荷里活冰室

營業中

休息中

朋友話呢頭有間茶餐廳長期要排隊，咁就要試一試佢喇！佢呢到餐牌日日唔同，就算日日黎都唔會悶呀！好多人話佢午市個籠仔飯正，結果一行3人一齊試左佢個籠仔豆豉金菇豆卜蒸排骨飯！ 排骨咸又靱，豆卜乾得緊要，反而最好係金茹，入味但份量小。可能佢有個籠仔，感覺就高級少少，不過味道真係好一般。佢杯檸檬茶都算合格有餘，都夠濃夠茶味，但叫左少冰都好多冰。可能係繁忙時間，我地又食得慢，未食晒就比人叫交枱了。完全唔明點解長期咁多人快排隊，可能只係地理位置比較好。

間餐廳唯一做得啱嘅就係打風開舖 如果唔係 畀著平時班街坊熟客一定會去隔離左右食.靚門面 + 價錢會令人覺得所有嘢都屬於算尚可接受. 樓面團隊茶餐廳嚟講尚算細心有禮 可惜嘢食屬快餐質素 食完冇感想冇滿足感 純粹就係...食飽咗. 又一間比廚房騎劫嘅茶餐廳. 奶茶唔夠熱 牆身亦有積令人質疑衛生. 真係唔係去到冇得揀都唔會嚟 下次都係屋企食杯麵煎兩隻蛋算了.順帶一提, 收銀處有個疑似蒐集捐款嘅錢箱 但係箱面被遮擋 箱身亦冇寫明捐贈機構...

今日成班同事要一齊OT ，趁六點之前仲可以叫下午茶餐，五個同事即刻落單。全部餐都係$44好鬼抵食，仲要配埋飲品。我哋叫咗咖喱牛腩飯，牛腩份量偏小，咖喱汁OK，白飯份量超級多.瑞士汁乾炒牛河，瑞士汁好惹味牛肉好淋，牛河炒得唔錯.日式鰻魚炒飯, 配料鰻魚好少，其餘冇咩配料，炒飯比較失望。鮮魚湯蠔仔肉碎泡飯，呢個泡飯我最期待, 鮮魚湯底唔錯, 蠔仔份量亦都多, 呢個泡飯最好味。芝士焗豬扒飯，豬扒飯份量好多，仲要係炒飯底，不過豬扒唔夠淋，豬扒飯不過不失。

話說呢今次系第二次食呢間野第一次食 都無野事過左一排食就出事叫個早餐 沙嗲牛面 連炒蛋多士食到一半 咬下咬下 成陣甜味爆出黎個炒蛋甜架 系甜到漏個隻勁怪陣味甘我就問個侍應姐姐 請問你地嘅蛋系甜嘅？佢話：唔系喎 我話呢碟系甜 重要系甜到漏佢話：無理由 個個都系甘煮架啦點會你個碟甜呀（態度極差）佢話： 你覺得甜，咪落啲鹽囉。哇我頂呀，一個美麗嘅早晨。我只系想食一份正常嘅早餐。🤦🏿‍♀️🤦🏿‍♀️🤦🏿‍♀️重要甘受你氣。然後，我發現碗沙嗲牛個碗崩到一個點，點解爛到甘都可以比客用？ 間野求其到一個點，員工求其、碗又求其。垃圾呀！

一個人入茶餐廳食個午餐。照燒大切豬扒配稻庭湯烏冬，兩大塊豬扒，煎得好香好鬆脆，仲配埋火腿炒蛋和丹麥奶油多士。蛋炒得好滑，多士都烤得好香脆。稻庭湯烏冬，烏冬正常配埋粟米粒。呢個特餐實在好大份食到好飽。

今日8號風球真係唔係間間都開門做生意，好多都冇開門😌見荷里活又開，所以就行咗入去啦⋯⋯我哋叫咗兩份早餐，一個係雪菜肉絲湯米，另一個係沙嗲牛肉麵，之後就叫咗一杯鴛鴦一杯熱檸茶！兩碗麵都幾大碗，一啲都唔吝嗇!呢個係抵讚！因為好多男人早餐好多時都因為太細份唔夠飽，我覺得呢個真心係大件大件夾抵食，而且佢個飽丹麥酥，真係幾有驚喜！正常呢區附近嘅茶記早餐都冇佢咁抵！所以我覺得佢冇得輸！可能亦因為抵食嘅關係所以都好多人！不過我自己就唔太鍾意佢杯鴛鴦，感覺好稀，啡同茶味都冇，但奶就勁多😖！有啲難飲呀⋯⋯

新開試吓佢，以冰室收費佢偏貴💰⬆️，食物質素低（平嘢）、味道👎🏻跟收費不成正比，常餐腸仔有怪味侍應問我想點😤，之後換咗塊油淋淋午餐肉，下午茶生炸🐔脾餐配薯條配紅豆冰，生炸🐔脾冇味、紅豆冰勁淡味（紅豆椰汁水）沒有再下次囉👋🏻👋🏻唔會再幫襯😒

一早知道哩度拆完翠河 開依家哩間荷李活，但冇特別吸引一定要去試🥲價錢比以往貴😮‍💨to be honest加上附近有性價比更好嘅餐廳呀嘛🙂 （都係比真實意見姐）今日sunday 老公要出去快食所以去咗最近嘅 「荷李活」

今朝返工，發現有間新餐廳。前身係翠河轉荷里活，餐廳裝修好型，坐位坐得舒服，職員服務非常好好，有禮貌，火腿通粉好夠味，湯底濃，杯凍檸茶好飲，有茶味，不苦澀，唔怪得咁多人食。

路過QB, 發現有新餐廳, 所以試下. 而小米認得 : 同之前翠河D枱櫈擺位差不多wor! 在內堂就座後, 要做最重要的事 : 看餐牌. 我倆選好食物後, 要快快下單.   職員主動送上二杯熱水.    鮮魚湯蠔仔肉碎泡飯   剔走麵包類, 再剔走油炸的和公仔麵系列, 剩下的就是中式湯粉麵. 其中蠔仔泡飯感覺很清新,又是軟綿綿系列, 所以點選這款.    真身 : 大黑碗中央的泡飯, 在視覺上就變得很細小. 其實泡飯份量跟一般餐廳差不多.     蠔仔大大粒, 入口會爆漿. 但有粒蠔仔有蠔殼, 要小心!  泡飯粒粒分明, 有咬口, 仍然需要咀嚼. 享用期間, 要剔走薑絲... 蠔仔泡飯份量得足, 要努力地食呀食! VERY喜歡這個碗二邊有耳仔的設計. 職員送上泡飯時, 只需捉緊碗耳仔, 手指就不會接觸到食物, 所以覺得很放心.   咖哩牛腩飯    牛肉不多, 而肥膏和筋膜偏多, 薯仔軟綿綿, 咖哩很不算辣, 但帶有微微酸味. 肚餓的小米, 就把整碟咖哩牛腩飯消滅了!  熱奶茶     凍檸茶