茶魚飯后

營業中

休息中

晚餐時間，四人家底食飯，未滿座服務態度差，出錯單西口西面叫出飯又要叫幾次都唔出當冇度食物一般，唔見特別抵食I won’t visit again. I won’t recommend to visit as well ..............................

自從係附近開始工作之後，當如果唔夠時間食飯既時候都會去呢到食，因為貪佢上菜時間好快同價錢合理，而且裡面空間好大，有好多位，所以通常唔洗等太耐就有位可以入去佢一星期每日都有6-7個快餐可以點，所以暫時食過幾次都仲未重複過當中最欣賞既係今日食既椒鹽肉排飯，肉排炸得好好，食既時候仲有肉汁標出黎，唔會太乾希望有更多呢d好既餐廳加入，俾食客享受高質素既食物

本人第一次寫食評，但其實經常參考OPEN RICE ，只看但沒有貢獻!自從8月開始，已將茶魚飯后當作飯堂，且一心想要寫我的第一次食評，主要因為我住本區，終於可找到穩定質素的食市，且食品多元化，份量雖然太多(這應該不是缺點吧)，價格公道，唯獨是每次都有職員打擾要添置食具，真的難為了員工及食客，但這無損我將茶魚飯后當作飯堂，因為睇到佢地班底出色，有一個有擔當的經理坐陣(高佬)，揮灑自如的指揮及管理，熱情的招呼，又勇於向客戶道歉，因為新開張，d同事真的成日有小小出錯，可以看得出資深的經理先可以擔負起責任，直情見到佢有團火，連我作為銀行中層也暗暗學習中。加上以前的正記及翠河有比較，更令我的起心肝支持及寫食評。支持。

調景嶺領展商場陸續大改格，筆者期待能帶來新景氣、新餐廳。終於到到有間新茶餐廳開張，名叫【茶魚飯后】。細看一下，【茶魚飯后】是銀龍集團的新成員。調景嶺商場內幾年前曾經有間茶餐廳供應出爐麵包蛋撻……自從康年結業後就再沒新鮮出爐麵包蛋撻…… 見到【茶魚飯后】 門前的出爐麵包蛋撻，實在令人興奮。【茶魚飯后】一間本土茶餐廳，裝潢上加入不少本土特色文化，但不老土。作為一間本土茶餐廳，食物當然是茶餐廳菜式。炒粉麵飯、中式小炒、潮州湯粉麵……等。二人餐 $164 : 兩款小菜、白飯、中湯、飲品及油菜。是日中湯材料足，味道清甜，感受不到味精。白飯比一般茶餐廳大碗。【啫啫豬膶雞煲】雞無半點肉，全部都是雞背位置……真揾笨。豬潤比較乾又硬。味道是Ok, 只是太油膩……【菠蘿生炒骨】 咕嚕肉與生炒骨同樣用豬肉製作，但主要分別是咕嚕肉用半肥瘦的梅肉來炒，而生炒骨則用排骨，所以前者肉質鬆化啖啖肉，後者就有骨頭讓你慢慢啜。 醬汁是靈魂，這個生炒骨紅醋醬汁酸甜度剛剛好，酸酸甜甜非常開胃。【蒜子浸菜心】味道有芥蘭的苦澀味……咬下去又嚡又乾，非常差。

真心覺得呢間野無誠意諗住慳返啲時間wts叫左外賣先因為記得早排見到傳單可以wts落單點知，個wts系7月17號已經無再上線如果系無長期經營wts落單，唔該就唔好印哂wts落單乜乜物物啦！食都味食過，印象已經😠

商場裝修後，開咗間銀龍，幾日前午飯時間都幾多人排隊，今日見冇乜人唔駛等位就走去食。------------------------------先唔講食物質素，裝修同外面茶餐廳無異，新淨企理，無奈香港環境焗促，座位方面較為擠擁，加上樓底低，即使食客唔多，亦感受到比茶樓更嘈雜的噪音。------------------------------食物質素方面，雞飯十分多油，味道較咸，雞亦冇雞味連樓下街市切雞飯質素也不如。

近排調景嶺商場終於多返幾間食店, e間茶魚飯後係彩明商場上層角落, 唔多顯眼。新餐廳一於試試！ 星期日lunch時間要等位, 好彩等左大概8mins。入去見d位都幾密密麻麻, 絕唔係hea地, 大多人都食完走。 餐牌唔多, 簡單分為午市快餐、粉麵、麵包, 所以好快落單, 落左1碗粉麵、快餐、菠籮油, 每款試一樣!😂👍🏻 京都排骨味道幾好, 酸酸甜甜幾開胃, 好岩送飯！👍🏻豬排炸過, 但有加汁再炒, 所以食再冇話熱氣。白飯米粒分明, 有米香。😋柚子蜜會有一片檸檬, 味道都夾！ 牛肺併魚蛋米, 有少許失望, 本身以為有埋魚片, 同湯底味道偏淡。而魚蛋、牛肺都彈牙。 菠蘿油只是微暖, 好彩皮脆, 牛油凍的。如麵包係熱的, 一熱一凍, 應該好味多! 賣單百多元, 整體食物味道算ok, 食飯節奏好快, 而地方頗迫。

調景嶺彩明商場大翻身，基本上都真係無淡好食第一間開返既茶餐廳，梗係要試下！之前排隊排到癡線依家終於正常返！環境黎講，普通茶餐廳，無咩好講，唔好有期望！餐牌全部野都加哂價對比起以前間翠河，早餐平均加左5-6蚊翻新商場=壓搾小市民以後出街食就要捱貴野我同老婆今日黎食早餐炒蛋一d都唔滑通粉正正常常，好大碗，老婆食唔哂我叫左沙爹牛麵，好喊，d麵又硬左d食得多都腎虧煎雙蛋就正正常常，不過就比較油飲品真係甜到飲唔到惟一欣賞下個令人笑下既杯啦早餐就真係無咩野揀想食返原始d既白麵包都係得返三文治全部變哂牛角包午餐都加哂價！佈置得幾懷舊都好，就係無哂d人情味，賺到盡！唉！希望快d開多幾間餐廳，抗衡下呢間野啦！

打電話叫外賣好聲好氣唔該佢落單，跟足外賣單既餸名落單，接線人竟罵回「冇呢個餸，你擘大眼睇清楚先好叫啦」，聽電話態度更惡劣，跟足menu上既餸名叫佢仲話冇，之後佢搵番menu睇先講一句：「哦，原來有呢個餸既！」Poor guy丫，之後乜資料都唔留就cut線，落單number又唔比，客人資料又唔留。

見佢新開張就入去試下，睇睇下個餐牌咁熟面口，原來係銀龍集團旗下。落單落左20分鐘乜都未有單都無張，問下個女侍應就話出緊單架啦等等啦。再等多10分鐘，隔離另一枱差唔多時間落單都到齊，再問個女侍應都唔同返我講無落單，check 完後專登行開，要我行埋去佢度另一個男侍應先出黎講話電腦故障無落單。個男侍應仲要態度麻麻咁好似係我欠左佢咁。作為一間連鎖集團嘅餐廳，呢種態度同服務質素，就算係新開張都不能接受。無下次!