影片
以上資料只供參考, 請與餐廳確認詳情
招牌菜
續添好運的頭炮，已打響了數間點心舖，是日剪完頭髮剛好到了下午茶時間，自從添好運上了米芝蓮星級食店，已經沒有去過了!紅了起來人就自然多，等的時間不然就愈久...選擇了不用等位的茶點，在旺角據知茶點已開兩間分店!通菜街那一間數月前已到過...沒有二人檯，入座後~安排了坐吧位，懶得再等了....坐下來先看看點心紙，款式都算OK! 茶款有四款，分別是鐵觀音、普洱、五花茶&三和茶，自己要了鐵觀音(常用茶)。然後快快手點了七款常叫的點心!如下:至尊飽魚燒賣 - 為著它而來，除開十四蚊一粒都可以接受，這次的size比上次食的大!食落都有鮮味，起碼唔會俾人揸乾揸淨!而燒賣的肉比較瘦沒有太多肥肉，又爽口!值得推介~古法糯米雞 - 看上去吸引，作填肚之用但食過之後又稱肥肉糯米雞，主要餡料半粒都無的咸蛋黃、火腿、叉燒、雞肉粒&超多肥肉等....糯米方面做得不錯，很香!但由於肥肉過多，導致不能再食下去(個人對肥豬肉有恐懼)安茜牛肉腸粉 - 腸粉拉得極淋，牛肉也是極淋!拉埋一起就極之沒口感!像冇牙的人食超爛的腸粉一樣!不會再試....四寶滑雞扎 - 以痴性超強的腐皮卷包著雞肉、魚肚、火腿&小粟米，雞肉滑、魚肚也很入味!但火腿味道不夠香!差一點點...香煎蘿蔔糕 - 這次夾得安全，沒有散開!但食落發覺粉多蘿蔔少...吃不到一絲絲的蘿蔔絲...做得比較差!!!安蝦咸水角 - 友人話想食，看上去顏色明顯偏向淺!沒有金黃色的吸引~餡料的比例較少，要做到皮脆內軟就必然!擺左陣，食落口仲好熱!明顯新鮮炸...不過油太多的食物都是少食為妙!竟然!!!馬拉糕賣完....嚐不到!十分可惜....最後要說說，不知道是人手不足還是怎樣?店員不會自動加茶!每一次都要人叫先會做....坐吧位感覺不太舒服，下次等一下還好!埋單百多元，價錢不貴!值得一試。
繼續閱讀
同同事食晏。去咗試呢間野嘅點心。兩條友叫咗都幾多野食，好飽。環境一般，店子太細，坐得較迫。煎旦牛肉飯：牛肉係好似牛肉球嗰種，牛肉打到免治狀，整體味道平凡。糯米卷：係好飽肚嘅點心，糯米比較硬，味道也較淡，仲要有好多花生。奶黃水晶包：呢個好食，水晶皮厚度適中，一咬下去，奶黃餡即一湧而出。牛柏葉：一般貨鮮蝦腐皮卷：炸得香脆唔肥膩，鮮蝦也真係好爽口。煎蘿蔔糕：一大條一大條嘅蘿蔔絲，真材實料，煎得外皮燶燶地，味道也不錯。茶芥$4，揀咗五花茶。我覺得唔好飲，因為佢真係好似平時清熱飲嘅五花茶咁帶甜味。
繼續閱讀
表姐請客,去了茶點燒賣我覺得好味過x好運,好大隻,蝦爽脆,好甜!潮洲粉果皮做得很好,一d都唔厚,呢個一定要點!杞子上湯鮮竹卷普通梅茶肉餅飯都幾好味,肉餅好juicy!鹽水雞腳純粹見到格離食到好似好好味咁我地又點,雞腳煮得好淋~提外話,話說個姐仔加水比我時個杯突然爆左...但佢竟然走左去囉...過份!好在另一個阿姐好好咁問我有冇比熱水淥親,又即刻比過另一杯水我...
繼續閱讀
今晚忽然想去飲茶，於是黎到呢間叫茶點既迷你酒樓茶錢三蚊位，只得三款茶揀，仲要位迫得黎唔係成壺放響度比你斟，好似茶記咁有人添茶，好明顯重點就係要你放響個點心度啦名物鮑魚燒賣必食，十一蚊粒唔算平，但黎到都原隻迷你鮑魚響度絕無欺客，食落都有鮮鮑味又唔難咬，燒賣唔會鞋口，每人一粒都食得過原隻鮮蝦餃比起上黎就無甚特別，十八蚊好似貴左少少。市面上懷舊馬拉糕買少見少，幾乎變晒奶皇果隻，於是叫黎食下懷舊既黃糖馬拉糕，熱辣辣鬆軟可口，唔會太濕身。春風得意腸粉即係春卷包腸粉，應是即叫即卷之作，因為熱騰騰既腸粉之下既春卷依然十分脆，又唔會炸得太焦，當然呢味點心要快食啦，如果唔係放得耐唔好味架！此點心相當有新鮮感。唔夠喉再叫叉燒包，比正常酒樓稍細隻一些，入面餡料都夠香甜多汁。珍珠雞係頂肚之作，打開發覺比一般酒樓貨色多了一陣荷葉香味，也不會乾爭爭，不錯。煎粉果則一般，個皮無味亦相當黏牙，好像吃炸年糕一樣，隨粉果上的沾湯亦於是無補，下次可以不吃。看來此店是以快餐形式供應酒樓點心，於是位比較窄，茶也不講究，有時時間趕，止止茶癮是可以，可是點心價錢不便宜，水準不見得十分出色，應該不會常來了。
繼續閱讀
今日男朋友同我出旺角買野食男朋友想食點心,我地平時都有食開呢間所以就黎呢度由於佢趕住返公司,咁我地就買外賣我地等左一陣,聽到廚房好大聲話無流沙包之後d阿姐有回應,即係聽到啦但係無人通知我地叫我地轉(我地俾左錢),咁即係有無?過左五至十分鐘先有人同我地講咁我地補兩蚊轉蝦腸,再等等左好耐...男友開始燥,叫過阿姐快d,但都再等左好耐我好肯定有半個鐘...遲過我地黎但堂食既人已經食緊好耐但外賣仲未有後來過左陣先有阿姐係cashier拎外賣俾我地但我男朋友話佢早係十五分鐘之前已經見到我地幾盒外賣擺左係cashier但係無人理...咁即係點?有阿姐包好哂拎左出cashier又唔俾我地?最古怪就係我地既外賣又有流沙包...男朋友即刻問佢拎返兩蚊...就算味道唔差,服務質素都好緊要最後男朋友話以後唔黎呢度食野
繼續閱讀