荳子 (PopCorn 2)

營業中

休息中

之前經過呢間店成日都見出邊排了長長人龍，今日星期日早上竟然冇人排隊，咁就要入去試下個早餐先真係估唔到唔使排餐廳內環境佈置簡潔，令人有種舒適感覺差不多包場食早餐早餐有8款可以選擇。1. 班尼迪蛋(雙蛋)、煙肉、新鮮沙律($79)。整體覺得唔夠熱，好似擺咗好耐咁。切開有流心蛋黃。2. 炒蛋牛油果吐司($76)，熱辣辣好好味3. Mocha 朱古力咖啡(+$15)，朱古力同咖啡味好濃郁美味美式咖啡(跟餐免費)無特別。整體來講，班尼迪蛋唔熱令人失望，而炒蛋牛油果吐司可以再 Encore。

好耐冇食Beans呢家疫情關係，都冇點出街食見到佢有外賣優惠咁就打算同屋企人食餐好既叫左個All Day Breakfast 同 蕃茄意粉本身想食佢個白汁意粉但好快賣曬，就唯有轉食蕃茄意粉。本身店員話要一個鐘先攞得但半個鐘左右就有得拎攞到返屋企樓下，發現原來有杯野飲冇蓋好搞到冇左半杯成個紙袋都濕晒好彩d野食都唔差，All Day Breakfast 個牛角包好好食， 蕃茄意粉都好香，肉碎都好足料。沙律既材料都好新鮮，冇爛菜但d黑醋略嫌太多油同份量太多，如果可以減少份量就唔會做成浪費啦加配薯條可能攞到返屋企都有一段時間，所以都淋淋地，但都好粗身。飲品方面，黑糖薑足料夠味價錢都合理，可以一戰

呢間好出名，次次見到門口都排哂長龍，朝早夜晚都係，第二次去就排一陣就有得食啦。呢間價錢係一定中上，而食物水準好高。1.黑蒜蜆肉白酒意大利粉係食得出蜆肉，唔會食到沙，加埋白酒食落幾惹味2.火炙西冷牛扒漢堡牛扒鎖到肉汁，唔會太乾太硬啱啱好，啲料好多，成個包都大大舊，配埋薯條同配菜，一個人淨食呢樣一定超飽3.Green Tea Combo望落係好細個嘅撻，裡面係雪糕，綠茶同朱古力嘅配搭都ok 4.榛子朱古力/mocha朱古力香濃味道都有，讚一個

因為疫情關係再一次work from home, 平時通常自煮，一星期一兩次外賣獎勵下自己Beans外賣自取係no.1 選擇，依家全日外賣自取7折唔係唔撐呀！想試左好耐嘅lobster roll, 依家$120就食到，最初以為細細份，原來跟埋細龍蝦湯和沙律，龍蝦包啖啖肉好正當然唔少得加埋件cake, 呢個係期間限定Beans x 賞茶黑糖奶蓋蛋卷，d cream好滑加上淡茶味，為wfh的又一天作結。

預訂取餐的時間頗長，實際餐廳已經很早完成訂單，已提前到達，未能給予客人提早取餐，員工亦並沒有任何提示，只知尚餘多少時間或等候時間，需要以取餐時間領取，絕對影響食物的質素。

Beans由開店後，一直都多人，每次去親幫襯或者經過都見門口排緊隊，由於屋企人不太忍到肚餓，所以就好少去排隊幫襯，每次都是見到甚少人排先會幫襯。而今日我就一個人去排隊享受一下輕盈英式早餐，因為去親都是鍾意選呢款早餐，最主要都是因為望上去好吸引，有多款食物:脆豬肉皮腸、沙律菜、煙肉、蕃茄、茄汁豆、黑松露炒蛋、麵包、菇類。套餐包一杯飲品（咖啡、菜、蜜糖檸檬茶）我就選左蜜糖檸檬茶。今次去食，發現唯一好似唔同左的係，沙律菜少左，菇類就多左，但是依然味道好，而店員的服務態度亦十分好，真係一間有水準的食店，食過就會覺得係值得的。

將軍澳難得的文青cafe，話說呢間都已經由2016開到而家，但佢到今時今日lunch & dinner hour都仲係好多人排隊。所以，我今日一於係朝早9點去食個早餐先😎staff安排我地坐窗邊，令人心曠神怡，醒一醒個人。It's a good morning🤩✨Special: 文青風、岩打卡！💓 煙肉軟芝士香蕉楓糖漿熱香餅：無諗過煙肉咁夾熱香餅，食落軟綿綿，厚薄適中，即叫即製！💓Light English Breakfast：Toast好軟熟、Truffle egg食落好濕滑。套餐加＄15就可以將野飲轉咖啡☕仲可以加＄10追加配料味道：⭐⭐⭐⭐⭐價錢：⭐⭐⭐⭐環境：⭐⭐⭐⭐⭐用餐時間：90分鐘

第一次食Beans係荃灣要排隊今次食就更加要排隊啦💛·雲石枱做background影相特別岩feelDeluxe Full English Breakfast。好耐無食過all day breakfast la，所以好貪心咁叫左deluxe，而且仲有窩夫，好鬼飽🙈Angus Beef Cheddar Cheese Burger。好少係牛扒直接夾係burger食，2樣野好似分開食好d，佢係好食既，不過難夾d😂FlatWhite。coffeelover 硬係要飲番杯咖啡先得☕️我地入到去先知係Beans轉飲”我想和你無所事事”飲品全日減8蚊，我地係排隊時已經叫左杯奶蓋茶飲，入到去再叫左杯水果茶，都唔錯👍🏼黑糖奶蓋卷蛋。黑糖味唔夠出，不過有奶蓋味係正既😆，但我覺得甜左d，鍾意奶蓋既朋友可以試下，Beans同賞茶合作既其中一款甜品，另外仲有賞紅茶奶蓋LAVA Toast

同媽媽撐枱腳既話媽媽成日都答beans原因係所有食物味道都好有水準一般既飯粉套餐都可以加配小食今次揀左芝士薯條芝士薯條太普遍可以食到無得突圍之處薯條熱辣辣香脆芝士溶邊拉絲不過就要趁熱食啦唔係d芝士會乾番主菜揀左黑蒜蜆肉帶子意粉好多黑蒜味道香濃但唔膩黑蒜配意粉亦都唔突兀反而仲幾好食另一個主菜揀左個牛油果蟹肉他他超級足料啖啖牛油果同蟹肉餅就得三塊 唔算多切成細細塊去配他他都唔夠配加多塊會更加滿足 岩岩好配趴所有他他他他味道好清新賣相亦都一流餐飲雙檸柑桔不過不失都係太普遍無突圍既感覺Beans期間限定同賞茶合作呢個紅茶toast一絕竹炭toast配流心紅茶食幾多都唔覺膩

Weekend 真係特別好瞓，起身已經過晒早餐時間，落街諗緊搵咩食之際，俾我發現呢間餐廳有All day breakfast!真係o岩晒我!即刻拉埋另一半入去~我點左一份焦糖香蕉all day breakfast，平時好似較少食.香蕉有薄薄一層嘅焦糖，一切開係好CRUCHY嘅聲音，唔駛講，焦糖配香朝味道好夾~~唔好睇個鬆餅外型好似好實淨咁，其實咬落去非常鬆軟鬆!附上cream或者蜜糖點黎食，好好味呀!。而且炒蛋同煙肉都處理得剛好，炒蛋滑口，煙肉香脆~另加$25蚊仲有黑松露薯條，食到停唔到口!令人大滿足嘅All Day Breakfast!另一半點左黑蒜蜆肉帆立貝白酒意粉，一上枱己聞到濃濃嘅黑蒜香味，有唔少蜆肉，食落有少少酒味，成個配搭都好match!!

Beans係一間主打西式餐食嘅連鎖cafe,由於食物質素一向有保證而選擇亦好多,所以Beans長期都人地人海。Beans而家有7間分店,除九龍灣店外,其餘都開係新界地區,可能就係新界區cafe競爭較細,所以Beans越開越多！。。🔘 黑松露薯條 | $25評分: 🌕🌕🌕🌑🌑評語: 黑松露量比較少,望落似普通薯條,但黑松露醬就有濃郁黑松露味。。。🔘 焦糖單骨雞翼 | $54評分: 🌕🌕🌕🌕🌑評語: 焦糖味好重,食落甜甜地。雞翼應該用焗或者油炸嘅方法烹調,食落不油不膩。。。🔘 黃金蟹肉意粉 | $98評分: 🌕🌕🌕🌕🌗評語: 蟹蓋係裝飾嚟😂不過意粉入面都有好多蟹肉,而蟹肉味都好鮮甜。醬汁好香濃滑口,好似有d蛋黃味，每一條意粉都被包裹住,非常好味。份量啱啱好,一個人食一份就夠。。。🔘 黑松露什菌意大利飯 | $102評分: 🌕🌕🌕🌕🌑評語: 黑松露味道同蘑菇配搭得好好,意大利飯好creamy,醬汁果濃郁。。。🔘 手切美國肉眼扒、新鮮蔬菜、薯仔| $248評分: 🌕🌕🌕🌕🌑評語: 肉眼扒冇得揀生熟度,但好彩上枱時牛肉都好嫩,估計都係5至6成熟左右,如果想食生d嘅朋友,可以嘗試同店員講。肉眼扒好

其實定期都會去下呢間咁有水準嘅餐廳食野，今次去到有驚喜呀！因為menu加入左新元素!即刻試!先試咖哩海鮮意大利飯!外觀精緻，令人食慾大增!除了青口之外，其他海鮮都係炸過嘅，有扇貝，魚柳，蟹柳!唔會覺得腥，唔錯!飯底唔會過，入面加左d洋蔥，有d咬口，有返正宗意大利飯嘅口感。至於咖喱偏向似葡汁，唔辣，咖喱味唔係大重!如果呢個飯可以偏向返印度咖哩個種風味我會梗喜愛!再試另一個新菜：焗釀魷魚筒意大利飯呢個一食落口即令我兩眼發光呀！好驚喜，味道出色!令人想食完再食!魷魚軟硬適中，每一圈魷魚都包住意大利飯，飯有少番茄味，好清新，呢個配搭一啲都唔會膩!意大利飯嘅質感都係好好，有咬口，份量剛好!極度推薦呀！

Beans(荳子)係一間連鎖cafe，現有7間分店，分別在九龍灣、馬鞍山、沙田、大埔、荃灣及將軍澳。以咖啡. 甜品. 輕食 (Coffee. Dessert. Light meal) 為主 。雖然係連鎖但食物質素好高👍🏻👍🏻.牛油果蟹肉意大利飯($108)飯軟硬適中，配上大量醬汁都唔會一pat咁。 夾埋蟹肉同牛油果， 令到味道更加有層次！😻不過食多有啲膩，份量都幾多。.芝士焗比目魚柳($148)焗到好脆好香既芝士片，魚皮煎過嘅比目魚柳，配上南瓜蓉同紅菜頭醬，係好fresh嘅味道。 不過佢嘅份量比較少， 食量大概朋友未必啱。.每個套餐包檸檬蜂蜜/黑糖薑母茶/美式咖啡一杯其實佢嘅甜品真係好靚，不過我哋太飽冇食到，下次有機會再試下餐廳冇得book位去拎飛，只可以喺出邊排隊，如果唔想等咁耐就避開繁忙時間去。

今日晏就見到門口唔使等位.就去試吓.坐低之後睇餐牌發個餐牌選擇都多.之後我哋分別點左一個牛油果意大利飯同一個黑松露軟殼蟹意大利麵.裝修環境不錯.可以喺等上菜嗰時影吓相.等待上菜時間亦很快.牛油果意大利飯好似係新出嘅菜式.好有牛油果味👍🏼.不過牛油果嘅份量少咗啲如果係男仔食就可能要多少少. 黑松露軟殼蟹意大利麵好creamy.軟殼蟹都好脆卜卜.可以值得下次再嚟.買單嗰時有個信封原來個信封係拎嚟捐錢嘅.

第一次食呢間餐廳係荃灣, 我好記得當時佢既綠茶甜品係最出名🍵 事隔多年, 已經進化到多左咁多唔同款既食物👍🏽德國燒豬手🐷($192)呢個燒豬手非常出色, 份量十足, 而且幫你甩曬啲肉, 所以可以不費吹灰之力就食到香脆既豬手😌 豬手既皮燒到脆卜卜, 夾埋中間充滿骨膠原既肥膏同埋豬肉, 超級好食呀🤤手撕豬pizza🍕 ($92)其實呢個pizza 帶左少少驚喜俾我🤗 佢既pizza邊好似麵包既果種脆口, 薄薄既餅底上面舖滿左融曬既芝士同埋滿滿juciy既手撕豬, 口感同味道都超級豐富👍🏽焗魷魚筒意大利飯🦑($138)其實佢既每樣食物都意想唔到咁正😌 滿滿既risotto 塞滿左個細既魷魚筒🦑 佢既risotto 偏軟身, 係我鐘意既果個口感😋 呢道菜既擺盤係超級artistic, 唔講唔知以為自己食緊法國大餐😂檸檬芝士幕絲焗美式芝士蛋糕🍰($25)呢款甜品既造型係一舊卡通版既芝士🧀 雖然細細舊, 但係整得好精緻🤩 檸檬味既蛋糕外層包住香滑既芝士蛋糕, 口感好有趣👍🏽 成個甜品酸酸甜甜完全唔會覺得”漏”黑糖奶蓋卷蛋🥛($25)近期Beans同賞茶做緊合作, 所以出左兩款聯乘甜品, 而我地就