茶豆冰室

營業中

休息中

我們一班朋友每日都在這午餐的，今天非常不滿！因今天餐後朋友心急著走去埋單，我們也追出爭埋單，自然踏出門囗廿幾步發覺忘記叫飲品，想起便馬上行返回餐廳想打包4杯飲品打包，只相隔2分鐘，櫃檯員工不禮貌說．．已經埋單沒有得補，4杯飲品要重新落單付錢！我們都覺得她這樣是否幫老闆倒米，我們都說算吧下次我們到四季吃午餐吧！再不幫襯茶豆便是！！！😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡

今日嚟到呢間餐廳食下午茶, 雖然出面好多人等位, 但可能屋邨餐廳啦, 啲人好快食完就出返嚟, 都唔使等好耐就有得入去坐啦, 啲侍應姐姐都好快手咁樣主動行埋嚟幫你落單, 嘢食亦都上得相當之快 (呢個可能就係佢哋唔使等位等好耐嘅關鍵)佢呢個黑椒雞扒飯色澤誘人, 黑椒醬汁均勻咁淋係雞扒上面，黑椒味微辣刺激, 雞肉就煎得外面脆入面, 嫩滑多汁，同黑椒醬汁完美融合再加埋熱辣辣嘅飯底, 咁樣嘅配搭真係一碗又一碗都食得落呀嘢飲方便都係普通嘅茶餐廳飲品冇乜特別

喺香港必食嘅一個早餐, 當然係沙嗲牛肉麵早餐啦呢度嘅沙嗲牛肉麵早餐呢, 我可以額外配多兩個餸, 咁我就揀咗太陽蛋同埋呢個漢堡扒嘅。同時呢間餐廳比較好嘅就係可以免費轉蕃茄湯底。好多人都話沙嗲牛肉加蕃茄湯底個味好怪好難食。但係我個人就相當之鍾意, 酸酸甜甜嘅蕃茄味配搭返沙嗲牛肉嘅濃味同辣味, 絕對係一個絕配。咁另外呢煎蛋同漢堡扒就普普通通啦, 不過不失。最尾我好想提嘅, 就係佢個丹麥酥多士喇, 外面香脆, 內裏鬆軟, 仲有好香嘅牛油味添, 令我有一啲以為佢呢個丹麥酥多少先係主角

下午茶是許多人最期待的一餐，而這一次我選擇了一家知名的咖啡店來享受我的下午茶時光。華麗的裝潢和舒適的環境讓我彷彿置身於一個夢幻的世界中。首先，我點了一份豬柳蛋辛辣麵，期待著能品嚐到辣味的湯底以及嫩滑的豬肉。麵條新鮮彈牙，配上辛辣的湯底，更顯得美味可口。而那塊鮮嫩的豬肉，完美融入了湯汁中，加入了一抹香氣和味道。整體而言，這碗豬柳蛋辛辣麵給我留下了一個美好的印象。接著，我點了一杯奶茶來繼續我的下午茶之旅。這杯奶茶口感濃郁香濃，奶茶的味道與茶香完美結合，令人愛不釋手。我喜歡這杯奶茶的原因是因為它不會過於甜膩，有著適中的甜度，並且還帶有微微的花香。在每個口味中，都能感受到奶茶的豐富層次和獨特風味。整體而言，這家咖啡店給我帶來了一個愉快的下午茶體驗。不僅菜品豐富多樣，口味也層次分明。值得一提的是，店內的服務態度也非常友善和貼心，讓我有種宾至如歸的感覺。如果你正在尋找一個舒適且美味的下午茶場所，我強烈推薦這家咖啡店。你絕對不會失望。下午茶，豬柳蛋辛辣麵，奶茶。這三樣原本獨立的食物在這個咖啡店裡結合在一起，創造出一個令人難以忘懷的味覺體驗。無論是對於下午茶還是對於美食的愛好者，這家咖啡店絕對是一個不

早兩日去了青衣長發邨商場食飯，在街市找了間茶餐廳，看看餐牌也有很多選題，座位也舒服🤓最後叫了份乾炒牛河和熱奶茶，乾炒牛河份量也十足，大份夠飽♥️也炒得很有鑊氣，奶茶也保持水準🫶🏻👍🏻

週末下午茶打算普通食過茶記，遇到沒有咖哩的星洲炒米。味道係尚好 但無咖喱粉真係好失色 ，我唔係叫炒米粉囉。 之後佢其他檯都有叫星洲炒米 ，而其顏色真係螢光黃咁勁有咖喱粉，唔通我真係咁唔好彩，成日都遇到不公事🙃

今次下午茶試咗佢嘅沙嗲牛肉米，老實講多少有啲失望，牛肉比較靭，沙嗲醬唔夠味，亦都俾得好少醬，不能稱之為出色，最多以茶記水準來講，都係冇期望就冇失望。而支持港式茶餐廳嘅心態去食，其實都OK嘅只能說 食嘅係情懷😂😂

今天經過長發街市，這間茶豆冰室的選擇也很多，我最近選擇了蒜香牛肉炒飯🥰飲熱奶茶，餐廳也有送中湯，炒飯大大碟熱辣辣好有鑊氣👍🏻🤓熱奶茶好好飲座位還算舒適，大部份都是卡位♥️服務員態度不錯的💕

餓餓地入去食左個下午茶，西多士真係驚豔左我首先一定要講講呢個西多士。唔知大家覺唔覺近年嘅西多士愈黎愈細件，去到有鋪頭得返一層麵包，連花生醬都無。但呢間嘅西多士睇落已經大大份，用左兩件大方包去整，中間無偷工減料，搽足花生醬。之後沾上蛋液，炸到金黃色。放上一大舊牛油，剩係聞已經不停留口水。今次落糖漿，一切落去外層酥脆，內裡柔軟，每一嘅脂肪食落肚都係滿足感同幸福感。呢碟乾炒牛河，牛肉多又唔硬，河粉彈牙口感。牛肉嘅鮮嫩同河粉嘅Q彈夾埋一齊，令每一啖都充滿左美味同滿足感。講到呢碟乾炒豬扒公仔面，本身都唔諗住叫，但見到隔離食到津津有味，我就無理由唔試下嘅。佢d 豬扒煎到金黃酥脆口感絕佳。公仔麵唔會太硬又唔會太淋，煮得啱啱好先去炒，火喉控制得好好，調味適當唔會太濃。提一提呢兩碟炒粉麵，仲有一點做得相當出色就係碟底唔會好油，真係做到"乾"炒嘅奧妙之處。

今日同爸爸落樓下食lunch…飲完個例湯都ok喎就諗吓不如寫食評例湯係黃瓜湯，不過我冇影到，佢個湯唔錯，冇味精！好飲五香原汁牛筋腩飯個汁同蘿蔔都好正！汁夠濃，蘿蔔夠冧。唔知係咪啲筋燘到溶晒？冇乜筋，啲牛腩就超冧飯粒偏硬冬瓜粒海鮮飯呢個好食！超消暑😃勁多蜆肉❤️同冬瓜其他本身入面full晒，我唔想搭枱，所以想轉身走。食緊飯嘅樓面姐姐就好快手讓咗個位俾我哋🥲有卡位坐！不過我哋舉咗手好耐都冇人理我哋😂食緊飯個姐姐就即刻截停同事同我哋落單🥹🥹🥹

呢間野因為一開始食過魚香茄子煲，豆腐斑腩煲覺得都唔錯之後再試其他野就出事出事餐單如下：豆腐火腩飯 - 非常咸，咸到食唔到1/3五香牛腩飯 - 一啲都唔香，個汁無味既，牛腩好硬，越食越無胃口滑蛋蝦仁 - 有啲韭黃，有啲傻菇，有啲蝦，個蛋好淺色接近奶白色，貌相怪之餘，係無咩味梅菜扣肉飯 - 呢個超級無敵難食，扣肉好乾，唔講以為食緊湯渣，入口好鞋乾到粉粉地咁，梅菜重咸味，最後成碟只係食左幾啖，然後放棄掙扎另外就係餐牌雖然寫住跟湯既，但你唔叫佢俾就會無

抵食但難食！炒滑蛋變玉子燒，沙牛麵牛肉靭到起渣要𦧲，湯底無沙嗲香味得個咸。早餐加錢可轉雞扒豬扒又爆咸，明明雞扒飽豬扒飽同魚柳飽價錢都一樣，但早餐無得補錢加魚柳，bug來？個蕃茄濃湯有時會稀過陳冠希，茄汁溝清湯都夠膽出，無視海關。服務完全唔掂，屋邨茶記都唔係晨早流流阿姐講嘢嘈到拆天仲有粗口，當正自己屋企，成間餐廳啲人都聽到佢哋吹水，靜靜地食個早餐返工都唔得，然後掛住吹水啲麵發晒先到，開張幾個月就咁，都唔知有無心做

呢間新開張嘅冰室值得我介紹😝 因為性價比高😝 我不嬲都好中意食肉燥飯，撈飯一流😋 但係試過伏過好多次，好多餐廳都俾好少肉碎好少汁🥲 之後我就唔太敢再叫🥲 不過呢度俾得好足，絕對夠我撈哂成碗飯，不過加隻太陽蛋會令成件事加好多分🤤 下午茶餐: 雞扒肉燥飯 $42 - 包埋飲品免收加一👍🏻唯一扣分位，嗰茶底唔夠靚🤔服務態度就正常啦，因為員工們對嗰system未熟，收錢亦未熟，落單/收錢都要俾啲時間😂 但一定會再去👍🏻 坐得都舒服🫶🏻 係街市入面，之前麵檔嗰位！深水埗同大埔都有分店‼️

同呀媽食個lunch,呀媽就帶我食呢間新開既茶記，話幾好食。正常又唔太口渴既味精湯熱杏霜都大大杯，沖得啱我口味，唔會好重奶味洋蔥汁豬扒拼火腿飯$50勁大份，個汁幾唔錯，豬扒大大塊，肉質唔諧。但洋蔥炒得唔夠耐，咬落去好爽，完全係洋蔥既味道。飯都比較硬，因我鍾意食軟飯😌豆豉排骨飯$53排骨既份量比我想像中多，排骨既肉質好鬆化，又淋，個汁都唔錯。至於豆卜就覺得有浸雪氣味。飯都一樣比較硬呢間茶記都幾闊落，坐得都算舒服。味道都唔錯，個餐又夠大份。兩個女人食，夠打包多份走。屋村商場既茶記算好難得啦

今日帶咗2個仔去公公婆婆到，佢哋話樓下新開嘅茶餐廳好食😋所以就黎試👍🏻真係唔錯喎！食物黑椒牛仔骨呢個個汁好正！撈飯很好食，黑椒味好重！洋蔥都好甜好冧。但牛肉就有啲韌…啲飯就粒粒分明，比較硬我老豆就好Ok,我就比較喜歡軟啲不過飯香味都好重咕嚕肉呢個喜歡💕因為佢個汁少少酸甜，食得舒服！重點是佢有個脆脆感真心覺得唔差，呢個可以encore啫啫雞煲呢個一上枱真係啫啫聲🤣要超快搞搞佢，因為個煲好熱，唔快撩就會痴皮！題外話:我媽話上次食有好多配菜同豬潤，今次明顯係少啲…豬膶得2片我唔食潤嘅..不過佢哋話好食，好滑我覺得個雞好夠味！不過有啲多骨，淨係食到雞係滑嘅~又係撈飯正💕呢個啲洋蔥就係另一個感覺，比較生洋蔥啲，洋蔥味更岀XO醬海鮮炒烏冬2個細嘅唔食飯，要食麵，佢哋話想食湯烏冬，但得喇沙湯，所以佢哋食炒烏冬哥哥食左大半碟🤣個XO醬少少辣，佢好鍾意食！入面真係有粒粒魷魚炒落去，唔韌好彈牙！不過啲菜都唔少😂我幾乎只係食菜，啲烏冬俾呀哥仔食晒…環境新開張，地方坐得舒服，我哋黎食嘅時候仲早，所以趁人少影張相。佢圍牆都係卡位，中間有圓枱，for多人食坐，走廊通道都好闊，唔怕人多嘅時候撞到。另外原來呢到食飯仲