茶里 (千色匯) (已結業)

行完山好想飲杯手搖飲品行到千色匯一入橋就見到呢間茶里第一次見 又見佢賣好多水果茶想清清地就買左佢限定嘅荔枝系列荔枝蘆薈紅茶芝芝荔枝（其實即係奶蓋荔枝） 無分size呢杯特別少少 係有啲似沙冰咁第一口飲落去哇 個奶蓋厚到 飲左三四秒先開始啜到下面的沙冰 個奶蓋好香好厚飲過咁多間佢算最厚 係好正荔枝亦好清新 好啱解膩男友都大讚呢杯好飲紅茶就不過不失 無芝芝咁大驚喜見佢仲有好多其他選擇唔係普遍見到嘅奶 奶同奶下次見到佢嘅分店 一定要再試下😋

去飲嘅原因好簡單，因為李赫宰就嚟生日，而粉絲幫佢做應援，要特別嗚謝Fans佈置得咁靚，一見到就即刻心心眼，有咁多相陪住，飲杯茶都寧舍開心。仲有個杯套同禮品包都好靚，感受到滿滿嘅心思。上網睇佢地都成日同Fans合作做應援，對韓星有興趣的朋友仔可以睇下 XD雪梨桂花茶 $28唔想飲甜又唔想飲果茶底嘅飲品，所以叫咗呢杯走甜兼少冰嘅雪梨桂花茶，有淡淡桂花味，雪梨茶反而唔係太飲到，不過目標追星嘅我又點會介意杯嘢好唔好飲，哈哈哈哈哈。

今日行荃灣經過千色店，有點口渴，想買杯嘢飲，一行入去就見到天仁，但飲得多都有啲悶😩，望望下原來隔離有間茶理，之前喺銅鑼灣飲過都唔錯，就試下呢間，叫咗杯雪芝紅心火龍果，唔錯喎👍🏻👍🏻👍🏻，幾好飲芝士好濃厚，果杯火龍果有種好清新既感覺，夏天飲嘅話一流，仲有店員態度服務良好👏🏻👏🏻，下次會試其他😁😁

今次嗌左芝士奶蓋雲上之滇，以前飲開呢杯都正正常常，今次茶色變咗普洱咁嘅色，一飲落去茶底變酸帶苦澀，上層奶蓋口感稀薄又冇味，再試多啖唔對路同返員工講，佢地一臉冇問題係我嘅問題咁🥴難飲到要即掉🥴🥴

第一次使用OpenRice 外賣落單功能，都幾方便，選擇飲品及甜度冰量後，再選擇埋自取店及取貨時間，就可以用信用卡或Alipay 付款，過程都幾快，而且OpenRice 落單有75折優惠。我就叫左茶里水果茶，落完單先再慢慢行過去拎。由於我早左到，杯飲品仲未沖，當我出示取訂單號碼之後，店員就開始沖飲品，等左大概5分鐘就有啦！成個過程由落單到拎飲品都係perfect。可惜，就係最重要個樣野衰左，杯飲品好唔掂！水果茶竟然冇水果味，得個甜字！好似飲緊糖水咁！真係超失望！我本身係叫半糖少冰，但杯飲品都咁甜！如果係水果甜我冇野講，佢明顯係糖漿甜之前係cwb希慎店飲過，覺得好正，所以今次先再叫，但結果真係令人失望。

Happy Friday 就獎勵自己飲杯台式飲品啦，呢間舖頭分店唔算多，我只係好耐之前喺銅鑼灣分店飲過一次。今次喺荃灣店飲呢一個芝士奶蓋玫瑰紅茶，佢size細杯過珍珠奶茶，望落去幾靚兼好有層次。底下嘅玫瑰紅茶好香玫瑰花香味，我叫咗少甜，所以味道啱啱好，茶底都好飲。芝士奶蓋方面都幾香濃、奶蓋比例都有1/3以上，唔會太稀。特別一提好鍾意佢個杯嘅設計，呢個開口可以比我好容易飲到晒啲芝士奶蓋。佢仲有好多款靚靚包裝嘅茶包可以買走，咁樣係屋企都可以自己泡茶😛。

水果茶：水果算多：少量罐裝菠蘿粒和火龍果粒，一片西柚、一片檸檬、一片蘋果，加左5蚊有仙草凍，因為叫左走甜，有少才苦澀味，如果有糖，應該會好味D.另外，講到明係「茶」，但茶味非常、非常、非常淡，有點失望，水果茶：應該除了有水果鮮甜，更應該有茶味，不論商家用紅茶或綠茶！用了OpenRice 外賣自取優惠，折完21蚊，加左仙草凍都係25蚊，算抵飲！希望「茶里」可以在飲品的茶味方面改善！不過，下次會試下其他飲品！

今日天氣好熱，所以入商場買野飲兼避暑。太熱又唔想飲奶，所以無揀天仁而揀左呢間。不過由於多人，都等左一段時間。桂花烏龍茶真係好有驚喜，好清新，淡淡桂花味，叫左少甜同無走冰，飲落都仲有少少甜，無被冰沖淡到， 補充到因炎熱天氣而失去嘅糖份同水份。飲完好舒服。呢個洛神玫瑰花茶都好好飲，飲到玫瑰花味，不過落神花味就唔無好覺，亦都無一般嘅洛神花茶咁甜，唔鍾意飲咁甜嘅人飲就好適合。兩杯飲品都好好味，好解渴，舖頭位置又好方便，茶類都好豐富。一定會再幫襯。

茶里唔係第1次飲，之前2-3次都幫襯開銅鑼灣分店，評價唔錯！茶里揀選透明飲品杯喺十分岩嘅決定，佢哋啲飲品全部都好色彩繽紛，好吸引到客人幫襯，又可以俾大家影相打卡📸。今日行開荃灣經過見到有茶里又好想再飲😆同男朋友每人一杯（無改變甜度同冰量）而落單店員非常有禮，值得一讚👍🏻👍🏻👍🏻鳳梨泡泡四季春(左) 💲28 +6（700c.c.）$28喺500c.c.價錢，大杯裝700c.c.加多$6。呢杯第1次飲，都分有驚喜！無論菠蘿、熱情果，抑或茶香都能夠同時喺口腔入面試到晒，無話邊隻味蓋過另一隻味，飲落成件事好和諧，好舒服。甜度亦啱啱好，有淡淡甜味配搭返茶香已經好夠！消暑解渴，值得推介🔥雪芝紅心火龍果(右) 💲32 +6（700c.c.）個人都非常鍾意芝士奶蓋，由於呢杯之前喺銅鑼灣飲過，真心覺得銅鑼灣做得好啲！奶蓋嘅岩鹽味道淡，咁啱我飲呢杯紅心火龍果唔甜，感覺只係飲緊無咩味嘅沙冰😅講句公道說話，其實店員都唔知火龍果甜唔甜嘅，by chance姐🤷🏻‍♀️不過有樣好，就係知道店員係制作過程唔會加太多糖漿代替生果本身甜味，令我飲落好放心，罪惡感大減😈🙊。。。

真係要讚一讚茶里既training過門而不入，係我既嗜好，可能中過太多伏之前經過茶里駐足左兩秒望下佢個menu，店員已經主動問我有冇想飲啲咩，我求其問左佢啲野就走左。今次見到有得試茶，就試試佢個茶味點先，又幾好飲喎！所以就決意要科水買返杯飲下，順便揀盒茶包。呢間茶底幾好飲，店員俾我試埋蜜桃烏龍🍑都唔錯，而我買果杯桂花烏龍就淡啲，通病都係無得去冰，但可以少冰🧊桂花烏龍味就比較清淡，雖然佢地話加左少少糖去提昇個桂花味，但我覺得反而遮左個烏龍味🤔 但係輕芝士奶蓋做得唔錯，雖然無人地咁厚，想減低罪惡感就岩啦！冰都唔算多得過份，不過如果能夠走冰就更好！好難得未行埋收銀台已經好主動咁了解客人有咩想試，再針對顧客口味同喜好做介紹，好難得台式飲品店會有咁既服務，希望茶里對佢地好啲，咁我就可以keep住幫襯留返張單兩星期內買茶包可以平$10👍🏻

朋友比左優惠卷我，叫左小芋圓奶茶$28-$3=$25走冰走甜芋圓唔會非常甜，不愛甜既我接受到。芋圓煙韌十足，細細粒，都食到有芋粒茶底既茶咪非我最愛，可惜了。個茶底真心麻麻，論茶咪還是對面天仁茶底岩我。一大杯，飲完好飽肚😄

台式水果茶真係周街都有 不過就唔係間間都好飲 有d一味得個甜字 一係就唔夠茶味 而且價錢講緊係起碼三十蚊一杯 但係呢間茶里既水果茶廿八蚊就有交易 學生價仲有得減三蚊tim! 茶同水果甜味仲balance得啱啱好！CP值爆燈

見冇人排隊，於是買左凍泡泡菠蘿茶 同 凍桂花雪梨茶。 首先想講講個桂花茶，明明係凍飲，但係竟然係用茶包開始沖，見佢有茶包，加熱水，再用timer倒數👀 ，想像唔到香港鋪租咁貴都可以做到即沖即飲。雖然結果係由無客，又等到成間鋪都係客，但係都覺得值得。又講下泡泡菠蘿茶。幾得意咁，波波原來係指即場打空氣入個茶裡邊，好有汽水感👍🏻 新奇小玩意咁。呢到的茶，真係用茶包沖，有茶味，清清地易入口，唔會太甜！係貴左dd 咁。😵

飲天仁太多厭左，見格離有間Chali, 店面又幾靚咁，就試試，$22 都唔貴，叫左仙草蜜桃烏龍奶茶。本身係想叫芋圓，但係見到芋圓貴 $6 好似又唔太抵咁，所以都係仙草吧。店員服務態度一般，可能真係好多訂單既關係啦哈哈哈。叫左走糖走冰，仙草好好食，好滑溜，蜜桃味好夠，奶味足，雖然佢就無乜茶味咁，走完糖後成杯野係好微既甜味，但飲落係好飲既，好合我口味呀然後仲有印花卡可以儲下印仔咁。佢有草莓沙冰，不過天氣凍，唔想飲咁凍，但下次會試埋其他！

久違地去荃灣行下，經過千色匯想買杯珍珠奶茶飲下，發現係天仁茗茶附近開咗間新嘅台式飲料店，而且價錢適中，就決定一試！今次我揀咗蜜桃烏龍奶茶（半甜少冰），入口就好重蜜桃味，比平時嘅珍珠奶茶多一種甜而不膩嘅感覺！但可惜珍珠偏硬，影響整體嘅口感。但價錢適宜，大大杯700cc都只需要$22，而且款式多又特別，淨係飲茶底都抵，但如果佢可以改善下珍珠嘅軟硬度就更好了。而等候的時候見到旁邊的人的果茶的顏色十分吸引，有機會可以一試果茶！