荳子 (PopCorn 2)

營業中

休息中

今日同老公仔賣甩小朋友去食個二人晚餐，我哋大概6:00去到，已經有三班人喺前面排緊隊，大概等咗5分鐘就入到去，其實裏面有好多空位，但佢話後場唔多人，所以未入得住。啲座位都係用易拉架分隔好。我哋嗌左晚餐德國豬手、黃金蟹肉意大利粉，加咗$25要黑松露薯條。德國豬手嘅份量幾大，啲皮係脆嘅，啲肉鹹鹹地又唔太硬，但意粉嘅份量就少啲，蟹肉嘅份量都好少。黑松露薯條，其實只係果醬有黑松露味，我反而好鍾意佢杯跟餐嘅檸檬蜜糖水，啲蜜糖係真蜜糖嚟嘅，整體來講都幾滿意👍🏻

哈哈，唔好問我個分數點計出嚟🤣近近地今日就去咗呢間餐廳食個下午茶。其實今日已經係第三次食咁就寫篇食評拉😋 今次兩個人食，咁就帶咗三個餸兩杯嘢飲，呢個焦糖雞翼仍然係我嘅首選。整到好脆再加上蜜糖，好開胃呀💕意粉就食開都係黑松露意粉，咁今次就試黑蒜白酒煮硯肉意粉，賣相好靚，面上仲放咗啲食用花，但係味道方面呢就有點淡，黑蒜同白酒嘅味都唔出，自信咁覺得自己煮仲好食🧟‍♀️咖啡方面，就嗌左杯cafe latte,咖啡唔香，普普通通嘅一杯咖啡。因為賞茶同beans合作出甜品之外，仲可以以優惠價錢叫賞茶既飲品，今次就試呢杯芝士奶蓋四季春，茶味唔太濃，清清地好解渴，奶蓋就我覺得芝士太濃🥱 不過食個下午茶就唔好要求太高啦，呢間都係一個好好嘅選擇。

今日同朋友出去食個tea 😖星期日嘅特別多人排隊今次等多大概35分鐘先入得，由於係屋企附近所以都唔係第一次，以往水準都唔錯。未試過嘅意粉：黑蒜蜆肉白酒意粉（味道一般好淡 有點失望 而且海鮮好「聲」）真係不了😟😟相反佢嘅焦糖雞翼就真係好好味😋暫時係我食過咁多款雞翼中最好味嘅一款👍（味道好甜 而且仲好脆 ）我哋重點左一杯咖啡，味道濃郁但係有少少苦雖然落咗堂但係都仲係有啲苦澀嘅感覺😅 都係叫返抹茶拿鐵好啲😛😛😛 呢個車打芝士薯條就真係一般般，因為味道芝士十分十分濃郁 食得多會有點油膩嘅感覺 😿

Beans咁出名，都食過好多次，pasta樣樣都唔差，基本上無咩伏。不如就講下beans既甜品，由於跟餐可以加錢叫甜品，所以都試過好多款，奈何每次叫親都唔太好食。今次就唔嗌跟餐加錢既甜品，改叫單點甜品。🍴caramel banana waffle $58對waffle既印象都係一格格、方型個種，beans呢隻就唔同，食落無咁外脆內軟，但都唔錯。香蕉上面放左d爆珠，增加甜度；雪糕下又鋪左餅碎，撈埋食豐富口感。整體配搭感覺有用心，味道比單件蛋糕出色。

難得有時間食下午茶，就試下呢間啦～之前食過佢既晚餐，都好好食，睇下今次其他野食好唔好食先今次一共點左2個餐，每個餐包一杯$40以下飲品（8成飲品都叫得）1）開心果馬蘇里拉芝士簿餅配蜂蜜呢個Pizza不得了好好食！熱辣辣、會拉絲、脆卜卜、唔點蜜糖都甜甜地～味道真係超正2）焦糖單骨雞翼配薯條呢隻雞翼都好好食，好夠蜜糖味，都係熱辣辣！薯條唔洗講，同樣好脆，新鮮炸飲品方面青檸梳打正正常常，都幾好飲，如果有匙可以吉埋粒青檸就更好玫瑰茉莉紅茶幾好飲重玫瑰味，我好鐘意！但甜左少少總結：樣樣食物都好新鮮，即時整，下午茶都抵，可以試

好友約生日飯， 大家都身處將軍澳， 諗住下午時間去《Beans》 唔使排咁耐。好在都係排咗五六個人。因為太受歡迎， 店員提醒用餐時間90分鐘。食品主打意粉， pizza，cakes. 各款主菜 也包括餐飲， 轉另外一些茶飲也可減$8朋友這杯餐飲選美式咖啡， 味道唔錯。芒果梳打$30， 包一款配料，揀咗椰果， 味道一般。唔算好鮮嘅果味。熱荔枝鐵觀音$32， 相反係大杯裝～ 相當有趣黃金蟹肉意粉$98， 蟹肉唔算多，不過意粉嘅醬汁很香濃， 忌廉唔會太膩 啱啱好包住每條意粉。旁邊嘅蟹蓋乾淨得以為係裝飾， 到底佢同意粉裏蟹肉有冇關係呢？手撕豬薄餅$92感覺比較細份， 餡料味道唔錯，有中式嘅味道似叉燒醬， 批底鬆脆。雲呢拿梳乎厘等得比較耐， 佢話第一次出品失敗咗， 這個是第二個。 香草味濃郁， 梳乎厘就比較塌， 蛋漿好似未完全凝固，但好有蛋香！😋👍食物出品唔算快， 所以我哋都坐耐咗，還好冇被催促。第一次到訪印象唔錯， 餐廳可以自選特色飲品， 食物也比預期中美味。

📍Beans 黑松露軟殼蟹意粉 @ $72荳子Beans係將2澳既超人氣cafe趁係lunchtime前冇咁多人，快快腳去排隊，好彩等左10分鐘就入到去。-好多人話第一次食，一定要試吓佢個黑松露軟殼蟹意粉。好啦，難得嚟到，就一於試係唔係真係咁好食先。-個意粉係al dente，配上濃郁嘅黑松露，洋蔥，蘑菇整成嘅醬汁，口感非常之Richie，識落淡淡滿足。軟殼蟹炸得好香脆，又唔會好油。入邊有蟹黃，配埋個意粉真係好飽。-地址：將軍澳唐賢街9號PopCorn商場1樓F95號舖

今次就試咗呢個美國🇺🇸牛扒，我覺得價錢都合理而且牛扒味都唔錯！牛味好濃～而且最緊要唔好太老同埋太熟嘅情況如果可以揀幾多成熟就好啦再加上店舖環境都幾安靜但設計方面都好明亮簡潔坐得都舒服少少等位不過都正常嘅收工時間多人去食！店內都係用西餐為主冇咩其他食品甜品都好多！但真係好飽食唔晒啦，可能可以下次同朋友一齊再去食多啲多啲選擇！覺得份量都好足夠如果男仔食嘅話應該就唔會浪費～呢個我聽講好多連鎖店！多區都可以食到～

見裝修幾靚，就同朋友嚟呢度食下午茶。因為叫嘢食之前都做吓功課，知道呢度比較多人推薦嘅係黑松露軟殼蟹意粉，同埋黃金蟹肉意粉，所以就各叫咗一個嚟試下。講咗黑松露軟殼蟹意粉先，個軟殼蟹幾好食嘅，新鮮炸，不過個意粉就好一般唔知係我哋運氣唔好定點，碟意粉聞得出黑松露香味，但食落就一啲味都冇而黃金蟹肉意粉相比之下就濃味少少，一絲絲嘅蟹肉鋪喺面再加creamy嘅醬汁，係幾好食，不過都係比較淡味我哋另外加咗兩份薯條一個係芝士味一個黑松露味，兩份都好食嘅脆卜卜熱辣辣

限桌令彷彿係壓垮本港食肆嘅最後一根稻草。第一次於黃金時間去 Beans 荳子食嘢唔使等位，亦唔見有人龍🥺，職員於我哋入場前不斷數人頭，確定店內食客唔過一半先畀我哋入座，非常小心。今次試咗個新出嘅榮華臘腸香芋意大利飯，估唔到 East meets West 嘅組合係咁夾😋：甜甜有嚼勁嘅臘腸，香粉軟糯嘅芋頭，配埋 creamy 嘅意大利飯，成件事好完美。由於顧客人數驟減，甜品嘅選擇少之又少，我哋揀咗卷 • 山政小山圓同 Everest， 前者係紅豆抹茶蛋捲，抹茶味清香，紅豆軟甜，很好味；後者係瑞士蓮白朱古力咖啡 mousse 配以海鹽焦糖忌廉同咖啡蛋糕，少少鹹少少甜少少咖啡味少少朱古力味少少 mousse 質感少少蛋糕質感，味道及口感異常豐富。Beans 從來都唔會令我失望🤗。

復活節有四日假期 今日終於出街行下 下午去左將軍澳搵朋友食個晏就 一搵之下Popcorn只有幾間黃店 當然要去支持下啦💪🏻雖然我地只係有四個人 但因為太肚餓 於是叫左五個餐 餐牌上好多食物都好吸引 有burger pasta 飯 一定可以揀到自己想食既食物Burger 🍔 友人一好鍾意食burger 這個豬肉絲份量也頗多 而且載得滿滿 加上一隻太陽蛋 好味👍🏻Burger 🍔 友人二叫左牛扒burger 唯一美中不足是牛扒不是一整塊的 豬肉絲burger比較出色牛油果蟹肉Egg Benedict 這個配搭很新鮮 牛油果醬加上少少檸檬味 食得出來很新鮮 不似外面一般egg benedict只配上煙三文魚 好味 😋Backyard breakfast 友人三叫左Full breakfast 最後我哋叫Carbonara share 好開心的一餐😍特別一提 叫每一個午餐都會附送一杯飲品 我就選擇左黑糖薑母茶 味道很好喝

平時呢間餐廳都好多人排隊，每次見到咁多人排都唔會有意欲想去食，近期少咗人排，朋友食過話好好味，我又未試過食，所以就約咗係度食晚飯。因疫情嚴重，入去餐廳前必須量體溫，量完就會帶位叫嘢食。本身下午個時食咗個下午茶，同朋友講叫2個主食就可以，朋友堅持要叫多個pizza, 因為好好食，最後我地叫咗一個意粉，一個飯同一個pizza. 主食係跟埋飲品，我同朋友都叫咗熱黑糖薑母茶，唔會太甜，岩岩好！Spaghetti  carbonara  with  black truffle份量不多，意粉軟硬適中，醬汁香濃夠杰身開心果蜜糖pizzaPizza無影獨照，我地叫咗個開心果蜜糖pizza, 呢個pizza真係好好食👍🏾好特別，有少少開心果，口感豐富。蜜糖係另上嘅，你可以根據自己嘅口味點蜜糖食，個人比較鍾意加少少蜜糖嚟食，估唔到甜嘅pizza都咁好食👍🏾黑松露雜菌意大利飯份量多，醬汁濃郁，同朋友share食會無咁膩口，呢碟係最遲上嘅，我諗即叫即整，我地食完意粉同pizza都未到，仲驚漏咗單，即刻催單，原來係未煮好，一上到枱熱辣辣！下次排隊都會再食！本身唔肚餓，食食下竟然好食到食晒，其實見到佢仲有唔同特別

今次要介紹嘅係位於將軍澳嘅荳子，走西式悠閒咖啡店路線。雖然經常要排隊等位，但價錢上令人感覺物有所值。BEANS is located in Tseung Kwan O, is western café for leisure time. Although it often takes time in queueing, their dishes are quite price-competitive. ◽️厚吐司 (Toast) $58厚吐司有幾款口味可供選擇，而我哋就試咗伯爵茶口味同 Oreo 麻糬口味。伯爵茶味道較清香，吐司內有流心嘅伯爵茶醬，另吐司帶茶香味道。而 Oreo 嘅味道則較甜，吐司內有麻糬，質感頗為煙韌。兩款吐司上都配有雪糕同莓類水果，令味道更清新，值得一試。For the toast, you can choose from a few flavours, and we have chosen earl grey and oreo mochi toast. For the earl grey toast, earl grey lava is inserted insid

等左廿分鐘，不負所望，燒鴨蒸包配合得恰到好處，中菜西食。如果一個人食飯又想食北京填鴨，可以選擇呢個all day breakfast 整體不過不失，但窩夫普通白酒帶出海鮮鮮味，兩位友人都覺得份量太少，差d要兩個人食四碟跟餐加$25，性價比超高既綠茶紅豆蛋糕，入口濕軟微凍，綠茶香氣清新，紅豆甜度恰到好處，食完之後印證食甜品係第二個胃，值得推介原本想叫「我想和你無所事事」飲品，不過揀左食甜品，下次可以支持下

上司請食lunch一共9人，但店內沒什麼大枱，所以候位的時間較長啊！看著menu，猶豫要選擇邪惡的黃金蟹肉意大利粉還是黑松露軟殼蟹意大利粉最後選擇了要香香脆的軟殼蟹～～意粉一上桌時，就已經聞到超香的黑松露味整體份量不算好多，女生吃都算足夠黑松露醬果然用得好足！醬汁沾滿每一條意粉，味道夠香濃！！加上雜菌的菇香味，味道不會膩～～意粉的質感好彈牙！！軟殼蟹的size不大隻，炸得夠酥脆，但略略油了一點點！是整碟意粉的少少敗筆位～～軟殼蟹沒那麼油膩就會更加分呢！Beans這個品牌的食物質素都尚算保持得不錯以前光顧過另外的分店，而這是第一次光顧Pop Corn分店，但食物味道整體都幾好啊！