茶魚飯后

營業中

休息中

小弟乃十幾年老街坊間中都會幫襯呢個茶餐廳，雖然呢間餐廳既食物質素、服務態度都係遠遠低於彩明商場其他餐廳但勝在安靜同一定有位坐，當然成間餐廳最嘈就係果位經理，因為呢位經理用口教餐廳員工做嘢把聲非常嘈吵又似唐僧念經一樣唔識停。食物質素就一時一樣有時就入得口有時就好難食，最令我印象深刻既係食干炒牛河拎辣椒醬第三包要額外俾錢，我食咗咁多年茶餐廳真係第一次見識到拎辣椒醬要另外收錢，我非常懷疑呢間餐廳將來可能連餐具、醋、糖...都要額外收錢，喺呢個疫症危機每一間餐廳都諗方法吸引顧客但呢一間反其道而行之，我希望呢個餐廳老闆要諗諗呢位經理係唔係倒米，黎緊半年我都唔會再次光顧呢個餐廳希望各位街坊都避免貼錢買難受!

茶魚飯後依間屬於銀龍的藍店，食物質素己經麻麻地，係冇乜人的情況下員工個個係度傾計，大聲叫先有人理我，我算，我都係趕返工，是是但但食完就走。但係我估唔到依間食店個男經理竟然會屈我冇埋單，問佢我究竟冇埋邊次，我可能唔記得，我今次埋返。佢又比唔到證據我，仲要趕我走，話我下次記得埋返點點點，問返收銀又話冇聽過依件事。第一次食飯食到火起，大家想像下你食食下飯無啦啦有人大大聲屈你食飯唔比錢，仲要屈你個個係個經理黎既，咁佢既質素可以好得去邊。

在沒有選擇之下…我都會經常需要幫襯這間茶餐廳…… 餐廳店員的服務態度差已經不是新鮮的事……今天我吃了午餐 5號通常都是湯粉配油菜…雲吞魚丸河味道是ok的，雲吞拿魚丸也不差油菜正常配熱柚子蜜 是不用加錢的問題就是經常也不難發現湯入面會有小昆蟲……今天就發現了兩隻……而且是有腳的…因為昆蟲都不大隻，而且我又趕時間，所以沒有追究了真的希望餐廳可以改善員工的服務態度和質素，每次到這間餐廳用膳都好像要受氣一樣， 每次都不明白為什麼顧客要受餐廳員工的氣？但到這是茶餐廳的風氣嗎？

彩明商場裝修後，原本3樓只有酒樓一間食肆，而家變成一間連鎖式餐廳，一間茶餐廳。今次試嘅係有埋麵包部嘅茶餐廳，下午茶時間唔算多人，茶餐款式亦算多，除咗輕食嘅下午茶，仲有比較飽肚嘅粉麵飯。食物味道可以，同一般茶餐廳無差別，我覺得餸菜算多。不過服務就麻麻，幫我哋落單無將飲品打落茶餐度另收費，我哋發現改單後就咁加返錢落茶餐，收正價飲品無删除，比錢要再改露出極不耐煩表情加埋講“唼”字，不過收銀員講咗多次唔好意思。酥皮蛋撻，層次夠，不過只係微微暖。雪山西多士，分三件上碟，每件上面都放一小塊牛油，只需一開二就可以，方便食客，糖漿獨立包裝更衞生。美極乾炒牛肉河粉，中規中矩。忌廉汁蘑菇焗雞扒意粉，雞扒都幾多，份量滿意，味道可以。紫菜照燒汁雞扒魚柳意粉，好味過上面嘅意粉，無咁淡。五香牛雜河，無特別。

有一輪都冇幫襯這間茶餐廳, 早前比較難搵位同食物質素一般般, 近來這個商場開多了食店， 所以不需等候就可以安排入座， 我們二人安排入坐到較入位置的小圓枱靠牆邊， order食物後， 一會兒店長就說"你們坐埋一邊, 因為要搭枱的" 這張小枱其實已很擠迫， 靠牆這邊根本不能坐人， 其實當時附近都有幾張未有人坐的枱子， 但他還是要把客人擠迫在一起， 我明白茶餐廳一般都需要搭枱， 但當時情況有其他吉枱和人流不是太多時， 夾硬擠迫埋一台， 坐得非常擠迫不舒服， 如果一開始是這樣搭枱的， 我們一定不會光顧, 難怪少了這麼多客人，原來是有理由的。

我同屋企人去親呢間食都係食晚市，去過三次，三次黎嘅野都係錯，第一次要雜扒餐＋薯菜＋凍華田，點知佢就黎過意粉同佢講完又話：同你睇下有無落錯單，之後過咗成十分鐘都無人黎同我換，最終要叫經理黎先知係派錯檯

午飯一趕時間就黎呢度食，典型茶餐廳，今次試呢個葱油雞比想像中多葱，但雞又唔算好正，好在都唔“鞋口”,不過都多咗少少油，食完真係有啲肥有趣嘅係佢杯熱柚子蜜，多咗塊檸檬，好似變咗檸蜜咁

今早到了「茶魚飯后」點了沙嗲牛肉麵+炒蛋牛角包+菠蘿包，沙嗲牛肉麵的麵底轉出前一丁更佳，湯底有點淡，牛肉不錯(有質感，沒鬆肉粉)+炒蛋加牛油更佳。值得讚的是剛出爐的牛角包和菠蘿包，外脆內軟，熱檸茶茶膽不錯，這餐廳的早餐適合喜歡清淡的朋友。

下午茶時間突然想食西多士，就試下呢間開業冇耐嘅茶餐廳。下午3點幾去到餐廳唔算多人，一個人的話即到即入，無需等候，目標已鎖定西多士所以可立即下單。等候製作時間唔長，一份西多士分為四份，每份比一口size大些少，外表夠厚身而且炸得金黃，每件西多士上都灑上糖霜及有半溶牛油，賣相討好。內裡夾有花生醬，略嫌塗得太薄，未能夠嚐到花生醬嘅濃香 ,西多士入面嘅花生醬好重要,呢度就真係失左好多分。一份塗有足夠花生醬嘅西多士再配番一杯熱檸水，有飽足感之餘亦不過於滯胃，先係下午茶嘅一個好選擇。

彩明商場經過一輪裝修後，終於開了間茶餐廳進駐商場的就是茶魚飯后，銀龍飲食集團旗下的茶餐廳～平日的午飯時間，顧客都多！和老公來午餐我點了份快餐，老公則點泡飯午市快餐是每日不同款式的，大約有7~8款選擇我就選了日式照燒汁魚柳拼雞扒，可配飯或意粉，我就配意粉啊！老公那碗是鴛鴦魷魚湯炸米泡飯～～日式照燒汁魚柳拼雞扒意粉，灼熟了的意粉，加上煎好了的魚柳和雞扒，再澆上日式照燒汁所以意粉是不會入味的～～魚柳和雞扒沒煎到太乾太硬都勉強過得去了！日式照燒汁的味道不會太鹹，拌意粉吃就剛剛好！鴛鴦魷魚湯炸米泡飯，鴛鴦魷是鮮魷及土魷，配菜還有豆泡﹑芹菜和雜菌配料份量尚算適中魚湯雖不十分鮮甜，但沒太濃味精味，吃完也不會太口渴或涸喉～～泡飯加入炸過的脆米，成為鴛鴦米，口感帶點脆口，層次稍稍豐富一點！跟快餐送例湯/菜蜜/柚子蜜/銀龍奶茶之前試過菜蜜太過甜，所以這次要奶茶！熱奶茶的奶味及茶味算是平衡，都夠滑身，不會澀！相信會比柚子蜜或菜蜜好喝～～綜合來說，食物質素普通，泡飯比意粉略好一點～但座位較狹迫，茶餐廳都只是講求快之故！

豬扒包向來都是我最愛至一，今日到茶魚飯后買份下午茶的香脆豬扒包($36)跟凍檸茶。豬扒算大份，肉很薄。醬汁用了千島醬確實比起一般的沙律醬惹味得多。但可惜包太硬了，咬到牙都軟☹️另外，對於員工的服務非常失望。事關一開頭已經問了凍檸茶可不可以少冰少甜，員工話無問題，叫我放心。但聽到了她叫廚房準備都無提及少冰少甜，我怕她太忙忘記了，便提了數次，她很友善地回答我無問題，但佢仍然沒有向廚房提及!! 　　　　　

$82套餐 沒有最衰 只有更衰$70沙薑雞 + $12轉套餐碟雞得五舊雞胸肉，又乾又”鞋”，其中一舊係皮包骨，再搭一開五嘅雞翼一隻，份量絕對少過/差過一般茶記$40-50嘅油雞碟頭飯，離晒譜!高瘦男經理之前乜都得，客多就睬你都儍; 同佢講質素差咗好多，佢好cool咁話: 「係咁㗎啦...」，態度好到呢！另外，有個侍應阿嬸仲話:「不過不失」，將心比己，你哋認為碟餸真係無問題? $82咁嘅份量同質素，加送一肚氣，真係無下次了!

今晚過左黎調景嶺買野，順便係呢頭食個簡單晚飯啦，茶餐廳絕對係平靚正之選餐館原來屬銀龍集團旗下，入到去即刻就有位唔駛等，仲有卡位坐好鬆動～諗緊食咩之際，侍應推介可樂餐！睇過～原來係三款野食跟餐送可樂～OK! 就叫佢～乾炒牛河$58陣鑊氣離遠都聞到，河粉條條分明色澤均勻，有例牌九黃芽菜洋蔥做配菜，牛肉入味唔會韌，味道唔錯，份量充足！魚香茄子飯$54食得出有少少咸魚粒粒，幾香，全部茄子都煮到熟透夠晒淋，味道中規中矩，如果茄子份量再多啲就更好啦～送埋可樂兩罐就剛剛好

下午黎到食下午茶，叫左花生醬奶油豬和熱檸水。約5分鐘，奶油豬到，見到面上的花生醬雙眼發光。急不及待咬一口，幾翠窩，再食連花生醬食，更滋味 花生醬幾香。個人覺得餐廳的面包還可以。

茶魚飯后 (將軍澳)住喺將軍澳區不妨試吓 平民高檔西餐 選擇咗巨人💪🏾西冷牛扒（八安士）$85 仲可以有埋🇫🇷法國牛角酥 餐湯 飲料（凍飲另加3蚊）那個價錢有咁多野算不過不失😈一嚟就係牛角酥🥐服務算快👏🏼 但可惜牛角酥唔夠熱同比較淋 真係唔好俾個名呃咗🇫🇷🥐？之後嚟嘅羅宋湯 🥘好足料唔咸 果然係少鹽少糖食店👍🏽之後主菜🍽嚟啦一見到就嚇親左好大份 我哋叫咗兩份黑椒汁牛扒 配茄汁意粉🍝同薯條🍟 一嚟當然食牛扒🐂先 好難切開 d肉唔太冧 可能師傅控制時間麻麻地， 煮得太耐😪不過整體食落算可以接受👍🏽 意粉咸味正常 少少茄汁味 而薯條唔脆 溫度係暖 而鹽黑椒汁唔咸 淡黑椒味👏🏼呢個價錢💰 地方就腳份量大 呢個質素算係咁啦🤔 最重要係同邊個食姐😋好味程度：😍😍😍😍（5😍為滿分）茶魚飯后 (將軍澳)將軍澳調景嶺彩明街1號彩明苑彩明商場3樓307A號舖