荳子 (PopCorn 2)

營業中

休息中

外賣自取，叫左個backyard breakfast，成個餐最貴應該係個哈蜜瓜parma ham，但就冇比到，反而比左另一碟相信係黑松露炒蛋嘅野，但黑松露炒蛋並唔應該出現喺我點嘅餐入面，相信係同另一個客人點嘅餐撈亂左... 因為係外賣，拎到返去食到一半先發現，想打去餐廳問，但打左幾次都冇人聽... 又冇理由又再落多次街，所以冇再問... 明白可能有好多外賣單，而且因為係午市都要兼顧堂食，但希望跟單可以準確少少。

杯麵大家就食得多，但入嚟呢度食杯麵大家又有無興趣呢？😉最近日清食品同Beans Café推出聯乘「驚喜東南亞滋味停不了」系列，一共有4款用杯麵全新打造嘅菜式俾你揀!-🥢泰國風味-泰式咖喱「蟹」逅麵配蒜蓉包🥢香濃惹味-黑胡椒爆「趣」軟殼蟹麵配蒜蓉包🥢酸辣醒胃-冬蔭功「泰」惹味海鮮麵配蒜蓉包🥢椰香滋味-叻沙「味」力天婦羅蝦麵配蒜蓉包 -我就試咗佢個叻沙味嘅set個人覺得椰香味幾濃，比個叻沙杯麵更加濃，而個麵唔會好腍，係加分位炸到金黃鬆脆又唔會好油嘅天婦羅🍤有成三條，仲有兩大塊蒜蓉包，好滿足跟餐除咗有杯嘢飲之外，仲會送多個同款合味道杯麵俾你，可以之後再食多餐，你都咪話唔抵！-想食嘅話要盡快嚟食喇，因為供應期有限，全線Beans Café有得食😉

好鍾意去呢間餐廳食！次次叫唔同野都有唔同驚喜。最經常叫的就係蕃茄肉醬溫泉蛋pasta，好重蕃茄味，絕對對得住個價錢。就算想叫個burger都好抵食，次次都食唔曬。但想去的話就,要早D去了，因為平時都好多人。

想知道杯麵除咗用滾水淥之外仲有咩食法？咁就要試吓合味道 x Beans Cafe合作推出嘅杯麵套餐啦。以東南亞海鮮口味作主題，夠晒吸引！今次我哋試咗👇🏻▫️黑胡椒爆『趣』軟殼蟹麵配蒜蓉包(HKD98)我不嬲都鍾意食黑胡椒蟹味杯麵個湯底。呢個菜式加入軟殼蟹一齊煮，黑椒香味更加突出，加上味道辣辣地，話咁快就食晒成碟麵😂。軟殼蟹絕對係另一個賣點，炸到金黃色又香脆可口，撈埋醬汁食真係好味好多㗎。▫️叻沙『味』力天婦羅蝦麵配蒜蓉包 (HKD88)叻沙湯底雖然冇黑胡椒味咁香，但味道同胡椒蟹一樣咁惹味。椰香味濃嘅叻沙湯底配天婦羅蝦，另一個充滿創意嘅配搭😋以上套餐仲包一杯飲品添。隨餐附送同款合味道杯麵一個，有得食有得拎，好抵呀！全線Beans Cafe 店舖都有得食㗎！以上菜式供應期有限，想試就要快喇！

🙋🏻‍♂️餓底探員今晚去將軍澳再次調查呢間cafe🍳🍖🥯The backyard breakfast $138📸表示見到個eggs benedict已經好興奮，仲有哈密瓜配parma ham，豬肉腸，煙肉，什菌，呢個all day breakfast好awake😍😍😍🙋🏻‍♂️表示個poached egg可能遲咗食，蛋黃同荷蘭汁都開始凝固，食落無咁嫩滑，好在有清新嘅哈密瓜配上綿滑嘅parma ham，鮮甜鹹香互相中和填補返個eggs benedict份失落感，仲有個bagel型嘅窩夫，攤凍咗都仲係咁鬆軟，如果趁熱食呢個all day breakfast都幾高質，對唔住我遲咗食🍟🧅🍗BEANS snack platter $128📸表示個金黃色嘅小食拼盤，隔住個mon都feel到有幾crispy，張相有聲㗎🙋🏻‍♂️表示叫呢個拼盤主要係為咗試個焦糖單骨雞翼，可惜個焦糖同想像有啲出入，似麥芽糖多過焦糖，反而香辣雞翼同炸洋蔥圈有驚喜，香辣雞翼炸到好乾身，口感外脆內軟，個after taste有到微辣，洋蔥圈無因為攤凍咗而腍晒，係呀我又遲咗食，而且仲keep到酥脆口感，肉醬薯條唔算特別，如果係芝士或

Beans荳子開咗幾間分店，估唔到環境與食物keep到水準食朋友生日飯嚟到TKO，一如既往食物大致令人滿意：all day breakfast好足料食唔哂，最鍾意係個個doughnut配cream、菇炒得香、蛋好滑，只係煙肉勁咸。軟殼蟹意粉比較失望，唔覺係軟殼蟹，似係炸燶咗嘅嘢，不過意粉好食，擺得又好睇。千島醬Pizza個醬同料都夠滋味甜品方面都唔錯，招牌拿破崙是朋友必點的，唔會太甜，好味道；梳乎厘整得岩岩好，食完好滿足。

黃金蟹肉意粉 $76雖然係外賣自取 但佢哋一啲都唔求其 連個蟹殼都俾埋你😹 可能因為擺得有啲 所以意粉就有啲淋 但味道方面就冇問題 有好濃嘅忌廉味 而且有大量蟹肉 蘑菇 食落嘅口感好豐富 份量唔少 食完已經好飽 黑松露薯條 +$20 套餐加錢嘅小食 返到屋企已經淋晒 唔係話特別好食 呢個價錢來講已經唔錯

今日去左tko popcorn食dinner 6 點已經到左餐廳門口 已經要排隊 排左20分鐘左 第一次食諗住叫手撕豬肉burger但點知冇 叫左個牛肉burger牛肉多汁同埋夠足料 其實野都冇咩特別 gf叫左個黃金蟹肉意粉 呢個意粉就好出色 首先多蟹肉同埋好新鮮 個黃金汁係咸蛋黃加carbonara咁 mix出黎 加埋d意粉好爽口 非常推薦同埋佢可以叫隔離個間珍珠奶茶飲 非常flexible最後叫多個dessert greentea waffle個waffle好香同埋好軟熟 非常滿足2個人3百幾 唔算平 但d野食高質

今日難得放假，見到冇乜人等位，就入去食返個豐富早餐。呢度嘅餐牌會定期更新我就叫咗個新出魚柳早餐，同埋鮮奶咖啡。魚柳炸得好鬆脆，鬆餅亦都好香，加上環境安靜可以慢慢食，食完順便外賣左個餐比屋企人，正

Shredded BBQ Pork Rib Burger手撕豬仔骨漢堡，焦糖洋蔥 太陽蛋，薯條 $86 裏面夾住嘅肉 係佢平時燒豬仔骨既味 有好濃嘅BBQ醬同茄汁 肉既分量唔少而且唔會好鞋 麵包鬆軟 整體味道質素都唔錯套餐仲有配沙律同薯菜 正常一個人都食唔晒嘅份量☺️☺️

想坐低歎個下午茶⛅️ 二話不說就諗到Beans😍 出名長龍既佢因為環境Chill得黎 甜點同飲品都好出色😚 ⭐️ 70% Lindt Dark Chocolate Lava Cake 🍫雖然份量不大 但係心太軟一切開真係好流心🖤慢慢流出黎好滿足💔70%既朱古力 濃得黎帶一點苦 溝埋雲呢拿雪糕🍦一硬一軟 一凍🧊一熱🔥 一甜一苦 Perfect Balance⭐️ Green Tea Combo 🍵無Expect 咁大份 😨 抹茶控一定要試 💚 Presentation 好靚 有乾冰既煙霧飄下飄下咁💨 Vanilla Matcha Ball 🤍配埋紅豆同Mochi 食🍡 好有日式感覺🇯🇵 抹茶白朱古力版既流心蛋糕🍰同樣好Rich 😋 但係可能茶味唔夠濃 甜味比較膩😅⭐️ Rose Latte 🌹咖啡賣相都好靚但味道唔太濃☕️ 玫瑰味淡淡地唔難入口🌸⭐️ Creme Brulee Latte 🍯同樣地比較甜 🥰 但係焦糖味好香💛今次既唯一美中不足係Waiter 服務麻麻地👩🏻‍💼叫左幾次都漏左野 希望可以改善啦💙

今日與朋友一聚，特意選一間cafe，同朋友慢慢食，慢慢傾。一去到就要排隊，好彩排既人唔算多，等左約15分鐘就可以入去。我地揀左3款美食千島醬蟹棒蟹子帆立貝簿餅Pizza份量唔算多，size亦不大，但勝在味道搭救！味道相當不錯！10分滿分我會比7分黑松露什菌意大利飯同Pizza一樣，份量亦唔算大份，但飯質濕潤度係夠既，亦唔會太霖身一pat野咁，但黑松露既味道較少，我就比5分only la.西冷牛扒我地嗌左個5成熟既，食落口感亦嫩滑，肉汁豐富，但同樣份量偏少呢個我就比7分！總括而言，環境尚算不錯，食物味道亦很好，但可惜食物份量偏細，大食既人可能要嗌多幾個餸啦

之前因疫情關係要WFH，所以我都冇乜出街食晏！有次見到呢间beans嘅外賣自取仲有七折呀！！真係超抵👍👍👍 畀堂食嘅好處，仲有係唔使排隊！ 因為係長期lunch 時候都要排隊！🙃🙃我哋嗌咗 黑松露軟殼蟹肉意粉 同埋都係蟹蓋蟹肉意粉，再加甜品！ 啲嘢食攞左返屋企都ok keep到暖同味道ok嘅！佢個綠茶tart同拿破崙品超好味👍要比讚！如果佢繼續有7折外賣！我都會keep住叫！😂😂

🙋🏻‍♂️餓底探員今晚喺將軍澳呢間cafe調查🍝Black garlic, scallops and clams liquor spaghetti $98📸表示見到碟意粉擺得咁靚，睇到心心眼😍🙋🏻‍♂️表示呢個意粉口感軟硬度適中，帆立貝軟稔，蜆肉鮮甜，仲有酸甜嘅黑蒜加持，提升咗成碟意粉嘅味度🐟🍟Deep-fired Fish Fillet $138📸表示金黃色嘅炸魚同薯條喺紅卜卜嘅蕃茄醬襯托下，再配上羅馬同紫生菜，加上basil sauce點綴，個color combination好eye catching 🙋🏻‍♂️表示魚柳好大塊但炸粉唔厚，魚肉無雪藏味，外脆內軟，薯條可能喺浸住喺蕃茄醬度，相對無咁脆，蕃茄醬微辣得嚟又酸甜開胃，加上有少量生菜同羅勒醬伴碟，平衡咗個油膩度，令到成件事無咁熱氣🧇Mixed Berry Waffles $58📸表示原本以為個窩夫係格仔餅咁嘅樣，但見到佢成個密咗窿嘅bagel咁，有少少落差🙋🏻‍♂️表示最驚喜喺個益力多雪糕，食落去個感覺有嘅似雪芭，個窩夫口感鬆軟加埋個雪糕一齊食，一冷一熱好正，另外餐廳事前已經話咗藍莓無貨，所以只有strawber

今晚咁啱係將軍澳附近又唔知食乜，就決定食beans🤪我哋兩個人叫咗幾款食物share🍔安格斯牛肉漢堡(8oz). 焦糖洋蔥. 車打芝士. 太陽蛋. 薯條 $142明明叫左medium rare, 但出到黎變左。成熟咁滯個漢堡overall都正常味道 塊牛肉都juicy, 但太熟嘅牛肉個人覺得真係handle唔到薯條就一般...有啲乾,食落又唔係好多薯仔咁 🦀 黃金蟹肉意大利粉 $98意粉味道係ok既, 但就係無乜蟹肉(有蟹柳)同埋無鹹蛋黃味(食到最後一啖先有少少唔香的蛋黃味😂)🧇Mixed berry waffle (蜂蜜窩夫,新鮮什莓,吉士奶油,益力多雪糕)我開頭以為係一格格的窩夫.....😂窩夫唔錯,暖暖地,軟熟有蛋香益力多雪糕都好食! 🦴唔記得影的小食拼盤(香辣雞翼, 焦糖雞翼, 啤酒洋蔥圈, 肉醬薯條) $128焦糖雞翼好食! 香辣雞翼都唔錯薯條依舊乾乾的...啤酒洋蔥圈都ok,但係無啤酒味😂下次可能會淨係散叫雞翼總結: 都幾多款式, 價錢合理，下次可以一戰其他野食