茶餐廳2.0 (已結業)

周一晚上，罕有地有人接放工。決定就地黃大仙食晚飯!經過cafe2.0, 可選戶外或室內座位。現場可見，有一兩桌都坐在戶外嘆反杯啤酒傾下計。餐牌有2人套餐，望落都幾吸引。見到另一set dinner都係想叫扒多d 餐牌仲有雞蛋仔甜品。晚餐包餐湯 （羅宋湯&白汁海鮮湯 ）比較特別凍飲同熱飲用同一款杯子，容量就當然凍飲杯大少少。香煎西冷牛扒 跟薯菜/飯/意粉$118 （包餐湯、飲品）西冷扒有驚喜，質素好過唔少西餐廳，order5成熟亦都做到。意粉有用調味茄汁拌勻唔會乾!馬來咖喱雞 配蒜蓉包$68咖喱比坊間茶餐廳濃郁，用嘅係啖啖肉雞扒而唔係雞件香蕉千層雞蛋仔$48 （1球雪糕）味道正常發揮,賣相都有落下心機是日甜品配一球雪糕 $32是日甜品係芝士蛋糕，質感唔錯。雲呢拿雪糕好味。

今日幫朋友搬去黃大仙現祟山新居，搞掂晒佢請我去商場茶餐廳2.0食晚飯。餐廳設計清雅，特設有室內和室外半露天的座位。食物除了一般茶餐廳會提供的地道美食外，更有多款來自不同國家的星級佳餚。石燒系列做優惠，第二份半價，立刻叫返二份，石板比鐵板更具熱力，保溫效果更理想。蜜糖香草燒春雞拼司華力腸跟薯菜，配黑椒汁，燒春雞烤至雞皮金黃色，香脆可口，雞肉味濃郁，口感豐富。配黑椒汁十分惹味！司華力腸脆皮彈牙，薯角香脆！加$10有湯和飲品，忌廉蘑菇湯濃郁香甜，特飲原價減10元，要咗雪糕紅豆冰，奶味香濃紅豆林甜。法式藍帶豬扒跟意粉，金黃酥脆的炸豬扒，切開緩緩流出來的香濃芝士和鹹香火腿，豬排口感超有層次。配炒過的意粉和帶少許辣味黑椒汁，味道相當惹味！枝竹豆腐火腩煲跟飯和湯，石鍋上保持到熱度，火腩肥瘦適中，炸過的豆腐嫩滑，枝竹有口感，醬油調得香濃。芒果桃膠四季春：桃膠又名平民燕窩，配四季春和芒果味，有益又好飲！

今日我哋去咗黃大仙茶餐廳2.0食晚餐，餐廳位於商場地下，非常容易找到！而且有室外露天位置或室內可以選擇！喺疫情期間，呢間餐廳依然衛生企理！我哋叫咗兩個晚市套餐，分別係醬燒豬仔骨伴燒菠蘿（石燒） $108，同埋龍蝦汁海鮮天使麵$88豬仔骨肉質嫩滑，而且配上秘製醬汁，味道非常香濃惹味，而且菠蘿亦非常鮮甜，配上薯角和雜菜作為配菜，並且用鐵板石燒，別有一番風味！另外龍蝦汁海鮮天使麵最出色係青口，青口非常新鮮，而且仲有大蝦🍤等海鮮，意粉配上龍蝦汁非常入味，意粉🍝麵條軟硬適中！另外我哋加配餐湯，有紅湯同埋拍拖可以選擇，在升級$15可以加酥皮，我哋當然唔會錯過升級嘅機會最後仲加咗一個法式焗田螺$25 ，田螺有薯蓉半碟，一共有六隻，呢個價錢真係性價比非常高！推介！最後套餐仲有兩杯飲品，非常滿足另外，仲推出左夏日桃膠特飲，好似幾吸引，下次會試下

好耐無過黎食晚飯喇，今次黎多左d 二人餐，價錢仲好抵食。我地㨂左個$268 既試下，價錢仲要係唔使加一。✨龍蝦湯夠濃郁，味道唔錯✨煙鴨胸雜菜沙律：好少食到煙鴨胸既外皮係脆既，有d 食片皮鴨既感覺真係誠意之作🤩沙律菜份量都幾多，仲有車厘茄同胡麻醬，夠開胃。✨西西里茄茸鮮蝦天使麵： 蝦肉爽口彈牙，天使麵有咬口。個醬比較似現成茄汁，有點失色，不過就好夠入味。✨法式香煎羊架： 呢個羊架好好食，食落有油香而且軟硬適中，仲有三大舊真係好抵食。薯菜同薯角仲要超多，點埋燒汁更好味，呢碟真係值回票價。個餐仲包埋野飲， 如果可以upgrade 埋有甜品就更加滿足。

疫情第三波以黎，幾乎日日食外賣同外賣。如今疫情媛和，出嚟堂食唞唞氣。近近地去茶餐廳2.0。餐牌依然有多款選擇，任均選擇！ 睇左好耐，決定食Set dinner。黑松露鮮蝦天使麵$78唔單只賣相吸引，黑松露醬滿布成天使麵，蝦又彈牙新鮮。而天使麵分量好多，女仔黎講，真係食極食唔哂!🌟香煎西冷牛扒配著菜$118西冷我地ordered 7成熟，肉少少紅，剛剛好。牛扒分量亦都非常之大份！鹹左少少，不過有燒汁配埋伴菜，整體都好滿意🙂Set Dinner 基本配有餐湯&餐飲，餐湯有羅宋湯&甘筍湯，我地兩款都有叫，好欣賞餐廳餐湯真係足料湯，羅宋湯仲有辣椒，夠哂開胃，甘筍湯又夠香。

有親戚住附近，之前幫襯過一次， 感覺唔錯 ，限聚令放鬆咗之後，約親戚見面又幫襯多一次。以茶餐廳來說，選擇真的很多，除了港式茶餐廳特有的常餐之外，還有中菜小炒， 和西式扒餐。 由於想食煎羊架， 見到好似二人餐抵食啲，所以點了一個Cafe 2.0 二人餐 ($268)。有法式忌廉龍蝦湯， 質感香滑，有粒粒龍蝦肉， 以餐湯來說，尚算不錯。煙鴨胸雜菜沙律， 除了沙律菜新鮮之外，煙鴨胸肉質柔軟， 有微微的煙燻味， 比起一般凍冰冰硬掘掘的煙鴨胸，好吃很多。黑松露帶子野菌意大利飯， 份量頗大， 配料帶子和雜菇亦很多， 忌廉濃度尚可， 如果黑松露味再突出點會更好。法式香煎羊架有三件， 煎得金黃色，軟嫩多汁， 有一點肥膏。另外點了法式焗田螺， 之前都試過，念念不忘， 螺肉size適中， 剛剛焗起， 有焦香味， 連襯託的薯蓉都外脆內軟。

如果要搵一樣嘢嚟代表香港 我會搵茶餐廳茶餐廳2.0絕對可以帶俾你非一般嘅享受無論係露天室內都可以俾你Chill住食！誠意推介呢一個鮮鮑魚石鍋雞煲 只係大約$100嘅價錢就可以享用到新鮮鮑魚同大大件嘅雞上碟時仲要熱辣辣 好吸引呀 仲送埋碗白飯另外當然要點石鍋鮮茄厚賜豬扒意粉平時去到茶餐廳或者快餐店都會叫一試便知龍與鳳 意粉雖然比較鹹但係勝在有鮮蕃茄同入味嘅豬扒搭救而且份量真係好多要兩個大人先食得晒再來一客馬來咖喱海鮮飯 海鮮真係超級多 有青口、帶子、蟹棒同蜆辣度仲有得調節我揀咗小辣 仲配埋杯凍檸茶少甜添個Mug仲有埋佢哋個logo 好有入屋嘅感覺最後要咗杯特飲 跟餐可以減$10所以就要左杯雪糕紅豆冰 果然係我自愛雪糕好Creamy 配上紅豆冰綿綿感覺 好舒暢

升級版茶餐廳 食西餐晚餐？好食仲抵食！竟然仲有法式龍蝦湯！茶餐廳升級，常餐ＯＵＴ！$268 二人套餐！法式龍蝦湯，煙鴨胸沙律，黑松露帶子野菌意大利飯＋德國咸豬手！包茶咖啡！晚市大解禁,限聚令放寬,出街食飯是常識吧高級餐廳FULL BOOKING,咁我地貼地D去''CAFE''食飯啦!茶餐廳已經唔再係只有常餐,粟米肉粒飯架啦!而家係連西式晚餐都有了!平均一人百幾蚊有飯有主菜仲湯有沙律,不過爭咁個甜品就完滿啦!先評法式龍蝦湯,真係有唔少蝦肉,但似係小龍蝦肉~湯杰濃香,呢個價錢飲到算唔錯了!煙鴨胸煎得香口,唔係凍上,食感係味道好好多~呢D真係食物細節黎,沙律凍冰冰,如果鴨胸肉都係凍就唔好食了鴨胸煎過香口好多!,選用既夠厚身多肉汁,係沙律乾左D~但加返芝麻醬沙律汁食就平衡返啦主食飯或意飯自選一款,肉食有咸豬手或香煎羊架,可選燒汁或黑椒汁上菜個時真係有驚喜呢,咸豬手係即焗,個皮真係脆如薯片,切開抽出條骨就全部都係肉配燒汁就麻麻啦,應該配黑椒汁先正!下次識叫!本身有調味,就咁食都非常好食!伴碟都再放一堆水煮蔬菜比你,不過份量真係太多食唔曬囉~最後係松露意大利飯上菜,黑松露醬重手,每匙都可以食到黑松

今日同屋企人嚟黃大仙，搵到呢間高級茶餐廳。先講環境唔錯，室內同戶外嘅空間都有。打開餐牌...wow, 大眼眼界！選擇極多，中式西式都有齊。連雞煲都有👍🏻我揀咗「特級T骨牛扒」超大塊，7成熟剛剛好，入口好多汁，肉質唔靭，配埋黑椒汁好正。「香煎法祤羊架」好食，唔會有騷味，同燒汁好夾😋「法式焗田螺」底層仲有薯蓉，好精緻，無諗過茶餐廳可以食到呢...「鮮果茶」滿佈唔同種類生果，啖啖新鮮果肉，健康之選👍🏻好耐無飲「黑牛」兒時最愛嘅飲品，而家都唔係間間餐廳可以飲到。今餐食得豐富又滿足，連兒童餐都有，餐廳好適合不同年齡層。下次一定再嚟試其他款式。

#升級版茶記嘅超值西餐-疫情漸受控 我週圍搵平靚正嘢食 今日嚟咗現崇山 有間座位闊落嘅茶餐廳 二人套餐$268 優質西餐格局-#🦞🥣法式龍蝦湯 (二人套餐）用龍蝦頭同殼熬製 香氣突出 忌廉同牛油🧈令個湯更香滑 鹹咗啲但簡單就是美-#🦆🥗鴨胸沙律 (二人套餐）煙鴨胸切片肥瘦適中 雜菜沙律以日式胡麻醬做dressing-#🍝西西里茄茸鮮蝦天使麵 (二人套餐）有五至六隻大蝦🍤 爽口彈牙 蕃茄茸🍅配al dente天使麵 食得開胃-#🐑法式煎羊架 (二人套餐）羊鞍架有三隻 烹調時間控制得唔錯 封住肉汁 肉質鮮嫰帶些少典型羊羶香 黑椒汁唔嗆喉 同羊架好夾-#🥤乳酸奶昔 (另加$25）益力多加鮮奶 甜甜酸酸 香滑好飲-📍Cafe 2.0#黃大仙睦鄰街8號現崇山商場地下G1-2舖

茶餐廳2.0黃大仙睦鄰街8號現崇山商場地下G1-G2號舖Shop G1-G2, G/F, Lion Rise Mall, 8 Muk Lun Street, Wong Tai Sin解禁了, 我也回來了, 不用再食外賣飯盒, 也可以約朋友了。呢間是我限聚令時的外賣首選之一, 今趟帶男友人來吃LUNCH, 我非常想念抵食的LUNCH SET!! 朋友可是遠道由屯門坐牛車出來看獅子山$!75 all day breakfast 仲會配同飲品, sausage,ham ,.bacon ,sunny upside egg,bean mushrom and toast ,賣相不比cafe 的失色，大份的在假日中午寫意享受$98 煎羊架，有3個，仲包湯同飲品，忌廉湯同creamy 羊可選擇熟度，6-7成熟新出丹麥酥夾芝士同吞拿魚，餡可自選兩款，很重牛油味，食完很飽足，很有韓國街頭小食feel,. 但醬太濕弄到麵包都軟掉，只有邊位能吃食完仲可以點多份甜品

朋友係要見的 終於約左佢係佢屋企附近食番餐飯餐廳門外既露天位置 環境幾舒服不過怕熱既我 都係坐番室內一入餐廳門口 店員就即刻幫你探度 而門口附近都擺放左樽消毒搓手液而實施左2人一檯後 除左卡位 其餘檯上都用左隔板分開另外又用左個大膠袋入住d餐具🍴略嬚有少少不美觀呢間茶餐廳幾特別 除左有中式料理 仲有西式料理 同埋甜品🍮但今餐我地就叫左 中式2人小菜套餐：中式燉湯x2, 材料十足 飲落仲好濃郁👍🏻白飯x2，另加配2杯凍檸茶🍹自選小菜 ： 脆皮炸大腸招牌白胡椒蟹🦀清炒白菜仔🥬

有返晚市之後，即刻幫襯樓下間茶餐廳2.0，餐廳有做足衛生措施，門口有體溫機、餐枱有隔板、餐具架亦有膠袋蓋住，餐廳裝修色調和諧，都坐得幾舒服，員工服務態度幾好，幾積極和主動🙈傍晚時分去到，餐廳客人不多，上菜時間比我想像中快，下單後5分鐘左右就有得食，而飲品同餐湯都秒速送上👍🏻1. 晚餐C 南瓜海鮮意大利飯 $88 7/10晚餐主菜包一杯飲品及餐湯，羅宋湯配菜算幾多，飲落酸酸地辣辣地😋幾開胃，飯口感偏硬身，不過勝在食落煙煙韌韌，成碟飯既南瓜味都算幾出，海鮮配料味道正正常常2. 晚餐D 香煎西冷牛扒配燒汁意粉 $118 8/10牛扒叫左7成熟，煎嘅時間岩岩好，咬落完全唔韌🤤不過牛味唔算話好濃，勝在又厚又大塊，CP值算幾高，配埋落左燒汁嘅意粉，可以一試3.星州炒米 $58 7.5/10同平時係茶記食開星州炒米差不多，穫氣好夠，配料亦都好足，送到黎嘅時候都聞到微微辣味😌4. 卡邦尼煙肉蛋汁意大利粉 $68 6/10意粉內芝士連埋蛋汁食有點膩😖意粉痴埋一齊同埋好乾，不過店員會俾罐芝士粉客人，視乎個人喜好而添加

晚市堂食一再限聚停頓，莫講話食外賣食到變天然呆，餐廳就更加要轉型逆市求存，所以外賣自取優惠餐就係在家晚餐的首選。早前黄大仙區確診到訪餐廳心慌慌，所以餐廳衛生消毒現在反倒變得更安全。茶餐廳2.0 以往堂食滿吸引，今晚安心來個晚市特惠外賣，抗疫餸飯套餐$58一款淨餸小菜，選了菠蘿生炒骨及白菜仔炒魚崧各一，一人份量剛足夠，味道正常合格。反而特別要講講熟食大優惠，脆皮咸豬手$48 半隻口水雞$48 半隻呢個Menu抵得誇張，誠意的加餸抗疫!原隻豬手又得，叫廚房幫手切件亦得，但就建議外賣需要盡快享用，免得豬皮放涼了影響口感，而口水雞本身涷食，放久了也同樣滋味。特別注意：餐廳會提早截單，建議聯絡餐廳詢問截單時間預早購買，外賣性價比雖然是有優惠的好，但畢竟堂食素質味道都好上一截，晚市堂食快快回復吧!!👅美味: ⭐️⭐️⭐️⭐️/5💫回頭: ⭐️⭐️⭐️⭐️/5💡性價: ⭐️⭐️⭐️⭐️⭐️/5

近排疫情關係少咗外出，心思思想食西餐，諗到附近有間唔錯餐廳，叫個外賣返去慢慢嘆.❥ ❥ ❥海鮮喇沙 $58見到個湯比心心眼左出嚟啦喇沙湯底不算係太辣帶一點椰汁香味，重點就係裏面有魷魚🦑青口，蜆肉，鮮蝦，蟹柳細細粒帶子仲有配料豆卜 魚蛋 芽菜夠晒豐富，鹽裏面嘅米線爽口唔會過腍索晒喇沙湯底，真心覺得好好食，套餐仲有一杯熱飲添.❥ ❥ ❥香草啤酒燴雞飯 $48睇咗個啤酒配雞飯，好似好吸引咁就試吓返去食，整個醬汁原來加咗蘑菇同香草特別香濃，食唔到一陣陣啤酒，細細粒嘅雞件都幾嫩滑，醬汁撈白飯係一個絕配，整體都算唔錯✨.❥ ❥ ❥ 美式牛扒意粉 $62牛扒一睇唔份量唔少厚度適中，肉質鮮嫩配埋個燒汁撈埋意粉一齊食，味道酸酸甜甜，套餐仲有跟忌廉湯，湯口感不錯唔會太過杰身，無麵粉味道.✨外賣自取下午茶3點後午餐減$10 ，真係幾抵