茶軒台灣料理珍珠奶茶 (已結業)

今日陸運下午同4個同學一齊食依間難東西大概12:15到坐低左就叫野食發現1個waiter都冇舉左手好耐間中有1個半個行過叫佢埋嚟 "得得得! 一陣!!"除左我地1枱 仲有其他好多枱 全部都勁舉手12:30 佢終於肯行過嚟叫左5個學生餐:1個粟米雞絲飯,野飲:1杯熱峰蜜綠茶,2杯凍峰蜜綠茶,2杯珍珠奶茶好啦 以為好快嚟啦 誰不知....等等等等等等......吹極都唔嚟!! @#%$@#$%^*((&^$##$^&*^$%得D野飲嚟...1點要番去運動場 12:50 1碗野都唔嚟算啦~~ 毫俾佢 埋單 淨俾野飲錢叫左埋單 例牌"得得得! 一陣!!"12:55 張單都唔知埋左去邊...嗱嗱淋出出面埋 埋單就最快喎之後O左....餐張單$124 野飲張單$125.5.....痴線架!!!!!!!!廿蚊杯峰蜜綠茶 廿五蚊杯珍珠奶茶仲要加一....不過最後都係遲......樓面得嗰3,4個人唔知廚房點 不過都唔方多人真係要改善吓lor~~都唔知佢以咁既質素點樣開鋪等摺啦~~想我再嚟??下世啦!!!!

茶軒開咗响藍灣半島都有好幾年, 因為住响呢頭, 耐唔耐都會去食吓. 呢度通常都有好多位, 餐廳後半部份長期'動'個牌話清潔唔比坐入去, 其實係得一兩枱有客人, 所以費事開.餐牌甚少選擇, 而且响呢個商場嘅食肆嚟講, 佢都比較貴. 一客滷蛋肉燥飯四十幾蚊, 呢度其他餐廳食到炒嘢.我哋兩個人叫咗個肥牛竹筒飯, 滷蛋肉燥飯, 2x芒果綠茶.佢哋d侍應同經理成日轉人, 所以好似好生手, 成日落錯單, 好似今次咁, 4樣嘢錯3樣.芒果綠茶嚟咗薄荷綠茶. 滷蛋肉燥飯嚟咗個排骨麵.肥牛竹筒飯 - 肥牛份量頗多, 個竹筒暖暖哋, 唔係太熱, d汁都幾好味. 洋蔥好香好'林'.滷蛋肉燥飯 - 半隻蛋, 肉燥都夠餸哂d飯. 但d飯就略嫌dry咗d.芒果綠茶- 夠凍, 有芒菓味. 但佢哋唔知幾時轉咗新杯, d飲品比以前細杯咗.

廿蚊有兩款餸揀,仲送冷飲!如果想再加餸就5蚊款~我揀左蚵仔同滷蛋;加海帶...湯都有三種味你揀;我揀沙茶; 味道比想像中好,即香亦熱;野食熱唔熱係好重要ga!!!尤其是食麵,d麵凍/暖嘅真係見到都唔開胃!!蚵仔ok鮮味,湯亦夠濃;依廿五蚊我俾得好"鋸"!!!!仲俾左5蚊貼士!

我個fd咁啱有張50蚊coupon～於是就黎試下；叫了一台式便當～有２款野揀，我要蚵仔煎同燒汁雞扒。。跟肉燥飯－仲有隻蛋添！配２隻前菜：滷海帶同甜瓜；５０幾蚊都幾豐富～滷海帶同甜瓜都甜甜地幾開胃，肉燥飯Ｄ肉燥就略嫌少Ｄ～不過幾入味有好多肉汁。。一定要讚嘅係蚵仔煎～熱熱地是即時煎的；粉唔太多唔會淹沒左蚵仔，好入味而且蚵仔本身好鮮味！至於雞扒就不失不過啦！

阿媽同老豆去飲,我同細佬2支公無飯食,又黎依度...就我地腳嘛!又叫兩人餐,貪4餸多選擇仲有點心...醬燒排骨有好多肉汁又夠腍!滷味三拼,有滷豆腐,滷蛋同滷海帶,ok好味~個小籠包唔多得,裡面無湯,表面好乾...似肉餃!茄蛋賣相麻麻,但撈飯又幾好味wor!我細佬有少少係為左個滷海帶結嚟嘅,但佢話今次碟野好似唔同左樣;(我又無咩印象wor)~~~佢叫個伙計過黎~其實我想阻止佢~cos我怕俾人加料~~而且我地已經食左大半..但人地已過左黎~~我細佬問碟滷海帶點解好似唔同上次,上次好似有d蒜絲喺面..伙計即刻話~有d蒜絲喺面嘅應該係陳醋海帶至真~真係尷尬~但個伙計就問我地駛唔駛幫我地換~佢唔係串我地~係真係問我地駛唔駛換~我地話唔駛啦係我地搞錯左~佢猛話唔緊要~就幫我地換番碟滷海帶結出黎~今時今日咁既服務態度先至啱

佢開左n年, 我都一直覺得佢好似冇咩人去~ 應該唔好食...今次有discount, 綿綿冰買一送一咁我就去食啦~~ 嘩~ 真係勁難食一個mango, 一個strewberry, 好似食緊藥水咁~佢d綿綿冰仲難食過刨冰.. 一d都唔似綿花糖而且 同佢張相有生果係面完全唔同!! 真係得d冰.... 好在買一送一, 如果唔係.. 真係心痛!!

2009年03月27日，16:35假期第二天，因藥力影響，可以睡到10:30。來杯馬來白咖啡，腸蛋蝦籽麵後，便帶同兩瓶黑啤跳進網海。上水時已近黃昏，決定到外面走走，買青島樽裝黑啤。先在藍灣遊蕩，看看有否合意的下午茶。最終入了這恬靜的小店，燈光柔象和，放著臺灣老歌，好舒服。要了蚵仔麵線和蜂蜜綠茶。蜂蜜綠茶：清甜、提神。蚵仔麵線：木魚絲在碗面飄盪；另有鮮美豐厚的螺肉；可惜蚵仔偏細和過熟；麵底雖不是正宗紅麵，但口感尚佳。服務質素，仍有改善空間；店員招呼我入座後，竟忘記我已入座。

人手不足,但服務不錯~作夜坐106回家,直接在南灣半島下車坐下點菜,看了一個$108的套餐前茶小點主菜連白飯X2+2杯飲品再選小食一款野飲特飲需加錢,叫了2杯凍飲前菜有四款可選,是次選了小黃瓜原來是辣椒溝麻油伴凍青瓜~幾爽口不過油份過多,食多少少已經唔想食~仲有小龍包~4隻一龍,新鮮即蒸,上碟時香氣四散,口同眼都得到滿足!到左主菜~炒雞球,正!伴飯一流~甜甜地又多肉~又滑又有菠羅食~值得一提佢地白飯係用珍珠米~~!!仲有菜~就係椒鹽炒菜~好得意,有薯條!!(新鮮薯仔切條!!)食完晒先上三杯雞~~~呢個扣分~如果可以順次序食落會好D~不過3杯雞超好食!!用石頭飯個D石碗上!!保溫!!食到我出汗~不過太濃味,一次好喇~食晒2碗飯!!好滿足~埋單131蚊比左4蚊貼士~下次會試埋另外佢既48蚊一人套餐!!

8月5日10:55早上獨自在這裡吃早餐。要了南瓜皮蛋粥、特色蒸；特色蒸蘿蔔糕和齋啡。齋啡：雖然不是即磨，但口感豐富和有餘香。南瓜皮蛋粥：一送到來，心裡大叫"不是我碗粥"，呈金黃色，賣相像粟米忌念濃湯，粥底極糊和有數個小糊團，口感像吃小米粥，因混了南瓜，所以更糊；幸好混有那甜美南瓜粒和糖心皮蛋(不匹配這粥底)。蒸蘿蔔糕：賣相一般，表層看似實實的，入口極鹹；但到內層才見真章；絲絲清甜蘿蔔絲、臘腸碎和蝦米碎，非粉一團或淋至夾不起的大路貨色。服務：人手一般，女的勤快，年輕男孩經常雲遊。身邊有客叫他，仍繼續行。廚房效率一般，我的簡餐亦等了10分鐘。食物庫存不足，像燒賣和榨菜等大路貨，竟沽清。有供應粉麵和煎蛋早餐，但桌上竟無鹽和胡椒粉。

沒有了杏花樓，卻又開了茶軒，算是差不多的食肆，而新舖的裝修當然是美一點。跟太座來吃東西，一入來已感覺到人手不足，在門口沒有有理會之餘，找到沒有人的位子也都是未執拾的。要菜來了，又發現沒有筷子及匙羹，吃完也要自己去找牙籤的。要了蠔仔粥及蠔油香菇菇麵，另加一客炸排骨及一份肉燥A菜。蠔仔粥幾大碗，灑了幾滴麻油，幾香。蠔仔都算大粒及鮮美，粥底當然有一點味精，情況可以接受，如果可以多一點香芹或香茜就當然更佳；炆冬菇幾難煮得難吃的，麵條是日式拉麵，有點不倫不類；炸排骨頗油膩又鬆鬆的，是給化學品「招呼」過的後果，不過用五香粉醃過，都算是有點味道；A菜卻是唐生菜，不如老實點正式的寫清楚是唐生菜還好；兩杯特色飲品，薄荷咖啡沒有多大薄荷味，勝在不太甜，還是珍珠奶茶正常一點。侍應們雖然人手不足，招呼一般，但都算是快手快腳，如叫得到他們的話，服務還是不錯的，至少要的東西也是轉頭就有。埋單109蚊，不算便宜。