莆田 (利舞臺廣場)

營業中

休息中

成日留意《莆田》嘅時令海鮮，四月蟶子、暑假鰻魚、十月大閘蟹、冬天海蠣，今次終於一嚐到哆頭蟶，食物水準整體不錯，服務又好，環境又舒服，所以期望嚟緊嘅鰻魚節。家常豬蹄凍 ⭐️⭐️⭐️⭐️口感清爽，豬蹄軟腍，少少辣幾惹味。白切羊肉 ⭐️羊肉細條又碎濕濕咁，羊肉唔羶又唔夠腍。金湯時蔬 ⭐️⭐️⭐️莧菜鮮嫩，上湯香濃。鐵板鹽焗蟶子 ⭐️⭐️⭐️⭐️+蒜蓉蒸蟶子⭐️⭐️⭐️ $228蟶子鮮甜肉質嫩滑，每款有12隻，推介鐵板鹽焗。莆田荔枝肉 ⭐️⭐️⭐️⭐️即係咕嚕肉，走菠蘿換咗做荔枝，一口咕嚕肉軟腍，汁唔會太酸。福建特色海蠣煎 ⭐️⭐️⭐️似潮式煎蠔餅，有啲煙韌感，海蠣多口感豐富。芋泥香酥鴨 ⭐️⭐️⭐️芋泥香，鴨太厚身較難咬，外層又厚身咗啲，做工粗糙。脆皮蒜香雞 ⭐️⭐️⭐️⭐️雞嫩蒜香味濃，皮薄香脆可口。鹽焗大黃魚 ⭐️⭐️⭐️⭐️⭐️去咗骨啖啖肉，食到魚肉味香濃，青花椒放面有些少麻香，必食推介。黃魚煲仔飯 ⭐️⭐️⭐️⭐️雖然無大黃魚咁厚肉，但都好味，煲仔飯+豬油+蔥拌勻好香滑，重點係有飯焦。興化炒米粉 ⭐️⭐️⭐️⭐️⭐️咁多海鮮炒埋一碟，米粉一定吸收晒所有鮮味，而且米粉爽口彈牙，勁好味！酥炒檳榔芋芯 ⭐️⭐️⭐️⭐️同反沙芋味道、口感差唔多，不過呢個係熱食，芋頭香濃軟糯，芋頭愛好

平時鍾意同屋企人嚟食晚飯，坐得好又唔貴。見到有啲新嘢香煎走地雞，叫咁半隻試下。陣陣焦香撲鼻而來，雞皮煎得金黃香脆，雞肉肉質結實，啖啖都充滿住雞嘅鮮味，食得出係真材實料嘅走地雞，完全冇雪藏味，正！跟住就係花蛤蒸水蛋，呢個蒸水蛋真係，而且花蛤好鮮味！宜家又咁啱係蟶子季，叫咗個鐵板鹽焗哆頭蟶。蟶子肉質鮮嫩爽口，鹽焗嘅做法更加能夠帶出蟶子本身嘅鮮甜，加上鐵板上嘅滋滋聲，真係色香味俱全。另外，石鍋滑豆腐嘅豆腐嫩滑熱辣辣、配上香濃嘅醬汁，好味！最後，叫個菜食。芥蘭豆皮芥蘭爽脆，豆皮香滑。

期間限定【蟶霸的季節】～莆田～福建菜❤️..係銅鑼灣想吃中菜🥢，來自新加坡🇸🇬 的福建菜餐廳會是你的菜嗎❓莆田由清淡純樸到濃郁鄉間風味，或是創新料理一概帶到香港；除左吃到傳統福建菜，而家仲會不定期推出期間限定菜單【蟶霸】8種吃法：由清淡清蒸到香口惹味，多變菜式～讓人期待😍。🔸豉椒炒哆頭蟶 $128期間限定🖤 豉香濃郁，蟶肉鲜嫩！配豆豉 & 青椒～肉質肥厚沒沙，配搭料頭夠惹味。🔸古法黃魚湯撈麵線 $158鮮香🖤 福建特色麵線細膩柔軟，吸滿黃魚熬煮的湯頭，格外鮮甜。🔸莆田荔枝肉 $98 /146酸甜🖤 莆田10醉～寶貝愛吃！福建傳統名菜，酸酸甜甜人人愛。荔枝夠香甜🤍🔸香煎走地雞 $188 /368姜香鹹香🖤 莆田10醉皮脆肉香，鮮嫩有嚼勁！香口菜式之一。🔸黃金荷葉包 $38 each醬香🖤 噴香的肉絲條，夾入酥脆荷葉包，滋味。🤷🏻‍♀️鮮貝燴絲瓜 $98鹹鮮🖤 超鮮！寶貝愛吃絲瓜吸飽鮮貝柱的海味鮮甜，一咬滿口鮮！..×××××ש銅鑼灣波斯富街99號利舞臺廣場7樓A號舖..

🌟佢哋限時蟶子節又返嚟當然要去食有八種食法，今次我試咗兩種口味兩款都肥美又鮮甜🔶 鐵板鹽焗哆頭蟶 鹽焗鐵板燒製，鹹香帶出鮮味令人回味🔸蒜蓉蒸哆頭蟶蒜香濃郁惹味加上豉油調味，令海蟶嘅鮮美更出眾，送飯佳選🔶 金絲麥片蝦外層的麥片及上層蛋絲，蝦肉彈牙外殼炸得香脆食唔停口🔶 桂花陳皮燉雪梨🍐清新又潤喉的甜品，燉雪梨燉到很腍身入口即溶化的口感環境整潔，座位好闊落，適合二人來或一家人來聚餐

店內環境精緻優雅，員工亦十分友善有禮與家人享用了豐富而美味的母親節晚飯推介：花甲蒸水蛋新鮮美味，滑不留手必點:九轉小腸，十分地道最難忘的是黃金酥皮牛助排，肉質鮮嫩👍酥皮香脆

想念家鄉的味道，來到銅鑼灣的莆田分店試試這裡的福建菜。店內裝修簡潔舒服，座位寬敞，用餐環境不錯。🐟百秒黃花魚魚肉很嫩，沒什麼調味，反而更能突出鮮甜味。🐥福州風味紅糟雞紅糟是福建菜裡很有代表性的一種調味料，帶著一點淡淡的酒香，味道很特別。雞肉煮得剛剛好，滑嫩入味，配飯很好吃。🥢九層塔香燜海蠣海蠣鮮味十足，處理得很乾淨，沒有腥味，而且好大粒。九層塔的香氣滲入海蠣裡，有點泰式的風味，幾有特色。🥬金湯時蔬汁底是淡淡的鹹蛋黃香，加上嫩口無渣嘅莧菜，清新得黎唔會好單調。🥄莆田地道豆腐豆香味很重，有少許似蒸蛋的口感，裡面有些蔬菜粒粒，幾健康。🥣燕皮扁肉湯扁肉的皮很薄，帶點彈性，裡面的肉餡調味剛好，湯底清清的，喝起來暖暖的。再加上一點芫荽和蔥花，味道更香。

莆田 - 哆頭蟶節今日介紹一間位銅鑼灣嘅中菜館，喺港九新界都有分店，就係莆田，最近就有限定嘅時令菜哆頭蟶。$228 兩道菜避風塘炒哆頭蟶 薄薄嘅炸粉非常香脆嘅蟶子，配上炸蒜，夠晒港式風味!豉椒炒哆頭蟶 豉椒炒蟶子火喉拿捏得剛剛好，蟶子夠晒爽口，非常惹味。莆田荔枝肉 $98莆田嘅招牌菜荔枝肉，酸酸甜甜，肉質軟腍腍油脂夠！石鍋滑豆腐 $98鐵板熱辣辣嘅豆腐，配上雞蛋、肉碎同埋大蝦。金湯時蔬 $88利用上湯配上蔬菜、蒜頭同埋皮蛋。地點: 莆田 (利舞臺廣場) (銅鑼灣)銅鑼灣波斯富街99號利舞臺廣場7樓A號舖

位於銅鑼灣嘅莆田已經開業多年，餐廳最近推緊新嘅菜單，有唔少新菜式可以選擇。當中包括黃魚煲仔飯，古法黃魚湯撈麵線，香煎走地雞等等。蒜蓉蒸哆頭蟶蟶子粒粒飽滿，蒜蓉入口好香濃，配埋熱油一齊食，喺一度非常有風味嘅菜式。脆皮蒜香雞蒜香雞入口皮脆肉嫩，有香濃嘅蒜蓉香味，雞肉入口唔會太過肥膩，雞皮皮下嘅皮下脂肪唔算多。海鮮撈麵呢一個撈麵非常之有特色，麵條入口彈牙，非常之掛湯，聽聞呢一個嘅煲湯係熬煮多個小時，所以好入味。整體嚟講，每道菜色都有佢嘅特色，食物質素非常之唔錯。

所謂家鄉的味道，並不是我的家鄉，是我父母親的家鄉，味道不錯，服務態度也很好，最有趣的是那部機械人，你說他方便嗎，好像也不是，你說他很有用嗎，好像也不是。不錯不錯，下次再來。

今日我去到位於銅鑼灣嘅莆田食飯，啱啱進入店舖，就見到已經差唔多滿座。香燜海蠣每一隻海蠣都好大隻，入口鮮甜可口，外皮亦都炸得好酥脆。媽祖平安麵麵條夠晒多，口感好幼滑，加上有雞蛋絲，紫菜，蝦肉等等，令到成個麵條嘅味道好豐富。蒜香脆皮雞脆皮雞外皮炒得好香脆，入口唔會覺得好油膩，蒜頭嘅味道滲入左去雞肉入面，令到每一啖雞肉都有蒜香味。另外，佢哋嘅雞肉唔會煮得太過火，肉質嫩滑，火候控制得好好。燜豆腐豆腐入邊釀咗唔少嘅蔬菜，肉碎，再經高溫烹調而成，令到成個豆腐嘅口感非常之豐富，加上呢度菜式最有特色嘅係有陣陣嘅焦香味，令到成道菜菜式都好有風味。整體嚟講，今餐每一樣嘢都幾有特色，味道亦都非常之好。

喺銅鑼灣行緊街，夠鐘食晚飯，二話不說衝左入莆田～必點炒米粉，繼續保持水準～石鍋豆腐夠曬滑，熱辣辣，無敵正！必點甜品冰心榴槤～榴槤味道香濃，食過番尋味～～下次都會再嚟食～

莆田海鮮麵，源自福建莆田的經典佳餚🥰，其湯底精選鮮活海鮮慢燉而成💕海鮮涵蓋貝類、魷魚圈、大蝦等多樣選擇，麵條筋道爽滑。製作過程中，😚先烹煮海鮮，再下入麵條吸納湯汁。芋泥香酥鴨，這道菜中的鴨肉風味獨特✨頗有幾分燒鴨的韻味，外皮香酥，內里肉質鮮嫩多汁。海蠣煎這道菜真是料足味美，😍每一口都能感受到滿滿的海洋風味，味道令人贊不絕口。而荔枝肉這道菜，其口感和做法與咕嚕肉有些許相似，甜中帶酸，🥢外酥里嫩。

門口接待著黑衫黑褲短髮男性打扮女店員，態度超差。原本一直覺得呢間野嘅食物質素唔差，但見到「佢」個「X口面」，直頭想反胃，俾說話你聽。想問下優惠詳情，唔helpful都算啦，最後用超差嘅語氣走過嚟講「唔整就唔好整。係咪埋單呀？」仲有，開頭明明門口有幾張吉枱，但佢直接安排左我哋坐一張路邊窄身枱或者另一張廚房出入口嘅圓枱。 我問有無其他選擇時，佢連人影都無。好彩其他店員好好，主動俾另一張梳化位。補充：其他店員態度係正常偏好嘅～ 只係「佢」係最差啫。無奈地，劣評係俾態度超差嘅黑衫黑褲女店員

當然食番個盆菜，撈起，新春套餐推介哩個新春如意二人餐，埋單免茶免加一，二人餐係＄888，份量多到三個人都夠食1️⃣風生水起•煙三文魚撈起 2️⃣盆滿缽滿•鲍鱼大蝦盆菜 3️⃣鴻運當頭• 海皇魚翅羹 4️⃣萬事勝意•鮮貝燴絲瓜 5️⃣媽祖平安麵6️⃣甜甜蜜蜜 •桂圓銀耳湯 特別喜愛風生水起，店員續一把配料倒入，一邊會如意吉祥說話，並會紫菜，脆片，煙三文魚，麻油，芝麻，花生，胡椒粉調味，一拼撈起來，寓意新一年大家揾多啲💰大家撈到風生水起味道甜甜酸酸，前菜開胃，主要為蔬菜絲，蘿蔔絲重頭戲盆滿缽滿鮑魚、瑤柱、豬婆參、魚標、髮菜、大蝦、鵝掌、蟶子乾、花菇、燒肉、豬手、福州魚丸，12種食材，味道不會過鹹！鴻運當頭海皇魚翅羹，高湯加上十幾款材料煨燉，味道鮮甜，加上紅醋更為點綴萬事勝意鮮貝燴絲瓜，絲瓜爽口，用上乾瑤柱絲帶點鮮味媽祖平安麵寓意健康平安，匯入多款食材加上幼滑麵條

莆田推出盆菜、撈起及新春套餐🧨 每款套餐可供二至十人享用～唔使等過年，依家已經有得食啦📣！豐衣足食麻！所以佢地啲portion都好大！呢個2人餐夠晒3個人食飽飽🫄🫃🤰🏻！ 🪭《 如意2人餐 💲888 》🪭（原價 $1103）➿➿➿➿➿➿➿➿➿➿➿➿➿➿🎏 《 風生水起•煙三文魚撈起 》店員會每放上一款材料都會講意頭說話，最後大家就一齊拎起筷子「撈起」！有氣氛👍🏻🎏《 盆滿缽滿•鲍鱼大蝦盆菜 》 滿滿的有鮑魚、蟶乾、80頭大瑤柱、豬婆參、大蝦、大鵝掌、豬手、花菇、福州魚丸分別經過煎、炸、燒、煮、燜、滷等烹調手法🍲湯汁以老母雞、鴨掌、豬後腿肉、蠔乾etc熬製而成，香郁不咸膩～ 🎏《 鴻運當頭•海皇魚翅羹 》鮮甜，而且用上小蠟燭保溫幾細心～ 🎏《 萬事勝意•鮮貝燴絲瓜 》同樣有用蠟燭保溫，讚讚～ 絲瓜清甜軟腍，鮮貝嫩彈～🎏《 媽祖平安麵 》 麵條份量多，配料有炸肉棗、四季豆、筍絲、冬菇、蛋絲、蝦、蟶子，鮮味又豐富～ 💓《 甜甜蜜蜜•桂圓銀耳湯 》最後仲有兩碗滋潤糖水，好岩秋冬乾燥嘅天氣～ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱🪭🪭🪭可詢問店員索取新春優惠券🪭🪭🪭莆田1月12日