齊，有少量座位，都有枱可以比人擺下野影下相。茶飲店愈開愈多，間間都有特色。今日我黎到就睇下menu有咩特別啦！餐牌簡單，分開幾個唔同範疇既飲品！我就超鐘意芝士奶蓋啦！我叫左金皇芒果芝士奶蓋。芒果味濃夠哂突出，唔會死甜芒果糖漿，入口好重芒果香。芒果味道好清甜唔會太膩。奶蓋做得非常好！芝士味香濃咸香濃厚。入口有奶香不失芝士味道！超喜歡！

今日放學同朋友行街，經過間台式飲品俾佢店入面嘅櫻花樹吸引了入去。朋友叫左杯 嵐山烏龍烤奶$30 （健康甜 走冰），我就叫左杯逮丸芋頭2號（手工芋泥+小芋丸+鮮奶）烏龍烤奶 味道 茶味夠濃，甜度岩岩好 唔會太甜，入口會有烏龍茶嘅味道，新鮮鮮奶嘅口感。個人覺得本身鮮奶已經有佢本身嘅甜味，所以健康甜 甜度就已經足夠。我個杯芋頭2號 係店鋪嘅招牌。店鋪標榜係手工芋泥，唔知係咪咁，我覺得同出邊嘅感覺好唔同。首先講下質地先，當搞杯中嘅芋泥用少少力 就可以撈勻，唔會仲有成陀貼住係杯邊 飲唔到。另外，小芋丸個size真係唔大 ，好似大粒西米再大少少。口感煙煙銀銀咁，咬落又唔會好似食緊粉嘅感覺，但係又比珍珠易咬好多！配埋鮮奶同芋泥，即時將芋頭嘅味帶得仲出！整體來講，好味高質，唔錯！放左學 整返杯台式飲品，將一日疲勞，完全精神哂！充滿能量！仲要店入邊好多打卡位，得閒經過不況整返杯

最近見網上好多朋友都推介呢間位於灣仔道的「茶茶GO」，係一間台灣茶飲店。店內嘅設計同擺設都好有心思，美美的除咗有各式各樣茗茶，亦有特色鮮果或牛奶系列，餐廳的招牌芋頭奶亦很出名若葉茉莉綠點左熱飲，紙杯設計好精美。綠茶味好濃，同時散發着陣陣茉莉清香逮丸芋頭2號身為芋頭控的我當然要點呢杯招牌芋頭奶！集結世界各地芋頭研製出絕佳比例，芋頭蓉佔據左隻杯一半的容量，係天然的芋頭香甜味，沒有添加太多糖，口感粉粉、實在的，非常高質！芋圓好Q彈，有嚼口！鮮奶則採用日本明治鮮牛奶，所以奶味特別濃郁，好好飲啊！

這天我們去文化遊，才剛剛到第一個景點，我便覺得酷熱難耐，需要一些冰涼的飲品。我喝的飲品是厚奶雪見沙，即是水果加上豆奶製作的沙冰。我喝的水果口味是草莓味。飲品以罐頭包裝，既特別，又方便外帶。味道方面，我覺得這個飲品十分特別，甜度適中，解暑健康！店員建議使用飲管品嚐，第一口便可以喝到兩種味道，接著要攪拌均勻草莓果泥及豆奶冰沙。這裡的飾品挺有心思，深的我心。但畢竟最重要的事還是飲品質量，這裏的飲品很不錯，所以我整體是喜歡這飲品店的。

常言道：三人行 必有我師我則謂：三人行 必有吃貨VTC對面的小巷，一直是吃貨的聚散地。這一帶的店面可以說是舊的不去，新的不來。剛好最近來了家新的茶飲店，名字也寫實——『茶茶GO』，吃貨帶著一起go go go let’s go for a drink ！少不了大熱的珍奶——岩燒黑糖鮮奶，裡面的珍珠多得好像怎麼吃都吃不完，口感Q彈，不過整體偏甜，這個沒得少甜。原來這家店是台灣過江龍，最受台灣當地人熱愛的莫過於逮丸芋頭系列，1號和2號的區別是黃金珍珠和小芋圓，朋友叫了個2號，可以看到裡面是滿滿的芋泥和鮮奶，喜歡綿密口感的朋友很適合有。剛到店的時候看到店員在處理一個菠蘿，濃濃的香氣撲鼻而來，於是詢問了一下這個菠蘿是製作什麼飲品的，店員說是『春滿金旺鳳梨』，哦，對了，台灣管這個叫鳳梨，各位女性朋友可以上網查查看，鳳梨可是女士們的恩物，可以有哦！而且想到那種酸酸甜甜的味道，小女就抗拒不來了！外表不是很討喜，就是比朋友們的都大杯了，但也看到裡面有好大一塊鳳梨。這個可以order冰度和甜度，雖然我叫的是少冰少甜，不過還是覺得甜度多了點，可能是因為夏天的鳳梨當造，本來的果糖就很夠。茶用的是四季春，帶有

之前係台灣飲過茶茶GO 宜家香港都有2間分店 今次我地同朋友經過就試左幾杯啦🤩 本身想試下佢地既麵包 可惜佢地麵包既廠房有問題 要9月先可以再食到佢地既麵包啦🙊今次我地就試左4杯飲品 分別係之前係台灣飲過既春滿金旺鳳梨🍍 蘇芳紅果芒芒 春摘不知春同草莓蜜沙冰🍓 水果味既飲品都比較甜 所以唔想太甜既朋友記得叫健康甜啦😉春滿金旺鳳梨同台北飲過既一樣 超足料 有好多鳳梨肉 配上四季春茶底好清新🍍 蘇芳紅果芒芒上層係紅肉火龍果 下層就係芒果 相對起其餘幾杯 呢杯會比較飽 不過好清甜👍🏻 春摘不知春我地加左黃金珍珠 烏龍茶同珍珠果然好夾 呢杯唔會好甜 夠冰涼解喝😆 最後就係草莓蜜沙冰 酸酸甜甜 每啖都食到草莓果肉 包裝仲好特別 係罐裝 夏天飲都係一個唔錯既選擇🌟