荃豐撈麵 (已結業)

荃豐撈面在荃豐中心已經屹立了數十年，見證了荃灣的時代變遷。雖然這裡的食物只是普通的撈面和車仔面，並沒有特別出眾的口味，但這家小店卻承載著許多人的回憶和情感。荃豐撈面的店面非常簡單，沒有華麗的裝潢或現代化的設計。它保留著懷舊的風格，給人一種回到過去的感覺。店內的桌椅和裝飾物都顯示出歲月的痕跡，讓人感受到這家店的歷史和故事。雖然店內空間不大，以往卻總是熱鬧而充滿生氣，很多中小學生也習慣在這裡吃飯。因此對於荃灣市民來說，荃豐撈面代表了一段懷舊的時光。許多人在這裡度過了童年和青少年的時光，與家人和朋友一起享受美食。即使食物的品質沒有特別出眾，但人們還是樂於來到這裡，因為它代表了一種情感的聚集和共鳴。荃豐撈面即將在一月結業，如果想再一嘗童年滋味，可把握時間。

富有人情味既小店！又於距離工作仲有半小時左右，求其搵間小食店食左去，叫左個撈麵，幾好食的，餸就自選的，老闆娘話隻雞比細隻過平時果D，收平左我幾蚊，非常好人，野食同野飲都OK，值得大家光顧

今日同朋友出去荃灣，佢話要帶我去食尼間撈麵店，佢話好好食，值得推薦，我又想去睇下有幾好食🤔其他我無食開撈麵，係有時屋企人會煮個營多撈麵尼食，不過我就覺得好大味，吾太鍾意，我個人比較鍾意食湯麵多d囉🤔可能因為未到lunch時間，去到又吾太多人，好快就可以出餐比我，不過太肚餓，吾記得比相機食先，食左少少先記起要影相，味道吾錯既，都幾好食，下次去荃灣都可以璃去食下其他款既撈麵，今次係人生第1次食撈麵🤣

在荃灣地鐵站附近，有一間寧靜的小店。這次掉了一個細撈，雞翼是事頭婆用醫汁同蒜頭浸了一晚，特別入味。自家製的腩肉，也是驚喜在香港這城市裏，這有心思既小店實在是買少見少了。

全香港食撈麵邊一間最好食，唔使問，一定係荃豐商場地下呢一間。因為呢一間食嘅係人情味，有心有力有味道。叫咗一個大撈麵,有咬口，入面有豬扒,夠哂腍身，滷水腸仔甜味好，仲有滷水雞翼，同埋牛丸彈彈牙，好好食！

我叫咗嗰價值$48嘅雞扒撈麵，食落有點失望🙍🏻，首先d餸唔新鮮嘅，唔知擺咗幾耐，好似無限♾️返熱過咁樣喎，好油，但依然唔熱嘅，無論賣相，同埋實際上都好似食緊人食剩嘅餸咁😔冷餸⋯⋯講下個麵，我expect that係我工人姐姐嘅印尼撈麵呢，佢嘅家鄉拿手好菜，由細食到大㗎，點知唔掂囉，嗰麵質怪怪嘅，唔煙韌啦，太硬身嘅，同埋我工人姐姐整開係有d脆口嘢係麵嘅面，呢個無嘅，咁講啦，$48 有咁多餸，就夠飽嘅，不過就好普通，同唔新鮮囉，結論：無下次呀😅😅

細過最鍾意既活動就係黎荃豐玩Card game, 玩到肚餓就會係附近既士多仔買個印尼撈麵食，當時好平，講更好似10蚊已經係大撈（2個麵）又無咩特別餸加，芝士腸（3條）好似都係5蚊左右，總之好抵，非常之岩學生食，所以真係中學回憶黎。時而世易，重回荃豐，當日的小士多，竟然變左間餐廳？改埋名做荃豐撈麵，哇！回憶出晒嚟，好想食返碟，一睇個價格，好似唔係咁抵wor?? 雞扒撈麵（雞翼、腸仔、牛丸）要HK$48, 不過出於好奇，都決定試下啦！個撈麵都係正常味，同以前差唔多，係會好食過我自己整既，我估分別應該係水溫既唔同，唔洗好熱既水，煮散個麵就可以上。但係出事既係全部餸，雞扒一早煎定，好乾，無肉汁！牛丸同腸仔都係好差，超乾、唔知放左幾耐，咁簡單既野反而做得咁差，真係好離譜，瑞士汁雞翼，基本野啦，因為有汁，整返熱都唔會乾既，所以係唯一無咁差既餸！大佬呀，收得依個價，唔該有返d誠意整好味少少啦，服務同態度係可以的，但我諗食淨麵就可以了，其他餸，不了。No next time, 破壞曬童年回憶，要比dislike了。好失望

應該是全港唯一一家以印尼營多撈麵為主菜的地道車仔麵餐廳 對於超級愛吃營多撈麵的我 以前只會以為營多撈麵只能作為小吃 沒想到居然可以有一家餐廳把印尼營多撈麵與香港地道的車仔麵文化相互融合 太有意思了 而且價格又實惠 親民 以後這裏就是我的飯堂了😂這次點了大撈 即雙份麵底 餸菜就點了牛扒+雞扒+腸仔+牛丸....豐富...滋味...飽足😍專門從將軍澳過來荃灣吃的 果然吃好東西就是要不辭勞苦😂😂😂以後肯定會多來

突然好想食重口味嘅印尼撈麵，第一時間梗係諗起呢度啦，小撈係一個麵底，大撈係兩個麵底，之後就揀餸啦。必食嘅都係菜甫蛋，肥豬肉，午餐肉，中伏嘅有炸燒賣同薯餅，可能夜晚去，全部都硬過石頭，勁難消化。。都係食返啲正常少少嘅算。

撈麵配魷魚+牛丸 ($32)食撈麵呢家嘢雖然可能有人會嫌頹 但的確係同食靚靚餐廳嗰啲有另一風味👅個麵嘅醬汁撈得好均 唔係7仔咁撈到一啲鹹啲一啲冇乜味 唯一係粒牛丸鹹左啲😂好似浸左十個世紀嘅豉油咁🌚

呢排成日要黎到荃灣做啲野，聽朋友講呢間小店撈麵做咗好多年，喺區內好有名！所以有日做完晒啲野一個人嚟到呢到食晚餐試一試！去到荃豐中心落扶手電梯到底層轉右，就會見到大大個牌同MENU。呢到除咗6個較多人叫嘅餐之外，仲有好多餸可以選擇，配撈麵(大撈/細撈)﹑車仔麵同飯都得！而小妹今次簡咗C3 牛扒撈麵試一試！C3 牛扒撈麵$40 會有牛扒﹑雞翼﹑腸仔同牛丸但唔包野飲～撈麵方面唔會煮得唔林好彈牙，岩晒我！雞翼同腸仔都會用咗滷水汁去整！滷水汁好香好入味牛丸唔好睇佢咁黑，但好彈牙同有小小嘅滷水汁配撈麵粉嘅味道！真係同平時就咁食撈麵嘅感覺好唔同！牛扒唔會太硬同痴牙！不過會有小小干身。晚餐有一段時間會有好多人堂食，所以如果多人嘅可能要搭檯啊！

第一次入呢間店試個早餐D，即係五香肉到麵，本來賣相已經唔好，點知仲有啲酸叔咪。當我咬落塊肉粒後就知奶野喇，原來真係有種過期酸味。我以為一塊係咁啦，就比多次機會佢，再試多一塊，又係酸咪。正常五香肉丁點會咁既味呢？我又細食到大都沒試過咁既味。真係平野無好野，下次都你係去間正常既茶餐餐食早餐好喇。

今日下午約咗去南豐中心處理少少嘢，所以喺附近搵啲簡單 local 嘢食下。唔熟路嘅話應該比較難搵，因為係角落頭位置。呢度係半自助形式，門口先肯點嘢食，然後自己搵位坐低慢慢食。通常我都鍾意配雞肉，所以揀咗大撈，有雞扒、雞翼、腸仔、牛丸，我揀咗小辣。嘢飲就大多數係樽裝或紙包飲品。配料方面都係經過滷水醃製，非常入味，而且係可以自由配搭。唔好睇我果粒牛丸黑蚊蚊好核突，其實好好味，我仲食到陣甜甜地嘅蜜糖味，果然係有心機之作。

據我所知，呢間鋪開左超過10年lu,主打印尼撈麵配車仔餸，由細到大，我都係印尼撈嘅fans,不過好多時係街食嘅話，一般都好難食，一係唔夠味，一係啲麵淋得濟，而荃豐，係撈得超好味嘅，大食嘅可以叫大撈，通常黎講，我叫細撈再加車仔餸已經好飽，餸方面有好多款，我平時最鐘意食呢度嘅薯餅、魚條，好彩嘅話，會食到炸蝦餅，而今日唔算腰餓，我叫左個細撈加魚條，盛為$19，扺食呀去開荃灣嘅，又鐘意食麻甩野嘅，就一定要黎喇👍🏼👍🏼👍🏼

依間撈麵舖都好耐歷史，典型既車仔撈麵小食店，舖頭唔係好大，自助型式，叫住麵底再叫餸，再比錢，阿姐撈麵又快又熟手，撈麵軟硬適中，唔係太稔，而腸仔、雞翼配咖哩汁特別好味，好有兒時回憶～～