荳子 (PopCorn 2)

營業中

休息中

其實已經喺beans食過數唔清咁多次，但次次都被美食吸引，快快開餐，無影到相，所以一直無同大家推薦呢間餐廳!呢次終於記得影相啦！就同大家share下啦！晚飯時間7:30去到，遠遠已經見到長長嘅人龍，好彩前面突然有3至4組嘅客人離開，所以唔洗等好耐!未到8點就入得啦！都叫快啦！好鍾意呢間餐廳，因為d侍應哥哥姐姐永遠都好貼心又好禮貌!每次來都會點龍蝦湯，龍蝦湯好濃郁，味道香濃，入面仲加左少少海鮮，有蝦、帶了、蜆!一定要點呀！(呢個又唔記得影相)仲有兩個main course!八爪魚燴飯同咖啡汁西冷!八爪魚燴飯係原條大大隻八爪魚鬚上碟，上菜嘅時候真係嚇左一跳呀！外觀真係100分呀！味道方面都好好。成個味道有d似西班牙海鮮飯!八爪魚鬚好大隻，係個皮有少少韌姐，d肉都係好好食嘅!呢個飯都好推薦呀！咖啡西冷之前就已經食過啦！今次再食，揀左medium，不過都係會有d邊位熟左d囉！但唔影響個味道，牛肉味夾住少少咖啡香，真係齒頰留香呀！d配菜一d都唔差，尤其係d薯仔，好入味呀！讚!期待下次再幫襯呀！

今晚我很高興 一家人可以一齊食飯我選擇了這一間 其實我已經不是第一次來 ，次次都要排隊 但係我仍然堅持等嘅餐廳今次我叫了個 pizza , 一個招牌蟹肉意粉 ， 一客冇骨鷄翼 ， 一客羊扒。， 一份藍梅窩夫， 一個綠茶蛋糕 和一個綠茶梳夫里。羊扒味道處理方法好好。窩夫下次可以不用叫真是一般 窩夫我想不是即時做 是來貨 有些失望綠茶蛋糕賣相靚不在話下 個綠茶味道濃。正冇骨雞翼入味。招牌蟹肉意粉也是水準之作叫主菜都送飲品算是不錯 價錢也是合理好味😋

呢一個平安夜，又嚟呢度食，因有得收早，五點幾來到還有lunch price，感覺好掋😛 但好可惜，不論係服務、食物全部都差唒⋯⋯🤨 所以今次要俾劣評！ 同埋應該唔會再嚟呢間分店😑睇住我杯飲品出咗係水吧枱成十分鐘，期間仲要有兩、三個 staff 行過都無人拎俾我哋😒 就算唔由熱變凍，都吹咗唔少塵係面啦🙄 我係咁望住我兩杯野，我啲火就係咁出⋯⋯🔥🔥 咩事死都唔拎俾客人呢？再跟住，隔離張枱剛落完單，佢個飯就即到⋯⋯唔該晒！一定係錯啦，因為我都係order 咗呢個飯，除咗上錯個個有問題，接收個個都有問題，你坐係快餐店咩？ 個店員剛行開你個位，點嘅食物就即到🙄🙄 快餐店都無咁快啦⋯⋯之後等多一陣，就追下店員，佢話廚房攪錯，心諗一定係錯啦緊係😒😒 未食都已經🔥唒！女友食緊嘅緊軟殼解意粉，亦都無咁味，是真的！ 我哋已經唔係第一次食，女友最近亦係新開無耐嘅坑口分店食過，確實好味好多！我女友食完個意粉，我個飯先到😑😑 係新菜式，同榮華臘腸cross over 嘅意大利飯⋯⋯都幾好味嘅，成個飯都有臘腸味，鐘意食臘味飯嘅人都應該會鐘意😅是日平安夜，所以都加$25叫個cake ，揀咗栗子撻，好味😋👍🏼

今日整完蛋糕，去咗朋友屋企附近食晚餐，今次係第二次食呢間餐廳了，上次是叫外賣的，終於有機會坐低食了！我們一行三人，等咗大概二十分鐘左右就可以入去坐，餐廳環境唔錯，坐得都舒服，服務員很有禮貌。我們食量唔大，點咗一客薯條，一個Pizza，一碟雞翼，一個意粉，同三杯餐飲，剛剛好。薯條很脆+配肉醬汁很夾Pizza 份量材料足 ，朋友推介焦糖雞翼，好好味，朋友每次嚟都必點牛柳意粉蕃茄味濃，有水準跟餐飲品點了熱檸蜜，好飲很好的一次晚餐經驗，餐廳各款菜式都好有水準，賣相吸引味道好，價錢合理，適合朋友聚餐。

呢個系列嘅餐廳水準不嬲都幾高，好似呢個商場嘅分店，我都成日幫襯。set dinner 會跟一杯嘢飲，兩個人，一份三文治，一個意粉，夠晒飽，又好味。煙鴨胸三文治$96，個三文治🥪包係意大利包，煙鴨胸煙熏味、新鮮生菜、沙律醬汁， Mix埋一齊，配搭新鮮又幾好食。黃金蟹肉意粉$98，我諗好多幫襯過呢個系列餐廳嘅都有食過呢個意粉，個醬汁好香蛋味，夠杰身令意粉掛汁，蟹肉份量都恰當，蟹殼裝飾令意粉生色不少。熱and凍檸蜜，唔苦澀味，給Fresh，上枱幾靚。

久仰聞名的Beans荳子終於有機會試~~由於餐廳不設訂座，每次經過都很多人在排隊我們一行2人17:50便到達，不用等位便可進入餐廳餐廳裝潢舒適，氣氛不錯~~~我們叫了1款小食，2款主食，及1款甜點芝士肉醬薯條，主食+$25便有一客肉醬味濃郁，價錢便宜~~黑松露軟殼蟹意粉味道不錯，雖然軟殼蟹份量只有2小塊，但一分錢一分貨~ 海鮮pizza~帆立貝+蟹柳~~口感豐富!熱檸蜜&熱薑母茶~主菜附送的飲品~全晚重點~~green tea combo仙氣十呎，打卡一流~~抹茶心太軟加上抹茶雪糕，絕配~整晚用餐體驗很好，會再來光顧~~

分店越開越多的Beans，很用心地不時推出創意之作。這次Tea Time時段來到，點了：黑糖薑蜜蘋果批配雲尼拿雪糕餐Shakerato 冰搖咖啡焦糖檸檬荔枝紅茶蘋果批是薄身Style，配上黑糖薑蜜很有聖誕氣氛。不過薑蜜味道有點重，容易蓋過了蘋果批的味道，要小心別放太多薑蜜。飲品很驚喜。Shakerato咖啡味香濃，就是份量少了點。焦糖檸檬荔枝紅茶附帶煙霧效果很有趣，就是少許太甜亦不夠荔枝味。食品飲品算不出超高質，不過，Afternoon tea set 58+10% 有齊食物跟HKD40以下飲品（差不多可選9成以上飲品），真的物超所值。性價比超值下，Afternoon tea set值4.5星。同價位下5星：即使排隊亦要一試再試4星：甚佳，可以一試3星：同價位有不少更佳選擇

最鐘意同朋友黎beans食下午茶，因為坐得舒服，傾計hea下一流.......每次下午茶餐都會嗌「焦糖單骨雞翼配薯條」，除左好食之外，貪佢份量岩岩好，食完唔會太飽，可以再去食晚飯😂雞翼痴滿蜜糖，再加小小黑椒，好食😋薯條同沙律菜就普單正常味道跟餐可以揀一杯$40以下既飲品，要左「荔枝玫瑰花茶」，可refill，好飲👍

是晚和友人慶祝生日，事前問了餐廳，可order蛋糕及要求在碟上寫上祝福語，不用事前預訂，安排很有彈性。試了薄餅、飯、意粉及雞翼。主食都配熱飲一杯，除了咖啡，還有蜂蜜飲品或黑糖薑茶，感覺很養生、很健康。價錢只是一百元左右，晚餐來說算是很划算。薄餅小小一份，分成四件，女士的話份量都夠吃，而薄餅新鮮焗製，芝士呈半溶狀態，味道不錯。黑松露意大利飯的醬汁香濃，飯軟硬適中，不過配料就少了點，有點吝嗇。甜品方面，有蛋糕、布甸等等，款式很多，選了比利時朱古力蛋糕，有不同層次，有軟心朱古力、慕絲、薄脆、果仁，很好吃。

今日有緣跟朋友去beans食下午茶，想坐得舒服可以傾下計。星期六既下午茶時段唔算多人，我地唔洗等位就入得去啦😎亦因為我地都唔算好肚餓，所以一人叫一樣之後share一齊食。第一樣叫左手撕豬仔骨漢堡，價值$116(包基本飲品)。有薯條，洋蔥，蔬菜和洋蔥做配菜。漢堡都大個，所以兩個人share食剛剛好。薯條外脆內軟，熱既薯條配茄汁好好食。不得不題重點豬仔骨，非常充料，十分惹味🌟起初以為過百元要一個漢堡有少許貴，但豬仔骨充料既程度很滿意，是值得的。第二樣叫子GAT，是期間限定的甜品。本身是隨心選擇，見到有期間限定就揀左佢， 點知上菜既時候充滿驚喜🌟 首先成個presentation已經好好，底下放左一d乾冰，所以會噴d煙出黎。右上角係乳酪雪糕， 清清地酸酸甜甜，感覺清新。 輪到重點三個桔仔，用咗薄荷葉黎扮桔葉。 桔仔係熱嘅麻薯，內裏係奶皇，感覺都幾得意。 桔仔係好味😋，不過食得多就有d濟。 另外仲有d柚子醬同朱古力碎做配搭， 加埋士多啤梨令顏色豐富。唯一要挑剔既地方，就係我地坐既位置比較細。因為我地二人只分到一張小枱， 勉強放下兩樣嘢食就已經冇曬位。旁邊既枱既距離有d近(GAT相可見兩枱相隔的

今日去在家附近的beans吃個下午茶，每次經過商場只望到荳子個窗口位，今日平日終於去了，由於平日關係，可以坐到窗口位，心情即時好了，環境舒適。我點了 黑蒜蜆肉意粉及芝士肉醬薯條。食物好快就到了，擺盤亦相當吸引。意粉不是熱的，黑蒜味也沒有，蜆肉好多殼但沒有肉，新鮮也說不上，有些還食到有沙。芝士肉醬薯條，擺盤亦相當不錯，只可惜薯條大部份都是過氣的，完全不脆，而且不是熱的，相信是一早炸好的。只能說荳子可能是只供打卡的，食物質素很差。

每次都經過見到好多人排長龍的荳子，今日平日終於不用排隊， 當然約閨蜜聚吃個下午茶。聽就將軍澳東港城那邊最近開了新店，但我還是喜歡Popcorn這一間因為有窗口位。🍵鮮奶綠茶（下午茶套餐可選$40內飲品）服務員先上一杯鮮奶綠茶，每一口都很滿足，除了綠茶茶濃外，奶味十足，飲下還好像有小小花香味。🍞抹茶流心吐司$58 作為綠茶控成員，當然是一口飲綠茶 ，一啖吃吐司。吐司憑外表絕對滿分，吐司外脆，一刀切下去抹茶流心醬爆出來了，再配上抹茶曲奇脆脆，紅莓藍莓綠茶雪糕，簡直是綠茶控成員福音。🖇荳子 BEANS the backyard📍香港將軍澳唐賢街9號PopCorn 2F95(找到戲院，過了橋就是了）🕕11:00-22:30 星期六或假日需要在門外排隊，不能訂座 建議於平日下午茶時段吃，不用排隊及性價比高。

呢一天，揀咗黎Beans食早午餐！好耐無黎嘞，差啲唔記得咗呢度有 all day breakfast 😃 價錢合理又好味 👍🏼😋 唔洗食上次個個成百蚊又無飲品！女友揀咗芝士焗大啡菇+炒蛋，而我就要焦糖香蕉BEANS 窩夫，因為我食咗早餐先出來，所以揀個輕少少😅大啡菇到先，嘩！賣相靚呀😃 食落當然好ok，茄汁焗豆仲要有整熱添👍🏼跟住我個都到，哈！睇餐牌都無為意係’焦糖香蕉’ 係咁樣成條😄😄 下次可以走焦糖，因自己怕甜😅 同埋原來佢個窩夫係咁樣別，大家揀時要留意了😉 再睇埋佢個煙肉，真好！係一塊瘦瘦 feel 嘅煙肉，啱哂我哋！🤩 我倆都好滿意呀😋😋😋 我倆都話，以後要記住，想食 all day breakfast，要黎呢度，80幾至百幾有埋飲品，加埋食物嘅質素，係我哋自己嘅首選😋😁

Cafe Beans於荃灣區內一直人氣高企，每逢假日門外定必大排長龍。幸好近年開設了不少分店，分別位於沙田、大埔及將軍澳。今天剛巧來到將軍澳工作，便來吃午飯。裝潢走型格簡約路線，環境相當寬敞，即使是繁忙時間也沒有如總店般擠迫。食物款式多樣化，亦提供多款咖啡，亦可要求製作3D立體拉花。檸檬蜂蜜蜂蜜香氣隨之飄來，口感酸甜清新。帆立貝菠菜意大利飯 ($74)帆立貝有點韌，意大利飯口感creamy，但味道較為淡。

高質早餐配高質咖啡樣樣都正，蔬菜新鮮，面包好食，係次次都食唔到鴨蒸包杯咖啡簡直係一日既原動力，維也納咖啡，夠晒熱，要慢慢飲有兩粒咖啡豆係上面☕️☕️不過提提大家記得帶現金，200蚊樓下唔收卡。。。