茶.包 (已結業)

好鍾意食呢間🥰🥰我最鍾意食佢個抹茶豬豬抹茶好香 夾埋落個包度好正即叫即整，新鮮熱辣😋🤩🤩老闆同老闆娘好nice，兩個人打理晒咁多野，又要即刻整野食 又要收錢 又要整野飲真心覺得好犀利👏🏼👏🏼👏🏼合作無間💯少啲默契都唔得野飲我通常叫少甜好好飲曲奇奶茶好好飲😁🥰

太耐冇來食～今日來到都一樣甘多人幫襯！老闆老闆娘服務態度超好！提醒我地會等得比較長時間可以讓客人選擇等或不等待因為多客人所以等得比較長時間，但係都預料之中，真係好多人幫襯阿！呢到可以簡堂食或外賣，都係決定外賣拎走隻奶油豬，返到即刻食都係甘好食同香脆如果一買即刻食，一定仲好食。。不得不推介椒鹽牛丸好香好多汁，牛丸唔會太乾身飲品方面：朱古力雪泡加曲奇原來都係一個新嘗試好彩我住得比較近如果唔係想食個陣都唔知點算好

元朗屏會街附近真係一個小型嘅九龍城，小店林立 ，有泰國菜，台灣麵線， 醉雞麵，車仔麵， 24小時飲茶， 酸菜 ，本日式料理，應有盡有👍🏾， 其中一間已經幫襯咗好耐嘅台式小店，(茶包) 質素不變 ,值得一讚再讚👍🏾脆豬 店舖的招牌小食， 好多種口味選擇， 今次 叫咗我最鍾意食得奶醬脆豬， d 酱多到 😋另外即炸粗薯條， 熱辣辣脆卜卜, 加埋芥末醬 ， 十分惹味令到想一食再食超級果茶， 包括4種時令生果 ，大大杯好好飲， 希望在繼續支持小店

食完飯之後就黎左呢間茶包買嘢飲，由於飲品種類同配搭真喺太多，我考慮左好耐先決定到買日式宇治抹茶。個餐牌上仲有多小食供你選擇，睇起上來都唔錯，下次一定試吓。我叫果杯宇治抹茶糖嘅份量喺正常嘅，飲到好濃奶香味，越飲到後面就覺得越苦，沒有回甘味，我覺得喺唔錯嘅，但係我下次買果陣會叫杯糖份量超過正常宇治抹茶，同埋應該會加返椰果試吓。杯宇治抹茶嘅杯仲有塊標籤寫住幾時買，真喺幾貼心，肯定喺驚啲客隔太耐先飲；同埋就錦拿住隻杯唔覺得熱嘅，隔熱效果幾好。

其實想試好耐，不過經常遇唔啱時間，終於的起心肝去試下抹茶脆豬同茶冰珍珠奶茶。果然好味!特別係茶冰珍珠奶茶，加埋半糖，茶味突出，就算溶晒啲冰都唔會淡（梗係啦～茶冰嘛！😂😂），好喇~~到抹茶脆豬，真係又脆又香，不過抹茶啲味……應該係添加人造香料，但係算啦！li個價錢點可能用全抹茶丫~~~一分錢一分貨，過口癮唔錯~~其實我另外仲叫咗個奶醬脆豬，味道一般! 一個包加一杯飲品，平3蚊!算係咁啦～😆😆自從試完杯茶冰珍珠奶茶，我成日都好想再去飲，可惜，唔太就腳，如果開係又新街或者西菁街就好喇!

常常經過這間茶·包，但永遠也是未開門的！今日終於碰到它的營業時間，加上本人肚子餓，立馬撲進去吃個下午茶！台灣紅茶(半甜加蘆薈)越是簡單越見真章，這杯紅茶茶味濃厚，低甜度凸顯了茶的甘香值得一讚是超大量蘆薈粒，大大粒新鮮清甜又爽口，本人覺得比珍珠健康好吃燒雞扒脆豬這個不得了，堪稱一試難忘脆豬包熱辣辣，外脆內軟！雞肉醃得很入味，嫩滑多汁雞扒連皮燒，薄薄的皮烤至微焦，帶來香脆口感之餘又不會吃得一口油，勁好味最貼心是雞扒的大小跟包包一樣，所以每一口咬下去也有餡，啖啖美味，無懈可擊吃完後完全明白為何他們的營業時間那麼短仍然可以生存！只悔相逢恨晚，以後一定多多幫襯！

茶 包🍵久違了既奶油脆豬🐷食過茶包既奶油豬好好食 勁邪惡🙈今次試抹 茶 脆 豬 $17。即叫即烘熱個包，包非常非常脆口😍加埋抹茶醬同奶油，更加邪惡啊！除左奶油味仲有抹茶味👍👍好味 個包都幾大個架💁

< 抹茶脆豬 $17 >嗚呀又係抹茶呀 😍 呢隻豬真係好脆又香呀 😋 脆豬上面果層醬係抹茶粉同煉奶既混合物，煉奶比例較重但亦不失抹茶香，性價比還可以，我覺得遠一遠都值得一試呀 💚

因為太晏起身, 所以今日食的第一餐係下午茶, 唔想去咁遠, 就去咗茶包, 叫咗個蒜蓉脆豬+柑桔綠茶 (小甜), 由於唔想飲咁凍, 同佢地一講, 店員即話可以走冰, 太好了, 茶到後, 味道剛好, 不太甜, 有柑桔味, 很清爽, 脆豬到後, 一打開, 香噴噴的, 但可惜, 今次太燶了, 令蒜蓉走了點色, 但包仍然很很很脆, 這個很重要, 因為如果包不脆就沒有意義了.  

里排好鍾意飲奶茶 原本飲開附近嘅大卡司嘅 但相比茶包就遠好多 不過今日第一次飲茶包 以後就選擇里間啦 我里次點嘅係芒果奶茶 奶味都幾重 茶味都岩好 最重要嘅係 佢嘅奶茶好滑好香 真係飲一啖想兩啖 不過珍珠果D要另加 下次飲一定要加 冇珍珠嘅奶奶好似少左咩野 同埋自己又買左椒鹽牛丸和韓式炸餃 真係堅好味 好耐冇食過咁好食嘅小食了 里間鋪仲有好多小食 第二次去食 一定要要嘗試下其它野

我係元朗返工既成日收工時經過呢間店都見到好多學生係度食咁同事就話呢間包幾好食不過係最衰冇得送外賣, 所以懶得放飯時間去排隊買某日我買左黎試見有我最中意既綠茶味, 就叫黎試點知就一試難忘~!!冇諗過一個包入面加綠茶醬會係咁好食!!D醬夠多~!食落去真係外脆內軟!即叫即做,熱辣辣好好味$14呢個價絕對值得仲食過$12既蒜蓉豬, 一樣好好味不過唔夠綠茶咁特別佢既芥末瘋薯條都好好味$15唔算貴不過美中不足地方係間店比較小員工唔多, 每個包都即叫即做就要等一段時間人多的話都等幾耐的但如果唔趕時間, 絕對值得食服務態度好好裝修都幾有格調係邨內而言衛生算係比較好既食肆買黎食都幾放心如果同朋友一齊可以買兩款包一人一邊SHARE食都好滿足因為個包夠大個, 唔會唔夠喉!一定會繼續食未試過買飲品下次要試下~!1杯1個印花店員話買10個印花送1~!

呢間店嘅地方有些遠，落車要搵佐一陣先到，建議睇住地圖行。一行四人叫佐些奶油豬、蜜糖豬、珍珠奶茶等等、可能因為即整，些豬仔包好熱、唔錯、咬落唔同普通麵包、有口感、奶油豬最好食、蜜糖豬就ok,但第二次去食嘅時候感覺好似少佐奶油，無咁好食，所以去試嘅話記得叫佢多奶油。奶茶，可能因為我食完好甜嘅奶油豬，感覺奶茶好似唔夠甜咁，但食蜜糖豬嘅老公就話味道ok。奶油豬真係值得一試，價錢唔貴，唔錯唔錯。

依家ｄ台式飲品店開到周街都係，不過全部都好似係糖溝水咁。呢間茶包好多特別野飲，我最中意飲佢個黑白森林＋花生豬／薯條！好味又抵食！最緊要係員工服務態度好！***不過如果個薯條多ｄ醬會更好！

我鐘意飲甜野！所以飲開”朱古力阿華田”，多次要濃朱古力！D員工都好好態度！唔似出面其他賣飲台式野飲GE，態度麻麻！另外叫左奶油豬，好好味！讚！好脆！幾好味，會繼續去幫襯

果日咁岩經過元朗加上對綠茶脆豬同埋青蘋果綠茶念念不忘就入左去茶包先再去我既目的地由於之後仲有飯局青蘋果綠茶就無再ORDER必吃的就是綠茶脆豬真係超好味可能粉係睇落去多左少少但係D醬，聞落去已經好有茶香味而且D醬有D滲左落個包有D仲係個包面度今次黎食係第3次越黎越進步!D豬係脆得黎又唔會硬邊聽日會去再食多次因為脆豬仲有好多味道揀!!仲未試哂XDXD!!講返第2次去飲既青蘋果綠茶飲到最尾都唔好太淡!!好fresh,唔似話好似落色素咁得果超甜但又好似飲緊水因為真係好好飲以前都剩係識飲珍珠奶茶!但係而家就知道青蘋果綠茶好好味而老闆會完全跟足你要求如果某一款珠無哂都唔會比少你可能會同你講聲然後混珠而且果日見到果陣做緊買十送一有d客唔記得帶卡黎吸印老闆娘or其他員工都會主動話用收據單吸印就當返吸左落張卡因為試過出面未比卡佢就唔會幫你吸有時唔主動問佢拎印花都唔會比你所以做生意咁有heart真係要支持再支持!!!