茶茶GO

營業中

休息中

小弟就唔喺咁經常買台式茶飲，間唔中一杯半杯咁啦，不過，天熱就多咗機會飲多兩杯。中秋都過咗，呢幾日仲上到33°C，熱到人都癲！工作關係落到嚟灣仔，撞啱呢間「茶茶Go」，咪買杯凍飲返公司嘆吓囉！呢類茶飲店一向都喺鋪仔細細，一眼睇晒，最緊要喺夠乾淨，偷偷望入去，都幾夠衛生。講番啲飲品，選擇十分之多，大類別分為牛乳入茶、純茶芝士奶蓋、梳打、甘蔗系列、鮮果茶系列、冬瓜茶、牛油果系列、酸奶系列、咖啡、牛乳系列、台式沙冰……等等。晌等候期間，見到鋪前嘅凍櫃仲有啲甜品供應，睇啱「紫菜肉鬆小貝」，一個個，細細件咁，方便大家「些牙」，就追加埋佢。金鍠楊枝甘露 $36一向都鍾情芒果嘢，份量無得揀，一定喺大杯裝，但確實好大杯，以芒果打成嘅沙冰，唔單上芒果味十足，好清甜，口感仲好細滑，唔會有冰粒感，再者，落咗啲椰奶，添加幾分椰香，自然更有層次，底下仲有啲紅柚啫喱之類，冰凍好飲，晌呢種又熱又濕嘅天氣，絕對喺消暑奇「冰」！紫菜肉鬆小貝 $38一份有4件，唔好睇佢好似唔大件，其實，拎上手即刻感到好墜手，好有重量，蛋糕嘅口感幾軟滑，又幾有蛋香，裡面捲住啲蛋黃醬，再加上成件蛋糕四面都黐滿紫菜同肉鬆，味道鹹鹹甜甜，又帶點酸

牛油果酸奶 ($39)牛油果酸奶絕對系夏季既完美選擇。牛油果的綿密口感與酸奶的酸甜平衡相得益彰，令每啖都充滿清新既滋味健康甜 無另外加糖👍🏻價格合理，令人感到健康，值得推薦！逮丸芋頭2號（小芋圓）($45)接下來的逮丸芋頭2號（小芋圓）則是另一種令人驚喜的選擇。小芋圓外皮柔軟，內餡則是濃郁的芋頭餡，甜度適中，口感滑順。唔會死甜楊枝甘露盒子 ($40)估唔到飲品舖都有甜品賣見到仲有巴斯克蛋糕不過嗰段時間未返貨，所以我簡左楊枝甘露盒子傳統既楊枝甘露以盒子形式呈現，內含香濃的椰奶、鮮榨的水果、蛋糕口感層次豐富，清爽的味道讓人一試成主顧。盒子的設計也十分吸引眼球，無論是味覺還是視覺上都給人一種愉悅的享受。值得一試

返工做得累，有時break下要充下電食下野，今日係公司附近去左茶茶go買左杯野飲同件cake開心下叫左大大杯既金煌楊枝甘露，即時透心涼爽呀！甜度適中，還有啫喱嘅口感，不會偏甜，邊行邊飲差唔多返到公司就飲哂等緊飲品時睇到甜品櫃放住唔同既甜品，心思思決定買件伯爵茶芝士蛋糕芝士蛋糕口感軟綿、略帶茶味係我鍾意嘅口味，食埋件蛋糕就慢慢等收工啦

之前喺旺角飲過佢嘅熊仔飲品覺得幾得意👀灣仔嘅舖頭位置更加方便😮✨夏夜白桃烏龍 $24微糖少冰基本上好似走冰咁，白桃烏龍最重要一定係水果同埋茶味，甜味越少味道會仲香，建議大家叫微糖或者走糖👍🏻個人覺得烏龍茶味偏重，如果可以多啲白桃味就更好😋👀✨肉鬆虎皮卷 $40肉鬆配海綿蛋糕🍰一個鹹鹹地一個甜甜地🙂‍↕️🙂‍↕️味道好特別，個人幾欣賞肉鬆味道好香👅👀飲品店嚟講食物種類都算多同埋幾特別，仲寫住有工場每日新鮮製造，另外仲有幾款口味嘅巴斯克蛋糕望落幾吸引👀如果有機會嘅話想再試吓佢個伯爵茶巴斯克蛋糕😋🤙🏻

行街行到好熱，咁啱經過就買咗兩杯嘢飲解下渴。自己嗌咗杯凍嘅烏龍烤奶茶配黃金珍珠。茶味幾濃下，而且啲珍珠個人都非常鍾意，咬落去幾煙韌，食落亦都唔會變到好粉。同埋啲珍珠甜甜地，由於揀咗少甜，配埋啲茶嘅味道啱啱好。整體來講，成杯嘢嘅甜度同茶味都配搭得幾好。而朋友就嗌咗杯店舖推薦嘅芋頭一號，其實即係芋頭鮮奶，一樣都係配咗黃金珍珠。芋頭份量都幾足料，試飲咗一啖，都相當唔錯，鍾意飲鮮奶係嘅朋友會相當鍾意。另外除咗飲品之外，呢間小店竟然仲有買蛋糕同埋甜品。其中嘅紫菜肉鬆小貝賣相非常吸引，所以就買咗一盒嚟試，點知超好食！肉鬆同埋紫菜多就唔使講，估唔到入面仲有啲蛋黃醬，配合埋本身蛋糕淡淡地嘅蛋味，真心驚艷。返屋企之後雪一雪再食仲好食。非常推薦大家買嚟試吓。總括嚟講，依間小店飲品相當唔錯，而甜品就更加出色，可以番兜，下次經過再試埋蛋糕試!!

行街口渴見到依間茶茶GO一於黎試下，飲品種類多價錢又親民，估唔到鋪頭細細除咗飲品仲有賣蛋糕添。嫩鮮草凍拿鐵，奶味比較重，而鮮草滑嫩嫩，配合得唔錯，飲完醒神哂。老冬瓜茉香綠，冬瓜茶中滲透出淡淡嘅茉莉花香味，好清新，好啱香港咁熱嘅天氣底下飲，消暑一流。見到凍櫃有賣巴斯克蛋糕，有原味、朱古力、抹茶、伯爵茶。我們要咗件朱古力味，上面有焦香燶面，入面口感非常軟滑細膩，朱古力好香口。仲可以提前訂成個蛋糕添，啱哂生日開派對~

今日去開灣仔呢邊買餸，就經過呢一間飲品小店，餐廳已台式嘅飲品為主，跟住喺佢嘅櫥窗出邊仲有好多種唔同嘅蛋糕，鍾意食蛋糕嘅朋友都可以外賣，餐廳嘅餐牌非常多元化，而且真係花多眼亂，價錢嚟講，我覺得呢個非常親民，喺灣仔嚟講真係唔算太貴，我同朋友就每人叫做一杯試吓，店員即叫即做，正！夕燒十八夕玉，朋友就叫做呢一杯試吓，去咗茶底非常香濃，而且加埋夕玉，增加咗成杯飲品嘅口感，夏天嚟講飲呢一類消暑嘅飲品真係非常正，而且我覺得甜度都非常正常，本身就係一個唔係太鍾意飲太甜嘢嘅人，餐廳喺條配嘅飲品方面都做得唔錯，呢一杯嘢飲我都試咗兩啖，唔錯！金鍠楊枝甘露，我就叫咗呢一個，因為我非常鍾意芒果嘅配搭，份量嚟講大大杯非常抵飲，而且非常多芒果嘅果肉，亦都非常鮮甜，食到芒果本身嘅香甜味道，整個配搭上都有啲似許留山以前嘅配搭，而且非常好飲，口感亦都非常軟綿綿，夏天嚟講真係冇得輸，鍾意芒果系列嘅朋友真係唔可以錯過，整體嚟講我覺得都唔錯！餐廳仲有外賣蛋糕，見到我哋喺等緊飲品嘅時候都有人買，見到有開心果味嘅蛋糕，下次有機會再行過嘅時候買一件返去屋企試吓先！

食完lunch 想買杯廢水開心下😙經過呢間茶茶go, 嗌左杯岩燒黑糖珍珠奶茶 $29 & 好撚厚椰 $26🤣 價錢都算幾抵飲呢👍🏻味道都好香滑，吾似飲緊d 平平嘅味道，好撚厚椰系椰奶咖啡黎，咖啡味都幾出～ 除左飲料之外，呢間仲有紫菜肉鬆小方(四件）$38😍作為肉鬆蛋糕愛好者，每次見到有得買都會忍吾住買黎食下😋呢間嘅肉鬆蛋糕用左滿滿嘅肉鬆包裹住，裡面嘅醬吾會多到膩，比例剛剛好，做下午茶簡直perfect！

今日經過灣仔食完lunch想買杯嘢飲，買件cake 行過附近見到呢間唔多起眼嘅小店就試吓 點知都好高質素！嗌咗一杯鮮奶黑糖珍奶最令我驚喜嘅，係佢哋嘅珍珠真係好Q好彈牙有啲似喺台灣飲嘅味道香港嗰啲好多都係好林Gigi一pat嘢呢間茶茶go唔同 我仲嗌多咗件朱古力芝士蛋糕好嘅地方係佢一啲都唔太甜啱晒我呢啲又為食嘅瘦身人士同埋佢都幾大件下就有啲太濟如果大家經開灣仔想外賣cake同埋嘢飲呢間幾好，可以一試但溫馨小提示 佢不設堂食只限外賣大家要注意囉

喺灣仔竟然比我發現到原來有茶茶go位置好方便 距離地鐵站好近 定價都幾親民 而且飲品選擇比較多除咗最出名嘅「芋頭鮮奶」果茶、牛乳茶、酸奶（Yogurt）芝士奶蓋都有出餐時間都算快 基本上等咗5分鐘都唔夠就有啦主要售賣台式飲品 仲有小蛋糕 同埋食肉鬆貝貝黑糖珍珠奶茶🧋朋友話唔錯 可能因為佢都幾鍾意黑糖同埋比起唔少奶茶店更加大杯冰的份量也是剛剛好 就算冇嗌少冰都不會太多冰蜜桃烏龍：果香清新 揀咗半糖啱啱好最適合夏天飲！肉鬆貝貝 買咗返公司同同事share食同事即刻問邊度有得買可見非常受歡迎肉鬆口感鹹香和裏面嘅奶油好夾鬆軟的口感好食😋

💖 茶茶GO (灣仔)✨灣仔灣仔道93-99號地下D號舖〰️〰️〰️〰️〰️〰️〰️〰️〰️〰️〰️〰️〰️〰️〰️同 @is.jenny822 頻撲咗一個早上，兩個都熱到濕晒🥵。經過茶飲店就即刻買番啲嘢飲補充水份😂順便Gor下~-荔枝玉荷梳打🍹我不嬲都鍾意荔枝，所以見到Menu唔使諗一定係叫荔枝🍒。今次特登睇下玉荷其實係咩嚟🤣，其實佢都係荔枝嘅品種😌，不過因為產量少所以比較少見。食落口就比較清甜一啲🤫整體而言，呢款梳打除咗有清甜嘅荔枝味之外仲有清爽、爽口嘅碳酸感，非常解渴消暑🥵-葡萄柚子梳打🍇葡萄同柚子雙重果香組成嘅梳打💁🏻‍♀️，入口就感受到濃郁嘅葡萄香氣😍，帶有一絲甜蜜，慢慢飲真啲就會飲柚子嘅微酸，兩種截然不同嘅風味但達至酸甜平衡。想繼續睇我分享唔同嘅嘢就𝓯𝓸𝓵𝓵𝓸𝔀 𝓶𝓮 @gladysmamalife如果大家有其他餐廳推介可以𝒟𝒾𝓇𝑒𝒸𝓉 𝓂𝑒𝓈𝓈𝒶𝑔𝑒📩

好熱🫣🫣而家真係去街真係行幾步路都出哂汗，喺灣仔近大有大廈十字路口見到呢間茶茶Go就忍唔住買杯沙冰解暑🙄🙄呢度既飲品選擇都幾豐富😌😌 要乜有乜，不過我地兩個人要減肥，都係叫一杯野飲同一個食物一齊share 😀😀楊枝甘露沙冰- 好味😋材料好豐富😊😊檸檬撻- 夠酸唔錯😘😘走咗先睇下佢果OpenRice, 先發現原來好多人推介芋頭系列飲品，咁我下次再黎試芋頭鮮奶😝😝😝茶茶Go 灣仔灣仔灣仔道93-99號地下D號舖

今日行完會展過嚟掃街，篤魚蛋。見地鐵站附近有間手搖，主打招牌芋頭鮮奶，即刻叫返杯解渴。我飲嘅呢杯係逮丸芋頭1號(白玉珍珠）飲落去鮮奶味濃，而芋頭嘅texture係偏厚身，芋泥都算煮得夠淋，但食落口仲保留咗少少芋頭粒，有趙口。呢杯野飲完全係好足料，相信女仔飲嘅話都會有少少飽肚感。白玉珍珠就正常發揮，大粒珍珠算係彈牙。朋友就飲咗杯葡萄柚冰沙因為佢係沙冰，朋友話每一啖都好透心涼，啱晒依家夏天掃街嘅時候消一消暑。我地仲share食咗件伯爵切件巴斯克蛋糕。個蛋糕伯爵茶味好突出，伯爵茶配芝士蛋糕呢個配搭唔會出錯。而去到蛋糕嘅中心仲有少少流心嘅效果，整體來講蛋糕嘅質素都唔錯。見佢有做最近大熱嘅開心果味cheese cake,可惜嘅係呢個口味今日已經sold out, 下次嚟再試

今天去咗灣仔玩具街，行得比較耐，想搵啲甜嘢補充吓體力同腳骨力，俾我哋見到有一間好就腳的茶飲店在這裏，有好多款，因為是閒日，都有好多外賣單，見到佢呢間舖頭做外賣單，證明是受附近返工人士的愛戴。我們第一杯是Oreo珍珠奶茶，每次幫襯呢一啲茶飲店，珍珠奶茶都係首選，今次比我見到仲有我最喜愛的Oreo，當然要試吓兩者配埋是點，買嘅時候，店員話竟然可以揀走甜或者少甜，真是太好了，因為Oreo本身都帶甜。奶味非常濃郁，又不會太甜，仲有朱古力餅碎的咬餡，一次過滿足晒幾個願望。我們第二杯是楊枝甘露，叫楊枝甘露是因為我睇到好多公司外賣單都叫楊枝甘露，所以應該特別受歡迎，我仲加咗我最喜愛的小芋圓，呢一杯簡直是當甜品，不是普通的茶飲。芒果同柚子都非常之新鮮香甜，小芋圓很有口感，夏天叫這個飲品真的非常滿足。因為都諗住行完街返屋企，所以喺度買埋一個肉鬆虎皮卷，返去下午茶， 整得不是很甜，非常鬆軟，原來肉鬆配埋啲cream係咁好食嘅。

喺灣仔行行吓街好頸渴咁啱就見到有間舖頭賣唔同嘅cake同嘢飲！Menu超多選擇 咖啡 梳打 奶茶 酸奶 沙冰乜都有忍唔住買咗個撻同兩杯手搖😚•法式檸檬撻🍋酸酸甜甜 啱晒夏天食檸檬既清香令人心神清爽•岩燒黑糖珍珠奶茶（凍）L🧋黑糖味好出 珍珠煙靭有咬口最緊要嘅係唔係好甜！啱晒我呢啲驚到甜到漏嘅人🥹•嵐山烏龍烤奶（凍）L🥛烏龍茶底味好香飲落去都唔會好膩好順口好清爽大大杯 唔會半杯都係冰