荳荳店 (已結業)

作為一個常出外用餐的石塘咀居民，有時都幾悶。附近乜都吃過哂,要搵的平靚正已經唔多。荳荳店係石塘咀街市上面，我都有不時去食。價錢都幾大衆化。主要拉麵和烏冬為主，昨日吃了個咖哩雞扒腸仔火腿飯+涷Lemon tea. $28 好飽，唔夠飯又可添，老闆又幾好人，上次我叫東瓜鴨飯一想要菜底，老闆又ok唔洗加錢。拉麫d 湯老闆話唔用味精煲, 我唔係好識分有無落, 不過試過飲晒d湯又唔覺得好頸渴. 食過幾次都ok,所以推推。家庭式小店，各街坊唔係要求高可以一試呀

1月24日, 成日同呀比o係西環搵食… 食得多都有d悶… 於是就開始行遠d行遠d… 今日又行到去石塘咀街市. 成日經過呢間都覺得佢d日式又台式大碗飯好吸引, 所以就黎試下~::: 豬頸肉米線 ::: $16坐低咗又想食米線wor, 見佢咁平, 就叫咗個豬頸肉米線試下~ 米線湯底話係豬骨湯,配料有齊酸菜, 芽菜, 韮菜… 但奇怪味道仍然淡如清湯. 豬頸肉切得好幼, 可能比d韮菜粗少少, 同埋可能係碌熟嘅關係… 唔香食落亦無乜味. 總之成碗野都偏淡… 唔怪之得咁平…::: 鎮江骨飯 + 凍檸茶 ::: $22見佢係招牌菜, 所以試下~ 鎮江骨同飯分開上, 飯上面鋪滿椰菜絲同蘿蔔絲, 感覺上好健康, 賣相都幾好~ 鎮江骨份量好少, 得3件, 味道亦都比較酸, 對於我未食早餐有點剌胃, 所以都冇乜點撈飯~ 老闆仲有心問我要唔要多d汁添… 凍檸茶就中規中矩, 落糖水重手咗d…整體感覺麻麻~ 價錢係平, 但呢個價錢同隔離又差唔多~ 我寧願食泰國野好過~ 石塘咀街市仲有好幾間都未試過~ 下次要試埋佢~!