荳子 (大埔超級城D區)

營業中

休息中

Oreo流心吐司 🍞$45 (4.5/5)平日下午茶好抵食！有少少竹炭味嘅脆多士，一切開流晒朱古力🍫醬！配上雲呢拿雪糕🍦，酸酸地嘅生果，最緊要係面頭有層麻薯同棉花糖！🤡🤡🤡🤡好飽，但唔太膩，好好食又抵！.軟殼蟹意粉🍝 $74 (3.5/5)每次黎必點！蟹炸得好脆！但今次意粉好淡，扣分！.黑松露薯條🍟$25 (4.5/5)粗身炸薯條，好脆！加埋creamy同勁濃黑松露醬！正！.想讚beans雖然開左好多分店，但食物質素就係好唔錯🥰🥰🥰🥰🥰

中秋節正日黎幫襯,唔知係咪個個都去晒飲茶,11點呢到竟然唔洗等位就可以入我對上一次黎已經係一年前既星期六,一開門口就勁多人兩次黎都係點番同一樣食物,但上次無打食評.ICED MOCHA好出色, 上面CREAM唔係死甜. 係滑既~朱古力味好濃郁! 咖啡亦香濃Earl Grey  Latte好香既伯爵茶味 上面仲有少量茶葉.十分好因為怕食唔晒,所以無點到豐盛版既全日早餐,就點左呢份輕怡版, 煙肉唔似出面乾爭爭,鞋烚烚.炒蛋好香滑 香蕉亦好好唯獨是窩夫唔夠脆卜卜..但配合楓糖漿,好可口.黃金蟹肉意粉蟹肉無上次咁多, 唔好睇佢無咩汁,其實拉開上面個蟹柳,入面係好多汁.

假日嘅all day breakfast 即係午餐😄用餐時都下晝兩點。🥰豪華英式全日早餐(窩夫、煙三文魚、煙肉、豬肉腸、蕃茄、茄汁豆、黑松露炒蛋、雜菌）好！豐！富！每一樣都好好味。唔係傳統嘅窩夫，有驚喜，食落好鬆軟。黑松露味香，豬肉腸唔肥膩。😍班尼迪蛋、蟹肉、牛油果蟹肉加牛油果好夾，配咗好多沙律做伴菜，感覺好清新健康！😊Green Apple (青蘋果乳酪慕絲、青蘋果醬、柑橘牛油蛋糕）顏色同賣相好靚。味道酸酸甜甜，唔太鍾意食甜品嘅都覺唔錯。😌Lindt Chocolate Mousse 瑞蓮士70%黑朱古力慕絲、瑞士蓮朱古力榛子、朱古力蛋糕）未食之前係怕佢太甜，雖然話係黑朱古力。但其實唔會太甜呀，好香濃朱古力味，鍾意朱古力嘅一定要試。

📸 忌廉番茄汁 手切牛柳絲 意大利粉 $98望落去係幾多嘢🤩意粉有啲 undercooked🌱食起上嚟有啲唔方便🥴牛柳煮得偏韌🐄Staff 嘅溝通同服務有進步空間🙊🤔

星期五晚嚟到大約7:00都成場滿哂 想有位真係要早d嚟 睇下個menu先 Beans 嘅黃金蟹肉意粉一直都係我至愛 不過每一次食都會問同一個問題：個蟹蓋係咪重用ga呢 希望唔係 今次人多可以試埋snack platter 個肉醬薯條好好味呀 不過肉醬會整淋哂面個層嘅薯條 雞翼都好入味不過計番得4隻雞翼太少 同埋好炸炸炸 好熱氣咁Risotto同pizza就普通啦 spinach risotto 但一d波菜味都無 得隻色 本新想食埋甜品 不過佢90分鐘限時夠鐘趕人走 都食唔到 想傾計真係唔好揀呢度食 要轉場

Tea time有D肚餓，於是就入左去BEANS啦～Tea time 既套餐都唔係好費，$42加一服務費 (即係一共$46)，有野食有野飲，價錢合理。我見到有pizza配蜂蜜就貪得意試下。不過甜既蜂蜜加落一件咸既食物感覺有D怪，而且感覺有D甜到漏，我唔太鍾意。如果D蜂蜜加落茶到我諗會更加好，本身杯薑母茶都幾辣下，如果多D蜂蜜感覺唔錯。另外餐廳入面既冷氣唔太夠，一入去就係咁出汗，搞到一路食一路吹風扇。

呢個第三波疫情，只能去附近d 餐廳食同抖下氣。我通常去呢間吃早餐同下午茶，疫情價，勁平，幾十蚊。呢區冇乜好既coffee shop , 我對飲咖啡有要求，呢間算好好，我飲flat white 同Americano , 唔錯。下午茶個雞翼好食，因為我係長期減肥，通常會問waiter 幫我減薯條。早餐我會單點benedict egg 夾個Americano , 岩岩好，唔會太飽滯。有時會飲個Lime soda , refresh 下，都幾好

When I see your face There's not a thing that I would change 'Cause you're amazing Just the way you are這杯Americano 頗順滑，喝不出苦澀或果酸的味道，就是感覺很平衡的。有時候我們會說：「如果body 厚一點便更好。」或是「如果濃多一些便更合口味。」，但今次真的完全沒有這樣的想法，不是因為非常合口味，只是覺得也不錯了。或者碰巧店內正播著JUST THE WAY YOU ARE😊很多咖啡節目都提過咖啡能給人一個空間，這間Beans雖然位置在商場內，但完全沒有壓迫的氣氛，音樂的選擇應記一功。喝著和諧的咖啡，吃著美味的食物，可以自在的談談工作生活的大小事，已經是很好的時光了。說實話，食物的質素比咖啡更令人驚喜，兩塊吃下去像雞蛋仔的Waffles很鬆軟，焦糖香蕉也做到甜而不膩。

週末時間，找了個朋友食lunch，幸好等候既人不多，只需要等5張台就到我地喇😊Avocado crab meat Benedict班尼迪蛋係外國經典早午餐必備既選項，最吸引之處係佢既牛油果醬加蟹肉。成碟都係綠色💚，一睇就知係健康之選！滿滿既牛油果醬完全遮蓋晒主角😂.....Benedict eggs🥚只要輕輕一刀就把蛋弄破，蛋黃慢慢流出黎，跟清甜既牛油果，配埋底層既英式muffins一齊食，真係好好味，層次亦好豐富，仲有蟹肉既鮮味添！一碟有兩份，加埋1/3碟健康有益既綠色沙律🥗，完全唔驚膩😋餐飲揀左熱檸蜜，精緻既杯色同木匙，很搭吧😉跟餐只要加$25，就可以享用甜餅一件...跟朋友一起試了2款，一淡一濃：Green apple AND Lindt chocolate mousse 🍏青蘋果慕絲，青蘋果醬，入面係柑橘牛油蛋糕，完全係清新既甜點，輕輕既甜帶有小小酸，反而仲開胃😂🍫70%黑朱古力慕絲，朱古力蛋糕，入面仲有脆脆榛子🌰，多重朱古力既層次，非常濃郁，鍾情朱古力既朋友一定會鍾意😋

Beans嘅all day或者午晚餐可能比較貴，冇$100-200都難啲落樓，當然嘢食都值嘅，但如果budget緊🤏🤏 下午茶絕對係正正子嘅選擇！Tea set ~$50倒，呢個Oreo麻糬流心吐司超驚喜啊黑媽媽嘅(竹炭？)吐司襯返Oreo嘅黑色，同面頭白色嘅麻糬同雲呢拿雪糕球形成對比。Toast入面係流心朱古力(比你想像中嘅再流心多好多 係好流嗰隻)，睇返啲相啲人揭起個toast蓋，會見到入面好juicy嘅流心。我食嗰陣冇留意有蓋，就咁切細件食，每次一下啲汁係咁流出嚟，我 心諗有冇咁juicy啊？但個toast個外層仲係脆㗎喎！個麻糬完全係畫龍點睛！ ！ ！麵包嘅香脆vs麻糬嘅煙韌、雪糕嘅凍冰冰vs麵包同麻糬嘅暖熱，完全係味覺上嘅享受！ ！ ！咁講可能好浮誇，但呢排心情好差，嗰日係差到要即刻搭車出去搵好味嘅嘢食cheer up吓，呢個甜品完全做到安慰嘅效果！自己食晒成個，就覺得個流心可以用濃度高啲嘅朱古力、少甜啲就更好嘞！

非惡意，不過真係唔好食。醬汁無味，青豆仲好生，雞髀冇味，蜂蜜檸檬比較淡。之前堂食食過all day breakfast 係好食既，所以係個別item 既問題，希望可以改善。

遲來的好友生日飯局 又又又來到好友最愛既Beans 好友貪其空間足夠 而且安靜舒適自在望望餐牌 除了原有的全日早餐、扒餐飯麵供應 原來又添加了好幾款新菜式好友心血來潮想吃 Ribeye肉眼扒因為好友不太嘗生 點了7成熟肉眼扒  上枱賣相吸引 雖然是7成熟 不過煎得正香香軟唔會硬肉質肥瘦均勻 尚算鮮嫩軟腍食落牛肉味不算特別香濃 不過肉汁頗豐富 口感頗細緻 可是伴碟略為遜色 只有零星蔬菜 有點失色咖哩海鮮意大利飯是其中一個新入菜單既菜式 大概是有點期望 所以難免有失望 吃著不覺得在吃咖哩飯 似是在吃強行混合的咖哩粉跟飯咖哩味食落亦不濃郁 飯粒亦吸收不了咖哩香 海鮮配菜算不少 不過味道亦不見得豐富好味 魚塊是軟腍 青口吃不出鮮甜味 蜆肉算是清甜可口 帶子有點過火了 咬落似乎有點硬雖說人人口味不一樣 不過還是希望多多改善一下就好跟餐會附上餐飲 黑糖薑母茶味道滿滿薑辣味 不過飲到底還會有點偏甜難得意猶未盡 點了Chocolate Paradise是款既有雪糕亦有蛋糕既三合一甜品組合意大利芝士蛋糕份量頗大杯 味道亦意外地好 輕蛋糕托底 吃著有淡淡咖啡香 混合淡淡朱古力味

疫情之下好多餐廳都做特價，FB 就不停 loop 啲推介，今日就試一試呢間啦！用 openrice app 落單，app 未落單前預計 20 分鐘可以取食物，落咗預計單領時間變咗半個鐘，取真正領取到食物約需 40 分鐘。餐廳好忙，侍應們都忙於執單同沖調飲品，而我從門口望入餐廳就好明顯見到食物一盒盒放喺不同檯上，可能飲品未能及時預備好，所以就放喺度攤凍!我由領取食物返到屋企約 10 分鐘，打開食物時已得返餘温，黑松露軟殼蟹意粉好香，但牛油果蟹肉飯就唔得，牛油果好生，亦都好小蟹肉。檸檬蜂蜜啲蜜糖就沈晒底，加上凍飲更加難溶!黑糖卷蛋有驚喜，好香滑 👍👍檸檬芝士蛋糕賣相可愛，但味道一般，檸檬味唔突出 😅😅其實雖然係外賣，但及時送到比客人等客人享用時都熱都好重要!

主要被甜品吸引，意粉其他都好味。但佢地啲甜品仲出色特別係我最鐘意既pancake😍😍😍食過又好快心思思，有時見多人排都會失望，食過又成日去食，坐得又舒服環境又靚

今日想要啲me time，就自己黎整返個一人前。1430到，限聚令底下冇乜人等位，好快就入得(平時好多人排啊)喺門口探熱呢啲基本嘢啦，門口提供搓手液幾好雖然已經係下午茶時間，但好想食all day breakfast，就叫咗classic benedict (HK$78)。個egg benedict好好食啊，同埋我幾鍾意個沙律醋 但煙肉個肥肥邊就煎得唔夠香脆，切走咗LOL 之後+HK$25追加咗個蛋糕，叫咗新出嘅matcha oasis，食撻麻煩在好難用叉食(比較易碎同難連埋個撻底叉開一舊舊)，最後成件拎起食，爽 個matcha oasis都幾多層次︰朱古力撻底，舖上一層厚厚嘅紅豆蓉，上面個fillings係抹茶同黑朱古力ganache，menu介紹仲有雲尼拿雪糕，唔知係咪撻面痴住粒朱古力嘅白色cream/mousse狀物(口快快食咗冇細心留意LOL) 啲ganache濃郁同杰身，食完個classic benedict再食晒呢個撻有少少滯(但個撻係好味嘅)，同朋友share就啱啱好，好彩我叫咗杯凍americano，叫做中和吓，如果叫咗杯甜嘢應該會太滯 Beans啲甜品除咗特別，仲有p