茶飯叁少

營業中

休息中

今次係第二次喺香港食烤魚，呢間比上次嗰真係好味太多。由於餐廳係新開，客人亦好多，運作有啲亂，剩係個個烤魚都等咗四十五分鐘，田雞等咗五十分鐘，但並唔係新鮮劏，另外餐牌亦有唔清晰情況，最後職員亦好爽快解決。因為我哋都成九點三先入座所以無點好多配菜，原本以為唔夠食，原來有好多配菜墊底，好開心，而且味道真係好，所以我都仲想再嚟食多次。香甜鮮濃蕃茄湯-青江魚(走辣)魚好好味，而且好多配料。美國認證三角牛小排，牛肉唔錯。秘製鹵水肥腸。本地製魚蛋。新鮮田雞，雖然叫新鮮田雞，不過唔係新鮮，係冰鮮。米線。跳跳蝦，呢個就係小插曲，未計加一$52一隻急凍蝦，餐牌又無寫清楚係一隻，見到嗰陣呆咗，隔離嘅食客提意退，最後都退咗。

早餐外賣自取 落單時叫B11 蕃茄通店員亦重覆確認最後單上面變了A11 多士兩個完全不同的東西詢問店員時又說不能換 但明明店員做錯 此為一疑惑 另外 當店員得知時 語氣像若無其事亦沒有作出類似「不好意思」「抱歉」等的意思麻煩餐廳審視一下員工的質素食物質素與普通餐廳大同小異之後不會再幫襯 亦不推薦：）

都知間野新開 都好多唔穩定既因素Order左⬇️⬇️⬇️⬇️［2-3人份酸菜魚（小辣）］$178-份量係多既，但少少酸又唔辣，個湯我狂飲都無話好頸渴.［肉碎蠔仔蒸水蛋］$78-正常發揮既，算多蠔仔夠滑，好送飯，但可惜唔重蛋味.［窈窕淑女大紅袍］（凍）$38-水果茶黎但就好甜，不過我係正常甜，建議返少甜😂.［蜜香蘋果冰茶］（凍）$38-嗯嗯嗯～好飲啲既係 大大杯..不過重點啲野等左好耐好耐，又肚餓，隔離枱都吹左好幾次話等左8個字 ，點知到我地都等左9個字先黎酸菜魚，野飲等到差唔多食曬野又吹左好幾次先有，到我地食完～隔隔離枱仲等緊 仲話last order 有無野未黎🙃我見到都覺得慘 得返半個鐘頭食🙃呢個經歷都唔想再有，好在啲員工態度唔差.總共$363要有耐性有時間先好去食🙈

攞飛時間8:40pm左右，明明好多人埋單走，並陸續有枱，但店內人手明顯不足，等咗20分鐘都冇人執枱及冇人招待在門口已攞飛的食客。最後9:00pm終於坐低，叫了一個雞煲，催促好多次都未上菜，最後在9:47pm終於上菜，一個上菜後還要等佢煮熟的雞煲我們足足等了45分鐘。當我們等到9:30時，有位店員過來說last order有沒有東西要加，我們想點芋圓，但雞煲還未到，可否後上，店員說，現在叫現在就上，我說但雞煲還未到，先吃甜品才吃雞煲不太好吧？他說我幫你先放雪櫃！結果芋圓到來時刨冰已經變了水，賣相和口感很差，所以真的很失望！排隊等位都可理解，但坐低後上菜等咁耐真係接受唔到。如果知道要等咁耐，一定唔會揀呢間！之後都唔敢再去，唔想等咁耐！

原本新開嘅時候經過都覺得環境好好，裝修好靚，食物種類夠多，真係早午晚三餐都可以解決到咁。新年個陣都買過2次魚反屋企食，都覺得唔錯，所以決定今日嚟食早餐，點知所有野錯曬😑首先你望住個日式cafe裝修嘅環境，但播住啲大陸搖滾系歌曲，令原本已經好嘈嘅環境變得更加嘈雜！其次餐廳大，但員工少，想叫餐都要等成10-15分鐘都可以叫唔到，而家大部分員工都係新人為主，開業都一段時間了，餐牌內容、落單方式、送餐枱號都係依然未能熟練。真心唔知佢哋晚市係點做😑我哋用餐期間不下數次，聽到留呢樣少個樣！要食嘅你一定要有呢個心理準備，而且一定要係唔趕時間下先好去食！仲有呀，入座前記得睇清楚咗櫈係咪乾淨先好坐，因為我哋聽到隔離枱係入座前見到櫈上有飯，仲好大聲問店員「乜你哋早餐有飯食嘅咩，點解櫈度有飯」😊最後係想提醒大家覆單嘅重要性！唔知係新人唔過太熟悉，定環境太過於嘈雜，你講野細聲啲，佢哋係聽唔到咖，而且仲會落錯曬單，話落錯，佢哋係會唔開心，態度差咖，所以記得要有耐性對待佢哋😒

朋友喜歡食酸辣魚～新年期間入來坑口試下新嘢晚上經常路經見好多人等位，今次中午來有位就試試，不過都座滿8成座位。餐牌都好多款式供選擇～ 粉麵飯套餐 / 烤魚 / 酸辣魚片 / 雞煲等等，還有辣或吾辣的食品，飲品好多選擇。重慶麻辣濃湯海鱸魚@288～有2種魚類可選擇，要少辣但食食下都覺得好辣，鍋裏有豆腐、芽菜、薯粉、蓮藕、好似係薯仔，四位食吾係好夠食，故再另加薯粉、淮山、生菜、鴨血。另外再叫飲品～荔枝乳酸氣泡蘇打飲品@28，好好飲內有荔枝肉，可解辣。

新開張鋪面幾靚，可惜食身質素普通，服務態度唔好趕頭趕命咁，座位通道都幾窄衛生更加麻麻，成地油淋淋，入到去抽唔到風一大陣味，食食下仲有人推架垃圾車入黎倒垃圾，真係吹脹，一句講晒就係外表同內涵不成正比

今日經過見到呢間餐廳新開張，裝修幾靚咁，又好多人食，就入去試下。我叫左午餐 ($48): 擔擔麵(不辣) ，餐飲係熱四季春。擔擔麵 (7.5/10): 花生嘅香味幾出，肉碎嘅分量都唔少，湯底亦都幾濃郁，啲麵唔係普通嘅上海麵，有啲煙煙韌韌，幾彈牙幾好食。附送嘅前菜係醃青瓜(7/10)，酸酸地幾開胃。四季春 (7.5/10) 屬於綠茶，聞落好香，味道清而不澀，而且份量幾大杯，飲晒成杯都幾飽。反而我試咗同事嗌嘅醉雞，就覺得好普通，完全冇酒味。

食物：真心大推，每一款都好有味道 $48擔擔麵性價比高 唔擔心好辣 花生味濃郁服務：堂食其實冇咩嘢 正常服務 好似茶餐廳咁 但係佢外賣 真係唔知點講 服務生多過客人 咁又點 每個人都掂行掂過 收銀嗰個不知所去 同為服務員 都唔幫手搵下收銀嗰個人去咗邊？ 企咗喺度咁耐 講咗幾次外賣 冇人show我 仲有人喺度等緊叫外賣 直到有人出嚟畀錢 終於有人出嚟 等叫外賣嗰個 冇人理 收錢就爽爽快快。 等咗超過20分鐘。。咩事？ 其實5點左右冇人食野喎 堂食vs外賣 真心建議堂食 服務態度差到貼地 都唔使要求你五分鐘出餐 平時多人嘅時候唔見等咁耐 外賣居然要等20分鐘以上 平時堂食 仲有12點多人時候 五分鐘左右餐飲就上到 外賣大家都係想要速度 當服務人數多於客人 個效率反而慢咗落嚟 唯一令人覺得可惜嘅位置 就係佢嘅服務。

今日放假，想食個仲悠閒早餐，但又唔想食平時嘅快餐店，咁就試下TKO Gateway新開的茶飯三少啦~8：45am入座，可以自己揾位，一個人可以坐到四人卡位，新裝修，環境舒適，台式餐廳，有點台式感覺🥰點餐後約12分鐘就有得食，今次試雞扒、火腿炒滑蛋配香酥丹麥包&熱奶茶。雞扒加了香茅，煎得有點燶，但味道很好，雞扒厚身大塊，丹麥酥包得特別，炒滑蛋也恰到好處👍，奶茶嘅茶底雖然有點苦澀，但也是可以的。整體評分都是👍👍

新開張搶頭啖湯，琴日係星期日大約6點半好多人排隊，呢間係附近少有食辣野既台式餐廳，但食物就唔係好台式。首先睇下門口既餐牌。大約排左20分鐘就入左去，叫左一個重慶烤魚中辣，我個人認為至少要叫中辣先夠。個魚係嫲食既，個湯唔會太稀，都幾好飲。另外叫左個涼菜豬肚同埋牛肉炒飯，豬肚果到寫左係辣既但食落真係唔覺，炒飯水準一般。個環境裝修方面都幾靚，但缺點係張2人枱太細， 放左個烤魚之後剩低好少位，總括而言，呢間新店水準還可以。兩人食最後埋單係$444連加一。