影片
開飯介紹
本地人氣cafe品牌，供應一系列西式料理，如All day breakfast、甜品等；裝修雅致舒適，提供寫意的用餐環境。
繼續閱讀
營業時間
今日營業
08:00 - 22:00
星期一至日
08:00 - 22:00
*最後落單時間: 21:15
以上資料只供參考, 請與餐廳確認詳情
優惠
9折
荳子‧荳子冰室現金券 -多款招牌菜及甜點 健康素食 $100現金券！
$90
$100
影片
相片
煙肉、雞蛋、鬆餅 選配：鬆餅配牛油粒 ＆果醬
+4K
+306
食家推介
相關文章
將軍澳區一直都有唔少西餐廳嘅選擇，而喺我心目中，beans係我嘅top 1！淨係將軍澳都已經有3間beans集團嘅餐廳🤩今次介紹嘅係位於將軍澳廣場嘅beans the backyard🍽️店內環境氣氛好好😌夜晚嚟食個燈光偏暗，加上播住一啲low fi 音樂🎶最吸引到我嘅記憶點反而係入面舖喺水吧位置出面下嘅一條石頭路🪨莫名有一種質感⭐️仲有個小細節就係埋位果陣見到個餐牌會擺得好靚🍴喺度好有feel，侍應們都好nice，坐得好舒服☺️紅酒燉牛面頰意大利飯🐮（$132）意大利飯入面有菇🍄同蕃茄🍅加埋一齊燉，飯粒變晒蕃茄紅，軟硬適中，面頭仲加咗少少七味粉同Parsley🌱，唔單止令賣相靚咗，仲增加咗碟Risotto 嘅風味同層次🥰個牛面頰燉得幾稔，然後食落好香牛嘅油香😋同個飯一齊食好夾～～黑松露蛋黃醬薯條🍟（+$30）依個小食係其中一個令我鍾意間餐廳嘅原因🥳薯條新鮮炸出嚟熱辣辣🔥就咁食都好食。黑松露蛋黃醬🥚兩樣本身都好食嘅嘢加埋一齊嘅結果係更加好食🤪每次都清空咗個醬😋墨西哥辣肉醬芝士薄餅🍕（$108）以為佢辣肉醬會好辣🌶️，但冇乜辣味，芝士都用咗幾款🧀切pizza果陣feel到有少少拉絲嘅感覺🍕連埋啲墨西哥脆片一齊食，口感又提升咗😌🤫隱藏食法🤫用pizza沾埋薯條嘅黑松露蛋黃醬，令佢變成沾醬嘅pizza🍕，即刻令個pizza有埋黑松露嘅味，檔次又升咗🆙抹茶黑糖麻糬流心吐司🍞（$82）擺盤擺得幾靚✨個抺茶雪糕上面插塊薄荷葉🌱幾有趣。吐司入面係好滿嘅抺茶醬同黑糖麻糬～黑糖麻糬🍡口感勁煙韌，食落係甜甜地嘅黑糖味。綿花糖🐑有搵火燒過，燒得啱啱好，外脆內軟～個吐司好大份🤩然後烘到脆得嚟入面又好軟熟☺️佢夠乾身，可以一次過沾埋抺茶醬，令吐司有埋抺茶嘅味再加埋其他配料一齊食，係好睇又好食嘅甜品🍨成餐飯計埋加一都唔洗$200蚊一個人🤑，喺西餐廳嚟講，真係算平價兼抵食🤩除咗夜晚可以嚟食之外，我通常都鍾意午餐或者下午茶嚟食☺️然後坐好耐，chill一日🫶🏻有時冇乜人果陣可以揀窗口位睇住外面嘅風景食，夠哂悠閑～～
繼續閱讀
今晚平日夜晚較為少人，坐得比較星期六日鬆動舒服～我哋叫咗卡邦尼意粉，細沙律，蕃茄芝士pizza ，黑松露醬薯條（熱辣辣好正！），仲有香蕉鬆餅甜品，全部都好好味，賣相擺盤亦佳！意粉同薄餅包兩杯凍熱咖啡或檸蜜～佢哋本新menu好別出心裁，同香港鬼怪合作，都算係推動本地另類藝術文化。最近又搵緊屋企附近有咩早餐好食，我就問店員會唔會有早餐menu可以睇吓，店員亦很幫手拎俾我睇，之後會搵日去幫襯～～
繼續閱讀
特色推介鬆餅✨呢款鬆餅真係質地鬆軟，表面微脆，搭配香濃牛油同果醬，絕對係早餐嘅重中之重，都令人心情愉悅。 菜單選擇🍳🥓煙肉、雞蛋、鬆餅 選配：鬆餅配牛油粒 ＆果醬（另上） $48🫖🌹荔枝玫瑰花茶（壺） $15 呢杯茶清新又香甜環境氛圍環境評分：🌟🌟🌟🌟🌟 餐廳採用日系裝修，優雅又輕鬆，令人感覺好放鬆。早上坐喺窗邊，陽光灑落，真係最正嘅位置，享受一個慵懶嘅早晨。排隊情況排隊時間：🚶♂️➡️🚶♂️➡️🚶♂️➡️🚶♂️➡️🚶♂️➡️🚶♂️➡️🚶♂️➡️🚶♂️➡️🚶♂️➡️🚶♀️ 就算朝早10:00，呢度都經常要排隊，顯示出佢嘅人氣有幾高。味道評價味道評分：🌟🌟🌟🌟 整體味道雖然唔算特別驚艷，但食物質素還好，主要食氛圍
繼續閱讀
三四點有啲肚餓，想搵個地方食少少嘢，所以揀間Cafe食個下午茶。嗌咗小食拼盤同埋凱撒沙律。小食拼盤$168，入邊有單骨雞翼、芝士脆片、洋蔥圈、薯條，仲有三款醬汁，茄汁、牛油果醬、肉醬。單骨蜜糖雞翼好好食。洋蔥圈大大嚿，入邊真係有洋蔥唔會得塊皮😂。凱撒沙律都好大份。推介佢哋連埋嘢飲舖頭，我想和你無所事事，雖然啲嘢飲名好長好無厘頭，每次睇親都一頭霧水，但係嘢飲好好飲，尤其是奶昔。
繼續閱讀
又黎到假期必做既野💤就係去CAFE啦!!其實呢間真係成日都食架啦😁之前食到有d悶轉咗場，今日見到佢好似update左個餐單甘又黎試下😌🔺豪華英式早餐 $136唔該照舊‼️不嬲All Day Breakfast都係我必點既，呢個可以揀Waffle or 🥯 二話不說一定係bagel啦，口感軟熟，個包係有用牛油煎過既，好香好有咬口。仲有好耐都冇見過既茄汁豆😍有茄汁豆先係英式早餐 !! 有沙律菜有煙三文魚都算係好多配料，抵讚既係個煙肉唔係煎到好乾果隻，用黎配bagel岩岩好🤗🔺車輪牛角漢堡 $138大推呢個包呀‼️中意食牛角包或者酥皮既朋友就一定要點呢個黎試下啦😁牛肉可以自己揀要幾多成熟，車輪牛角包好酥脆，咬落好有空氣感，不過絕對飽肚呀，套餐仲有一大桶薯條，熱辣辣就最好食啦‼️套餐包black coffee同埋茶，特別既係可以order對面店既飲品即減$8，又或者可以加錢要其他店內既飲品都可以=)
繼續閱讀