莊園韓國料理 (已結業)

莊國格局像70-80年代的老牌韓燒店，當時不會引入什麼新潮韓菜，賣的是正宗韓式料理。最具代表性的尖沙咀地庫舖的「滿拿 」早已結業，莊園可說是它的餘種，已開業三十年多。宵夜時段人不多，不用等待。營業至凌晨4時。韓式小菜有9小碟，碟碟都不能錯過。非常地道，除了典型泡菜，芽菜，另有韓國粉及淹薯仔，不再獨沽一味。其實客人不用另點白飯及湯，因為每點一樣餸，都會跟白飯及湯的。牛肋骨份量相比新羅寶多。而且肉汁多，但近骨的肉質有點刃。其餘都很惹味，得點了2碟才罷休。必試雞肉不算滑，味道還是可以五花腩想吃豬肉，店員推介。但我並不喜歡，肉不嫩，好刃又沒豬香味，本身已乾，燒完再乾多一成。放棄之。我爸媽是吃貨，他們曾說過：如果枱上有碟鹽供應給自己調味，那才是正宗的韓燒吃法。

去完THE ONE睇戲都成十一點幾，諗住係附近食嘢，諗起條韓國街，去到間間都話就收工，仲諗住何能今晚無飯食，好好彩真係好好彩驚訝地有間收零晨五點喎！立刻走入去!炒粉絲粉絲分量好多，三個人分都足夠，熱辣辣蒸氣不斷湧上黎。炒粉絲唔濕都唔油，有牛肉絲、蔥絲、蘿蔔絲同椰菜絲好足料。調味醬好香，清清地，唔錯。韓國火鍋煲呢排咁鬼凍，唔洗多諗一定食火鍋煲最好不過咖啦，韓國火鍋煲咩都有，香腸、翠瓜、午餐肉、年糕、椰菜、洋蔥等等。不過最愛都係個湯底，夠濃夠辣，辛辣湯仲要有火鍋熱住，好暖咖！

今日平安夜，出左尖沙咀食韓燒，呢間韓國菜店系我最想去ge一間，原因系因為距系老字號，起尖沙咀開左成30年，所以我地就來。介紹一下D食物韓式前菜九小碟（免費)有辣泡菜，辣豆腐，辣蘿蔔，芽菜，菠菜，薯仔等前菜，都幾好味，尤其系個泡菜。 燒鹿肉$150味道好似牛肉，但系比牛肉韌小小。燒牛利$100比較韌，唔推介。燒羊肉120肉質甜味十足，唔會太蘇，可惜我唔記得影相。講下距D服務，距D服務都幾好，我地一坐低就送我地前菜9碟，一見我地就來飲完水距斟水比我地。後會有期！

上個星期六屋企人同我食生日飯，因為隔離鋪個staff態度差所以等依家，我同媽咪到左先就等，點知有位果時又話人齊先入得，咪再等，媽咪已經唔多高興話一早又唔講，因為屋企人搵唔到位泊車。之後個人話俾我地坐低先，唔係就要等多成粒鐘。坐低之後我見好多人都叫人蔘雞湯就叫左，之後一個燒肉拼盤。等另外三個屋企人來到就叫埋海鮮煎餅，錦石頭鍋飯同牛肋骨肉（燒的）。因為我地4個女，一男。爸爸又食得唔多野。首先配菜都ok，我本身都中意麻油菠菜同芽菜，但個泡菜好酸，一啲都唔中意。跟住燒肉拼盤有豬，雞，牛各兩塊加蝦兩隻同幾件魷魚圈。啲肉超級考人牙力。。咬唔開！好差囉。明顯係好cheap既肉牛肋骨肉就好啲，但明顯比之前系其他地方食有出入石頭鍋飯，無飯焦既。。。 得個辣字海鮮煎餅，ok la 無特別最後燒哂肉佢先會整個人蔘雞湯，用火燒住佢。我好有期望架！成$250點知。。。咩味都無，好似烚雞肉咁 我寧願佢細煲啲，整好味啲，爸爸已經蓋住等佢個味再出啲，但，只係好小小。。之前系銅鑼灣食過都唔係咁。點知黎到所謂既韓國街就食到啲咁既野，我唔會再黎依條街食野

今日同朋友夜晚專登搵韓國野食朋友太肚餓 吾想行 所以入左一間 我睇到外表都覺得又舊又細的店 “莊園” 吾洗等位既情況下 入到去 第一感覺 “煙味四圍飄” 因為大家都燒梗烤 哈哈 之後安排入座後 我地點左大醬湯 五花肉 雞肉 十五分中內上哂前菜同埋所有野食 很有效率 ：） ps: 有個咸咸地既醬係for點肉食的 幾香 每次點少少就好 因為真係幾咸=_=講講食物 ……1.)五花肉  我第一次食 覺得有少少韌 可能本身係咁 韌韌地 但都okay 有少少肥膏 燒出黎幾香口的2.)雞肉 幾好食 肉質淋 哈哈 呢個好味3.)大醬湯  第一淡 濟飲爆咸 但配埋飯一齊食就好正 入面有蜆肉 有蔥 豆腐 總有綠色辣椒 我剛才誤依為係蔥 咬左一淡 辣到爆炸；（ 但配飯食 一流

大年初二，在海港城看畢煙花匯演，蜂擁離開的群眾填滿了廣東道。想食個豐富的開年飯，又不想同人迫，在同行朋友介紹下，第一次來到金巴利街。金巴利街不愧「韓國街」之名，一邊幾乎都是韓食店。新年流流，店舖都打烊過節，僻靜的大街上唯獨兩間食店營業。我們光顧的「莊園韓國料理」有十數人在門外等位。店面廣告說，莊園韓國料理是蔡瀾 150 間最常去的食肆之一，我們抱著滿滿的期盼入去，結果亦非常滿足地離開。點菜後，店員隨即送上九款泡菜，款款出色。一行四人，各有喜好。我最愛辣泡菜，味道調得剛好不會過辣，亦喜歡清爽的大荳牙、皇帝菜。我們合力把泡菜清光，只留下一塊醃魚無人問津。我吃了一口，咸味不重，不喜歡醃魚的我都覺得不錯。是日推介菜色是生牛肉。未食過韓式生牛肉的我，事前沒想過牛肉是甜的。生牛肉非常新鮮，韓國人愛在肉中加入雪梨絲，令這道菜帶有突出的清甜味，混入生蛋後，肉質變得更滑。生牛肉打成肉碎，令它易於入口，冰冰冷冷卻沒有雪味。我們一致推薦這道出色的美食。記得不要將生牛肉放得太耐，因為剛上桌時的冰冷狀態是最好吃的。蛋卷是韓國家庭常做的蛋料理。廚師將甘筍、雜菜放在蛋裡一起煎，再捲成蛋捲。蛋味香，雜菜則增添清香和口

因為呢間鋪每一晚都座無虛席,係冇訂位服務架! 我係冇耐性既人唔鍾意等位, 所以6點幾就到啦!好唔應該咁坐左好耐, 竟然冇俾人趕... service唔錯, 見我唔識較個火, 成日走黎教我...3個人食個牛肉八爪魚湯鍋+勁多配菜一定夠食, 個湯鍋入面除左牛肉同八爪魚之外, 仲有不知名又好新鮮既菇仲有翠瓜, 豆腐, 菜, 年糕, 粉絲 etc etc etc...個湯勁好味, 夠濃夠辣! 正正正! 滾滾下唔夠湯可以加湯外加Korean啤酒一罐, 勁relax所以唔覺唔覺就坐耐左...如果驚唔夠食就加個公仔麵啦!好正架!炆牛肋骨煲唔係度度整得好食, very traditional dish, 好入味, 又腍, very good韓式炒年糕年糕腍, 口感chewy少少甜, 唔錯 唔錯不過係有野飛黎飛去既...裝修要攪下啦, 有少少殘...

這店陳設很舊，直覺食物應該不錯。打開餐牌有點吃驚，每樣食物都超過100元以上，點餐其間沒有人來招呼我們。因為是午餐，我們隨便點了石頭飯及牛肉湯。味道是家庭風，味道有點淡，談不上好吃。其間更有蒼蠅飛來飛去，衛生情況十分一般。還看到他們把預見弄好的前菜放在其他抬面放涼！總結：性價比低，衛生差，服務一般，以後不會再來了

星期五的韓國街間間都好多人決定去老字號的韓國燒烤料理 - 莊園. 開了大約30年. 沒有訂位服務7點半去到，等到8點半先入到座. 叫位個哥哥好細聲,而且叫得好快, 要企定定等叫, 唔留心就miss左.只有2人, 叫了牛肋骨肉, 牛利, 原來跟白飯, 所以放棄叫石頭飯牛肋骨肉已切開, 我喜歡完整的, 自己剪, 賣相會較好牛利, ok lar食物不算最好, 但可以...覺得莊園的食物已調節至香港人好味, 好像沒有真是韓國人開的店味道環境一般, 不太大, 好嘈.偷聽待應與熟客吹水, 原來銅鑼灣的莊園已賣給別人, 所以沒有白飯送,價錢不同

繼上次試過韓國街兩間食肆後，今次來到第三間 - 莊園韓國料理。這一家是韓國街歷史最悠久的，開業達三十年之久，更是蔡瀾推薦的名店。平日晚上六時多抵達，尚未需要輪侯，一行四人剛好有位（少於四人，很大機會要搭檯啊）。七時後客人紛紛湧至，門外企滿輪侯的食客。第一眼看到餐牌，不禁有點驚訝，因為幾乎每一道菜都 >$100（連紫菜卷壽司也要 $100 ）。不過看見人客之多，相信價錢貴一定有其原因吧。前菜十小碟，包括泡菜、甜薯、奄魚、豆腐、皇帝菜、芽菜…還有一些連名字也不知道。當中最出色的是泡菜，甜辣剛好，非常開胃。其他前菜同樣不俗，全都清爽好吃。韓式炒粉絲，粉絲炒得乾身入味，配上青瓜絲更覺爽口。炒粉絲的性價比不高，其他食肆相同水準，可能平一半以上啊。錦石頭鍋飯，選配雞肉。這個石鍋飯是我吃過最好的，特別適合飯焦愛好者 石鍋熱燙燙，底部邊位滿是飯焦。雞肉鮮甜，就這樣拌勻已經很入味，不用再下甜辣醬。海物煎蔥餅，中間厚而軟身，邊位薄且脆。吃不出什麼名貴海鮮，但仍然覺得這個煎餅很好吃，滿是蛋香。韓式炒年糕，泡菜汁非常惹味，有想另加白飯的衝動。年糕煙煙韌韌，但不太掛汁，還有很入味的洋蔥絲、韓式魚片、紅

首次光顧, 沒期望, 結果ok各式冷熱前菜, 一一送到, 其實從來到韓國餐我都對前菜有期望, 誰不知第一次在這裡吃到了一些熱的前菜, 是特色? 冷熱前菜十款左右, 各個都很好, 很味美醃的肉本身質地不錯, 雞嫩牛肋骨去了骨容易入口肉滑, 醃的味很入味, 超讚有些豬肉加上其他應有的配菜, 飯能在夠熱的石窩裡煮出飯焦, 很難得 汁醬味道很好, 令人有添飯感覺不過不失的泡菜湯, 雖然不是最好味道的, 但也能滿足一時想的韓菜慾望! 味道令人開胃, 不過不夠泡菜應有的濃味

那天和朋友慶祝生曰. 朋友帶我到了一間老字號的韓國燒烤料理. 原來這間店, 巳開了大約30年. 我心想, 30年都屹立不倒, 一定有它的原因. 去之前以為朋友巳訂了位, 誰不知原來30年來, 都沒有訂位服務! 嘩! 我們心諗, 為有一早來排隊, 不過那天實在很幸運, 不是太多人, 很快便有枱了.一坐底, 想了一會兒, 我們点了猪, 雞, 羊, 猪腩肉. 不到5分鐘, 店員便拿了十幾款韓式配菜來, 比其它韓式料埋的配菜, 多了很多種款式, 芽菜也有兩款, 放滿全枱, 還有食完可有免費添加, 正!跟着來的當然是主菜! 每道口味都有不同的特色, 選料一流, 用不同的調味腌製, 肉質新觧, 和其它韓式燒烤店很大分別.最後跟着便是朋友切生曰蛋糕的時間, 店員說我們不如轉個位置, 原來他們細心地一早準備我們帶來的生曰蛋糕, 又備有叉和諜子, 服務窩心. 值得一讚

Went with a group of 7 people, including two Koreans.Everyone knows that Korean barbecue comes with lettuce. Not in this restaurant. When we asked for it, the waiter only said one word: "Order!". This place looks cheap (one-time-use chopsticks etc.) but is very expensive. My Korean friends have been to a Korean food place in the nearby fancy Mirama shopping center that has better deco, better service and lower prices!!!! The food tastes good to me, but the value for money is really low.We were r

聽人講，lee間嘢貴但好食。但點知，係我第一間打電話去食環署投訴有老鼠！！係，有老鼠！！我食食下右面有野掉落地，一心以為掉左野想pick up 佢，點知feel 到有毛，重懂走架!!立即嚇到跳起來，原來對面一對食客都見到，男食客見到條尾！！so freaking!!!!! 當時真的驚到坐不到，個waiter話你走啦，我唔收你錢！！嘩，of course!! It s rat!!!! I ll never never go there again!!!!! 

慕名而來到有韓國街之稱O既金巴利街食韓國野, 揀O左呢間, 因為只有呢間有人等位, 和朋友邊傾計邊等, 等到天荒地老先等到個位.........入到去要坐張 U 型枱, 我地坐一邊, 另一對男女坐另一邊, 變相即係同人搭枱 =.=''因為得2個人, 又眼見人地枱上面D野食好似好大碟, 唔敢叫多.......雖然話得2個人, 但佢D 前菜一D都唔吝嗇, 有成10小碟~~好開心見到咁多小菜~~~叫O左1個豬腩肉燒 + 辣炒年糕燒個豬肉好食, 佢本身冇醃, 但係佢有個麻油+椒鹽O既野去點, 已經好好食~~雖然只係叫O左2碟, 不過2個人都食到飽, 好彩冇貪心叫多野食...... 到最尾佢仲俾O左塊韓國香口膠, 可能因為韓國菜用蒜個D香料比較多, 食完可以用O黎辟味......XD