影片
港鐵香港大學站 B1 出口, 步行約1分鐘
繼續閱讀
營業時間
星期一至五
09:00 - 16:00
星期六至日
全日休息
以上資料只供參考, 請與餐廳確認詳情
20230306 西環 石塘咀熟食市場 好少黎呢頭番工食野，所以上google 睇下附近食評，然後見到呢嗰荳荳店評分幾高，而其中一則留言話店主好有人情味，疫後香港嘅生活我覺得哩個味道的確喺買小見小，所以就試下去食: 人情味。 我最初只係好奇所以先入黎，所以都仲未知有咩食既。一坐低就睇下餐牌有乜嘢食，我睇左30秒左右，就聞到小小人情味了😆，一位叔叔坐左喺我前面問我識唔識得辣嫁？哦，我小小都ok既。咁你想食飯定食麵丫？我想食飯呀，你有冇咩推介丫。咁牙，黎一個大盆骨飯好唔好呀，好多學生來哩度幫襯我都鍾意食我呢個嫁！咁因為本身其實我pk黎唔多鍾意“論骨”，所以我就問哩個係咪最拿手最受歡迎呀，店主就話我地嗰啲喇沙麵就最多人叫既不過你想食飯我就介紹呢個俾你囉😄。咁牙好丫咁我就要一個大盆骨飯。想飲啲乜嘢咁樣呢奶茶咖啡檸檬茶？因為我記得佢話有少少辣但係我又見出面街都涼爽所以猶疑左幾秒。細心既店主見到我選擇困難就問：椰汁好唔好呢？ （出面食野好多時呢啲都算特飲家嘛咪問下囉）椰汁都好丫，但加幾多錢呀？店主：送埋俾你嫁。我：好唔該曬，就椰汁丫😆 街市熟食市場始終就唔會話有好靚嘅裝修，而且佢餐牌嘅食物都係介乎39~45之間，2023年香港地黎講，真係算好平民嘅價錢啦…#我平民我驕傲 轉個頭佢已經放低左一杯滾水裝住餐具，然後擺低左杯冰涼既椰汁，而我就好欣賞佢咁細心主動用熱水浸往餐具俾我，因為今時今日香港好少餐廳會主動怎樣做了，好多時餐紙巾都未必會跟一張俾你，但哩個熟食市場入面呢間小店，佢一直俾住優質嘅服務態度俾你，當然杯椰汁都沖得好好飲啦。個飯黎到我就好大鄉里咁問，咦係咪啲汁倒落碗飯度嫁？有少少辣嘅湯黎嫁，會幾開胃嘅。個湯辣辣地的確係幾開胃，然後入面有啲瓜瓜菜菜咁樣啦，然後大盆骨就係4，5舊肉，加埋既份量就一定多過一個豬扒飯嘅豬扒，而且佢煮得好入味，亦都煮到骨肉分離，完全唔使輪骨，岩曬我呢啲懶人😆。 然後我見個份量禁夠，個餐又禁企理，我就再睇下個餐牌究竟幾多錢，但睇黎睇去都冇一個接近哩個餐嘅名稱，無所謂啦，因為我覺得真係幾好食，又好有誠意，我心目中其實覺得佢值68蚊以上架喇，就輕鬆從食完先再睇下幾多錢囉😄 食完最後開估啦，佢竟然距話係43。真係好抵呀，然後我都忍唔住問：我見你餐牌冇呢個餐，咁如果我介紹朋友過來食嘅時候佢應該點叫？佢話其實我好多嘢食都係個餐牌冇嫁，你地黎到咪同我地講睇我地有無囉，就算其他野都好好食嫁，咖哩啦咖哩我地又係整得唔錯嫁。我：但係你個餐牌都係冇咖哩喎🤣。店主：喺呀所以你黎到睇下問下有咩食囉🤣 成個經歷都好有趣，所以我記低左佢。
繼續閱讀
•光榮三眼仔餐 （配凍/熱飲）一上到枱，碟頭飯已經十分壯觀，分量很大，女生甚至可以兩人分食，三隻太陽蛋在面層，下方有一大塊雞扒和蔥油，還有沾滿豉油的飯。雖然所有材料都不是十分特別、名貴，但是配搭在一起真是絕配。值得一題是他的蔥油，有一種神奇的魔力令你一口接一口，再配搭豉油飯🤤，下飯整體而言，侍應十分友善，上菜速度迅速，特別是這個飯是它signature，價格親民，凍飲亦不用加錢，真是平民首選
繼續閱讀
今日過黎石塘做野 所以順便過黎荳荳店揾老闆 兼食晏今日天氣有d焗同熱老闆都知道大家都冇乜胃口 好貼心咁推介左肉骨茶同涼拌麵畀我同同事肉骨茶 配白飯 今次係第二次食 依然係咁好味排骨同蘿蔔都大大件 個茶又好飲配埋白飯一齊食 愈食愈開胃同事叫左個日本雞扒涼拌公仔麵個賣相相當唔錯粟米粒又夠甜食落去涼浸浸 好舒服解悶然後跟餐配左杯椰汁冰當然都係老闆推介架啦大大杯 超足料 飲到個肚好飽最後埋單都係40蚊一位 好味又抵食 真係成個石塘只此一間
繼續閱讀
住左喺西環好多年，以前好少去街市食野，因為覺得衛生同環境麻麻，不過自從食咗呢間荳荳店之後，成日lunch time 都想黎食，原因有三：1. 人情味 2.價廉物美 3. 好味又健康老闆真係好親切，態度好好，成日笑面迎人。呢度嘅午餐$3x -$40，包嘢飲，凍飲唔使加錢，我成日都會嗌檸密，同樣係唔使加錢。食物嘅份量都好足，味道出色，而且每碟都有唔少蔬菜，好似食緊住家飯咁健康咁！！有時唔想食飯會叫豬排/雞排炒烏冬，有好多芽菜同埋椰菜，仲有好多芝麻喺面，口感豐富，亦都好惹味，我個人覺得雞扒更出色，煎得香脆，肉亦嫩滑。見好多人都話hidden menu 嘅黃酒雞飯好正，所以都叫左黎試下。個湯配料好豐富，有好多木耳同埋翠玉瓜，直頭係營養均衡之選。湯汁有少許酒味，亦有杞子同紅棗嘅甜味，再吸收左雞肉嘅精華，送飯一流，巴絲係冇介紹錯呀下！👍🏻👍🏻真係有相逢恨晚嘅感覺!!!!!! 呢間係我嘅新飯堂，我一定會keep住幫襯嫁!!!😍😍😍
繼續閱讀
呢間小店在西環都有點名氣，除了食品出色外還有其開業時間唔係想食就食，首先他只開星期一至五，無早餐，傍晚六時就關鋪，係因為老闆娘身體唔好，老闆話請人又難所以晚上就不營業了，要食的話就睇緣份喇。今日天氣有點點涼，身邊很多人感冒，想補補身點了餐牌沒有的「黃酒雞飯+菊花姜蜜」，有4件大雞塊，酒湯香濃暖身，配菜有黑木耳、脆肉瓜、紅棗枸杞，今天的湯頭有點咸卻剛好送飯，滿滿一碟飯就這樣俾我K.O,重點是成個餐只要$40，仲想點呀！！另外友人不是很餓就點了「雲南田園米線」$28，雖然一塊肉都沒有但很有驚喜，大大碗素菜米線，唔係hea做，買相一流，女孩子&素食者不二之選老闆很健談，食物物超所值，但夏天就會有點熱因為街市的冷氣很弱，不過除了這樣、這個價格真是無得挑釁
繼續閱讀