茶飯叁少

營業中

休息中

叫咗奇味雞煲，水煮魚片煲，大腸煲，另加少量蔬菜打邊爐。不想全部菜式都辣，叫了不辣的奇味雞煲，菜式名字怪怪的，點餐時也有些擔心會不好吃，食後發現有驚喜，肉質鮮嫩，脂肪少，部份同行的家人就覺得鹹了一點，要加水打邊爐煮淡少少，可能近底部的雞件是會鹹一些。水煮魚還不錯，個人感覺魚片切得太薄了一些，厚身少少可能口感會豐富一點，家人不太能吃辣，只點了少辣，再辣一些應該會更好吃。大腸煲就正常，味道都可以。人均消費＄200以下，不過要吐槽一樣野就是店員不會提供飲用水，要自己去倒，在價格不算便宜的餐廳算是服務不太到位，有改進的空間。

今日黎到呢間餐廳食飯，之前食過幾次都覺得唔錯，今次又過黎試下小菜🥰我地叫左1️⃣肉碎蠔仔🦪蒸水蛋💰78好大蝶，但係蠔仔唔算多，但送飯OK，如果蠔仔份量多啲更加好。略嫌蒸得熟左少少，唔夠滑。2️⃣叁少辣子雞💰118辣子雞炸過，配埋大量麻辣底料一起炒，好惹味，一定要送飯🍚3️⃣尖椒皮蛋💰48皮蛋份量唔多，但麻辣味足夠，幾好味🤤另外叫左兩杯野飲，大紅袍鮮奶茶💰29同埋巴打爆檸四季春💰38，味道都幾好，茶香味濃，同埋唔係好甜，唔錯👍消費價錢：2人💰342，人均💰171結論：（10分為滿分）味道：7/10性價比：7/10回頭指數：7/10餐廳名稱：茶飯叁少餐廳地址：將軍澳常寧路厚德邨TKO Gateway東翼1樓E139號舖

一杯加5蚊既鮮豆漿有1半係冰，原因係杯鮮豆漿甜到癲！出面買既盒裝豆漿都無佢咁甜！飲左一啖已經無再飲！唔知後期到底加左幾多糖佢既熱水又係特別，飲落去有陣漂白水味，真係唔知係洗得太‘‘乾淨’’定咩事。最過份係塊炸魚柳，有一條頭髮我都無諗住留負評，但佢係幾條頭髮！完全係離哂譜！極度噁心！反映個衛生情況好差！肯定唔會再食第2次！以為多人排隊好好食，點知原來D質素咁差，連最基本既衛生都做唔到，D食物都唔會好食得去邊！

態度好差。個大陸侍應串77無啦啦同我講你咁肥 唔好嗌依個餐啦 ；轉出前一丁又大大聲話要加錢㗎喎 我宜家唔識睇餐牌同埋冇錢俾咩出餐又耐，樓面人手唔夠關啲客咩事，點解要咁樣對啲客？

有個坐喺門口收銀嘅女職員態度非常惡劣，水牌寫住可以坐90分鐘，但係坐唔夠90分鐘已經被佢趕走，*仲要係個態度非常非常非常之惡劣*，經理走出嚟道歉，但係佢做咗縮頭烏龜，入咗去廚房，我鄭重提醒各位顧客，小心呢間舖啲職員態度，貼錢買難受

叫咗香鍋6種配料，驚喜！田雞腿新鮮及不會乾，香鍋好少控制得咁好 真心讚！香鍋好大盤感覺好抵食。好驚喜第一次叫呢間質素好唔錯！😋麻辣魚魚片新鮮好滑，驚喜！有豆腐❤️👍👍👍 讚

這家店開了一段日子，每次晚飯時段經過，門口總是一大堆人排隊，早前小朋友說想試吃辣， 所以午飯時段來光顧。星期日大約十二時正來到，取了籌號等一張檯，但未看菜單已叫飛，原來入面有位，只是未有職員安排入座。午餐選擇很多，有18個餐，我們每人點了一個。小朋友：擔擔麵，辣（$50），加炸雞排（$18），凍無糖豆漿（$5）。問店員可否小辣，店員說可以，在點餐紙上寫了「小辣」。 媽媽：滷肉飯（$48），加小食醉雞（$22），熱烏龍茶。爸爸：漢蜀四寶飯（蔥油雞，牛肚，蒜泥白肉，豬耳）小辣（$72）,凍四季春（$3）另加了小食燙青菜。小朋友評價： 小辣擔擔麵開始吃的時候不太辣，但越吃越辣，最後把豆漿都喝光了要問侍應取杯水來解辣，而且吃完已經說下次要再來。 平日不吃肥肉的小朋友，看見媽媽的滷肉飯，竟然垂涎三尺，夾了很多件來吃，當然肥肉和皮都沒有吃啦。 小朋友點的炸雞排很晚才上菜，雞排很大塊，切開了四件，但因為已經吃得半飽， 雖然很好吃也吃不完，最後要爸爸出口幫助。媽媽： 看見魯肉飯的價錢，和擔擔麵差不多，以為好像台式滷肉飯是小碗，只有肉碎所以加了醉雞，結果點得太多吃不完， 小朋友幫忙吃了滷肉，爸爸幫忙吃了

見呢間新開冇耐既類似川菜舖但又有台式甜品, 裝修得又唔錯, 就決定去試一試, 真係一試難忘🤗 蒜香小排骨 $88雖然都知道圖片只供參考, 但呢碟嚴重不符😩排骨似炸完又炸乾到一個極點, 而且真係得骨, D肉可憐得一層薄肉👈🏻份量亦小得可憐。 炸饅頭 呢碟唔記得幾錢, 但饅頭係迷你size🤨一口一件好方便進食。上菜時亦熱辣辣, 味道都唔會有機會有問題。 老壇酸菜魚片鍋 $178唔可以話佢係好食既酸菜魚, 但味道亦唔差, 係全餐飯加分既一碟菜🥹配料方面都幾多, 金菇、豆腐、蓮藕同大量既薯粉。 青瓜薄荷蘇打 $28正常發揮既一杯飲品🥒青瓜薄荷都濃。

來過幾次食飯，以後唔會再嚟食。第一次試業食，野食得擔擔面，加錢塊雞扒消失，食完單都無，想對單都對唔到。一有麵無雞扒，即問職員仲話係我無落第二次下午4-5點，想搵個人落單都難，坐低成15分鐘，舉極手都當見唔到。今次仲勁，5:30坐入去，全程無人理，嬲到走左都無人問津。唔係無人望到我架和，一個話放飯搵第二個第二個set枱，望完反應都無，第三傳菜，見到都直行。分工無問題丫，但就係得個二個職員咁搵邊個落單丫，呢間真心輸前枱，廚房野食好都無用。未食都嬲到飽

平時餐廳嘅門口好多人，今晚夜左出去食晚餐，所以只係等咗一陣就有位入去坐。兩人食咗個蕃茄湯魚片鍋，湯底帶濃郁蕃茄味，魚片仲非常之滑同完全無骨！加杯飲品，再來個飯後甜品，大滿足！下次會再嚟幫襯💖

職員態度非常差，要求提供黑醋解辣，作為提供烤魚以及做川菜的餐廳，竟然摸大眼講大話，欺騙顧客話：餐廳冇？！ 我同第一個啊嬸職員講完，佢完全冇理我哋，亦冇俾我哋回應，於是我同另外一個職員講，個啊嬸竟然教第二個職員繼續呃我哋話：呢間餐廳冇醋ga! 你作為一間餐廳連醋都冇，餐牌上有提供黑醋骨都敢呃顧客話冇醋。我哋吃幾百蚊一餐要碟醋都極之困難，收到極不尊重嘅待遇，最後無奈只能和經理反應。好在當值經理reasonable 好多，最後成功提供到醋。不過想要啲醋都咁困難，用餐體驗真係好差。食物方面普通，未去到驚艷，整個用餐體驗已經讓人以後都不想再來。

星期六，下午十二點半左右，一位，唔駛等位。有午市套餐餐飲加$5嘅豆漿加冰，都幾匪夷所思，問過職員，佢話係［正常］，唔想要冰下次叫走冰。我第一次來，鬼知咩，同埋我諗大家心目中嘅正常豆漿都係唔加冰。而且，佢係冇熱豆漿嘅選項（正餐牌我冇睇埋，但感覺唔會有）。老乾媽醉香魚塊，上菜時已冇煙，咬落唔熱嘅，夾最底果件終於熱熱地，不過，鹹到呢…醉呢？香呢？成個餐最好食係個菜脯。我四周圍嘅食客大半係食米線，可以俾多次機會佢。今次可惜唔合格了。

食物尚可以，價錢大眾化。但其中一名女職員態度極差，坐低唔夠5分鐘，朋友未到就趕叫你落單，話多人排隊要盡快叫，我話坐低只是一陣使唔使趨得咁急，即刻黑面行開同其他員工細語。

將軍澳嘅早餐已經食到好悶啦 最近開左新野 平日見佢係食酸菜魚為主的 點知原來都做埋港式早餐 新開梗係幫襯下 一試究竟啦！我揀左最隱陣的沙嗲牛肉米佢配埋一份炒蛋同多士 多士加$3可以轉做丹麥多士 老公極力推介我叫 佢話丹麥多真係好食好多 於是轉左 牛肉份量唔少呀 而且都幾厚身 沙嗲味都夠 唔錯 米粉好驚喜 係我鍾意嘅米粉質感呀 🖖🏻 好味🤤老公叫左呢個雞扒餐有得自選兩樣配菜 佢揀左薯餅同炒蛋 粟米同丹麥多就係跟餐的😊雞扒唔錯，唔乾身，薯餅同炒滑蛋都係正常水準啦🤗值得一讚嘅係丹麥多士真係好好食 我見到隔籬枱嘅普通多士好薄身 如果叫一定要加$3丹麥多士抵食好多🤤下次放假食早餐 可以多個選擇了🖖🏻

坑口記茶餐廳基本上都食過晒，見到有新開就入去試一次。裝修都幾靚，座位都算舒服叫左個雞扒米粉，炒蛋，轉左丹麥多士（冇影到相）個雞扒係香茅味，泰式咁，夠大件唔乾好juicy 但係反而加$3 轉左丹麥多士，略嫌件丹麥多士有啲普通。其實佢都整得幾香口，但係牛油味唔重（本人鍾意食牛油味香)對於有食評話上錯食物，食物好遲先有，咁啱就冇發生係我身上。不過店員唔細心，我都覺得有尼方面問題，例如收錯payment 想用八達通，點知撳咗現金客人局住要俾現金。