茶餐廳2.0 (已結業)

Cafe 2.0今日收工攰攰地就想喺附近食，咁啱女朋友過嚟探我當然就係出去食個好㗎啦係區內來講又有戶外環境嘅西餐廳其實唔多，依間餐廳俾咗一個舒服嘅環境鐵板肉眼扒佢哋嘅肉眼扒都幾大份，女朋友話一個人都食唔晒，而且配薯菜一流美國西冷另外西冷就係鐵板上，叫咗三成熟黑椒汁，啱啱好整體餐廳都俾咗個唔錯嘅食物質素同環境

港式鐵板,最平民既快餐食物係時代不變既飲食習慣,大人細路都岩食今次去CAFE2.0,即係港式茶餐廳開飯其中每次都食就係呢款鐵板餐但佢唔同分店,食材有分別,留意下最貴有安格斯牛肉,平有西冷同T骨牛肉平平地食個澳洲西冷牛扒同什扒餐佢個紅湯真心好飲,足料之餘夠辣白湯係紅蘿蔔忌廉湯,味道偏淡味什扒餐有一隻大隻,豬牛雞火腿煙肉同薯菜薯角係即炸夠脆身,落左黑椒汁之後都無變軟身牛肉係薄牛扒,主要係靠個醬汁提味食什扒都係貪佢款式多,墊底放滿洋蔥片食到尾D肉都唔會過熟西冷係比較有水準既五成熟 夠厚身,肉味夠,肉質夠嫩肉味道濃郁、柔軟且多汁，脂肪分佈均勻做鐵板扒一流叫左杯檸茶同檸樂做飲品埋尾香港人食飯,快食快埋單,抵食#CAFE2 #港式鐵板 #鐵板牛扒 #西冷 #和牛#港式茶餐廳 #香港茶餐廳 #晚市堂食

朋友住在黃大仙，但他沒有帶我去黃大仙商場去吃晚飯，反而走遠一點去現崇山商場地下的茶餐廳2.0。餐廳地方大，有outdoor位置，而且食物選擇多，價錢又平民，怪不得朋友專程帶我來！疫情關係 還有「𢴇枱專員」。今晚大家都想吃西式，所以點了兩客扒餐，跟餐湯（羅宋湯/忌廉湯），點了各一，還可跟薯菜/飯/意大利粉，配黑椒汁/燒汁。羅宋湯湯料豐富，牛尾肉，味道微辣香濃，好味；忌廉湯creamy，兩碗都夠熱。《特級T骨牛扒 $138》上菜快，一見就驚訝，因為超大塊！做到要求的五成熟，肉質稔沒有肉渣，無筋位容易切，配燒肉好味。意粉配搭蕃茄汁，酸酸甜甜減膩感，最後我竟然全部食完！《香煎法式羊扒(三支骨) $158》羊扒比一般羊架多肉，肉厚又嫩，味道帶少許羊羶香，加上燒汁好味，朋友很喜歡。三支羊扒配飯都夠飽肚。下次要試試其中式晚餐。

黃大仙呢間果然係非一般茶餐廳，任何時段都見坐滿食客。menu款式好多種類，中式/西式/甜品，乜都有。lunch set好抵食，揀咗「龍蝦汁海鮮焗飯」即焗熱辣辣，好多海鮮．蜆/青口/蟹柳/帶子/鮮蝦...勁足料，龍蝦汁同飯嘅比例剛剛好。「芝士焗鮮茄豬扒意粉」鮮茄味好香好夠濃，食得出廚師一d都唔hea...意粉條氣都佈滿蕃茄汁，唔係白烚完倒汁喺面層嗰種，好好味😍唔夠喉...加多個「雞蛋仔雪糕」好香脆，面層有忌廉+士多啤梨醬，再加個雪糕球。食埋甜品，為今餐劃上完美嘅句號。下次必食再嚟🤗

茶餐廳2.0 (黃大仙).呢到係可以比你滿足矖中西餐嘅要求嘅地方😏.🔹白酒忌廉海鮮意大利飯🔹.呢個味道不錯，飯好多係炒底，不過略嫌唔夠忌廉汁，有青口蟹柳蜆仔等海鮮🦞.🔹特級T骨牛排配薯菜🔹.T骨有一部分超惗，好好食，燒汁再加薯菜(˶‾᷄ ⁻̫ ‾᷅˵).🔹水牛城雞翼🔹.呢個雞翼係汁同雞翼分開上，雞翼本身已經炸得非常香脆，你可以因個人喜好睇下點幾多汁.📍 茶餐廳2.0 (黃大仙)黃大仙睦鄰街8號現崇山商場地下G1-G2號舖.#hkfood#hkfoodie#hkgirl#hkboy#food#instafood#hongkongfood#foodie#foodiehk#foodiehkig#hkfoodbloggerod #茶餐廳2.0

小朋友响現崇山商場playroom玩，我就行過去商場門口嘅餐廳坐低。入邊都有好多唔同菜式揀，有小朋友至愛嘅雞蛋仔、兒童餐，亦都有我鍾意嘅西餐，仲有其他中式小菜。今次我點左個大啡菇南瓜意大利飯，個汁幾香因為啲南瓜蓉都夠多，但係略嫌個飯有少少硬，如果淋少少就perfect。大啡菇亦都整得好林好好食，加上上面芝士完全融合落去，好夠飽但唔會太膩。環境其實幾好，因為佢有室外同室內，如果揸車人士仲可以泊一陣响出邊，一路食一路睇住架車。

今日去了黃大仙，食午餐。我們去了食，茶餐廳2.0地點好方便地鐵站行5分鐘地方好大，地方整潔。我們點了芝士焗牛魔皇意粉有牛利和牛扒，上面有厚厚的芝士，牛利好淋滑！好入味！牛扒都好淋滑！下面的黑 汁好好味！喇沙海鮮湯粉湯底好香！海鮮有青口，蝦，帶子，蜆，檬粉好爽口！豬扒包好脆脆豬扒好有肉味！爽口淋滑！奶油脆豬包練奶好好味，包脆脆的！總結味道：不錯😋😋價錢：合理地點：方便，地鐵站行5分鐘環境：舒服服務：不錯上菜好快😋👍🏻👍🏻

因疫情，都好耐冇約好姐妹出街食飯，突然好想据扒🥩🍽朋友介紹一間經濟又好食，環境又靚茶餐廳，Cafe 2.0餐廳好多選擇，中，西，泰菜都有😍每晚仲有唔同小菜飯套餐，有湯有飯，先幾拾蚊，底過自己煮，不過今日好想据扒先，下次再會嚟食小菜套餐。因朋友唔食牛，就點咗份香煎猪斧頭扒配薯菜，我本想特級T骨牛扒餐，但店員話因都係新年期間，暫時都未拿到靚牛扒，可能要過2日先有靚牛返。咁我就唯有點份什扒餐，一次過滿足我這個食肉獸😋朋友話想試吓小食，見到有水牛城雞翼，好想食🤣我們先飲餐湯，硯肉忌廉湯，有硯肉洋蔥， 好味，餐湯都唔錯。什扒配意粉黑椒汁，份量夠大，仲有蝦🦐，估唔到茶餐廳什扒都好有水準，每樣扒都足味，至於份斧頭猪扒，見買想已經興奮，切開仲有肉汁，肉質鬆軟，好食😋😋二姐妹都好滿意今日餐飯，超級底食，環境又好，又唔會其他茶餐廳趕客，下次一定要再嚟試食泰國菜及中菜😍

今晚我同老公又出來搵食，到黃大仙商場逛一逛街，附近有不少餐廳，但這間茶餐廳2.0有點特別，有露天茶座，有氣氛。加上來這裏吃過威靈頓牛柳，感覺這間茶餐廳頗為新式😁特級T骨牛扒牛扒真的如臉一樣大😂老公叫了七成熟，成熟度剛剛好。切開時，有不少肉汁！十分Juicy ！老公大讚👍🏼👍🏼配上薯菜，有紅蘿蔔、豆角、椰菜花和脆薯角，再豐富一點。真是妹仔大過主人婆，反而我最欣賞的是脆薯角，脆卜卜的外皮，軟綿綿的薯仔，配上酸酸甜甜的茄汁，頗為開胃。小菜套餐 梅菜蒸肉餅配白飯、例湯而我則簡單選了梅菜蒸肉餅，想不到肉餅的面積十分大，切開時，有不少梅菜而且調味充足，真的如家常小菜一樣。配上一個「靚仔」和時菜（白菜）（加$20），確實是不錯。

剛搬入現崇山，心想食個簡單港式早餐，雪菜肉絲麵，只搵到3粒肉，細個塊指甲，算，我明豬肉貴，湯無味，算，我又明，罐頭金寶湯貴，薯餅好食嘅，真心，不用整，淨炸，腸仔無問題，蛋正常合理，供應商好。不過見此餐廳179個好評，就知老闆用心良苦，不斷買到讚好，試一次便算了，可能此餐廳强項係午餐？其實可以肯定一件事，黃大仙居民對食不太高要求，餐牌亦見茶餐廳2.0有3間分店，確令人有迷思，老闆揀鋪確有一手，獨市無得走，係叻，值得欣賞。

前排去左黃大仙茶餐廳2.0食dinner，做緊吾少既promotion啊，包括冬日2.0暖笠笠煲。龍蝦湯海鮮泡飯 $108 ：龍蝦湯底好濃郁，當中夾有幾隻鮮蝦，好爽口。另加入飯粒一同食用，令整體個味道好鮮味又吾會太單調啊！$10 變套餐 餐湯：白湯甜甜地。雪糕紅豆冰 $30-10 ：有點兒失望的是紅豆比較少，令整杯飲品奶味較重。芝士焗黑椒牛魔皇意粉(牛脷,牛扒) $78 ：因為由黑椒汁焗，所以賣相一般，但味道真系好濃郁香黑椒味！牛扒有點兒過熟，但口感吾太硬的，大大片。牛脷亦不錯，再夾少少芝士一同食，味道好夾！另外，意粉滑口，整體刀幾好食。乳酸梳打賓治 ：甜甜地又有汽，易於解渴！香蕉千層雞蛋仔 $48 ：雞蛋仔即叫即做，令口感依然脆口，雞蛋香味濃郁。當中有吾少cream增加佢既滑度，香蕉令整個口感無甘漏！

今日去幫同事整電腦，佢住喺黃大仙現祟山，之後落去商場食晚飯，上次食果間茶餐廳2.0唔錯。今晚再去回味一下。石燒2.0海陸空雜扒：超級份量，串蝦、豬扒、牛扒、雞扒、火腿、煙肉，配黑椒汁、意粉，非常豐富。石燒好處就是熱力均勻，令肉汁鎖緊，保溫力強。串蝦大隻，肉質鮮甜彈牙。牛扒、豬扒、雞扒、大大塊又入味，淋上黑椒汁，黑椒香噴噴，辣辣哋好惹味！乾炒豬扒河夠鑊氣，豬扒唔鞋口，河粉滑溜，醬汁味道調得好。粉絲蝦煲用石鍋上枱，食物重滾滾下，熱辣辣香噴噴，蝦份量都好多又彈牙，粉絲吸收曬蝦嘅鮮味，爽口又惹味！加10元有餐湯及飲品（凍飲加3元）。忌廉湯、凍檸茶、熱華田。特飲跟餐可以減10元，雪糕紅豆冰，茶餐廳的經典飲品，紅豆再加上雲尼拿雪糕，就成一杯美味凍飲！餐廳在冬天還有熱辣辣煲仔飯，下次再來試試！

平時諗住食飯，都知這間野的東西不是咁好食，堂食還可以，但這排咁的時勢就不堂食，叫外賣第1次叫外賣叫個西冷排飯，弄好準備包的時候，個師傅就叫包個人等陣，之後再拿返入去不知弄什麼，之後就包好那我冇為意就返公司，點知1食塊西冷排就像牛肉乾咁硬，咁我諗蝕底些，不介意，最多不再去買跟住今日，叫個平平低的蝦醬炒飯，加個齋啡點知1打開就得1半，還要最面有層不知什麼的油面

和家人外出食飯，原本見到呢個冬日2.0笠笠煲都好想幫襯，不過後尾見到有個小菜套餐竟然有白胡椒蟹，我哋兩個都覺得好耐冇食啦，所以最後決定要小菜套餐，下次先過嚟打邊爐啦。本身小菜套餐係可以逐個小菜計，不過呢個白胡椒蟹就係二人餐，白胡椒蟹以外再加一個小菜，兩碗白飯，一碟清炒時菜和兩碗湯。中菜套餐以為飲中湯最正路啦，點知佢叫我揀嘅兩個都係西湯，結果揀咗香草忌廉蜆肉湯，比較濃嘅香草味，但質感較薄，同埋好似唔覺有蜆肉。重頭戲來了！份量來講就係一隻蟹，切開咗幾件，外皮加脆醬炸左比較香口，蟹蓋都有膏，蟹肉實淨多肉，胡椒味唔算好濃，加上勁多脆米粉，成件事都幾惹味，配白飯就啱啦。另外嘅小菜我哋揀咗菠蘿生炒骨，呢個都好好食，除咗生炒骨之外，仲有菠蘿洋蔥和紅椒青椒等，甜甜酸酸好味好開胃呀。套餐還附送一碟清炒蔬菜，呢碟白菜都炒得好唔錯，新鮮又夠鑊氣。去食飯記得 社交平台打卡，就可以免費將飲品升級做特飲，我呢杯就係芒果碧螺春凍茶，仲有桃膠和杞子，淡淡的芒果味，味道清新得來唔會太甜，都幾好味呀！

好耐之前見人哋食茶餐廳2.0個甜品好吸引，所以一直心掛掛好想去試吓，今日終於有機會啦！呢間舖位都幾大，部份係室外地方，夜晚人流唔多，室內環境都唔錯。食物選擇都多，中式和西式都有，近日仲推出冬日2.0暖笠笠煲，有雞煲、魚煲或者羊腩煲可以揀，之後仲可以追加配料打邊爐，我諗天氣再凍啲食呢個就一流啦！最後選擇左一個西式嘅二人套餐（$268 ），有龍蝦湯和煙鴨胸雜菜沙律，龍蝦湯唔係好杰身嗰啲，不過都有龍蝦味，另外個煙鴨胸沙律就好大碟，比你哋share食，鴨胸份量都幾多，加埋沙律醬，味道幾好。主菜有意大利飯或者天使麵二選一，我哋就揀咗西西里茄蓉鮮蝦天使麵，份量都幾多，啲蝦都幾大隻，加埋三色椒和菇等等，味道不錯。另一個主菜就可以揀羊架或者德國鹹豬手，我哋就揀咗法式香煎羊架配薯菜，仲有3支骨，肉好多，羊脂羶味洋溢，好好味，同行朋友話想食多件。附送嘅薯角好多好大條，加埋其他蔬菜啱啱好。個餐都附有飲品，凍飲加$3。最後最後，當然有我期待已久嘅甜品啦！選擇左雪糕鮮果雞蛋仔（ $58 ），新鮮即製，一底雞蛋仔上面加上忌廉和一球雪糕，仲有藍莓和士多啤梨朱古力醬點綴，雞蛋仔夠脆，配埋雪糕真係冇得彈啊！